【冬眠者】《病港ＩＩ》（７８）

問公仔攞，佢仲要好似係最勁嗰批

最撚癲就係仲可以大概保持住之前人嘅性格
唔會太失去理智

早出文就超靜

病讀都係夜行者

其實M抽定啲血 每日派一支當出糧 比佢哋頂癮 得唔得
咁就可以收編埋佢哋 佢哋又唔使左匿右匿

仲要係協會吸左先比走，慢慢就有癌騎含住啖血扮吸左，拎出去賣比其他癌騎

M沙酮

直情應該國家註冊 每隻騎士要有個正規病獵監管咁

要大病獵級先夠一個騎士打啵

咁又係 所以變相應該係裝埋晶片咁樣 個監管死咗就知係邊個做 跟住全城通緝咁樣

「真係好似超級英雄，打到周圍爛哂，要執手尾。」
好串

Push

狂飢被押送到牢房，即將面臨全天候監視和審問。

中大校園電視台當晚，就對事情進行全面採訪。

中文大學倖存區裡沒什麼大事，是流傳不開出去。

港島區中病獵協有政府包底，所以權力很大，平日都閉門造車，處理病者事務不需跟公眾解釋過多，以免打草驚蛇。

但在大學不一樣，他們主張公眾知情權。

由於事出突然，而且屬於恐怖襲擊，校方告知我需要聯同其他大學高層一起，半夜召開記者會交代事情，說話會經由校園電視台頻道，播放到每位市民的收音機中。

王峯率先呼籲：「就幾個鐘前，大學受到不明生物襲擊，依家我哋中大自衛隊作出呼籲，請各位市民今晚留喺室內，除咗官方調查人員外，唔好開門俾任何人，唔好喺校園外遊蕩，我哋需要進行全方位調查。」

校園報記者立即提問：「請問可唔可以講下，案情中有冇死傷？對方究竟係人類定其他生物！佢仲會唔會有同黨潛藏緊喺校園到？」

「依方面，我交俾病獵學會代表講講。」王峯把時間交給博海德。

「各位中文大學嘅居民好，我係病獵學會嘅會長博海德。」博海德雙手交握：「先回應大家想知嘅事情，其實對於今次嘅事件，我哋經已收到情報，而且本來喺調查當中，我哋已經盡最快最大嘅努力去處理事件。關於今次嘅傷者人數未明，但據觀察唔多，而且都屬於輕傷，不幸中大幸。至於對方仲有冇同黨，我唔可以確實地回答你，只可以講仲調查緊……」

