[遊記][多圖]我在瑞士的14日

係瑞士好興呢種搭小火車遊城市既city tour, 基本上只係得外國人會搭, 從來未見過有亞洲人會玩呢種city tour


終於行到地圖中間地標位置, 我見地圖畫到個樣好似係教堂咁, 以為係D乜特別野, 點知竟然係一間casino
對於casino完全無興趣, 求其snap一張就算
btw佢附近全部都係名店, 好多強國旅行團逼晒係到


每次去旅行都會特登睇佢地既地產鋪, 瑞士既樓價有幾貴呢? 圖中一座係murren既獨立屋要590000 CHF,
大約係472萬港幣, 香港應該買到個3, 4百尺單位掛


決定左遊湖後就折返火車站, 因為個碼頭係火車站隔離
回程途中順便睇下有無麵包鋪之類買個包當LUNCH, 最後去左SUBWAY
係瑞士咁貴既物價黎講, 我覺得SUB OF TODAY真係幾抵, 5.5CHF就有一個大包食得飽你
買好左之後就返去Interlaken OST既碼頭等搭船遊湖啦, 個到有間CAFE, 叫左杯熱朱飲下, 順便食埋個SUBWAY, 最後俾個STAFF提醒唔可以食外來食物, 叫我地唔好食得咁張揚

黎到瑞士當然要試下出名既熱朱古力, 又真係好好飲, 個塊曲奇都好好食


偷偷地食埋個subway


坐坐下我覺得有D唔對路, 因為我地打算搭2點既船去Thunersee遊湖, 但到左差唔多時間都唔見有船
原來係睇撚錯左時間表
下面就係時間表, 俾佢FAKE左(其實係自己ON9)
我地見到14:00係Interlaken OST有船出發去Thun, 但原來唔係咁睇
佢14:00個班係火車黎, 佢既意思係叫你14:00係Interlaken OST搭火車去Interlaken West, 再轉14:10個班船去Thun
我一直以為係14:00係Interlaken OST上船, 佢會兜去Interlaken West再去Thun


不過好彩及時發現到自己柒左, 可以即時補救返, 準時14:00去返OST既月台搭火車去West
其實呢班係IC黎應該會貴D, 不過有PASS就無所謂, 有車就上


由West去Ost只需要2分鐘, 落車後狗衝去碼頭趕14:10既船, 去到發覺ticketing已經close左, 個staff話可以上船先買飛, 咁就立即上船再算, 好好彩趕到

係到提醒下大家
如果你想遊Thunersee, 你應該去Interlaken West
如果你想遊Brienzersee, 你應該去Interlaken Ost
千其唔好搞錯

大家都知瑞士有好多個湖, 有湖既地方9成都有得遊湖
我地揀係Interlaken遊Thunersee既原因最主要係Swiss Pass有包埋, 遊Thunersee係免費既

上回提到我地衝左上船, 1, 2分鐘後就已經開船, 呢個時侯我朋友突然神色凝重咁同我講 "喂, 我好似漏左張Swiss Pass係Locker呀"

下!!!!!!!!

到最後當然走唔甩要補買飛, 由於我地遊船既終點係Thun, 所以Thun搭返去Interlaken Ost個程火車都要補埋, 個船員話可以係到一SET過買, 就係咁我朋友要俾5X CHF去體驗遊船啦

後來佢俾完錢後好DOWN, 我唯有安慰佢at least而家停左雨, 既然俾左錢就更加享受下呢個遊湖活動啦
可能天氣唔好, 係Interlaken Ost上船既遊客都唔多, 所以我地可以係甲板走黎走去影相

出發去遊湖了, 天氣差, 但至少停左雨已經好開心


架船用一個好慢...好慢...好撚慢既速度前進, 不過都好, 多D時間影相同埋欣賞周圍既景色
兩旁都係綠油油既草地, 雖然好似講左好多次, 但都係個句, 如果好天既話一定好靚


係岸邊仲有D小動物好似鴨同牛咁


瑞士D山真係好靚


以為轉左個彎就會出到Thunersee, 點知原來仲係條河到


穿過橋底


係樹林中間隱約見到遠處好似有藍天


突然開始好期待, 唔知轉埋呢個彎後會唔會有奇蹟出現呢


一轉完彎, 真係有奇蹟出現
原本係Interlaken時都係烏雲密佈, 點知一出到個湖後竟然係藍天白雲
再一次對瑞士既天氣感到好震驚, 根本就亂鳩咁黎
真係好好彩有堅持遊湖


