［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

佢都威到一陣嘅

霞姨 ！！！
收飯盒呀 ！！！！

「就係你斬傷啊烈？」啊武帶著殺氣的問小頭目

「係啊，我留咗手㗎啦～」小頭目竊笑

「好，咁一陣我都會留手㗎啦」啊武自信的說

「你都幾大口氣喎！兄弟斬佢！」小頭目一聲令下，為數剩下的六名刀手同時湧向啊武

啊武卻沒半點慌亂，他深吸一口氣，迎戰！

他側身躲過第一刀，刀貼著他的衣服滑過，啊武舉腿下踢，把刀手的刀踢掉，然後他又向前低身躲開背後襲來的第二刀，啊武轉腰一記虎尾腳，直接把背後的刀手踢飛了，解決完一個後，啊武再橫揮一拳，把沒有了刀的刀手也擊暈了

啊武身一看正有三把刀從三個不同方面揮來，他急中一撲，從其中兩刀之間的距離穿過

他著地後一個翻滾卸力，見又有兩名刀手衝來，他馬上雙腳一撐，把二人的膝關節都撐斷了

剩下的刀手，看到啊武的實力後都你眼望我眼的，不敢貿然再進攻

「你地行開！成班廢柴」小頭目實在看不下去

「一條友都搞唔掂，冇撚用！拎把刀嚟啦！」小頭目伸手拿刀

「唉，對住你要留手，唔好玩」啊武帶點挑釁的說

「睇下點！」小頭目出招！

他突然一個前撐，啊武提起雙手放在面前擋住

嘭！！腳撐在啊武雙臂上，啊武被踢中後臉上多了點疑惑

但他也不錯失機會，在小頭目收腳時，他使出一記旋轉側踢，把小頭目逼得要蹲下閃避

小頭目猜不到啊武動作如此敏捷，他蹲下後用刀往上一刺，啊武馬上後翻躲避

二人暫時打個平手，但二人心底也對大家的實力有了個底數

「啊武，點啊」我見二人分開後沒有新一輪動作便問他

「佢唔係普通人」啊武目不轉睛的看著小頭目，生怕他有什麼動靜

「下？！唔係普通人？咁佢係咩？」我不解

「唔知，但佢嘅力度同佢個身形完全唔符合正比」啊武說

「咁….應該都係個啲啦」

「應該就係啦」啊武點頭

「佢係西狗嘅手下…..」啊烈虛弱的說

「又係西狗..」啊武聽得緊皺眉頭

「係啊，狗哥今日就要收你地皮」小頭目還擺出一臉得戚的樣

「你班仆街！」啊武怒氣被激起，他握緊拳頭就上

啊武左拳揮出！小頭目後跳一步緊上向啊武揮刀，啊武收拳身體站側，右腳踏後，整個人形成一條線的避過大刀，避過力竹後，啊武右腳往後踏地，將自己背脊轉向小頭目，左手一撈，夾住他的肩胛

