【冬眠者】《病港ＩＩ》（７８）

由於本系列第一季字數超過一百萬字，強烈建議想要追看的讀者，先在Penana閱讀《病港》故事：

https://www.penana.com/story/73992/%E7%97%85%E6%B8%AF/

——————————————————————————————————————

廣告

——————————————————————————————————————

有興趣留意我最新消息同動向，歡迎Follow同讚好：

ＩＧ：maksyut20030164
ＦＢ：墨說

Penana：https://www.penana.com/user/93168/%E5%A2%A8%E8%AA%AA/stream?fromsearch=%E5%A2%A8%E8%AA%AA

——————————————————————————————————————

【《病港日報》資訊區】：

——————————————————————————————————————

【會長】

——————————————————————————————————————

【顧問】

【松木村「大師匠」認可神器】：

１：鯨牙大劍
２：金鷹頭拐杖
３：夜行傘
４：黃金貝果
５：神傘
６：腦電波情緒控制器
７：巨商之戒

——————————————————————————————————————

如果想支持我創作，或者想睇《病港ＩＩ》快少少嘅話，可以到本人以下付費網站購買通行證：

https://maksyut.com/

連登每有２００正評，付費網站和連登都會加一更，約３０００字

大眼病軀抖顫，倒地身亡。

我拿起空氣質素監測儀，繼續朝著霧濃度高的地方前往。

越往濃霧區域深入，四下可見的全是虛無縹緲的白霧，能見度極低，手指稍為伸出些都無法看得見。

這種情況下是完全無法辨認道路，也無法趁早察覺地型險峻，唯一可以確定是我所走的方向已漸漸偏離主要路線，開始踏入被綠色蕨類植物覆蓋的區域。

如今每行一步都必需步步為營，因為大帽山也存在著陡坡，很有可能會踏錯腳。

「有冇人！救命呀──」一把粵語男聲在呼叫。

聲音對正常人來說很遙遠，但我耳朵很容易捕捉得到，我也無法忽視他人的求助。

當然，也有可能是裂聲女在欺騙，但我寧願被人欺騙，至少不用真的把對方救起來，可以一拳了事。至於病童也並非不可能，但以我的精神造詣來說，很易辨別出是否幻聽。

在病港想救一個人，都是那樣的危險。

「救命呀！救命呀……嗚嗚嗚……救我啊……」

我透過摸扶著周圍的花草石壁靠近，男人的聲音亦變得越來越近。

「係人就出聲！」我喊。

「噫！係呀！有人呀！」

「你咩情況？」

「我喺山坡跌咗落嚟，隻腳好似拗到……」

「你嚟自邊到？」

「中大！」

「上山係做咩？」

「我只係個外賣員……我跌咗可能有一日……」

「叫咩名？」

「謝翰隆……」

問著問著，我走到謝翰隆的面前，隱約看到他穿著一身密實的服裝，包裹著面巾，戴著鴨子帽，地上有著吃剩薄餅的殘渣。

「呀呀呀你係──」面青口唇白的謝翰隆被我的樣子嚇到。

「唔洗驚，我係人。」

「你要救救我！」

「隻腳郁唔到？」我提起他的腳，幾乎貼到眼前才望得清傷勢。

「啊啊……係啊……唔……」謝翰隆不停緊抱著身子微微發抖。

「你凍？」我續問。

「係……越嚟越凍……」

「睇嚟凍霧滲入咗皮膚。」

「求你救我返去，俾哂所有家當你都可以……」謝翰隆求生意欲很強。

「你唔好郁。」我兩隻手往謝翰隆身上摸，檢查他有否收藏武器。

「點解跌咗落依到？同主山路有段距離。」

「我原本都係跟住主路一啲登山隊留低嘅安全繩行，但中間我俾隻病者嚇親，雖然見唔到隻病者喺邊，但聽住嘅笑聲越嚟越近，我就忍唔住反方向係咁跑，直至叉錯腳跌落山坡……」

「我孭你返去。」

「你、你應該唔會係九龍區嘅奴隸販子呱……」謝翰隆好像什麼都害怕。

「我係都唔會同你講。」我扛起謝翰隆。

「咁即係……係唔係……」

「我係病獵學會嘅人。」我只簡單交代身份。

「病獵學會……新興研究病者嗰班人？」謝翰隆語氣中表示出驚奇：「老實講，原本我以為病獵純粹係噱頭嘢，估唔到真係會有人嚟救我……」

「仲有外賣員先令我覺得奇怪。」

「哈哈哈……好怪呢？但其實倖存區之外，出面個世界仲有唔少人係隱匿咁獨自居住，佢哋都想要食到美食，我就係負責送俾佢哋。」

「你唔驚危險？」

「我本身好擅長走佬，只係今次運氣差咗少少，講真啊……如果唔係食咗原本要送俾客戶嘅蕃茄蘑菇披薩，我應該無意志捱到依一刻。」

「美食的確會激勵人心。」

我和謝翰隆談著談著，談起了不少倖存區外的趣聞趣事。

例如，金山郊野公園是一部份的食物來源，因為沒有人類的干涉，這十幾年來猴子的繁殖數量暴增。當地有專門獵猴的人，會捕猴販賣，供買下的倖存者做烤猴肉和猴子果凍。

我問他猴子果凍是什麼，他居然答我是猴子的腦袋，吃了會特別聰明。

而且猴穴深處貌似有著大量他們從市區搜括回來的珍貴品，不少人會冒險前去探寶。

我全程跟謝翰隆保持著對話，但並不是真的想跟他聊天，只是盡量讓他保持神志。

經過走入幾次死胡同情況，我們總算回到主要路徑上，接著再跟著固有的安全繩而行，不久後就脫離迷霧封鎖的區域。

「終於出到嚟喇！」重見天日的謝翰隆喜極而泣：「我居然真係有命出返嚟嗚……」

「喺山上嘅霧真正散之前，都唔好再亂上山，就算要上都搵個伴，遇到病者保持鎮定，唔好亂跑搞到自己差少少跌死。」我給他忠告。

「多謝你！真係好好多謝你！」謝翰隆抹掉臉上的哭涕，擦拭落我的吉利服上：「之前大學做過統計，平均每四個人上大帽山就有一個失蹤，今次死過翻生，我可以開講座出自傳啦……」

「前面好似有大學人？」

「係啊，佢哋登山隊成員。」

下山的我們與上山的登山隊成員碰面，我把負傷的謝翰隆轉交給他們，因為我尚要事做，免去我來回的麻煩。

那些登山隊成員同意了，帶著謝翰隆折返回倖存區。

單是拯救這位倖存者，已經花了我兩個多小時，我加緊步伐再次回到山上，繼續尋找冬眠者所在。

長時間困在霧中是很影響心情，會有種看不見盡頭的感覺。

我唯一能夠認知自己正接近目標的東西，是儀器中所顯示的數字。

頭香

其實你上個post仲有得開延續主題，撳+號就得

太遲了

Lm

你應該唔會係九龍區嘅奴隸販子呱……

伏筆+1

推

我愛墨巴！我愛墨巴！

正皮留名

新post正評

末世送外賣，令我將呢兩篇嘅內容聯想咗death stranding嘅畫面

留皮正名

我都係

新Po 留名

Lm

lm

推