【冬眠者】《病港ＩＩ》（７８）

#409 係港豬保護咗愛紗

Btw 對14號特工冇乜印象

但係照咁睇好快又會因為M而重出江湖
廢老M自己唔唞不特止，仲要唔俾人唞

重睇左一次，港豬保護愛莎個下真係好型

想追求全知全能？

港豬舉起手指，如數家珍般：「打從末日之後，艾寶琳出過好多傳奇人物，除咗你啱啱搵嘅黑鼠，仲有「初代病獵 ‧ 白鯨」、「開國劍 ‧ 君釗」、「格鬥王 ‧ 永泰保」、「黑色賢者」、「爐心 ‧ 練道仁」、「水中魚 ‧ 貴華」、「奴隸王 ‧ 陳十禍」等等，全部都喺各自嘅舞台上發展出一片天空，令佢哋名字永遠被人記住......」

鐵血。港豬

「首先，我嘅職業係「黑手」。簡單嚟講就係幕後黑手，負責策劃、準備、組織任何賺到錢嘅差事，就好似一個主腦嘅角色，咁當然呢啲差事係相對高風險、高回報，先會特登派人去做，可能我末世前係做開國際獵頭公司嘅顧問，睇人同做事都有少少準，倖存區嘅「黑手」嚟講我應該已經係最出名嗰個，但相對地，我對人才嘅要求都比較高。」

簡單而言，他是艾寶琳地下世界差事的中介人。

港豬啲催眠會唔會兒嬉左少少
催眠守衛嗰度同一滴雨滴三滴有咩分別…

病港既世界係咁架啦
同拳頭打死病獸差唔多

生命受到威脅

後面幾篇你就會睇到佢點樣Set一堆前置催眠人

佢唔係變咗病者咩？
可能其中一種能力掛

20分鐘追完一個月嘅份量
加更！！！

朱培津走得急趕，不辭而別。

他房間中某些文件被燒毀，僅得學術性或病歷報告留下，沒有留下太多訊息。

當中，他撰寫的論文最叫人在意──《思想烙印》。

因為論文是用英文所寫，我帶回去讓博海德翻譯。

經博海德數小時整合，得出大概以下資訊。

朱培津擔當心理學教授期間，免費給全校市民精神健康咨詢及輔導，並秘密展開名為「思想烙印」的實驗。實驗以催眠方式進行，對被催眠者下達心理暗示，以改變他們的觀念。

如：香煙裡含有對身體好的成份、讀書沒有前途、任何疫苗都含有毒性、外星人曾經到訪地球、所在的世界純粹小說故事。

有紀錄的相關催眠實驗，至少做了三千多宗。

研究發現，越是離譜，越是違反邏輯的思想，需要越長時間下達暗示，讓觀念植根到潛意識。

當與主流思想持相反意見時，大部份受暗示者都會隱藏自身想法。

將論文翻譯得流暢讀出的博海德忽然停下，好比如廁到一半突然收緊尿意。

「唔讀落去？」

「無……」博海德把論文翻前翻後：「讀完。」

「我都估到佢嚟大學，唔會咁簡單安於教書……」

「咩意思？會長。」

「朱培……港豬佢係個野心家，唔會安於現況。」

「佢睇落無做出咩危險行為，最唔道德都只係改變嚟搵佢問病嘅人嘅觀念，啲觀念都唔係話去到殺人放火嗰種。」博海德重新翻掀至論文的目錄，嘴角不自主抽動幾下：「但會長……你真係搵唔到後面嘅頁數？我睇佢目錄有寫到後面嘅章節同頁數，應該仲有後面先係。」

