[遊記][多圖]我在瑞士的14日

我8月都去左zurich grindelwald zermatt
真係好掛住嗰邊d靚景

想請教下你銀河張相點影㗎？真係好靚

其實之前都講過
無咩技巧, 因為現場已經好靚
一支大光圈鏡+腳架, 推高D ISO計返500rule就可以啦

用FF(135)計, 當你支LENS係24MM
500 / 24 = 21s
即係你最多可以曝光21秒, 如果唔係D星星就變星軌
當然呢個只係理論, 你要睇返實際環境再去影啦

返到黎再用ps推返條銀行出黎, 網上都好多教學, 有咩唔明再討論

未去過瑞士 多謝巴打令我圖片旅行

好多圖，仲有排睇
後面山區既相正好多

喺瑞士玩緊第14日
留個名

雪糕巴

下年6月去, 希望好天啦

揮個手, 你去瑞士果陣我係少女峰工作人員

由瀑布去Schaffhausen(沙夫豪森)只需要幾分鐘, 好快就到左


沙夫豪森係一個瑞士好北邊既中世紀小鎮, 再過D就係德國
係以前好重要既貨物中轉站, 以前D船過唔到條瀑布, 需要一個地方去儲存D貨物, 造就左沙夫豪森既出現
呢到既賣點就係歐洲中世紀小鎮FEEL既景同埋佢山丘上面既古堡(Monut)

行出火車站, 非常好天
最鍾意呢D天氣, 有太陽影相都靚D, 而且6月時既瑞士唔熱, 好舒服


火車站附近都仲係普普通通無咩特別

開始進入佢既舊城區, 沙夫豪森既舊城區係唔俾汽車進入, 所以對遊客黎講好好行
有去過歐洲既見到呢D屋仔同街道都唔會陌生, 所有舊城區其實都係咁既樣, 沙夫豪森好似都有D好勁既TITLE咩歐洲寶石呀, 最美小鎮之一呀咁, 諗諗下個D所謂"歐洲最美小鎮"我都已經去左2, 3個啦


但無可否認沙夫豪森又真係幾靚, 好過Zurich




好天影相真係好正


意外地呢到遊客其實好少, 一D都唔迫, 好好行, 好適合黎HEA

去沙夫豪森主要目的係上佢個古堡, 不過單係舊城區已經影左好多相, 周圍不停snap






舊城區有座好顯眼既教堂St.Johann Kirche, 好遠已經見到佢個鐘樓, 不過CLOSE左無得入去


沙夫豪森其中一個特式就係呢D凸出黎既窗台, 當地個官方旅遊網叫呢D做凸肚窗
又真係幾得意, 印象中無咩係其他地方見過, 但唔知點解要特登咁整, 佢官方個網都無解釋


係呢到有幾個噴泉, 上面都有個雕像


呢個雕像拎住既三樣野(壺, 盾, 劍)印象中係分別代表三位國皇, 不過我都唔係好識

瑞士D教堂唔知點解好多都KEEP得好好, 呢座野好似都幾百年歷史, 但仲係好新淨
佢個鐘真係好靚, 同埋左下角個日規(唔知叫乜呀, 錯左唔好屌我)好正


幾有特色既凸肚窗, 可能真係用黎放多D野掛


影左好多snap, 沙夫豪森呢到D鋪頭比較平民好多


圖中右手邊有間叫kiosk, 去瑞士都要識佢, 你當係7仔咁就得


當地人都會係噴泉到裝水


因為一路不停影相, 行左好耐都未到城堡, 行左去一個廣場到


露天CAFE真係好受歡迎, 幾乎無人會坐室內

幾乎每座BUILDING都有凸肚窗


作為一個舊城區, D建築物都保存得好好, 除左凸肚窗之外其實仲有好多雕刻裝飾, 大家去到時記得留意下


鍾意建築物既應該好開心, 好多野睇


另一個噴泉, 上面個雕像就唔知代表乜野啦, 無做功課


應該都好耐歷史, 但KEEP得好好

凸肚窗既DESIGN都有好多種, 最左邊既似乎係新起既, 都要整返個玻璃凸肚窗配合返


繼續向古堡行, 中途經過呢間叫騎士之家Haus zum Ritter既建築物
上面D壁畫係參考希臘神話畫出黎, 好似話係讚揚騎士精神同美德, 唔好問我兩者有咩關係, 我真係唔知
不過D畫係翻新過, 原本既應該搬左入博物館(好似係)