不過係到都要講下, 始終佢都係多雲, 同埋可能岩岩落完雨, 能見度唔係太好, 同埋最重要一樣野係大部份有VIEW既角度都係大背光, 睇上面張相就知, 首先係比較多雲, 雖然都有太陽都無乜光線, 能見度都柒柒地, 後面座山長期好似KEY上去咁
最後最重要都係背光, 所以座山永遠都影唔得好, 係到強烈建議大家如果想去Thunersee遊湖, 最好揀朝早去, 一定會靚好多

開始貼大自然(算係掛?), 希望多D人睇啦
其實個湖好靚, 但好多原因加埋令到D相柒柒地, 好想再去多次

由條河轉出個湖後, 個VIEW真係非常靚, 如果再好天D就好
後面有座唔知乜野山, 一直處於"有層野係到"既狀態, 加上背光, 到最後都係柒柒地
不過見佢俾D雲霧圍住都幾正


隻船開得好慢好慢...所以唔怕MISS左D風景, 仲有時間俾你係甲板周圍走睇晒唔同方向既風景


遇到一班應該係由Thun開過黎既船
同我而家搭緊既係一樣


經過既時候對面D船員同遊客都不停揮手


真係好似張POSTCARD咁, 如果D光線再靚D就好, 我建議都係朝早遊湖會靚好多


遠處既山脈始終係雲霧之中




湖邊既村落, 住係到應該好正


wide鏡
其實靚到好似一張畫, 但我影得柒柒地唔好意思, 大家去Interlaken時真係要去遊湖, 比想像中更加靚, 仲要Swiss Pass包左, 唔駛錢架!

另一個方向就無咩好睇




有陽光之下Thunersee真係好藍好藍
不過今日既能見度真係麻麻, 又背光


d雲霧去到好低, 幾有世外桃園feel


係瑞士成日見到呢種無啦啦有幾間屋係山到既情景, 其實到底係有人住定點???


呢兩姊妹好搞笑, 個妹係咁搞家姐個頭, 家姐掛住睇相完全唔理




同船仲有一班學生, 有幾個感覺大個左會好靚


左邊船頭既係佢地老師, 根本成個黑社會咁

途中見到有條瀑布


咁樣睇又幾靚, 有D似係十六湖睇咁


條瀑布都幾高, 似乎都係一個景點黎, 不過我就唔知係乜


唉, 好似key圖咁


唔知係D山高定雲低, 每座山都俾D雲霧cover住


d雲好正, 睇落好似座山噴緊煙


瑞士D雲成日都係好誇張, 唔知點解


山丘上既民居同天秤, 呢到既地形都幾特意


唔知呢到個鎮叫咩呢? 有機會既話都想去睇下, 似乎好靚


基本上個湖都係俾唔同既山丘圍住, 最衰好多雲, 影出黎柒柒地


以前一直都想影呢D山丘+小屋既相, 係呢到就任影




我諗係教堂?


再好天, 多D陽光就更好啦

我覺得呢D鎮好正, 後面係山, 前面就係湖


不過應該好唔方便, 就咁睇乜都無, 定係D屋其實係俾人渡假多


D屋分散係唔同山頭到, 有D唔明, 真係唔知係咪有人住緊


呢到真係好靚, 好有渡假feel
未遊湖之前我無諗過會係睇呢D景, 我以為好HEA係個湖中間會無咩野睇, 原來佢都會靠岸邊俾你影下相



自己幾鐘意既一張相, 好多景點都會見到有老師帶成班學生去參觀, D學生又真係會投入個活動, 如果係帶香港D學生出黎遊湖, 分分鐘係坐埋一二邊玩電話


呢個女仔不停KEEP住食野, 睇清楚D先發覺佢係成條紅椒就咁生食


呢隻船都有D中途站, 時間夠既話都可以落船行個圈, 再等第二班船繼續行程, 當然你要有pass
真係唔太多知D地方名係乜, 只係見佢開始埋岸


應該都係D渡假區, 碼頭都好靚

靠岸時發覺呢到真係好靚, 同埋成日覺得佢唔似湖, 似係海邊多D
見到呢D碼頭同海(湖)岸, 有少少諗起克羅地亞, 好掛住佢個海


不過呢到既密度又幾高, 成個山頭都塞滿晒屋


有座好靚既白色教堂


睇真D個鐘樓同主體原來係分開, 咁既design好少見
不過我覺得呢座教堂隻色真係好靚, 唔係好識講


瑞士既湖泊真係無得輸, 有陽光照射下閃令令又藍藍地色, 有D唔真實既感覺


好多遊艇, 應該就係渡假區啦
唔知住係到係咪貴到仆街


後面個座三角形山....唉我唔識講




靠近左另一個小鎮, 我無留意佢叫咩名


不過感覺幾好, 有機會既話好想係呢D地方到HEA


d水咁清, 都有唔少人玩水上活動
不過講返轉頭, 雖然見到岸邊有好多遊艇, 但我好似無乜見過真係有遊艇開出個湖到


有D類似城堡既野, 其實瑞士係無乜城堡, 就算有都唔係你地想像中好似德國天鵝堡個TYPE
頂多就係呢張相咁既規模咁, 唔好有太大期望
不過後來我發現左瑞士有另一個比較冷門既地方有似樣D既城堡, 而且個到好撚靚, 遲D再介紹下


