【冬眠者】《病港ＩＩ》（７８）

天腦都幾關注中大 可能以前都係讀中大

天腦算唔算間接幫左人類 整隻冬眠者去困住癌王

覺得佢唔係想人類完全滅亡 佢想做到邊個阻到佢 比得艾匡能力同之前唔比佢送死都知唔係咁簡單 （鳩估）

冇記錯佢應該係讀港大

當晚，我直接把消息告訴王達尼。

得知消息後他顯得相當振奮：「果然一出手你係無嘢做唔到！」

「過程有幾辛苦你唔知。」

「你今樣講一講突然間好難訓得著……」王達尼掀開被子，坐起身來：「我哋出去飲杯。」

「依家？都收哂舖。」

「大把地方去啊同你講。」王達尼隨意綁條領帶，並把我的被子也掀起：「起身，慶祝下。」

「你認真？」

「假嘅我講嚟做乜？」

「求其叫人送酒上房唔得？」

「咁樣飲邊有意思啊。」

王達尼再三遊說下，我還是跟他出門了。

其實我都喜歡出去休憩，只是以往密忙的行程不容許。

確實如王達尼所言，大學的夜晚也很熱鬧，但不是體現在街上，而是每間書院宿舍中。

人們到晚上不會睡覺，只是把活動範圍收回書院宿舍中。

每幢宿舍都大同小異，走廊擺滿床墊簡陋的床墊，學生們躺在各自的床位談天、看書、收聽播音機，大一些的空間甚至設置了帳篷。

廢紙、模特假人、鞋盒、足球、單車、檯燈等，不同的雜物凌亂放置走廊上，牆壁貼滿倖存區的資訊。有宿舍房間成了小賣部，門口外總是大排長龍，它提供一些日常用品，最多人購買劣質香煙。

當我和王達尼經過掛牆上的飛鏢靶時，一名男子突然發出了驚叫：「小心！」

男子手上的飛鏢正好脫手，不偏不移的飛擲向我們。

我直接伸掌格擋，讓飛鏢掉落地上。

「咣」

「有冇事！？」男子慌張地問：「有冇插穿你隻手……」

我查看左掌一眼：「無。」

「我啱啱太集中無留意到你哋。」

「玩飛鏢啊？」王達尼撿起地上飛鏢，輕輕往鏢靶一掉，讓它插在靶上。

「係啊，你都有興趣？」

「無，我戳開波，依到晚晚都咁熱鬧？」

「係啊，其他宿舍都一樣，你可以當係唔同小社區。」飛鏢男認出王達尼：「啊！你係咪嗰位港島總統？」

王達尼爽快地承認：「係，有冇好驚喜？」

「你嚟參觀我哋？」

「其實早幾日，都成日見你哋大學宿舍明明夜媽媽，入面都仲好似開緊派對咁，所以想嚟參觀下。」

「我可以介紹你聽啊。」

緊接著，飛鏢男便成為導遊給我們講解。

由於床位不足關係，校園中大部份人都是舖床墊睡走廊，要不然幾個人擠在一間小房中。宿舍某些面積較大的公共空間，會改成不同類型的場地，如我們所在的宿舍，其中一間活動房就是三人足球場地。

