[遊記][多圖]我在瑞士的14日

通常關於耶穌既雕像都係講佢受傷受難緊, 其實都幾慘


規模大D既教堂通常都會有管風琴, 呢到既管風琴聽講有4千幾條管(其實我唔知算多定少 )


仲有好多好靚既裝飾
其實我都唔知, 以前D教會唔係話好窮? 可以整到個教堂咁靚咁多裝飾品


我都係當睇藝術品, 真係好靚整得好仔細


呢個真係靚, 唔知要用幾多心血先整到

lm

教堂部份就係咁多, 一出返黎見到個天黑晒


唔知想點, 右邊黑晒, 左邊又好似好好天
下個景點係去冰河公園睇獅子, 係右邊


由教堂行去冰河公園好快, 大概十分鐘就到
但垂死獅子係一個勁出名既景點, 一路行一路有一車車旅行團(大部份係強國)去緊
由於實在太多人, 係公園前面等佢地散左先, 反正佢地最多都係得十幾二十分鐘睇
個公園門口見到呢條好生猛既金獅子, 本身呢隻野無人理, 但D友見我地同佢影相, 唔知係咪以為係D特別景點, 又走過黎影


襯無咁多人時立即入去冰河公園睇獅子像
其實離入口好近, 行幾步就到


呢隻獅子係紀念法國大革命時死左既瑞士僱傭兵而建, 好似話當年瑞士既士兵係以勇敢同唔怕死而出名, 所以好多人會僱用佢地, 個感覺同而家瑞士好唔MATCH, 瑞士一向俾我感覺係好和平同好NICE
隻獅子就係腹部受傷奄奄一息訓左係到




不過睇左唔夠3分鐘就開始落雨, 仲愈落愈大, 唯有閃人先, 本身想行埋個冰河公園(Glacier Garden)
呢個公園都唔係只得個垂死獅子像, 佢仲有唔知2萬年前冰河時期留低既洞穴同埋D化石咁, 不過因為落雨就閃人無睇到

因為D雨愈落愈大, 閃左入去附近一個商場避雨, 順便食個LUNCH, 老老實實如果唔係落雨既話我都唔知有無LUNCH食
入到去發覺原來有間超大既兩層高COOP, 地面個層係超市, 2樓係FOOD COURT, 既然係咁就食COOP做午餐啦


呢到幾似大學CANTEEN, 係COUNTER到拎左食物再去收銀處俾錢, 基本上都有好多野揀, PASTA呀BURGER呀都有, 仲有D係俾錢買一隻碟之後任你裝幾多上去, 但似乎係唔抵
最後揀左食呢個Kebab餐, 9.95算係咁啦, 睇個樣好吸引


加多左杯mint tea, 成餐total 13.x CHF


佢俾左勁多肉, 食到好飽
不過好熱氣, 仲有勁多薯條


瑞士對D狗都幾friendly, 咁大隻狗都可以照帶入FOOD COURT, 好乖全程都係訓係到


呢到有樣好就係可以去埋廁所, 唔駛錢
食飽後行埋超市, HEA到停雨就再出發

而家去到DAY 3既一半, 聽朝再繼續
多謝大家收看

喺瑞士玩緊第14日
留個名

你玩幾多日呀

樓主好慢呀

樓主好慢呀

咁都慢

下年6月去, 希望好天啦

呢個遊記都係6月去, 你可以參考下

lm

留名，plan出年去瑞士

屌 我上次係Zurich HB求其搵個出口出
一出到黎又係呢個工地

Btw Zurich 悶到嘔泡

無啦啦打風無野做就繼續更新, 今日目標係貼到DAY4

Luzern基本上都唔駛搭車, 慢慢行一個圈就可以行晒大部份景點
係backpackers個到拎左份MAP, 入面有個散步路線包晒出名既景點, 其實我地都係跟住佢行
而家我地係右上角獅子像個到, 之後會到中間既城牆
睇地圖好似好簡單, 實際上行到附近時有D迷茫, 搵左一陣路先真正上到城牆


呢到叫穆西格城牆 (Musegg Wall), 本身應該係4邊圍住Luzern, 不過而家只係得返北邊一段仔
印象中得夏季至秋季係開放, 其餘時間都會CLOSE, 大家CHECK清楚開放時間先
上到黎就係咁, 可以俾你行既地方唔多, 同埋其實都幾危險, 個欄杆感覺好唔穩陣


