【冬眠者】《病港ＩＩ》（７８）

畢竟我變成黑色賢者的能力，也是從樹鄉給抽取出來。


幾時講？

逢教必邪係墨巴嘅原則嚟喎

變凶獸嗰期

但冇話過樹鄉係教喎

周處除三害個邪教島咁款

巨掌示意圖

「靈氣治療會令你內心達致平衡同和諧。」盧小晴雙掌舉起，輕觸我心臟位置：「注意呼息……」

「……」有什麼鬼用。

持續五分鐘後，盧小晴點燃某種植物散發香氣。

那株燃燒中的植物，顯然有著什麼讓人放鬆的功效。


咸濕劇情？

好奇m識唔識反擊風暴

識某招劍技已經夠橫行天下

M：

對方：

New age

之前騎住熊貓嗰個商人會唔會終於喺度登場
同埋我想問吓墨巴火燈籠嘅概念圖係點
我唔太想像到一樣嘢又可以噴火又可以揼人

Had

長柄武器，頭部類似中國紅色大燈籠，燈籠裡面放住火凶獸心臟，燈座有個泵浦裝置加快心臟跳動，燈頭有噴嘴放火

認真地細嗅，我能分辨出是薰衣草和檀香的混合氣味。

儘管我努力保持警覺，香氣還是舒緩了我的身心。

在這安寧的環境中，唯有遠處模糊的吉他聲輕輕地穿透寂靜。

「鈴……」盧小晴手握一串風鈴，輕輕地晃動。

盧小晴繞著我轉一圈，每走三步輕搖風鈴，形成一種規律。

我敏感的耳筋受輕微刺激，被清脆悅耳的鈴鐺聲呼喚。

「你身體似乎比常人要厚要硬，我去叫比較大力嘅男性治療師嚟。」盧小晴走出帳篷。

不久，一位相貌乾淨，姿態端正的男人走入帳篷，他先合十半躬，然後代替盧小晴給我靈氣治療。

「我叫顧明軒。」顧明軒的手掌觸碰我脈輪一刻，我感受到陣陣溫熱。

不知怎地，我腦海中聯想起按摩館的情景。

他右手輕輕覆於我天靈蓋上，指尖輕巧地展開，像隻蜘蛛伏著。

「有咩感覺？」顧明軒嗓子用戲院模式，低聲悄悄地說。

「……無感覺。」我答。

「感受下能量嘅匯聚。」顧明軒手指緩緩向中央聚集，給頭皮帶來一陣舒適的麻感。

「唔……」

「因咩事而嚟樹鄉？」

「因為身體有事……聽講好多患絕症嘅人，都會嚟樹鄉睇病。」

「我哋確實幫到絕症嘅人，甚至有人係嚟求永生，但心靈上嘅永生先係永恆，如果想要得到救贖，就必須信任我哋、相信我哋，同我哋修行，否則就算治療成功……都只會落得一場空虛。」

「永生？」只有邪教才會宣傳永生。

「樹鄉唔接受麻木追求永生嘅人，除非出於某種意義崇高嘅原因。」顧明軒抿嘴一笑。

「實際……療程係點？」

「我唔可以講你聽，因為治療方法係樹鄉嘅秘密，但可以話你聽，你絕對可以信任我哋，願唔願意修行？修行完畢，我哋認可，你就可以接受治療。」

「但我已經無咩時間……」賴桑已經沒有時間。

「你知嘛？接近死亡嘅人，係比平常人專注。」顧明軒手指散開再匯聚，輕搓頭皮表面：「因為佢哋再無牽掛，唔再被身外物所束縛，生命對於佢哋嚟講就係唯一，你有冇決心自救，都係一個考驗。」