山區既天氣就係亂鳩咁黎, 我係湖中間好好太陽, 對面山就好密雲
我自己一直好想睇呢D綠色山丘, 估唔到遊湖時會睇到

lm

特里布湖果d相靚到仆街

唉, 早知唔上山頂, 一早係湖到落車就好啦
天氣唔好真係收皮, 浪費左成日

瑞士真係好撚靚

繼續行程, 見到山丘上面有一大片葡萄園


個地形好特別, 會係呢到地方種葡萄


成個山頭都係葡萄園, 好靚


話說瑞士D酒都好似幾出名, 應該就係因為呢D葡萄園啦


到底瑞士有無一個鎮係無天秤




終於見到呢座比較特別既城堡, 係唯一一個我遊湖之前已知既會睇到既景點
佢叫Oberhofen Castle, 13世紀時已經係到, 係瑞士既其中一個重要文化遺產


不過佢就無另一座同樣起係湖邊既城堡(Chillon Castle)咁出名啦, 其實我覺得Oberhofen Castle靚好多


幾有特色, 不過我地今次無機會去參觀, 只可以係船上面睇

話說係Oberhofen Castle旁邊其實有座好搶眼既紅色天秤
但我朋友唔知點樣可以就下角度全部避晒, 好厲害
以下係佢既相






又真係影唔到

到左Oberhofen Castle既話, 代表遊湖都就快完, 因為已經進入Thun既區域啦
真係好想掉左個紅色天秤


有時間既話其實可以係到落船去參觀, 呢個鎮叫Oberhofen am Thunersee, 無咩睇過中文遊記有介紹佢, 如果有機會再去Interlaken既話一定會抽D時間去睇


瑞士真係周圍都會掛自己國旗出黎, 呢個對於影相黎講又幾好


住係呢D地方好似好正


又有教堂, 果個搶眼既紅色鐘錶面唔知係咪standard黎, 好似好多教堂都係用佢




到左另一個站, 唔記得咩名啦, 但印象中係尾二既站, 之後就會到終點Thun

遊湖既尾聲
係山中間有座唔知乜野, 估計係酒店


差唔多到Thun, 見到另一座城堡, 其實係博物館黎, 叫Schweizer Gastronomie-Museum


呢座博物館好靚, 我都唔知佢係改建定點, 附近有個大公園, 所以好多人會黎HEA同散步
另外博物館地面個層有間餐廳, 聽講有點心食


到最報望返轉頭都係睇唔清楚個座三角形山, 希望下次有機會再黎時好天啦, 同埋我會揀朝早遊湖


始終都係咁, 算啦無辦法, 佢無落雨我已經覺得係奇蹟


唔知呢座山叫乜野呢, 希望有機會再黎探佢


差唔多到Thun既碼頭了, 開始由湖轉入河道


臨落船時乜都影下, 細細個就有得周圍玩真係開心


呢張相係我朋友影, 佢叫我企係前面, 我以為佢影我啦, 點知係想扮影我, 實際影後面D女


埋岸了
呢條友點睇都唔似老師囉


Thun呢到係望到雪山既, 不過唔知係乜野雪山


答應自己一定會再黎多次Interlaken遊湖, 最好就玩埋另一邊個湖啦


落船了, 呢架就係我地遊湖時搭既船啦
真心推薦遊湖活動俾大家, 成個過程好悠閒, 個景又出乎意料地靚, 最重要有Swiss Pass係唔駛錢架, 真係可以抽時間黎玩下


Interlaken遊湖就告一段落
好似無乜人睇, 希望大家支持下啦, 我會努力貼快D架啦

見到樓主去engelburg個邊天氣咁差登你可惜 我呢個暑假去完 藍天白雲真係好靚 個風景真係好難忘好震撼 一路睇你遊記一路回憶緊

好似個個都鐘意春夏去瑞士
但其實冬天去都好好玩
雪景世界級
唔識滑雪唔緊要
可以玩雪橇 世界級好玩

見到樓主去engelburg個邊天氣咁差登你可惜 我呢個暑假去完 藍天白雲真係好靚 個風景真係好難忘好震撼 一路睇你遊記一路回憶緊

有無相分享下呀
天氣呢D野無辦法啦, 好彩之後少女峰好天

高汁

黎緊11月頭去14日 又係zurich 留2日 本身唔知有咩做
參考下你一日市內一日郊外先 其實去瑞士想去睇景 城市教堂博物館直頭完全唔想行 titlis 有pass 50% 都要 48 CHF貴到 咁少女峰咪貴到仆街
Luzern 我都係Pilatus Titlis rigi 3揀2
最後3日係Bellinzona Locarno Lugano 又係唔知有冇咩做

