死肥妹減肥！尋戰友

咁佢係有一個星期po次上磅嘅 不過近來先開始講原來係打針

打針都減得0.7kg就知條肥閪偷食幾多野

Day65


早餐 無糖豆漿+無糖乳酪+藍莓+蘋果


午餐 煎三文魚椰菜花飯+灼生菜走油


晚餐 涼拌金針菇+小青瓜兩條

其實我已經食咗糖尿藥+三高+抗抑鬱藥好幾年

去到2024年3月中，覆診內科
先有個好啲嘅醫生同我講
我食緊有隻糖尿藥係舊藥
又比較多副作用，會食肥人
越來越少人用，已經逐漸被淘汰
佢問我想唔想打血糖針代替
會令我冇咁易肚餓

不過要排期到4月中先有護士教我打第一針

去到5月先開始有種成日反胃嘅感覺
到今星期更明顯

上網搵咗啲資料
其實咩藥都好，都會有一定嘅副作用
不過而家網上開始講到停打會好得人驚咁

我會先觀察多一個月
6月覆診問下醫生意見

其實對糖尿病人，冇胃口係好事
因為本身糖尿病就好容易肚餓，成日都會想食嘢

最後個句

食得多野+ 食垃圾食物 》 搞到有糖尿病
有糖尿病會容易肚餓 食多啲野 〉食得多野 》 keep住糖尿

根本就係一個循環

你個糖尿同三高就係由你把口食出嚟
所以你依加咪要還

加油啦

肚餓有時可以忍住既咪忍下囉

嘩屌 坦克

？

想食嘢唔係問題啊
容易肚餓都OK
但係你食嘅嘢同埋份量會令你更加難戒口

你份量食得太少 營養素都唔夠 碳水同纖維就好明顯每日都唔夠
食唔夠嘢就好容易食立雜嘢 例如珍奶同零食

你嘅身高同體重，每日tdee應該有1600-1800或以上
當然我唔知道你嘅年齡 tdee 都係估
但有時卡路里又食得多啲
有時就好明顯遠遠唔夠 你嘅身體都唔知你想點

同埋飲夠水瞓得夠都好緊要

Btw 我估抑鬱都影響你嘅生活狀態同動力
所以飲食都受影響？

絲打梨巧正。。。

全靠努力減肥
禾得 梨都得 各位姊妹都得

求慢煮棒link

Day66


早餐
藍莓+車厘茄




午餐
蒸龍蝦一隻，菜兩碗，烚長壽麵半碗
蒸魚三啖，有汽礦泉水
家人生日，食咗啖蛋糕



晚餐
涼拌金針菇一碟

Day67。母親節
兩餐飯，兩位長輩媽咪，走唔甩


午餐。Lunch Buffet
走甜品
飲水+一杯凍齋啡
拎左兩碟海鮮+烤牛肉串+少少沙律（黑醋汁）
配水慢慢食




晚餐。酒樓
家人知我減肥，盡量揀多啲蔬菜
不過都係油到hihi
午餐仲未消化完，好滯冇乜胃口食

幾啖蒸魚，一碗菜，帶子兩粒，鮮魷兩嚿
飲勁多普洱茶
母親節蛋糕食咗一啖

假膠

多謝絲打關心
抑鬱係真係會好冇動力（行動力）
以前可以冇mood全日係房唔郁，諗負面嘢
一唔開心就用食物嚟填補
（所以食到咁q肥）

而家已經過咗低谷慢慢康復緊…


既然下定決心減
叫自己踏出第一步去做d改變
例如自己出去買健康嘅餸
出去食嘅時候選擇健康啲嘅嘢/食少啲
落去公園行多啲，樂觀啲面對挑戰


好多普通人理所當然嘅事情
例如換件衫就出去做運動
對我嚟講可能係要內心掙扎好耐先出到門


對於普通人落手煮嘢食係好簡單嘅事
但對於廚房已經長期唔用變咗雜物房
係我需要去面對處理嘅
希望我可以比個限期自己去執返好個廚房
始終唔可以俾藉口自己食太多外食
有打算租個倉放雜物


好少係度講內心啲嘅嘢


我知我仲有好多改善空間
我進度或者冇大家期望嘅咁快或者咁好
但我盡力用緊自己嘅步伐去做
會一直調整做得更好

我唯一承諾自己，唔會錯嘅道理：堅持唔放棄！

我feel到你好努力
比著係我 自助餐會食好多野

不過都係嗰句 食少少碳水好d
唔食碳水都好影響心情

支持你
明嗰種抑鬱影響動力同生活嘅感覺
好似嚴重百倍嘅Monday blue咁

唔緊要 慢慢嚟
減肥係建立新嘅生活方式 係持久戰

從生活開始 每日行多少少路已經係好大進步了

趁垃圾徵費 不如掉d你唔需要用或過去一年都冇用過嘅野？
講起執野，可以睇下Netflix 怦然心動的人生整理魔法
睇下有冇野啱用

講起blue Monday
星期一至四對我而言都係blue

樓主食得落圖啲野但係點都唔肯每餐加份碳水
適量碳水真係幫你
同埋都好多研究有講腸道菌叢有問題會導致憂鬱症
補充好嘅營養係養好腸道菌叢會幫到你情緒問題
我諗大家係鄧你唔抵 堅持到食雞胸成兩個月
如果向一個更加持續到嘅方向去行，兩個月已經上晒軌道

我加埋星期五至日

第九星期結算

上週體重：86.1kg
今日體重：85.1kg

第9星期結算：-1kg

截至現時為止共減：-12.7kg







減咗兩個幾月，減咗12.7kg（28磅）
腰圍細咗10cm，臉瘦咗好多
身邊人見到我都話瘦咗成個碼
2個月前著唔落嘅連衣裙，而家著落去係鬆身嘅
呢種快樂，足夠我堅持減落去

大家加油！

你搵個人 陪你/ 捉你 去行路 應該會好啲

樓豬唔好再食涼拌金菇啦
見你碟野有好多辣油/麻油之類既調味料
改成白烚/其他蔬菜會更好