「你仲未答我對方究竟係咩生物？係病者定係其他生物？」

「根據手頭上資料，我只可以答你，對方係屬於「病者類」嘅生物，但係屬於另一品種，危險性相當高。」

「佢哋有冇一個名之類？」記者續問。

博海德瞟我一眼，我點頭示意可以回答。

「佢哋叫癌咒騎士。」

「佢哋病變形式同能力係？」

「依方面有待研究，因為每個癌咒騎士都唔一樣。」

「發生依次事件，係咪代表嚟緊嘅日子，中文大學都會有住一定程度危險？」

「唔可以排除依個可能，病者威脅無時無刻都存在，依個正正係我哋病獵學會存在嘅原因。」

博海德用官腔回答不少記者問題，把該說的都說完。

對於狂飢被活捉，我們是既驚又喜。

一方面，可以挖掘說更多情報。

一方面，我怕會惹到不該惹的人。

狂飢總共昏迷了六小時，他被關押在四面都是密封的強化玻璃牢籠中，雙手被手銬鎖住。

癌咒騎士要憑著超高硬度的癌甲化，給強化玻璃劃出個破口應該不成問題，所以我們重兵駐守，刻意提供有限食物。

「食物……我要食嘢……呀呀呀嗄……」狂飢仰頭張大了嘴。

事隔十二小時，我才親自前去牢房探望。

「想食嘢？」我站在牢房外。

「嗚吼吼吼──」狂飢一看見我便精神發狂，隻身撞向強化玻璃。

「呯」強化玻璃自然不是他撞得開，這是博海德設計專門用來關押病者。

「嗄啊……」狂飢不死心，臉孔緊貼著強化玻璃伸舌大舔：「唔……」

「佢都幾嘔心，完全同佢溝通唔嚟。」博海德說。

「佢對食物有異常強烈嘅執著，可以利用依一點。」

我們首先拿出一顆大學自家種植的蘋果，像拋給狗一樣掉到牢房中。

狂飢馬上屈膝彎腰咬地上的蘋果一口，繼而大口大口地吃。

可是吃不了多久，狂飢突然嘔吐，黃膽水都嘔出來。

「咳咳咳……」狂飢辛苦地喘氣，聲音變了：「再俾食物我……」

「只要答我問題，我俾你。」我說。

「……」

「你身上嘅癌症，係咩癌？」

「食道、胃……腸癌……」

「三種多種原發性癌症？」

「係……咳……」

「之前大學有幾個運動員遇害，係咪你做？」

狂飢笑了笑，點點頭。

「笑咩？」博海德問。

狂飢抬起頭來：「佢哋真係好好食……」

我問：「你嘅同類，都係咁樣殘害人類？」

「……」

「無回應？」

狂飢張嘴指著口，示意要更多食物。

「俾棵野菜佢。」我對其他人說。

「喂喂……」狂飢敲了下強化玻璃：「菜點會夠……點會夠……」

審問對方的重點，是不能一直主動。

要讓對方明白，時間和自由我們多的是，損失的只有他們自己。

「根據你每一條提出嘅情報，我哋會考慮提供咩食物俾你，你自己揀。」博海德當起白臉，對狂飢說：「但如果你俾嘅情報係假，我哋會逐條同你計。」

一踏出病獵學會外頭，又是校園報和電視台的記者，還有自稱獨立記者的人士。

他們不外乎追問「癌咒騎士」的事，因為倖存區出現怪物這種話題，實在是非常引人熱論的事。

「聽講唔同嘅運動社團都諗住告你哋違反競爭條例，請問你哋有咩回應？」其中一位體育報記者問出別的事情。

「無回應。」博海德回覆。

接下來的幾天裡，我都審問著狂飢。

我會特意在他面前用餐，例如我現在吃著醬煮魚。

濃濃的醬汁配上結實的魚肉，讓人有來了一口再一口的衝動。

而狂飢只能眼睜睜的瞪著，情緒化地忍受饑餓帶來的折磨。

「大帽上廢棄軍營入面，有隻特殊病者叫「冬眠者」，識吹凍氣……」我打開話題。

平時狂飢不會怎麼理會我，但當我談到這話題時他快瞥了一眼。

「如果我殺咗佢，你估下會發生咩事？」我假裝得知內情。

這是那位癌甲化成日本大鎧外形的癌咒騎士死前所說，我也不知這情報的真偽，但即管試試問一下。

幸運時間

大帽山廢棄軍營入面

殺咗佢會令冰凶獸覺醒

利申亂up

狂飢苦笑，反覆搖頭：「對你……對所有人……都無得益。」

「老實講，其實我唔知殺咗冬眠者有咩後果，但聽你咁講似乎係有啲……不為人知嘅事。」我彈響手指，呼叫：「富林比比。」

「係！」富林比比攜帶著個人煮食套裝登場。

「誘惑佢。」

「係嘅！」富林比比走到牢房前，搔頭弄姿。

