【冬眠者】《病港ＩＩ》（７８）

+1

由中二追到依家甩p可以正評🥲🥲🥲
終於可以第一次
流明 ‧ 爆閃斬！

好正

恭喜加入等文行列

我都想睇下你tag成點

爆閃 ‧ 二連

魯尼兒子對人類帶著仇恨，我不得不給魯家燈火絕後。

我揹著魯尼的屍體，攀回到地面上。

後來而上的源智強，搜括著發射站的寶物：「正呀正呀，好多罐頭呀……」

由於猴王魯尼已死，其他猴群都沒有膽子上前挑戰。

「走得未？」我問源智強。

「得得得……」源智強找了個登山背包，將成堆罐頭和藥品塞入去：「今次發大達。」

登山背包給塞得鼓脹，源智強才背起離開。

收穫甚豐的我們順利回到赤泥坪村，並引起其他獵戶注意。

「佢係咪猴王魯尼！？」有獵戶認出牠。

「係啊，依位高手搞掂咗魯尼。」源智強將登山背包放到桌面，打開拉鏈一個個罐頭取出：「茄汁焗豆、黑毛豬午餐肉、鮑魚罐頭、貓、貓糧？炭烤雞罐頭……」

我正要經樓梯踏上倖存區，才回想起不能明目張膽地帶著猴屍入去。

「借把刀嚟。」我向源智強張手。

「嚟。」他隨手拋了自己的屠宰刀給我。

我接住屠宰場刀，手起刀落切斷魯尼脖子，只帶著頭部前去蝦蝦蝦餐廳。

辛苦得來的珍稀食材，少不了專人炮製。

「富林比比，你識唔識得整天印霜？」我把魯尼的猴頭拋給他。

「哇！」富林比比避開不接，讓猴頭落地：「識，但佢個樣好恐怖啊。」

「身為一個廚師，你居然覺得食材外貌恐怖而唔敢去掂？睇嚟你都不外如是。」我使用激將法。

「咩話！」富林比比馬上拿起魯尼的頭：「我唔容許你質疑我專業！我依家即刻泡製天印霜！」

魯尼轉身跑入廚房，用清水洗乾淨魯尼頭部，我跟著入去視察過程。

清洗期間，富林比比要掏乾淨魯尼頭部的污垢，包括牙齒、耳垢、鼻涕、毛髮、眼眵等，用刀移除整副牙腔，是最快最直接的選擇，其次五孔上的污穢可以用長針細挑。

等清洗結束，富林比比搭建炭爐，利用猛火燒烤。

死不瞑目的魯尼，彷彿在烈火中注視著我們。

「蓬──」

「依家要燒到佢口感變得軟綿溶爛，你幫我一直撥扇保持個火。」富林比比交付我任務。

「好。」

富林比比去準備濃郁的醬料，倒落魯尼的頭上。

約莫十多分鐘高溫火烤下，魯尼表面漸漸焦黑，甚至有些炭焦。

「燶燶哋喎。」我說。

「啱嫁啦，黑燒就係越黑越好！最好燶到變非洲黑人，食到人會生癌嘅程度就差唔多。」

我和富林比比的協力下，黑燒魯尼大功告成。

一個完全焦黑的猴頭，僅得些許輪廓可依稀辨認。

為了讓賴錦堂品嚐細味，我得邀請他稍移玉步，轉往蝦蝦蝦餐廳中。

「希望你唔會令我失望。」賴錦堂環視餐廳的裝潢。

「我只係怕你食唔出。」我拉開貴賓座的椅子。

「食唔出？哼。」賴錦堂冷笑一聲，托一托眼鏡：「雖然我唔係咩食評家，但係個天印霜係真係假，我絕對食得出。」

「你食過？」

「都唔怕同你講個秘密，其實我……」賴錦堂低頭望向褲襠：「係陽痿。」

「吓？」這是什麼發展。

「以前我為咗令讀書嘅效率更高，刻意擺脫七情六慾，用盡各種方法抑壓住性衝動，例如用索帶綁緊下體、服食安定劑、讀聖賢書，甚至極端到用刀仔放少少血，結果……後嚟發現自己不舉。」

「……」搞什麼，我忙生忙死就是為了幫這傢伙解決陽痿的問題？

賴錦堂毫不羞怯地仰頭：「我唔係無努力過，食過好多甲魚，搵過最好嘅醫生，都叫過最靚嘅雞，但係都無用，依家我只可以寄望喺自然療法上，食依種天然嘅超級補品。」

「我唔覺得會有咩用。」這單純是個燒猴頭，不是什麼靈丹妙藥。

不過，我也明白賴錦堂為何會走到這一步，畢竟能嘗試的辦法都試過了。

「天印霜到！」富林比比高叫一聲，雙手捧著天印霜出來。

賴錦堂看著眼前的天印霜，明顯看出內心掙扎當中。

「高溫已經殺絕大部份病毒、細菌同寄生蟲，但我都唔確保係絕對安全，所以喺食天印霜之前，請簽署一份生死狀，如果你出現食物中毒，本司一概不會負責。」富林比比九十度躬身，雙手呈上生死狀：「請──！」

