［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

0茶兄

「喂喂喂！，九師兄三師兄係個邊練野啦」

「今次有野睇啦」

「知唔知今次幾多隻？」

「好似話四隻」

「一次過四隻？！」

「仲要隻隻都係鬼王級以上㗎」

「四隻對佢地嚟講好少事㗎咋，九師兄直情入埋「魂鬥房」到捉依四隻野出嚟啦」

張三和張九走近中庭，他們的私人練功處，瞬間便不少師弟湧來偷看，討論聲四起，看來他們在北門派也是風雲人物

這時，張英從人群中穿出，蹺起手觀看兩位師弟的練習

「北門冇乜幾多個人可以做到，你地想學野就睇實啦」張英跟身後的師弟說

張九張三走到中庭的正中央，對視而站

「逐隻定一齊放？」張九收起一劍，遞起黃符袋

「一次過啦」張三脫下右手的白色手套

「準備」張九一下將四個符袋拋高

「開始！」然後橫刀一揮，符袋應擊斬開

啊！！！！！嗷！！！！！

惡靈們的哀號變成了怒吼，他們從符袋中解放化成了黑煙，四處亂竄

「依邊啊」張三主動發挑釁惡靈

啊！！！四團黑煙纏為一團向張三衝去

張三一掌擋住，但也被撞得向後滑行數米

「化虛為實！邪靈速速現真身！」張三左腳輕輕跺地，雙指一點

面前的黑煙馬上變成實體，變成了四隻不人不獸般的奇怪生物

「點解佢地會咁嘅」

「都係鬼姐，點解變到咁」

道行、經驗尚淺的門生在旁嘩然

「你地唔知都正常嘅，師父係魂鬥房入面封印咗一隻萬年道行嘅妖，但就算封印咗，妖氣依然會散發出嚟，吸引曬方圓百里嘅怨靈、惡靈過嚟，而魂鬥房落咗咒，有入冇出，啲怨靈、惡靈吸吸埋埋啲妖氣就會變成咁，佢地依家係半靈半妖」

張英為師弟們解說

「原來傳聞係真㗎？！我以為西樓啲人話我地道觀有妖係假㗎添」

「我係依到幾年啦，我都未聽過」

「緊係啦，師父好少提起依件事，係我跟咗佢咁耐先知㗎咋」張英沾沾自喜的說

「咁師兄，你依家講咗出嚟，師父會唔會鬧你㗎」

「呃…..唔會嘅！師父平時唔講姐！唔代表佢唔比你地知嘅！」張英怯了一怯

說回張三

張三面對四隻不人不獸的惡靈，完全沒怯場

「嚟啊」張三坐好馬步，向惡靈招手

嗚嗷！！！！四惡靈同時撲出！

張三也一個前撲在四隻惡靈之間的縫隙中穿過，擦身而過之際，張三拉著其中一隻惡靈的腿，把它拉在地上，往頭部用力踩上

「嘶！！！」惡靈往張三咆哮

「嘈住曬！」張三再往惡靈臉上再補一拳

嘭！！惡靈頭撞到地上

「離苦得樂、往生淨土」張三幾右手放在惡靈身上

嘶啊！！！！

張三手掌發出霹靂啪啦的聲音，繼而閃出電光，惡靈身體開始變形，直至被張三完全吸進掌心

出慢咗

捱夜睇

打到臨瞓先打得完

我都知啊開始又腦塞，諗緊計通返佢

你想點通

「三師兄真係好勁….」

「九師兄都好勁㗎，啱啱佢用咗三分鐘就你魂鬥房捉咗依幾隻出嚟啦」

「佢地真係北門派嘅最高戰力」

「你恨唔到㗎啦，人地隻右手天生可以收鬼」

「咁又係，人地天生就咁勁，我地點同人比啊」

「你地又唔可以咁講嘅，佢隻手係天生就有咁嘅能力，但如果身體承受唔到佢吸嘅力量一樣冇用，仲隨時會害死自己，所以佢有今時今日嘅功力係因為佢比我地任何人都努力」在旁聽著的張英為張三平反

