點知喺2024年6月9日用緊嘅時候，個火牛冒煙，懷疑壞咗。我喺6月11日叫咗家人幫手將個火牛交去Felton（Corsair產品香港代理）維修。
過咗幾日，2024年6月24日，法奧打電話嚟話原廠調查咗之後，確認咗產品序號唔係供應畀香港，咁即係話唔係香港行貨，叫我自己搵原廠維修，佢哋拒絕提供服務。6月26日，Felton又用WhatsApp通知我，話因為產品序號唔係屬於香港，佢哋唔會幫我維修。最終，我從Felton攞返隻火牛先。
我亦向消委會投訴，之後消委會已經有人聯絡我，幫手調解。經過多番交涉，終於喺8月6日收到法奧畀消委會嘅email，話法奧已經向Felton極力爭取更換產品，最後換咗一隻CORSAIR RM850E ATX3.0，保養期至2031年7月11日。我亦喺8月10日收妥新嘅火牛。
另外，我喺處理呢件事嘅時候，曾經向香港海關投訴，不過因為《商品說明條例》只係喺三年內有效，我嘅購買已經超過呢個時限，所以海關唔會跟進。提醒大家，如果發現購買嘅產品有問題，記住要喺三年內處理，否則可能會無得追討。
整件事搞咗咁耐，真係浪費咗好多時間同精力。不過最終都有個比較合理嘅結果，所以我都希望可以喺度提醒各位消費者，如果喺法奧買嘢，最好要留意清楚佢哋係咪真係香港行貨。另外，買Felton代理嘅產品都要小心，以免將來遇到類似嘅情況。
