手沖咖啡交流區

因為c40個價位+歐洲貨係無咩替代品
但你問台灣人 咪有1zpresso替代品
就算你而家上reddit其實都係c40/1zpresso一半半
呢個post傾手沖我無咩特別對c40既意見
但如果係espresso 用過c40真係會想屌一聲
係磨到仲要磨得唔差 但真係會突顯佢D缺點
手感差 磨得耐 難dial in
而呢D缺點1zpresso j-max都做得好過c40既
但如果你問人espresso買咩磨好
D人就直接叫你買電磨啦
所以1zpresso唔夠c40打唔係因為質素或者價錢或者機海問題
而係唔上唔落 又唔可以平到好似timemore咁打入平價手磨市場
但你俾得起個價錢for某個用途呢 D人又會叫你不如買乜乜乜啦

就算台灣都有人當c40係信仰，其他我都同意

你一講買1zpresso k，個個都會叫你比多幾百直上c40

栗子咁低價都玩到手沖同expresso 算係咁

有冇人試過攪拌法 沖出黎係咪香好多
睇好多新式沖法都會攪咖啡粉

上網買豆有冇推介#wail_r#

睇完youtube picopresso好恰新手

點恰法？我諗住買

用緊nasopresso都唔錯

其實有無人真係親身比較過個幾款手磨，好簡單你用黎沖幾隻咖啡比較下，玩番一排就知自己鍾意邊隻出黎既效果。問人借又好，全部買哂番黎試又好，真係要用幾次先知個磨咩料。

反而End game磨真係比較難D試左先買，尤其新出既款真係靠信念，你等得有人review已經排到下年先有貨。

沖咖啡呢件事係只要你有一個步驟唔夠好，出黎效果就真係差好遠。
C40係手磨既國際語言，同多數咖啡店會有部EK咁上下，你肯定左磨呢個唔係一個令你杯咖啡唔好飲/唔出味，咁真係少好多煩惱。

新手買咗orea仲試緊
唔知係咪飲開espresso 覺得好似水咁
15g豆沖250g水

espresso要手磨一定係m47

我跟佢個方法用12g 效果唔錯喎
同espresso比無得比啦其實，要比可能同其他手沖比較

係就係用過c40磨espresso所以放棄
同埋都好睇你咩心態去沖咖啡
如果多時間 同少人飲 你會享受磨個過程
但我搬左去外國之後冬天真係好撚凍

結果就係朝早真係好想拿拿聲沖完有杯咖啡暖下
同埋仲要沖埋俾另一半飲

同埋又要好睇你實質需要係D咩
我未搬走之前係香港會行山同camping
最方便係aeropress加timemore slim plus
因為所有野可以塞到tup tup hum

香港買好似好唔抵 歐洲買仲平過c40

外國生活應該仲得閒，位置更多，完全支持到你盡情投入呢個興趣
有無外國時區既咖啡Group?
無我整一個有無人有興趣入?
天氣太凍係屋企真係做咩都唔暖，飲熱水熱湯、食熱野，著多D衫之類，全部都唔暖，除非你著到出街咁
暖氣開左會令你心情好好多，
做好D隔熱，關門關窗，入去個間房先開大個個位置既暖氣，或者唔好開咁熱，都會令自己良心好過少少
依家我長開17度，訓覺就開廳既窗流通，訓醒就開房既窗流通

我覺得espresso本身已經唔係一樣好容易既事，咁當然每個人有唔同要求。
只要用一個合理既錢可以買到既方便，都係抵買既
C40磨espresso磨一次要3-5分鐘，
你天才波或者永遠唔換豆最少都2 shot 先dial-in到，但係呢個時間你手部已經運動左10分鐘，如果個2shot 都唔得，你仲有心力手力去繼續整咩? 真心整espresso已經會好令人有挫敗感，唔需要再增加難度

仲有一樣就係好似無乜人接受到磨定先帶出去，其實我試過磨完都仲可以飲到3幾日，但係真係跌好快。我仲試過沖定，放入保溫壼，過左2個鐘完全無哂香味，好似一杯batch brew咁，只可以用D完全無特色既咖啡先唔會浪費。