大概容納到1.5個人行咁大把, 遇到對頭人都要側身讓路


係咪覺得個城牆有D廢? 其實真係幾廢
佢有幾座高塔可以俾你上去, 又係個D行到仆街既樓梯, 我地上左一個, 發覺乜柒都無
辛苦行左好多層樓梯, 上到黎就係咁樣


呢到唯一有既就係塗鴉, 你以為得強國人先會寫到此一遊? 其實POLY學生都會
而且唔知係咪POLY既傳統黎, 幾屆都有人黎留名


城牆構造就係咁樣, TOTAL有9座塔, 實際可以上既只有3座, 同埋佢都唔會開放晒全部, 只有中間一段仔開放俾你行
如果你想上去D塔參觀, 建議你上Zeitturm個座就算, 佢係時鐘塔黎, 入面SHOW左好多時鐘既機關, 會比較有睇頭, 不過我地上左另一座塔後已經唔想再上其他


係塔頂既窗因為俾鐵絲網封晒, 所以其實唔多影到相
係下面影返上去時咁岩見到有人係窗邊, 佢見到我影相就立即擺晒POSE


可能落完雨, 又或者本身個景點就唔多吸引, 其實無乜人會上城牆


既然咁廢到底點解仲要上去呢? 因為可以係城牆睇返晒成個Luzern
不過岩岩落完雨仲天陰陰咁, 唔係好靚


仲有好多樹擋住

可以睇到郵局, 火車站(拱門個到), 同埋琉森湖, 我諗天氣好D既話可能都唔錯
但主要係唔夠高, 睇落去個VIEW都麻麻地


呢座就係木橋附近既教堂Jesuitenkirche, 兩座塔好顯眼


能見度比較差, 望唔清楚遠處既山


城牆好快就睇晒, 一落返去時發覺原來係間小學隔離, 旁邊就係跑道


結果行返轉頭由入口出返去, 本身睇MAP好似係可以係第二邊行落舊城區, 但又唔多覺有路, 廢事唔知行左去邊都係行回頭路算


有少少時間繼續貼埋佢, 我諗大家都係等山區
Luzern既舊城區...又真係比較舊, 好多地方都好殘, 無咩目的周圍行下, 因為好多時間剩
圖中個間C&A我覺得幾抵, 以前係德國幫襯佢買左好多衫


舊城區既屋牆身好多都有畫左彩繪, 都幾靚架, 行過時都可以留意下


呢座野係市政廳, 好似可以入去參觀, 但我地就無入到去
佢個座鐘樓既鐘面好靚, 但D相係第二部機到, 我唔記得左upload


係市政廳行返落去就去返木橋既河邊, 屌唔知點解D情侶咁鍾意係景點到攬攬錫錫


落完雨個天白色一片, 左手邊既教堂叫Jesuitenkirche, 但今日無開門, 所以入唔到去睇


望返木橋, 呢個角度都幾靚, 可惜天氣差


係另一邊都有一條木橋, 我地份MAP既散步路線都有寫到, 既然好多時間就行埋過去睇


木橋就無咩特別, 唔知同個條卡佩爾橋有無關係???


橋上面都畫左D關於Luzern歷史既畫, 當然我地都係睇唔明


除左條橋之外, 呢到其實有個水霸咁既野去控制返條河既水位, 唔知點解設定成波浪形咁幾得意


過左木橋, 基本上Luzern成個行程就完晒, 慢慢行返去hostel check in

補貼返今日唔記得upload既部份
城牆上面既裝飾, 其實成個城牆都無咩特別野, 呢個雕像算係其中幾個特別D


可能係鐘錶王國, 瑞士D教堂既鐘樓特別靚, 市政廳既錶面好正


遇到一班小學生參觀市政廳, 外國D學生真係幾好, 學校會帶佢去周圍去參觀, 香港個D根本唔會


舊城區snapshot, d路都比較殘舊


個間PkZ研究左好耐都唔知應該點讀


影左D懶偽文青既無意義相


舊城區好多建築物都有彩繪做裝飾, 大部份都好有心思


有時間既話係河邊坐低飲下咖啡都唔錯, 反正Luzern我覺得幾適合hea玩


最後睇返卡佩爾橋, 下午應該係順光, 不過天氣唔好只有一舊舊雲


Luzern既城區就係咁多, 告一段落

由於我地今次住Hostel, 佢係有廚房煮野食既, 所以我地為左慳D就決定去超市買野返去煮
最後我地係火車站間coop到買左燒雞, 一大盒貝殼粉, 兩包湯粉同幾支野飲就返去
返到去時都6點, 可以check in 拎房, 呢到D房其實都係share room黎, 我地3個人岩岩好book到間3人房就唔駛同人share, 變左private room啦
check in 時會俾埋枕頭套被袋之類既野, 到check out時要還返, 唔係就罰錢
我地間三人房就係咁, 其實都唔細, 同埋係有LOCKER
不過佢個LOCKER幾窄, 我覺得大d既backpack都塞唔落