「富林比比你啲行為舉止誇張過頭。」我忍不住口提醒。

賴錦堂簽下生死狀，可以正式享用天印霜了。

富林比比刻意不給予餐具，因為想要尊重前森林之王，需要用原始的手吃方式。

賴錦堂拿起天印霜往不同位置打量，思疑著應該先從哪裡吃下。

猶豫了三分鐘，賴錦堂決定咬掉耳朵。

「格」由於過度燒烤以致炭焦化，咬下去當下很是鬆軟。

「唔……」賴錦堂慢慢嘴嚼：「有少少甜味。」

緊接著賴錦堂努力地吃，這種猴子頭顱當食材的料理無論怎麼烹煮，都注定不會好吃，但為了自己，他必須堅持地吃。

轉眼間，賴錦堂已吃了半個天印霜，他表現得一副想吐卻不敢吐的樣子。

「嗄……」賴錦堂不停流出汗來。

「其實真係俾你醫好又點？你淨係識讀書，都唔會去識女仔拍拖。」我又無意中打擊他的自信心。

「唔係咁嫁……」賴錦堂緊握拳頭，又多吃天印霜幾口：「我都有自己鐘意嘅 人，佢係我一齊讀書嘅學伴，當初我哋就好似神仙伴侶咁，但到我想同佢求婚時，恰恰發現咗我不舉，無辦法俾到幸福佢……所以我唔敢同佢求婚，我唔想俾佢知道我係個無用嘅男人。」