我要麼立馬把顧明軒制服地上，逼問出「生命種子」。

要麼混入樹鄉團體中，慢慢摸索出來。

我選擇後者。

「我想接受修行。」

「非常好，嚟緊我哋會教你慢慢與自然共生融合，你依家可以更衣。」顧明軒給我一個籃子，籃子中放有白色的衣褲。

我接過籃子：「點樣先代表完成療程？」

「當我哋認為你精神修行，幾乎同植物無異嗰陣。」

「……植物？」我不太明白顧明軒的意思。

「精神修行嘅高最境界係同植物一樣，無論外界發生任何事，心靈都不受驚動，學會和諧同自然共存。」

「依種境界聽落好遙遠。」

「只要排清體內影響幼苗成長嘅毒素，搵返屬於內心嘅平靜，每個人都可以做得到。」

「哦……」好像聽了一堆似是而非的話。

「你換好衫，你就係樹鄉一份子，可以自由行動，任何人都係你導師，你都可以係任何人學習對象，等到你靈氣成熟我哋會幫你治療。」

「我可以周圍走？」

「當然可以，世上本來就無規矩法律可言，依啲人為咗束縛個體而生出嘅概念，但你要記住存在住因果，你所做嘅事情會為自己帶嚟某啲結果。」顧明軒給予一個正能量的笑容：「祝你修行圓滿。」

為了融入團體我是不得不更換衣服，不得不在樹鄉混上段時間。

我走出帳篷的時候，有著由魯特琴奏出的悠揚琴聲。

手抱魯特琴的男子愉快地笑：「歡迎加入大家庭。」

這個人樣子有點眼熟，他叫什麼來著……

「記唔記我啊？我係哈曼啊。」

「記得，你個結他仲未爛。」

哈曼舉起食指，左右晃動著糾正：「係魯特琴，唔係結他。」

我無視哈曼，開始參觀樹鄉聚居地。

聚居地充分利用了鯉魚門公園內舊有的建築結構，包括六棟營房、一座娛樂中心、體育場、攀網、禮堂、馬術訓練場以及餐館，滿目翠綠的植被顯得其生氣勃勃。

所有的信徒其樂融融，臉上寫滿平安喜樂四字。

然而，我周圍參觀的時間中，盧小晴卻暗中跟著我。

無論我走到哪，附近都有她的身影出現。

禮堂是相對寧靜的地方，兩側擺滿一排排的長椅，信徒的禱告聲如呢喃著咒語。

禮堂內最顯眼的位置，擺放著他們祈禱的神像。

這座雕像的外觀模糊了性別界限，呈現出一個人類形象，其四肢從中生長出纏繞的藤蔓，這些藤蔓緊緊纏繞在其背後的樹幹上，使身體有著拉扯的姿態，看上去相當扭曲，彷彿與樹木已然合而為一。

「依尊神像叫「樹母」。」盧小晴無端現身說明。

「你哋樹鄉拜嘅神？」

「係，佢代表住依座森林嘅生命之源。」

我正想靠前些端詳樹母的神像時，盧小晴一把手拉住我：「等等，你體內暫時唔乾淨，淨化咗再接近樹母嘅神像比較好。」

「點睇到我身體入面唔乾淨？」

「你啱啱由倖存區嚟，緊係唔乾淨，你仲未擺脫世俗嘅毒害，如果你想更快獲得治療嘅機會，我會首先建議你進行排毒。」

「點排？」

「好簡單。」盧小晴微微一笑，帶我到另一個地方。

盧小晴帶我到一間兩層高的密封建築物外，位置相對其他設施偏僻，而那些房間中隱約傳出著哀吟聲。

「排毒係一個痛苦而緩慢嘅過程，但若果你想要獲得治療，依個可以話係必經階段。」盧小晴對我說。

「簡單嚟講係咩？」

「禁食、禁慾、禁睡。」

真係似

我愧對天地

唔知樹頂個阿伯仲喺唔喺度呢

推

好邪教feel喎

好期待周處除三害

=====

「即係奧密教主，唔係唯一一個連結到嘅？」又有人問。

「嗯，根據教延記錄，暫時就得兩個人可以喊出「天主」嘅名字，第一個係慈愛世人嘅奧密教主，第二個係狂信徒一木。」

「一木？」

熟知教內歷史的歐蘭，徐徐道出他的背景：「一木。佢係一位年老嘅信徒，佢好早就加入天環教，同各位一樣都係平民出生，瘋狂嘅佢日以繼夜地進行聯繫，最終成功結連天主......但佢無接受到依份神聖嘅任務同身份，反而脫教離開倖存區去咗東面，建立一個名為「樹鄉」嘅地方，宣揚新嘅思想同理念，我哋後來就稱佢為「狂信徒」。」

一神論vs泛神論

中二M 又玩屠殺