「真係無，篇文佢放喺抽屜嘅公文袋，我喺入面搵到，話唔定下篇文佢燒咗。 」

「燒咗？」

「嗯，佢間房有個鐵桶，鐵咗唔少文件檔案。」

「如果佢想燒哂所有嘢唔難，放落個桶到燒就係，唔會用得幾多時間，特別係放喺公文袋嘅論文……」

「除非佢係刻意留低。」我只想到這一點。

朱培津比我聰明，他真的想銷毀所有證據，我應該什麼都找不到才是。

我陷入深深的沉思：「但點解佢要某部份訊息……」

「如果用演繹法，我代入自己係港豬，可能我都唔會燒，因為無一個學者會想燒咗自己哂心血研究咗咁耐嘅論文。」

「你都有道理，而佢燒咗或者帶走下半篇論文嘅原因，可能係太重要，或者真係隱藏住不可告人嘅秘密？」

「又或者我哋只係杞人憂天，哈哈哈。」

我說出自己擔憂：「如果係其他人假死嘅話，我唔會諗太多，但佢係港豬……每分每秒都計算緊嘅人，所以我發現朱培津真係佢嗰陣……」

「心裡面有一絲不安？」博海德猜想。

「嗯。」

「我開始有啲後悔琴晚無拉住佢。」我捂著天靈蓋。

「其實應該搞清楚點解佢要假死，而且假死依件事公子會其他成員知唔知情，如果知情嘅話合眾國政府面臨好大嘅信任危機，始終港豬死之前，公子會其他人都未出山，未加入合眾國最高管理委員會，主要負責對外溝通嘅仲係得港豬一個，可能係陰謀都未定。」博海德給我一個可思考的方向。

想著想著，我不禁苦笑：「我哋喺到估估下，大概一世都諗唔到佢到底諗緊咩。」

「人心就係咁。」博海德拿起噴壺，給窗邊上的盆栽噴灑。

時間回到昨夜，朱培津掏出懷錶搖晃的一刻。

一眾駐守關口的自衛隊成員，表現得甚為震驚。

「係聖物……」自衛隊成員不再帶半點猶豫：「信任憑證。」

「請。」自衛隊成員打開關口的門。

所謂「信任憑證」，其實是朱培津憑空捏造的產物。

「思想烙印」論文下半部份，核心內容正是關於其手中的懷錶。

自入中文大學倖存區這些年，朱培津依賴著病者無限精力的特性，不眠不休地為廣大市民「輔導」精神情緒，並對首批被催眠者下了個簡單的心理暗示──「以後繼續回來覆診」。

這個心理暗示，可以稱為思想烙印第一個階段。

話語短而精，非常容易影響那些被催眠者。

當第一批催眠者經常回來覆診，與朱培津建立一定的信任程度時，心理的防衛機制會減弱，此時可以對他們下第二個心理暗示，亦進入思想烙印的第二階段──「向其他人推廣朱培津」。

讓首批催眠者有意無意地，向身邊的人推廣談及自己，吸收更多前來看症的人士。

這一部份的影響，例子體現在雍立正身上，正是他在耳目濡染下，向M推薦朱培津給麥欣看心理疾病。

每當有新的人來看症，朱培津便重複第一階段步驟，讓他們經常回來覆診，建立信任後再實行第二階段，如此反複直至累積一定的被催眠者，就可以實行思想烙印第三階段──「自己手中的懷錶為聖物」。

第三個心理暗示，是在他們心中建立出一個觀念。

那就是朱培津手中的懷錶是聖物，如反對持有懷錶者的言論或行動將會帶來不幸，相反它是可以絕對信任的憑證，然後傳播出去。

朱培津特意說明是「聖物」，是想讓他成為一種普遍接受的信念，也可以視為一種模因，讓它通過語言和社會互動在群體中傳播，它包含以下特性：

傳播性，故事簡短而精巧，容易在人與人之間傳播。

記憶性，涉及超自然的元素和對命運的影響，容易被別人記住。

自我持續性，假如人們相信故事，會改變自身行為，如尊重懷錶的持有者，信念會隨催眠次數和多少人相信而加強。

這一階段是最為艱難，因為要做的是植入根本不合理的觀念。

前設條件，必須對朱培津的信任度很高。

正如現實中的安娜貝爾娃娃不過是玩偶，但看著它人們心底裡總會發毛，會覺得把它放在家中真的會帶來不幸的事。

到此，思想烙印算是成功。

只要手持著懷錶，受心理暗示影響者，便會對懷錶持有者言聽計從。

當然，不是每一個人都能成功。

有些人是信仰堅定者，便完全不屑一顧。

但總體而言，實驗非常成功。

漫漫長夜裡，斜雨沾濕朱培津的西裝。

笑意陰森的病者們無視了他，任由其直行直過。

畢竟，大家都是同類。

呢條線好好睇喎，墨巴會唔會考慮吓整返個朱培津教授特別篇

港豬幾時變左病者

呢篇好睇 免費仔留句加油

佢好似打左針

其實墨巴本身寫港豬係咪茄哩啡
個名太尻

朱培津 我是你的破壁人

港豬

應該唔似
只係想講佢好多身份
又港豬又白月草又朱教授

豬培根🥓