「我唔係叫你個人誘惑佢，係叫你用食物誘惑佢。」

「你講清楚啊嘛，我仲心諗你居然要個未成年嘅小廚神做依啲嘢。」富林比比拿出煮食工具架設：「想要激發人嘅食慾，最好就係用烤魷魚，依條係今朝新鮮釣嘅。」

烤魷魚的香氣我領教過，的確好聞而不好吃。

狂飢背對著烤魷魚，抱膝而坐。

十分鐘後。

狂飢把頭不停撞向強化玻璃，眼眶幾乎要裂開。

烤魷魚的香氣把他迫瘋了，香氣時時刻刻刺激著飢腸轆轆的他。

「你只要肯講冬眠者死咗會導致咩事，我就俾你食。」我要像教狗般，調教狂飢。

「癌……嗄……癌王……」狂飢就算捂著嘴巴，口水依然狂流：「會甦醒。」

「癌王？」我腦中馬上閃過一些交戰的片段。

距離上一次我遇見癌王，應該是北部都會區。

「我印象中，癌王唔係一直喺大帽山。」

「癌王……唔止一個等分……佢比你想像中……龐大……」

我撕掉魷魚的觸腕，拋入去給狂飢。

狂飢像隻狗爬過去，將觸腕塞入嘴中拼命嘴嚼。

「俾癌王確實嘅位置我。」

「一個好隱蔽嘅洞穴……咳咳、唔會搵到，除非你搵到高斯。」

「高斯？」

「比我更高級嘅癌咒騎士……」

「點樣搵到佢？」

「放心……」狂飢忽然嘻笑：「佢好快會嚟。」

原本打算手持火燈籠上去決一死戰，但突然告訴我蹦出個癌王，令我計劃停滯不前。

而且狂飢說什麼「高斯」好快會來，什麼意思？來劫獄嗎。

中文大學好像沒以前安全了。

又或者其實危險一直都在，只是沒有去揭開。

我把冬眠者的情況，告訴了前院長雍立正。

「你意思係如果冬眠者死咗，就會釋放另一隻更強大嘅病者？」

「就係咁。」我說。

「咁即係我罪證，要永遠留喺世上……」

「你可以調轉頭諗，如果唔係你製造咗冬眠者，嗰隻叫癌王嘅怪物，依家就可能周圍肆虐緊。」

雍立正眼神恍然：「你咁講，又好似啱……」

「世上好多時都係兩害選其一，要揀令情況變得無咁差嗰個，好嘢永遠無得揀。」

「嗯。」雍立正認同我的說法。

「咁關於疫苗嘅事，你可以講我聽？我已經盡自己最大努力。」

「嗯，雖然無得解決冬眠者，但我睇到你都係可以信賴嘅人。當年研究疫苗嘅團隊，共實佢哋全部集體自殺。」

「出於咩原因？」

「我唯一可以肯定嘅係，佢哋喺自殺前心智都出現錯亂。」

「你意思係精神有問題？」

「係，後嚟有其他研究團隊替補死咗嘅人，但都無一倖免，有份參與研究嘅人，都出現解釋唔到嘅精神錯亂。」

「你哋有冇接觸過病童？」

「無，大學唔會有病者存在，我哋只可以定義為「詛咒」。」

「嗰份疫苗資料你哋有冇燒到？」

「無，只係收藏咗喺係機密檔案室，經校董會審批先可以再次打開，但佢哋絕對唔會批。」

「我唔信怪力亂神。」

「我本來都係。」

「……」我望向天上。

莫非，是衪出手？

「除咗偷走嗰個疫苗文件，如果唔係應該都無其他辦法？」

「喺學校偷嘢好大罪，如果你唔想你嘅病獵學會受到連累，我唔建議你咁做，咁係破壞大家嘅誠信。」

「你都講得有道理……」

雍立正反反覆覆凝視我好一會：「我見你似乎都唔係為錢……而係為咗大眾利益，我就同你講個秘密。」

「係？」

「其實當年研究團隊入面，有個人係無死，但佢同死咗無分別，嗰陣用筆插盲自己對眼同耳膜，隔絕同外界訊息所有接觸，佢先慢慢平靜到落嚟。」

「佢依家喺邊？」

「長時間都喺精神病房，如果你想見我安排下。」

「咁麻煩你。」

「同佢溝通要有特別技巧，叫觸覺手語，因為佢聽唔到睇唔到，要手掂手感覺，所以有啲麻煩。」

真想不到，我想殺的病者殺不得。

我想拿的疫苗數據，拿不得。

有時候，都有拳頭無法解決的事情。

獨自行動一段時間後，我久違地與王達尼會合，循例回報一下情況。

「即係都仲未拎到疫苗數據……」王達尼伸手捂著半張臉，好像很疲累的樣子。

「你都係跟校董去吃喝玩樂？」

「可以咁講，我都差唔多返去港島。」

「喺大學抖夠？」

「嗯，你呢？」

「我仲有少少手尾搞，總之我返去嗰陣，你會收到疫苗數據。」

補400正評