[D705-] 抗俄衛國 177: 援烏法案受阻：屌你共和黨玩撚夠未？

掉返轉諗
因為烏克蘭攻勢唔多主要打防守
俄狗剩係派到咁多炮灰出黎
或者個killzone剩係擺到咁多人

如果彈藥充足d
可能都會多返margin但唔似係會成倍咁多

其實一個正常民主社會
應該係責任自負
歐洲國防自己搞返掂先係正常想法
而家呢種豬隊友狀態唔係盟友而係負累
到真係三戰時唔可能靠晒美國
美國人有咩理由出錢出命幫歐洲人打仗
呢d都係美國人既貼身利益
至於美國軍火商有無錢賺真係關人撚事

上面有人解釋過
美元霸權本身就係靠美國全球駐軍維持
而美國因為美元霸權得益肯定大於駐軍成本
以前只有強國粉紅鬧美國做世界警察
而家班極右愛侵力鬧埋一份就知咩事

唔係交保護費咁點解asml 要限制出口光刻機？

係，如果美國決定唔再做“世界警察”（最少喺歐洲方面美國影響力不如以往），最終會連帶美元本身都會受影響。

Trump同班極右今日的親俄立場，最終令到歐洲再次掘起，我個人樂觀其成架。不過長遠而言美國根本利益與全球領導地位受嚴重損害咁解。

咁Trump到底係想made America great again定Made America shxt again？

如果講其他商業領域的話，坦白講歐洲其實唔係好鍾意美國佬果種做嘢風格，亦唔係好妥美國d 屎忽IT巨頭。

簡單睇吓蘋果最新業績
歐洲係好多美國公司一個極重要市場
幫手維持歐洲穩定佢自然會課返金

好可惜，不得不承認俄特工喺歐洲確實神通廣大
https://x.com/front_ukrainian/status/1759609021655351360?s=46

當歐洲肯承擔軍費, 美國亦唔會放棄賣武器既機會.
都係嗰句, 生意佬既野, 一定先開天撤價, 睇下對方點落地還錢.

除非俄軍真係入侵歐洲, 否則未來20年內都無可能出現防務自主,
東歐同西歐對防務既不同需要已經綁死左歐盟,
想防務自主, 歐盟呢個傾向商業既組織必須進一步軍事化,
取代北約功能, 咁係需要改變歐盟架構, 並且加大歐盟主席既權力.
以歐盟既現況, 睇唔到有改變既傾向.

如果無美國, 世上有邊個國家打陸戰可以穩勝俄國先?

Navalny死可以另佢諗到後面堆bullshit野
神之邏輯

嗯, IT領域, 歐洲的確係落後於美國的巨頭. 最少係一般消費者市場係咁.

但去到higher grade的商用市場, 前IT狗的小弟可以講俾巴打聽: 唔係美國公司獨大,

商用level, 有好多唔同的公司競爭. 基本上係戰國7國咁亂, 搶到爛哂市. 呢D商用IT服務公司, 唔做一般消費者/散客的生意 (散客冇肉食).

就算係美國, 都唔可以輕言穩勝"戰爭機器化", 同美國打"總力戰"的俄羅斯

提督你自己睇番俄羅斯"唔要命"的打法. 假設俄國 = 戰錘40K的人類帝國, 俄國人將民族主義如同戰錘"信仰之力"一樣, 將每一寸土地都打成斯大林格勒, 巴赫穆特, 阿夫迪夫卡咁, 就算有美國有絕對的空優, 到地面戰掃蕩階段地面部隊都好頭痛.

到地面掃蕩時, 對面人人上哂腦, 高喊為了帝皇!"為了俄羅斯", 不停堆屍進攻或死守, 美軍都會頭痛.

不過, 美軍如果遇到, 或者預測俄羅斯玩類似日本1億玉碎的玩意, 佢哋應該會亳不猶疑地用滅絕令丟個小型核武就算. 唔會同班狂信者一樣的守軍磨血.

但出佐呢單嘢, Eventually歐洲應該會縮減俄使館規模. 甚至radical D趕哂歐洲D俄國人走都唔出奇.

俾俄國特工咁, 繼續喺人哋國家隨便冧友仲得了?

美國真係有絕對空軍優勢+海量集束彈.
集結已經開始炸你. 人海? 食得架?

點解小弟會將俄羅斯同戰錘40K的"人類帝國"比較:

因為俄羅斯的打法與背後的思維, 愈來愈與"人類帝國"同化 = 都係高壓管治的社會, 俄羅斯民族主義漸漸"信仰化", 我哋漸漸變成"俄羅斯之敵" = 同必需要消滅的異端, 異形的"帝國之敵"冇分別.