一直都追緊嫁
因為太貴，仲諗緊去唔去瑞士exchange
10萬留5個月係咪無可能

實際係個到住我又唔知要幾錢, 呢到有個叫A___既巴打係瑞士讀你, 可能佢幫到你
我自己就覺得10萬留5個月係得既

好似個個都鐘意春夏去瑞士
但其實冬天去都好好玩
雪景世界級
唔識滑雪唔緊要
可以玩雪橇 世界級好玩

冬天去行唔到山, 有D雪山又唔俾上
唔玩滑雪個D都係春夏去好D

我都記得有睇過, 原來係巴打你
得閒去follow你ig

Hi

你仲係瑞士讀緊書呀?

yup

一直都追緊嫁
因為太貴，仲諗緊去唔去瑞士exchange
10萬留5個月係咪無可能

實際係個到住我又唔知要幾錢, 呢到有個叫A___既巴打係瑞士讀你, 可能佢幫到你
我自己就覺得10萬留5個月係得既

Hi
我唔知佢乜嘢condition.....十皮包衣食住行定係點, 來回機票都無大概一皮, 五個月房租, 食飯.......

上回提到我地到左Thun, 最初個plan係朝早遊湖, 到左Thun後再行埋佢個舊城區之類
但因為落雨關係變左下午先遊湖, 到左Thun後已經4點幾了, 唔想太夜去到Grindelwald所以放棄左行Thun, 落船後直接搭火車返Interlaken Ost拎行李再轉車去Grindelwald

Thun個碼頭就係火車站隔離, 呢到熱鬧過Interlaken, 可能好天


距離下一班火車仲有D時間剩, 去左coop買野飲, 呢支green ice tea真係超好飲, 唔知香港有無


Thun呢邊好好天, 同Interlaken差勁遠


不過無時間周圍參觀, 只可以係火車站附近睇下


Thun既火車站, 我諗Thun呢個地方都係D大站黎, 見佢火車站規模都唔細, 門口都有好多巴士之類


差唔多夠鐘就返去月台等車


搭呢班車返Interlaken Ost拎行李先, 大約要35分鐘


Thun既火車站都幾靚


順利上左火車後就休息下, 後來諗諗下好似有D唔對路
因為到達Interlaken Ost時係17:28, 而去Grindelwald個班車係17:35開車
即係我只有7分鐘轉車, 正常黎講都足夠, 但我仲要返locker拎行李
結果一落車就衝去locker拎返個喼, 再拖住個喼衝去另一個月台, 好彩個月台唔係遠, 總算俾我趕到, 仲有時間打個卡


終於出發去期待已久既Grindelwald, d人吹到又話童話小鎮, 又話歐洲最靚, 唔知係咪真呢

呢到開始真正瑞士山區風景, 靚到痴線, 之前Zurich個D城市真係無得比較
上回提到趕轉車去Grindelwald, 其實轉唔切都OK既, 因為每半個鐘就有一班車去Grindelwald, 所以miss左都唔會話出事

由Interlaken Ost去Grindelwald大約需要35分鐘, 而呢短短35鐘既車程令我一世難忘, 可能誇張左D, 但沿途風景真係靚到仆街, 本身用Go Pro拍左片, 但中途好似無電
可能傍晚既關係, 唔係好多人搭呢班車, 所以好鬆動可以走黎走去睇風景同影相

出發啦, 5點幾既Interlaken已經變左藍天白雲, 同朝早係兩回事


見到呢D景色, 真真正正感覺到自己進入瑞士既山區
影完先覺得有D似汽車廣告


好快就到左第一個站Wilderswill, Grindelwald係總站所以唔怕會落錯車


沿途風景真係好靚, 我唔識講, 總之就係好撚正
成個環境令人好舒服


睇相可能未必感受到, 當時我真係覺得呢段路靚得好誇張, 直到而家我都仲係印象深刻


戴返頭盔先, 呢到係我覺得好靚咋, 你地睇完覺得都唔係好靚既話唔好屌柒我
中國D山水我無去過, 無得比較

藍天白雲+山+綠油油草地


難以想像今朝仲係落大雨


係火車到比較難影, 開始見到周圍都係山


另一邊背光, 但一樣好正