張三收了一隻後，另外惡靈像是比剛剛更憤怒

「到你地啦」張三主動出擊

「天地八極，玄門盡開！」張三用腳在地上畫了個圓，然後輕輕跺地，三隻惡靈站著的地上隱約出現了八卦的形狀

惡靈無視地上的八卦，咆哮一聲就向張三衝去

「鎖！」張三一喊

地上的八卦憑空變出了用氣形成的「鎖鏈」把三隻惡靈給束縛住了

「鎖鏈」分別把三隻惡靈拉回三個八卦的位置上

「呼～輕鬆」之後張三就施施然的走往其中一隻惡靈

好快他便把惡靈都收到掌中，看熱鬧的師弟亦隨之散去

「你兩個，愈嚟愈犀利啦，好快就唔擺我依個師兄係眼裏面㗎啦～」張英上前跟二人說話

「又亂講野啊！」張三用他的白手套抽打張英

「你又唔好講到自己好差，係低我地少少姐」張九冷笑地開玩笑

「哈！九啊，你真係唔係好適合講笑，硬係怪怪地咁」張英蹺起手笑說

張九縮膊側頭，不以為然

「係喎，師父叫你地入去做咩？」張英問他們

「唉….師父話想揀我地兩個做掌門候選人..」張三無奈的說

「下？！有冇搞錯！揀你地都唔揀我？！」張英氣得雙手叉腰

「你？十年後必無北門」張九冷笑一聲

「啊！你條友，我做掌門一定好過你！你條友咩都咁認真」張英反駁

「認真先係正確對待事情嘅態度」張九又說

「啊！你…..」張英正想說

「係啊，仲有啊，師父話想推我做新四力之一」張三插嘴，拉開他們的話題

「好啊！原來師父揀你，你有咁嘅潛力做四力啊！其他三派都揀曬人啦」張英用力點頭，十分認同

「唉，我係驚自己唔夠其他三派比」張三原來在考慮這問題

「我都有同西樓派嘅朋友傾過兩句，佢地派嗰個人選叫王鎮海，聽聞佢道行好高」張英說

「高？夠唔夠南陽莫盡高先？」張三舉出例子

「我諗唔係同一層次啦，佢地講到好誇張」

「如果係咁，我都有興趣見識下」張九自己在一旁點頭

「咁師父有冇講幾時有結果？」張英再問張三

「師父話同另外三派相討好先再話我知」

「咁我都去其他派八卦下先～東道個邊仲未有消息流出嚟，等我去問下先～」張英笑淫淫的走去

「去溝女就溝女啦你！扮曬野！」張三拿起地上的小石擲向張英

張英接住小石

「哎！唔好亂噏啊～係交流下姐！」

搵人通通佢

牛腩幫你

今日收爐同屋企人食飯！停更一天！聽日見

終於一次追返晒

重睇地獄

我都想問有冇人真係重睇過

睇咗好多次喇

乜你覺得會無咩

感動

估唔到會重睇

過多陣出文！！好快！

一個月後….

四大派的弟子聚首一堂，為一件盛事而等待

「大家好，相信四派嘅人應該都差唔多到齊啦～我係葉童，係大家今日嘅主持」主持人站在一個四方大台上

「大家都知今日係咩事㗎呵～」葉童將手放在耳朵後，然後將身子靠前，團著大台四邊，向四派的弟子說

「四力登位！！」台下的各派弟子都異口同聲的說

「無錯啦！今日係相隔四十年再一次有四力登位嘅道界盛事」葉童興奮的說

「四力！四力！」台下的各派弟子也相當亢奮

「好啦～咁我地依家逐一請佢地出嚟啦！」

「首先！！！係小妹嘅門派，東道派嘅師姐！葉夜！！」葉童讀出名字，伸手向東道派的方向

葉夜從人群中走出，一步一步的走上大台

「師姐，同大家講兩句」葉童將手上的另一支咪高峰遞給葉夜

「大家好，我係東道派嘅葉夜，多謝師父推選我，等我有幸成為四力嘅一員，亦都多謝三派嘅掌門、多謝大家，我會盡力做好四力嘅責任」葉夜在台上輕輕鞠躬

葉夜身形嬌小，臉龐上帶有幾分秀氣，看上去絕不像能登上四力的人

「葉夜！葉夜！葉夜！！」台下各派都叫喊著葉夜的名字

「好啦，師姐啊～你介唔介意同大家講下，你登上四力之後，你嘅稱號會係咩？」葉童問

「各位掌門已經為我地四個分別定咗，我係怪力——葉夜，其他人就留返比佢地自己講啦～」

「咦，師姐，以我所知四力係可以用返自己本身嘅姓氏，點解你唔用返自己嘅祖姓嘅？」

「因為我無父無母，所以東道派嘅各位就係我嘅屋企人，我以後都會姓葉」

「師姐！！！」

「你好型啊！」

台下東道派的女弟子為葉夜歡呼

「好啦！！咁我就請下一位新四力上嚟，下一位有請西樓派嘅王鎮海！！」

王鎮海從台下步上

「師兄，你上次係咪就係講佢？」張九在台下看著台上的王鎮海

「係啊！就係佢啦，王鎮海」張英不斷點頭，眼睛沒離開過台上

這個王鎮海身材不算魁梧，也不高，但臉上卻盡是霸氣，原因應該是他的右邊臉上有一條深長的疤痕，由上額直到下巴，什至劃過了右眼，他右眼更是呈濁白色的，一看便知是有經歷的人

「你好啊，交比你介紹下自己～」葉童一樣把咪高峰遞向王鎮海

「嗯…大家好，我係西樓嘅王鎮海，我唔係好識講野，多謝大家」王鎮海低沉的嗓音，帶著幾分磁性

「咁不如同大家講下你嘅稱號啦」葉童為王鎮海說出問題

「我以後會叫做；神力——霍鎮海」

看來「霍」，就是王鎮海的祖姓

「下一個！係南陽派嘅莫峰！！」