放好D野後就落去廚房煮野食, 呢間hostel唔知點解好受泡菜人歡迎, 我諗有70%入住既都係泡菜人
佢地甚至有泡菜文既notice貼左係到, 好誇張
common area幾大幾乾淨, 不過無咩人係到


有D足球機, board game之類俾你同人玩social 下, 但以我所見呢到大部份都係泡菜人, 佢地唔會同唔識韓文既人social, 不過我都唔想識佢地


廚房有人用緊唯有等下, 有時覺得佢地好厲害, 又炒薯仔又整呢樣個樣, 我都係想求其食個飯咋


無咩技巧可言既晚餐, 成煲粉上
燒雞就當然塞入微波爐叮啦, 最後呢餐連埋D野飲, 一人10CHF左右, 包貝殼粉未食晒仲可以食埋聽晚添


另外今日學到野, 係瑞士個1字要咁樣寫, 即係password個到係2146
最初以為純粹係條友個人風格, 但原來成個瑞士都係咁寫

上回提到係HOSTEL玩完煮飯仔, 執好野後就打算出去影夜景(呢個都係我STAY LUZERN其中一個原因)
執齊野準備出發時發現我朋友係HOSTEL門口食煙時識左兩個鬼仔, 我又同佢地吹下水, 一個係瑞典黎, 另一個就係本土瑞士仔, 我問瑞典仔係咪過黎旅遊, 佢話過黎飲酒

之後我又問下瑞士仔讀咩, 佢話讀緊建築
咁我就問佢有無話想起D咩啦, 點知佢話想係兩座山中間起間屋
屌我發覺我唔係好同呢兩條友仔溝通到

後來佢地問返我做咩, 我話做電腦, 佢地覺得好勁, 因為佢地心目中做電腦係好似google同apple咁改變世界, 其實我只係一隻IT狗
我同佢地講返係香港讀唔成書先要讀IT, 佢地完全理解唔到
最後吹左一陣水就散BAND, 我地都出去影夜景

講到Luzern既夜景就一定係木橋啦, 出到去時仲未天黑, 個天仲好光
咁我就試位影相, 當時構思係影水塔同木橋既完美倒影, 點知影撚左碌鳩出黎


結果都係放棄, 就咁影算
本身下午仲係好多雲, 到左夜晚又散晒, D天氣真係觸摸唔到


後來發現後面條橋好似仲靚


係文化中心後面有個噴水池幾靚, 但太多人, 懶得SET腳架


最後就係得幾張相, 都好過無啦
另外因為間hostel 12點打後浴室會停抽氣扇, 所以都唔可以玩太夜, 一陣返到去無得沖涼
返到去執埋D野就早D休息, 聽日開始就進入瑞士大自然同山區啦
Day 3完

終於day4, 由今日開始打後既大部份都係大自然同山區, 我諗無咁悶掛

Day 4
今日會上第一座雪山
係Luzern附近有3座比較出名既山可以上, 分別係Pilatus, Titlis同Rigi
通常啦, 睇台灣仔遊記都係會上Pilatus, 而香港個D 歐洲N國旅行團會上Titlis, 剩返Rigi係好少人上
3者最大分別係價錢, 你有swiss pass既話上Rigi係免費, Pilatus同Titlis都要俾纜車錢(swiss pass半價)
咁當然Rigi免費得黎係比較廢同無野睇, 另外兩個都係出名D既雪山
我自己就傾向想上Titlis, 而朋友A就想去Pilatus, 所以最後既方案係今日分開行, 大家上唔同既山
遊記呢到大家會寫返自己個部份, 我會寫左Titlis先, 朋友A之後會寫返Pilatus

今日既plan得一個, 就係全日都會係Titlis到玩
由於想爭取多D時間上山, 所以一大早就仆出去搭車
要上Titlis既話首先要搭火車去Engelberg先


係瑞士好多特別火車(尤其係去雪山個D), 去Engelberg都有架特別車, 不過swiss pass一樣免費任坐


車身幾得意, 一睇就知係準備出發去郊區


見仲有D時間就係火車站既麵包鋪買早餐食, 係D果JAM包, 都幾好食啦, 雖然要2.x CHF


試左呢隻有汽蘋果汁, 好好飲喎, 大家見到可以買黎試下

上雪山呢...最緊要就係天氣
我成個TRIP每一日都好緊張D天氣, 尤其係上山同hiking, 一唔好天就收皮
之前3日都死好命好好天, 終於捱唔到今日上雪山, 前一晚睇已經話會全日落雨, 今朝起身再睇都係
一上左火車後已經開始落大雨, 直至去到Engelberg時都仲落緊