畫得好靚 (雖然睇唔明)


可能騎士精神就係攬女
屌唔好BAM我呀


睇完騎士之家就繼續行, 乜鳩都影下


見到沙夫豪森第三個噴泉


都係唔知個雕像代表咩


見到有人放狗, 俾隻狗係噴泉到玩水


好似好爽咁


不過隻狗游兩下已經返上黎, 前後都無一分鐘

搞左咁耐, 根據GOOGLE MAP, 過左呢條馬路前面就到古堡啦


似乎係離開左舊城區


見到呢D屋, 令我諗起德國既Rothenburg, 真係好似


Rothenburg是咁的, 好靚有D掛住


見到條女好似幾靚就影低左


有間鋪頭賣貓頭鷹袋, 好靚呀
好想要, 但行埋D睇一個要2X CHF, 屌我買唔起, BYEBYE啦貓頭鷹


唔好意思行極都未到古堡, 過埋呢條街就到啦




跟住個GOOGLE MAP, 佢帶左我行黎呢到, 話呢到有路上古堡


望左一陣, 其實得呢條樓梯, 睇清楚D佢又真係有指示話係上古堡, 唯有照行

黎到沙夫豪森, 一定一定要上去古堡, 呢座古堡係山丘上面, 而成個山坡都係葡萄田黎
行左1/3左右, 開始見到葡萄田啦, 不過6月時仲未有得收成, 見唔到果實




一片葡萄田


當然唔止得葡萄田啦, 咁辛苦行上黎, 其實係為左個靚景


之前睇左另一個巴打既瑞士遊記, 佢都有去沙夫豪森, 但好似無上到古堡, 我覺得就好似MISS左成個沙夫豪森咁

繼續行樓梯上去, 前面就係古堡Munot啦


沿路就係咁樣, 其實樓梯都唔係好長, 唔會好難行


望返轉頭, 個VIEW勁靚


仲可以望得返教堂既鐘樓添

上到黎個VIEW真係好靚
但佢其實有D鐵絲網阻住, 我夾硬伸部機出去盲拍


就算去到沙夫豪森, 都係逃唔出天秤既魔掌


就係企上去旁邊圍欄再夾硬伸部相機出去
ANYWAY我係好鍾意去D高位到眺望城市同埋影相, 係時候入去古堡再上塔頂啦


入到古堡, 其實係乜都無, 我覺得叫要塞似乎岩D
呢到都有5百年歷史啦, 可能D野一早搬走晒
不過一入到黎好涼爽, 好似開左冷氣咁


有一個個窿係到, 應該係FOR自然光, 但落雨時咪水浸囉?


本身古堡內部就無野好睇, 行旋轉樓梯上去頂層


中途係窗口望出去, 睇到成個沙夫豪森舊城同埋葡萄園, 好正

連登D縮圖奇奇怪怪咁
張縮圖同CLICK落去放大差好遠, 大家睇相可以用返圖片模式OR用電話睇POST

見到考古巴個名 強帖黎明

仲有人叫呢個名

留明，巴打覺得呢個行程適唔適合一個人去

連登D縮圖奇奇怪怪咁
張縮圖同CLICK落去放大差好遠, 大家睇相可以用返圖片模式OR用電話睇POST

用ipad睇啲圖正常size

留明，巴打覺得呢個行程適唔適合一個人去

基本上無問題，不過行山個d就唔係好建議一個人

水災災民笑死我

我年頭都去完 好撚正 lm

五月去完
瑞士山區風景真係一流
最鐘意食超市 烤雞

五月去完
瑞士山區風景真係一流
最鐘意食超市 烤雞

食到厭, 求其買個包+橄欖油, 紅酒醋可以食一日

古堡上到頂層就係一個大廣場, 有廁所有小食店(不過無開, 唔知係咪收左工)
上古堡係唔駛錢既
不過要留意返, 夏季CLOSE 8點, 冬季好似5點就CLOSE, 唔好到時黎到柒左無得入


上到黎可以睇返成個舊城區, 當然仲有天秤啦


不過下午時份上到去就大背光


仲可以睇到萊茵河




個鐘樓真係好顯眼, 地標咁




佢都幾貼心, 有塊牌話你知你睇緊D乜野