點解唔換豆要每日2個shot先dial in
正常同一batch的豆 應該一樣
除非轉咗grind setting

巴打你開group我入
而家住緊果度廚房都係好細 叫做大過香港 但同時間又多左其他身痕買返黎既野例如有多士爐都仲買多個contactgrill
因為另一半對咖啡要求唔高 同埋佢份工要好早起身
所以我除左一堆dripper 半自動機 電磨之外 仲依舊有keep住部illy capsule機同打奶機俾佢自己要用既時候都有得飲

同埋因為我keep住都rotate手沖 espresso唔係話飲死一樣
電磨而家係set左espresso setting
手磨用黎玩生活態度 有閒情先手沖

其實都睇你點買豆法
我而家冬天懶 1kg咁買就算
但之前會250g咁買 如果你兩個人常飲 其實一星期左右就已經係新一包豆
仲要屎忽痕一定會成日想試下買新豆
因為香港靚豆唔係度度有 你搵岩一隻就一路都係飲佢
但外國third wave文化普及 你會忍唔住成日想試新野

其實我講得你講得完全無錯，真係可以日日一樣，走左少少出黎都唔差好遠
我之前一直好少用Blend，因為覺得溝奶先好飲
我都係近排先知blend係超穩定 同超易dial in，好多時第一shot已經可以飲得無問題
我可能揀左hard mode玩，要做到連續2次都一樣我都學左好耐先得，一開始玩個時瘋狂channel勁挫敗

不過唔好離題 講返c40
其實想買既真係唔好怕 咪買黎用下
呢D大路手磨你想放出去都大把人收

我入左咖啡呢個坑其實好短時間 3年左右
但中間成日因為實驗性質會買好多唔等洗既野返黎試
例如手動espresso"機" 你up得出既我都擁有過
picopresso, nanopresso, leverpresso, flair, rok, kompresso, 而家緊係用返半自動機啦 人大左又有另一半 想要既係大家一齊飲咖啡而唔係自己一個係度玩實驗
磨就少D 但我都試過台灣文青手磨->timemore c2->timemore slim plus->c40->j-max->電磨
電磨我無攻頂的 因為去到買電磨呢個階段我已經成仙 唔再追求物質 反而係想搵一部真係岩我生活習慣既機
我既結論係 初初入坑洗果D真係有限錢黎 真係為求自己開心岩用又靚仔既就OK 唔洗下下要諗我部機夠唔夠勁 因為咖啡世界入面永遠無最勁既spec
手沖就再直接D 你係要搵個節奏 你可以洗幾皮野攻頂買個靚磨 但你下下鳩沖一樣係浪費晒D豆

我果陣初初搬去外國 唔想帶走咁多野 去到外國人生路不熟唔敢洗咁多錢住 都係買flair neo黎開心使用
而家如果有人開post問flair買邊部 一定個個叫你俾多少少買高階啦 neo膠造架 呢D說話

無，唔好徙錢

淨係諗到timemore go
其他1000蚊買到既電磨就算沖到手沖都唔會係靚仔 你男友唔會想收件似淘寶貨既機

來吧

C40真係只有買貴唔會有買錯，佢本身咁出名咁多人用唔係無原因
其實百貨應百客，唔一定要有器材先可以玩手沖，不過如果真係未接觸過精品咖啡而又有興趣的話，咪去搵間幾間好咖啡店飲下，有限錢。
同埋呢個世界其實都好窄，同埋仲要有好多個唔同方向，無話對與錯，只係個人口味唔同。
同埋越接觸得多越試得多，發現D器材唔係淨係得攻頂同唔攻頂，原來唔止一個頂，呢幾年班痴線佬隔一兩年開一個新既方向出黎然後你又再想攻。
但係國際語言C40同EK43就真係好耐都無變過

你咁多手動espresso機，點解買極都係買手動唔要電動
Espresso個坑好深 所有野差少少出黎效果可以差好遠，而唔係咁易理解到其實發生緊咩事。