死肥妹減肥！尋戰友

睇你食法又唔算好進取，不過慢慢減都好嘅 唔洗太極端加油

真一時就全白烚，青瓜烚蛋雞胸藍莓，唔落油唔調味，過幾餐就十粒魚肉燒賣同4嚿榴槤＋日本手信（日本手信九成都係甜品糕點）咁轟落去一時全日走澱粉，一時又一日兩餐食齊米粉＋M記包，已經有米粉同麵包嘅精製澱粉，再配多杯澱粉類嘅牛油粟米﹐除非樓主玩緊碳循環，但樓主有糖尿，應該唔可以咁玩順帶一提仲有排骨都係好高脂

真係寧願平均啲，玩211餐盤，唔好太寡，正常調味＋少油，唔會忍到一吓好似究極反彈咁，連續三日都有一餐/小食係超亂嚟咁

我平時食得無樓主咁寡，餐餐夠飽夠滿足，到有時口癢偷食雪糕都係一啖起兩啖止，好快覺得冇癮放返入雪櫃魚肉燒賣仲可能算係陷阱，但榴槤我諗真係大部分人都知道係好肥好高糖樓主都照樣一下大量啪就反映到平時嘅飲食對佢嚟講真係太壓抑，就算減到一時都改唔到一世，好易反彈

成日不定時咁極端，個身體分分鐘因為唔知佢想點而傾向囤更多能量，咁樣只會減得更辛苦

完全同意 火山排骨係勁肥 勁高脂
黐住骨嘅肉都係高脂肪

我都覺得係平時樓主嘅煮食太寡太清淡 份量都太少
令人肥嘅唔係主食 而係高卡路里嘅食物同份量太多
反而好欣賞樓主嘅麥當勞餐，揀得好好
粟米係低升糖指數嘅優質碳水 走埋醬成餐加埋都係400零卡路里好好呀

正餐食得夠同滿足 好自然地小食就會食少啲同慾望冇咁大
食小食唔係問題 但最重要嘅係個份量同埋卡路里
樓主選擇嘅小食嘅卡路里等於或多過正餐
同埋都係高糖/高脂肪/高碳水

樓主可以留意吓自己飲食習慣嘅Pattern

燒賣5粒=一碗飯熱量，仲食10粒
榴連功多糖，食4舊平時食2舊都已經覺得多

勁多糖*

主食其實冇人諗得咁邪惡尤其飯亦都冇咁高卡，係升糖指數高，但如果按湯菜肉飯次序食都唔至於爆升，食糙米、紅米就更好

我而家都係成日用飯或者正餐嚟理解零食卡路里，因為單睇數字唔足以意識到有幾肥

我本身好鐘意鳳梨酥、muffin，細細嚿以為冇咩，但開始減肥之後發現一個muffin 已經差不多400卡，鳳梨酥一嚿200卡，加埋換算返差不多等於三碗飯，一餐正餐了一咁換算，我就寧願正正經經食一餐好過

本身樓主嗰日都只係食咗兩餐，麥當勞嗰餐差不多400卡，碗清湯米應該都係5、600左右，tdee嚟講加多一餐唔會太大問題，自己煮正常份量嘅原型飯菜肉都係大概600卡左右，唔知樓主有冇特登揀瘦啲嘅燒賣，但如果係肥啲嘅魚肉燒賣，十粒差不多500卡何必呢冇咩瘦到之餘仲唔飽，攝取嘅營養都係一堆肥油同澱粉

麥當勞餐我覺得可以走麵包，或者將粟米轉沙律會好啲，因為板燒個包比較長身，又唔係全麥包，其實都夠澱粉，比例上再多加全杯粟米可能澱粉太多，佢嗰日午餐都係得塊紫菜仔，以減肥嚟講整體蔬菜唔多夠

Sor收返轉沙律個句太耐冇食m記，啱啱查返相，先醒起裡面有一堆麵包粒

大家可以慳返啖氣啦
好多人話白烚頂唔到
但樓主好似鬥氣咁照食左勁多餐
依家食零食啲心癮出返晒黎
減肥嘅cheat meal唔係想食就食
係要預大概幾多卡 頻率
一切都係講規律同自律
一日未做到一日都係個減肥地獄入面無限loop

Cheat Meal 唔係俾你放假抖氣用。
有意識有計劃地用Cheat Meal，同埋Cheat Meal都要照計三大同卡路里
要知道自己多咗幾多，睇下之後個BMR會唔會唔同。

樓主要做到美食擺係面前
但都只可以淺嘗一下就放低更好
好似榴槤咁
係好好味，你咪一舊慢慢嗒真佢
4舊就over左

肥閪落到磅完全係靠支減肥針

想知樓主有冇開始做運動？運動都好重要
我都減緊 如果要我學你食咁清會想死
不過我會計碳水，蛋白同脂肪食左幾多
所以有時知道邊餐食左幾多肥野
下一餐減返啲
我覺得樓主都需要mark下數
咁間中食零食都會就住就住食
因爲我次次食之前都計下可以食幾多
以免超標

如果係咁食多碗飯咪仲好？
起馬飽肚

因為我都係靠改變飲食習慣減肥，其實我上個post都已經推薦樓主學下睇營養標籤，同埋盡量簡原型食物，單單係呢兩樣都已經好大幫助。


同埋樓主真係應該要好好計劃下應該要點食，樓主依家唔係一個長遠既食法。

post1頭幾日睇過眼，估唔到樓主keep 到加油keep 住啦，到後面其實撐住唔反彈已經係勝利，可以適量放鬆d (重點係適量) 咁可以持久

多謝各位提醒指點

呢幾日的確係飲食同份量都選擇得唔好

我呢星期開始有個唔好嘅心態
就係覺得今日仲有quota
cheat 小小唔過份

但一食就控制唔到個量
明明之前可以（生日party自助餐都可以）
但嚟m呢幾日就爆發咗

如上面巴打講
可能我壓抑得太耐

今次例子：
幾年冇食過從小到大最愛嘅榴槤
今次老媽子買咗好正嘅貓山王
嗰日我m痛，成日早午都冇食過嘢
去到夜晚8點先食第一餐
諗住食一嚿，點知就爆發咗食慾


我要從錯誤中學習…
唔好喺最肚餓嘅時候，
俾自己暴露喺啲高卡嘅飲食當中

今次我畀自己課題就係要定時食正餐
有時因為各種身體情況
真係會長時間冇進食
通常嗰日就好容易會暴走

另外就係要多了解營養同卡路里
為咗避免再出現呢星期嘅情況

決定用fitness pal嚟計清楚每日飲食熱量

Day 81

午餐 蛋白兩隻&全蛋兩隻+ 蒸紫薯一個



晚餐 蒸魚+炒西蘭花+白飯

Day82

午餐 煎蛋兩隻+粟米粒一罐


晚餐 煎三文魚花椰菜飯+灼生菜+凍檸水走甜

好奇你食呢d 午餐你係用咩心情去食？

自從有運動習慣
平時跟本任食唔戒口
體重冇變過

捱
覺得捱過咗一餐就一餐

如果樓主講得出佢一世咁樣食都好Enjoy嘅，我會大力支持佢繼續。

見到圖都覺得受刑咁其實兩餐都好似晚餐咁我都覺得好夠了

不過樓主係堅減到好多，但比較擔心之後既情緒問題，好易情緒爆炸一下反彈上去想佢穩陣d 慢慢減咪算 .....