手沖咖啡交流區

其實就算single origin都好穩定
只要佢個roasting drum夠大就ok
所以個d咩小品roastery都係玩鬼自己

以前未移民仲住緊香港
間屋已經細又已經有打算走 唔想再買電器
同埋買手動espresso係行山去camp果陣都可以用 因為香港就算你玩camping都係小輕量為主
而家去左外國就算去camp都可以渣車就無咁多呢D野要考慮

但個人經驗係picopresso同flair高質過一堆平價入面espresso機
尤其係d字頭品牌
但我都唔會叫人唔好買咩機咩牌子
因為真係每個人需要唔同
以前我會好憎D人飲capsule 但而家我另一半份工係教書既 日日天都未光就要鏟雪渣車返工 佢要既係10分鐘內可以成個人醒晒 咁capsule一定最方便佢

玩得espresso
就要consistent
淨係d accessory都幾千銀

就算平價機如leverpresso我都試過沖出黎係好飲既
但中間dial in個過程係極度痛苦
我以前真係鍾意當興趣咁玩先會有心思去做呢D實驗
如果真係為左飲咖啡 就直接picopresso算啦

Accessories 有限錢，同埋可以後加好易搞
機同磨真係好大投資，無得話換就換，真正攻頂最慳錢

係 一步到位真係最慳錢
最緊要量力而為
反正冇真正的頂
反而手沖有一個頗接近的頂

我都係咁話 之前買d入門既 用極都唔壞
收埋即係同dum 左佢冇分別

有無人開個Espresso post 再咁落去我地淨係講espresso

https://londiniumespresso.com/specs
一直心郁郁想買呢部 Londinium R24 (圖文不符，但部部都係一樣樣)
但真心好貴同埋D科技好似落後左30年
頂級機但用HX 同埋無thermo control
個個都講到好神，有無人有真係試過?

冇
不過點解想用

都係果句
睇自己咩習慣
以前我用flair都覺得single dose係一件好型好認真既事
而家日日最少沖7杯咖啡 (自己一日3-4杯 另一半係夜晚食完飯都會飲咖啡既人黎)就唔想再single dose
當然唔single dose都有唔single dose既頂

落後30年有落後30年既好
其中一樣係壞起上黎你好易搵到師傅整 因為師傅就係整左呢D十幾年
所以點解gaggia入門機長賣長有仲要咁多人特登買舊機黎自己mod

不過買呢D機要考慮既另一樣野係你平時點樣保養佢
我唔知大家習慣
呢D機你預要真係勤力D保養

岩岩買左Comandante x25 本身有c40一個放公司一個放屋企

佢嘅 selling point 係真係做返接近一個機沖嘅shot

對手搖好易炒車

真係適合本身有espresso machine 經驗嘅人

Flair 連續出杯性能好弱，我唔知NEO會唔會好D，我用PRO2所有野都要預熱又要拆開清又要拎去沖水又要預熱番個頭，成日辣親手

我又覺得屋企用真係single dose會好D，dial in 個時慳D豆，同埋唔駛成日拆開清粉
方便呢D其實可以用錢推砌番出黎

我呢兩星期用緊隻blend
其實係完全唔知佢係乜黎有咩味，入面有咩豆
然後慢慢試下又會出到花味 再改一改又出到玫瑰花味
之後都keep到一星期左右，但個香味就越黎越弱
依家照出都無左花味了

同埋烘焙度都好影響，我用手沖豆出的所有問題一用深少少既豆就全部無哂，仲好易dial in 。不過淺炒espresso真係味道會複雜好多爆好多，唔夠淺出黎會有陣「espresso味」，我自己麻麻地。

依家接觸多左，試多左，開始知道咩豆係完全唔會出到機，而咩豆係有機會出機會好飲，可能有人覺得用淺炒豆出機效果唔好玩自己之類，但我都好清楚我係追呢樣野先會入espresso坑。

下面個舊最唔值
其實咪只係氣密樽
不過個樣好睇啲
再改個靚名

Light roast豆對espresso機的要求高d
最起碼要有得較flow rate
近排試完 終於明點解啲人要做profiling

呢間野係賣產品設計同造功，佢目標係一個好窄既市場入面要求最高既人，我唔明點解佢仲未執粒
Webber workshops 代表作:

佢好多產品都係當年既劃時代創新設計，我唔知係佢真係第一個定係點，往後好多其他公司出既產品都有佢當年第一件出既既影子
上年出左Unifilter
尋日又出左Unibasket

設計都應該要值錢，同埋佢個樽唔係氣密，佢有2個版本
正常版本係玻璃身，個蓋係鋁中間有個單向排氣閥
窮撚版係膠，個蓋都係膠

D人話到唔同機會出到唔同味
磨同espresso機都係，有D會可以將D味放到好大好出
但係呢樣野真係只可以信或者唔信，實際上無機會可以淨係換機唔換其他野。
磨都仲實際D，好多時你只要比錢就可以買，但係機就要好多野跟住，要有地方有心機時間去摸熟佢，都要一段時間。

因為咖啡界肯俾錢既人真係肯俾好多錢
所以就算customer base細都好 其實一定賺到錢
你上youtube睇就知 幾多文青youtuber屋企閒閒地都會有部LMLM

所以decent有市場就係咁解
當你攻頂攻到某個地步 你好難再不停換gear
同一部磨/espresso機可以俾你睇/調較到最多野一定係最值錢
但真係好貴呀
如果係因為手沖而入坑既人好難突破個心理關口

其實decent班痴線佬話佢試過其他機
例如我講個部Londinium ，佢表示decent真係做唔到一樣味
講緊係pump永遠唔會做到spring lever咁高既flow rate，而同時又可以用佢依家用緊既algorithm黎控制水溫同flow。
除非佢大改加熱同泵既部份，如果唔係呢個限制都好難解決。
同埋spring lever既pressure係volume dependent，decent暫時未有人寫到呢種profile出黎，或者其實唔係咁寫我諗錯左。
同埋decent其實唔貴，相比其他機黎講，同埋我見多數賣左decent之後啲人都會換spring lever。

其實LMLM只係入門機，雖然佢仲貴過decent
建議應該要有4部機係屋企
1部decent 用黎做實驗
1部 spring lever 用黎方便出shot，聽講puck prep唔得的話，點出都唔會差到飲唔到
1部 direct lever
1部9 bar 機 國際語言用黎同人溝通交流，同埋打奶

然後又會覺得手得一對，有咁多部機咁樣浪費左，然後就會諗下開間舖放玩具