而喺戰場上的打法, 俄羅斯同人類帝國一樣, 都係不計代價與人命, 裝備犠牲去達成目標. 俄羅斯宜家, 係願意以森森白骨, 無數人命犠牲為代價, 填出所謂"俄羅斯的榮光".

所以宜家計消滅俄匪幾多, 已經意義不大, 除非有本事將所有俄匪, 一個不留地殺光, 否則計殲敵數只係反映效率咁解.

野戰可能會咁.

如果進攻城鎮的話, 就要炸光的每座建築物, 如同俄羅斯做的一樣. 有戰意的俄羅斯, 會一個個block, 一間間房咁同敵人打.

https://x.com/new27brigade/status/1759618955466219846?s=20

另外, 烏克籣有同FSB一樣的能力, 去克里米亞冧人友.

黑暗世界鬥秘密地去對家地盤冧人/執行家法的痴線嘢, 會愈演愈烈

歡迎來到國際秩序崩潰, 誰大誰惡誰正確, 鍾意冧人友就冧人友的痴撚線多極世界時代

https://x.com/Terror_Alarm/status/1759471308805419335?s=20

待証實, 哈馬斯指揮官疑似喺加薩被捉住.

好遺憾, 國家安全唔係Business, 有D嘢最後都唔可以"假手於人". Trump開天殺價, 對方唔係落地還錢, 而係直接唔搵你合作.

例如軍火市場, 美國佔好大比例, 但唔係獨一無二, 提督要了解多D世界各地的軍火商, 唔好剩係識得美國的幾個軍火巨頭: 德國的箂恩金屬, 瑞典的SAAB, 法國的泰利斯, 意大利的Leonardo, 各自都有其獨特的競爭力 (英國脫佐歐, 所以我冇提BAE System).

侵唔理解一件事: 世上唔係所有嘢, 都可以用Business的手法去玩的. 商業世界係商業世界, 國家, 區域安全唔止商業咁簡單

不過我知Trump就算理解, 都唔會認同.

提督提出歐盟要"軍事化"的思路, 非常正確

特別係今年俄烏戰局的危急關頭, 提督呢個想法, 好大機會同幾年前法籣西"歐洲軍隊"的構想整合埋一齊, 提上歐盟的議程.

將來現實版的AEU, 唔好成日出埋模擬戰2000勝的搞笑柒頭就好

因為美國揸住critical patent (關於光學部分)

SKY news有報導過, Yahya Sinwar既一個朋友同SKY news講過,
哈馬斯並唔期望會演變成全面戰爭.
https://news.sky.com/story/yahya-sinwar-hamas-leader-in-gaza-didnt-expect-consequences-of-7-october-attack-to-be-this-dangerous-says-friend-13071788

我之前估計過, 哈馬斯無預計過10月7號既行動會咁成功,
以為拉一班業餘恐佈份子去做肉盾做炮灰, 核心份子就捉人質,
用黎做釋放囚犯既談判籌碼, 點知以軍陣地一攻就破,
炮灰同肉盾無死, 反而流竄去附近搞大屠殺, 結果搞出個大頭佛.
但呢啲真話哈馬斯唔講得, 恐佈份子係只能煽動人民,
但無辦法約束人民對外既攻擊行動. 睇完呢篇報導,
愈睇愈似係咁.

呢啲係同歐盟既結合程度有關. 結合度唔夠, 就無法防務自主.
你要統一歐盟, 由經貿聯盟變成戰略同盟, 係要花好大力量,
同埋好大既外力威脅先做到, 否則就要花好長時間.
而家既外力威脅唔夠逼切, 短期內睇唔到個政制會有咩改變.
所以我認為係要花好長時間.

精確D講, 係光學"軟件"操作的部分, 硬體部分是賽司鏡頭.

所以我前面就講佐: 如果幾年內普京冇揮軍入侵歐洲, 歐盟變革成AEU的過程大概要十幾廿年的時間.

相反的話, 同俄羅斯的戰爭幾年內殺到埋來, 歐盟可以好快(唔超過1年內)就變成AEU.

提督到底有冇睇到我預計唔同情況下的Time schedule?

BTW, 美國黨爭, 孤立主義等影響對盟友援助的唔穩定因素一日未除, 歐洲始終會, 而且係必需要向著獨立自主的防務方案走.