我們問他哪裡有喝酒的地方，飛鑣男馬上就介紹我們到另一間宿舍，裡面有著小酒館，能給我和王達尼喝上一杯。

雖然酒的味道比水還稀，但醉翁之意不在酒，單純感受下氛圍也夠放鬆。

「有咩想講？」

早文一推

pish

住Hall 無 Hall G

「講。」

「嗰位同我飲緊酒嘅，係我一位律師朋友叫陳大文。」

「咁你？我連你個名都未知。」

「喔，呵呵，好似係。」人類學教授輕托眼鏡：「我叫人威威。」

「人教授你想同我傾咩？」

「我同陳律師研究緊一單嘢，應該話秘密做緊實驗，想你哋提供少少幫助。」

「實驗？」

「你記唔記得邊個叫陳智能？」人威威教授問。

「病者園隻病腦。」王達尼即刻能答出來。

「嗯，其實我同大學提倡咗一個可能性……就係會唔會有機會將陳智能變成人工智能。」

「人工智能？」

「病腦佢哋聰明、學習能力極高、擁有推理能力、可以自我修正、自動化，更重係擁有交互能力，如果將陳智能變成人工智能，我覺得係一項重大嘅嘗試。」

「你依個奇想好特別，但病者天性邪惡，帶有攻擊性，實質上都好危險。」

「所以我想問下你，以你經驗中，有冇見過善良嘅病者？特別係善良嘅病腦。」

大BOSS某程度上，如同人工智能一樣。

要不是大BOSS能夠不眠不休地進行研究，滿天對疫苗的認知可能沒現在深。

「有係有……」我語頓半秒：「但係，機會極其微細。」

王達尼搭嘴：「我哋遇過嘅大部份，都係策劃緊點謀殺人類。」

人威威提出假設：「有冇教化嘅可能？因為我同陳律師討論緊嘅，就係對陳智能增加人類道德規範。」

「隻病腦本身係咪善良，重要過對佢教唔教化。」我說出重點。

正如人類中，也總有喜歡病者的瘋子。

「兩位大人物好。」陳大文律師拿著酒杯，走來打招呼：「見你哋討論得咁開心，我都忍唔住想嚟聽下。」

「你哋真係想傾落去嘅話，坐低慢慢。」王達尼邀請他們坐下。

如是者，兩人酒桌變成四個人。

陳大文律師拿出一張手寫心智圖：「依個係我哋暫時對陳智能作出嘅道德規範。」

心智圖寫滿密密麻麻的字，每隻字都如同律師般，用字非常精準。

「你點樣確保陳智能一定唔會發生叛變？」

「其實都係靠轟炸式洗腦嘅手段，既然病腦係有智慧有思維嘅生物，咁只要長期調教落嚟，觀念多少可以扭轉，而且我哋唔預計陳智能會同人類有身體上觸碰，所以生命威脅應該唔會好大。」人威威教授解釋。

「你聽日搵病獵學會，過程我哋幫手睇住，提供下意見。」

「好，我本來都打算之後會搵學會。」

突然間，吧檯傳來打力的拍桌聲：「呀！」身形肥胖的男子，苦惱地掃掉桌上的原稿紙。

陳大文手肘搭著椅子，轉半個身，扭頭望去：「嗰位係咪「夏天的貓尾巴」？」

我和王達尼一頭問號，想著他是不是說著我們聽不懂的笑話。

「佢身形咁豐滿應該唔係普通人。」王達尼說出自己的直覺。

「你哋可能唔識佢，佢係位作家嚟，中大寫嘢最賺錢嘅就係佢，只要寫一本小說就賺到全年嘅糧食配給，算係文學院嘅代表人物。」陳大文給我們介紹。

「佢係咪無靈感？睇落心情唔多好。」王達尼舉頭喝酒。

「我唔係無靈感。」夏天的貓尾巴轉過身來，緩緩行到我們那一桌：「只係、只係……俾個賤女人出賣咗。」

「請坐請坐。」王達尼洞悉到商機，想巴結這位作家。

夏天的貓尾巴醉醺醺的坐下，下盤的屁股大得佔據兩個位子：「上年我識到個女人，佢話係我女讀者，對我展開追求咗，我哋情投意合咪一齊咗，但原來一切都係陰謀！佢真正目的係偷睇我小說原稿，然後賣俾區內嘅遊戲製作商，整咗款桌遊出嚟。」

「侵犯智識產權……」陳大文律師仔細一想：「應該告得？」

「佢哋好醒，特登將角色同情節改一改，聽講最近隻桌遊搞封測，大家都讚不絕口……」夏天的貓尾巴痛心地握拳，用力砸自己胸口：「我賺少好多版權分成！」

「你寫嗰個咩小說嚟？」

「一個末世故仔，主要係講主角點樣喺病港求存，就係用依家個時代做背景。」

「賺少咗唔緊要，你有冇興趣喺港島區出版？」王達尼搭著肩膀，拿根煙給他叼著。

「我個心唔安樂呀！睇住自己作品改嚟改去，同自己個女俾人蹂躪無分別……」夏天的貓尾巴難以咽下這口氣：「如果你哋幫到我消滅嗰款桌遊面世咗嘅測試版，我可以應承你哋任何嘢。」

「M。」王達尼目光落在我身上。

「你當我好得閒？」我反問。

「你最想要嘅文化宣傳機會喺到，有人睇完《學警雄心》走去做警察，有人睇完《烈火雄心》走去做消防，有人睇完《大時代》走去玩股票，如果你幫到阿大作家……話唔定佢幫你寫部《病獵雄心》系列，大把後生仔搶住入病獵學會，真正解決你招生嘅問題。」

「佢有冇咁勁寫幾隻字就令到人想做病獵。」

「你唔好睇小文字嘅魔力！」夏天的貓尾巴忽然清醒，眼神凶狠的指著我：「佢可以煽動，亦可以抑壓人嘅情緒，佢係一種魔法，可以令你流淚，都可以令你憤怒，要唔要我證明俾你睇？」

「好，點證明？」

「你伸隻手出嚟。」

我按照夏天的貓尾巴伸出右手，他掏出一枝墨水筆在我手部皮膚寫下關於問候母親的四字粗口。

「你依家有冇感覺到好嬲！？」夏天的貓尾巴問。

「比較多嘅愕然。」我照著內心去說。

夏天的貓尾巴再在我的手上寫著不同的粗口：「依家仲嬲唔嬲？」

我看著右手給寫滿各種粗言污穢語，心中確實有些憤怒：「有，而且仲好想郁手打人。」

「依啲……」夏天的貓尾巴像個武士，眼神黯然地把筆蓋合到墨水筆上：「就係文字嘅魔力。」

「我記得自己係嚟飲酒，點解……」我望望左右兩邊的人：「突然間變咗幾條友輪住俾嘢我做。」

「哈，可能酒吧本來就係互相傾訴煩惱嘅地方，大家都不自覺講出咗自己嘅麻煩出嚟。」人威威教授笑說。

M好似打機咁 酒館接支線任務

人威威個名好似啲弱智下把角色

睇個名都唔方好人 或者唔會有好下場
之前疫苗嗰個前院長 個名正常好多

威人威威不是威？

「求其叫人送酒上房唔得？」

咦牙m想同王達尼兩個喺房飲酒

比華拉