「原來你都唔係個讀書機器，都係個有血有肉嘅人嚟。」

「所以……」賴錦堂滿眼血絲，嘴唇染黑：「我點都要食哂佢。」

「加油，你仲剩低三分一咋。」富林比比打氣。

「嗚……」賴錦堂摸住肚子，疼痛地叫。

我戚起眉：「真係中毒？」

「唔係……我只係好飽……」賴錦堂忍不住痛哭流涕：「我堅持唔住啊。」

魯尼轉身跑入廚房，用清水洗乾淨魯尼頭部，我跟著入去視察過程。

殺左馬嬲大佬成家啲猴子猴孫係唔係會認m做大佬加入病獵學會？

魯尼回魂

呢個賴錦堂嘅知識量會唔會一個人勁過曬成個公子會

賴錦堂偏向背死書個隻應用能力無咁高

非我族類 其心必異

特種病獵下場

「食唔到就唔好勉強。」我準備收起碟子。

賴錦堂捉著我的手：「餵我。」

「餵你？」

「塞入我個口，粗暴啲都可以。」

「無必要搞到咁難睇。」

「餵呀！」賴錦堂彷彿失去理智。

我唯有按照他說話做，手抓所剩無幾的天印霜，塞入其嘴巴中，強行餵食。

「嗚唔唔……」好不容易魯尼整個頭部都落到賴錦堂胃中。

賴錦堂猶如經歷產子，意識模糊的軟靠椅子上：「等我消化下……」

為免會有什麼危險，我全程守候一旁。

約莫二、三分鐘後，昏昏沉沉的賴錦堂突然一個激靈，整個人清醒了半分。

「啊。」賴錦堂驚疑不定，望向下體：「好似有感覺。」

我發出疑問的聲音：「嗯？」不會真的有用吧。

「有感覺……好有感覺……」賴錦堂喜上眉梢，漸漸欣喜若狂：「真係有用呀。」

賴錦堂面前的桌子震動著，震動原因卻是出自他下體重拾雄威。

「太神奇喇！」富林比比毫不忌諱，直接拉開別人的褲頭觀察：「傳統料理嘅魔力真係有用！」

到底純粹是巧合，因為心理因素所致，還是魯尼的頭部含有壯陽成份，我不清楚也沒深究下去，總之賴錦堂現在得給我做事了。

「多謝你啊！」賴錦堂激動得緊抱著我。

「抱還抱，下次著返條內褲，你頂到我。」

「我可以去重生追求女人喇。」

「追女前，請你去病獵學會報到。」

「明白！你令我重生嘅恩人，我唔會忘記，我會無條件幫你測試病腦版人工智能。」

事情總算告一段落，我又做了看似跟本業毫不相關的事。

可萬萬沒想到是，後來正因為這件微不足道的事，間接影響了某件事情的結局……

不過那是後話了。

「幫到人真係好。」富林比比滿足地微笑。

「你係個好廚師。」我拍拍他肩背。

話音剛落，一位戴著貴婦寬帽，穿著優雅的女性，走入蝦蝦蝦餐廳中。

「請問開店未？」該位女性年齡大約四十歲上下。

「唔好意思，我哋暫時淨係做晚市。」

「呵呵呵，原來係咁。」女性稍為抬頭，露出隱藏帽子下面容。

富林比比大驚：「你、你你你你係中大美食期刊指南嘅美食家？馮女士！」

「你都識少少嘢，小廚師仔。」馮女士說。

「你憑枝筆就可以寫死一間餐廳，又或者令到間餐廳生意大排長龍，我緊係識你！」

「好耐之前就聽講我好朋友哈老闆，將間舖嘅經營權轉咗手俾另一個人，我就諗住等佢做耐少少，再嚟試食都唔遲？依家時間我已經俾夠，嚟緊我會抽某一日，嚟試你哋整嘅料理，唔好話我無通知你。」

說罷，馮女士轉身離開。

「又一個奇怪人。」我說。

「佢唔係奇怪人啊，佢係中大美食家嚟嫁！」富林比比激動地說。

「又美食家？末日邊到嚟咁鬼多美食家，肚都填唔飽仲話美食……」

「雖然末日嘅環境惡劣！但人類追求美食嘅步伐係未曾停止，因為食物係令人類快樂泉源之一，我哋由古至今──」

「得。」我暫停富林比比的長篇大論：「唔洗同我講，你唔好俾佢寫到我間餐廳冧就得。」

「我一定會用盡畢生料理功力，嚟保住你間餐廳。」富林比比舉出發誓的手勢。

數天後，中文大學高層遵守約定，把關於疫苗研究的資料給予我們。

由於尚未得知打開檔案文件閱覽，會否觸發「詛咒」，暫時沒有人敢打開，保持在手提箱內。

但我不怕死，也不怕什麼詛咒，所以就直接打開文件來看。

疫苗文件全用英文所撰寫，我看得不太懂。

我們需要的疫苗資料得手了，也沒有繼續逗留的原因，於是乎是跟王達尼乘坐帆船回航，病獵學會的委託博海德會跟進下去。

我們一如既往利用各種手段迴避病鯨的攻擊，風平浪靜地渡過整段海路。

「真係神奇，記得當初去港島嗰陣，大風大浪，俾幾隻病鯨差少少整翻嫁船……依家喺水底播下啲嚇阻聲音，佢哋就唔敢埋嚟。」王達尼抽著煙，感嘆人生：「你話死喺病鯨手上嘅人幾唔抵？」

「科技嘅發展從來都係建基於生命上面，就好似人類打仗先會令軍事同醫療急速發展，同得到大量試驗數據。」

「我琴日又去咗聽大學嗰啲海洋生物學經濟發展講座，發現有樣稱得上海洋寶藏嘅投資，大學未有好重視。」

「咩嘢？」

「你應該知咩叫龍涎香？」

「鯨魚嘅排泄物。大學唔重視都唔出奇，病鯨數量唔係特別多，佢哋到處活動，好難收集到排泄物。」

「嗯，佢哋有新研究指出，經病毒感染嘅病鯨所排出嘅排泄物，營養成份比正常高出好多，係海洋農業好珍貴嘅資源，而且佢哋意外發現咗樣嘢，只要經一段時間壓縮累積，再經太陽炙烤同風乾，提煉成其他具商業價值嘅嘢。」

「講係咁講，但病鯨圈養唔到，為咗覓食一定要周圍游嚟游去。」

回到港島區，我們第一時間將疫苗資料收藏到中環軍營地庫中，並將消息告知滿天。

「即係我暫時唔睇得份資料？」滿天一臉困惑。

「都係怕你有生命危險，我點都會搵其他人測試先。」我和王達尼早有共識，依然是找囚犯當白老鼠。

「我只係信科學，唔太信詛咒。」

「依種事的確唔係詛咒，而係天腦做，透過影響人嘅腦電波，令佢哋產生各種錯亂影響佢哋精神，直到佢哋頂唔住自殺。」我說出實情，畢竟滿天不會被詛咒嚇怕。

「隻天腦有冇咁神通廣大？」

「我甚至懷疑，佢無時無刻都讀取我哋諗緊咩。」

一直以來，我們都把重點放在病者國度，天腦也再三警告著我們。

可是當戰爭真的打完了，天腦卻好像置身事外，任由病者國度滅亡，沒有出手。

到底，衪是在打什麼算盤？

pish

不過那是後話了。

呢句係咪寫北部都會區個陣都出現過
但唔記得係咩內容