好快就到左, 因為佢近Luzern所以都好受旅行團歡迎, 事關交通近, 又有得搭纜車, 又有雪山睇, 最重要平過上少女峰好多, 所以好多歐洲團都會安排D人去呢到而唔去少女峰
Engelberg其實係一個當地幾熱門既渡假聖地, 唔好諗住住係Engelberg, 因為好撚貴


去得Engelberg十個有九個都係上Titlis, 一落火車隔離個ticketing已經可以買到上Titlis既纜車飛, 記住要show swiss pass, 有50% off, 印象中要48 CHF


瑞士有樣好好既地方就係佢景點之間交通安排得非常好, 佢有架接駁巴士送你去Titlis既纜車站, 而且係同火車班次時間夾到, 所以你落火車後買完飛就岩岩好可以上巴士


其實車程都唔駛10分鐘, 行都行到過去, 不過落緊雨就當然係搭巴士啦


好快就到左纜車站啦, 你直接係呢到買飛都得, 唔一定要係火車站買埋
好期待上雪山

可能天氣唔好加上太早, 纜車站幾乎無人, 唔駛同人迫可以包晒成架纜車
上Titlis總共要轉2次纜車, 頭2程都係下面個種海洋公園式cable car, 最尾個程就特別D會坐一架360度轉一圈既纜車


出發啦
不過落緊雨又隔住塊玻璃, 好多水點




望到成個Engelberg, 第一次黎到瑞士既山區小鎮, 真係綠油油一片咁, 感覺幾悠閒




如果有睇過我以前既遊記, 可能都會知我對於搭纜車(尤其係唔好天)有D陰影, 通常我搭纜車都會柒左
其實一路搭時我一路都係到諗如果天氣變差點算, 大風停駛左又點算, 真係有D擔心

進入山區啦


就咁睇都好正, 如果好天就好


要穿過樹林


好正, 成程車D景色都好好睇


架纜車上得好快, 轉眼間已經去到咁高
唔好天加上隔住玻璃, 所以D相柒柒地, 但都睇得出外面其實靚到仆街


係山谷中間


但我後來回程時先發覺原來纜車兩旁既窗係可以打開, 根本唔撚駛隔住玻璃影, 柒到仆街呀屌你老母

留名睇相
我啱啱十月去都幾正
涼涼地又唔算太多人

十月去有無睇到紅葉呀? 我見人地BLOG個D好靚
我都考慮緊9月秋天再去

多謝你先, 既然你去過既話你就知個景靚點影都咁靚
開頭幾日係CITY係悶D, 因為同其他歐洲城市無咩大分別, 瑞士重點真係大自然, 之後幾日入山區真係超靚, 大把靚相係後面

超市買movenpick真係超抵, 如果我係到住一個月應該肥到仆街

Matterhorn睇唔到呀!!! 我仲特登用千幾蚊係山上面住一晚打算影銀河, 點知全晚都係雲

Mont Blanc係南針峰影過去架, 呢個SHOT得幾十秒, 好快又俾雲遮住晒, 遲D寫到你就明

唔係呀 剩係Luzern你可以影到咁已經証明係你影相靚
個拱門係舊hbf入口 以前大火燒剩嗰到

原來係俾火燒左
Luzern都好靚呀, 唔係我影得好

Grindelwald個到其實係1 SET圖黎, 好鍾意佢日落個光線

第一程車大概都係二十分鐘到, 好快就到左第一個站特里布湖Trubsee

大家都可能留意到, 穿過D雲層後佢竟然出藍天
本身我地係打算先上山頂, 回程時係Trubsee行一陣再走人, 但而家見佢好天, 考慮左陣到底應該襯好天睇左Trubsee先定拿拿臨上山頂先, 最後決定都係上山頂先搏佢好天氣睇到雪山, 咁就係Trubsee轉第二架大D既纜車啦, 不過根本無人, 都係我地包晒成架纜車

呢個就係Trubsee纜車站
瑞士既山真係靚到痴線, 我同我朋友可能見識少啦, 一路搭一路嘩嘩聲, 真係靚得好離譜


特里布湖Trubsee
唔好意思我中文比較差, 除左靚到仆街之外我唔知應該點形容




我回程時超後悔點解當初唔知可以打開個窗影相, 要隔住玻璃影咁柒, 真心覺得自己好撚ON9

其實我咁大個仔第一次去呢D山區, 當時覺得真係好震撼, D地方點解可以靚到咁
後來發現好多其他地方仲靚

現場睇真係好靚, 我唔係好識講


算係第一次上到咁高睇山, 藏王個次唔計, 因為乜柒都睇唔到


6月時既Trubsee 仲有一部份結緊冰
佢有條大約1.5小時既圍湖路線, 有時間既話記得要去行下


雖然隔住玻璃有D柒, 但真係靚到不知所謂