這招在啊烈跟小頭目過招時也曾使出過，但被小頭目輕鬆破解了

「小心….佢破到依招」啊烈提醒啊武

果然，在啊武想將小頭目來個過肩摔時，他就重施故技，往後小退了一步，並已經想對啊武後背起踭

啊武卻突然偷笑一下，只見他將夾住小頭目肩胛的左手鬆開，往大腿內側撈去，右手就往上捉住小頭目的衣服

左手上推，右手下拉！！

嘭！！！小頭目被啊武拉得整個人在空中畫了個圓再狠狠的摔在地上

咔咯！！是肋骨斷裂的聲響

「佢…..」啊烈看到啊武的身手，有點不敢相信

「啊武條友仔好打得㗎，唔係講笑」我也無奈一笑

而啊武沒有停下動作，他把小頭目摔倒後，他一手按地，一手捉住小頭目的手再用雙腳夾住，做出柔術的一招十字固

「你傷害我朋友，要還㗎」啊武腰挺直，手下拉

又是咔咯一聲，小頭目的手被啊武硬生生扭斷了

「啊！！！你班廢柴仲唔幫手！！！！」小頭目忍不住大叫

那幾名刀手都準備出手

「喂！」我喝停了他們，並跑到啊武身後護著他

我跟啊武對望了一眼，然後點頭，證明信任大家的能力能應付自如

放假飲個靚茶先

幾好

陪下屋企人

推

我就係要呢d.jpg

「你地要斬就斬我先」我跟刀手們說

「就斬你先！！」一個刀手衝向我

「收皮啦你！」我起腳前撐，一腳就把那刀手給撐開了，然後再揮拳打在另一名的刀手胸口上並搶過他手上的刀，將刀刃方向對著自己，用刀背揮向其他刀手

雖說我的戰鬥力不及啊武那麼強，但經過九叔和英叔的非人訓練後，對付這些嘍羅也是綽綽有餘，而且身為九叔的入室弟子，用刀用劍更是易如反掌

「你好放手啦喎！！」小頭目憤怒又帶點慌張的說

「你會痛㗎咩？！」啊武捉緊他的手再扭了一下

這次小頭目的骨骼被啊武徹底扭斷了，手臂肌肉都能看到扭紋

「仆街！放手啊！！！」小頭目用力的掙扎，但依然被啊武鎖得死死的

「你斬人個陣，唔覺得人地痛㗎咩！」啊武鬆開手，一腳踢在小頭目的頸上

又是清脆的一聲，我想小頭目的頸被踢斷了

「我知你一定唔係普通人，但咁樣嘅傷害，冇可能冇事」啊武站起俯視小頭目

「你….冇可能…我….」小頭目不甘心，明明自己已經變得比普通人強，為什麼還會輸

「冇野係冇可能」啊武說

「喂喂喂～咩事咁熱鬧都唔等埋我啊」

突然….事態出現了轉變，西狗帶著一大隊人馬來到現場，西狗走到小頭目身旁

「狗….狗哥」小頭目向西狗求救，手捉住了西狗我褲腳

「你望住我做咩姐，你連咁勁都打唔贏人地，我養你仲有咩用啊」西狗一腳踢開了頭目的手，並跨過他的身體走向我們

我跟啊武同步退步，慢慢退到啊烈的面前

「陳一仲未嚟嘅，會唔會耐咗啲啊….」我無奈的笑說

「冇計，一人六個囉」啊武也是同樣無奈的冷笑

「你地都係走啦….佢目標係我姐，冇理由連累你地」啊烈休息了一會後，氣息都好了點，只是嘴唇還有點蒼白

早知道我就帶葉靈過來幫啊烈先回復一下！這次笨了…

「嚟得救你，打咗咁耐先走咪好唔抵？！」啊武笑說，看著我

「啱啦，比佢圍咗咁耐 唔打返兩個對唔住自己嘅」我也剛好看向了啊武

啊武給我打了個眼色，往啊烈看了一眼，然後再看向停車場出口

我點頭示意明白

「啊～估唔到你地又幾好打㗎啦，我咁多手下都隊你地唔冧」西狗蹺起手看著我們

「唔關我地好打事」啊武先說一句

「係你啲手下渣姐」我接著說下一句

「哈哈哈！幽默幽默，希望你地下世都咁幽默，斬死佢地！尤其是仆街烈！同我斬到佢老豆都唔認得！」西狗突然發令

我跟啊武馬上轉身扶起啊烈拔腿就跑！穿梭在車輛之間

「多謝你地…..」啊烈這句不是客套說話，而是衷心的說

現時，他身邊的人基本上都已離他而去，不是被控制了，就是表面好好，但暗地裏一沉百踩，自己會被追殺更是因為自己的父親

所以他也想不到居然會有兩個認識不久的人對他如此重情重義

「真係走得甩先多謝我地都未遲啦」啊武苦笑

「你要多謝都係多謝啊武啦，唔係佢搞掂嗰條友，我地三個都唔洗旨意走」我也是苦笑說

「你地依家都唔洗旨意走啊！」西狗的手下突然從一輛車的車頂上撲出

我右手扶住了啊烈，所以揮出一記左勾拳，讓撲來的手下在車頂上打了個翻

啊武旁邊也有人撲來，他直接給他一腳，把他蹬開

現在的我們就好像喪屍電影內的主角一樣，跟「喪屍」在玩追逐遊戲

「啊武，小心後面！」我眼尾剛好看到有東西正飛向啊武

如果是平時的啊武一定能夠及時躲避，但這時啊武正扶著啊烈反應變得慢了

砰！！一個滅火器正中了啊武的後腦，啊武頓時雙腳發軟跪地上，眼前一黑

「啊武！」我緊張的呼叫他

啊武….啊武…

但啊武卻聽到了別人在叫喚他

聽日見！

要覺醒了？

算唔算開估咗啦

推

「啊武….」

啊武搖搖頭、睜開眼，發現自己不在停車場裏，這裏籠罩住一層薄霧，一望無際，天空呈現淡黃色

「依到係…」啊武疑惑的站起，左顧右盼的

「我總算見到你啦」聲音是從啊武身後傳來，啊武轉身看去

說話的是一名老伯，他留著一把長鬍子，頭髮蒼白，一身穿著一套沉紅色古服，衣領和手袖位是黑色，衣服上更有一些金色的繡花，一看便知不是普通人物

「你係…咩人」啊武看到老伯後就更疑惑

「唉….果然連我都唔認得，都啱嘅都啱嘅」老伯在自言自語

「老伯啊，唔好意思啊，你可唔可以話比我知依到係邊到，我有急事，我朋友等住我救」啊武焦急跟老伯說

「哈呵～又係救人，我地第一次見面個陣你又係同我講你搵我係要救人，睇嚟有啲野真係點都唔會變」老伯自說自笑的

「第一次見面？我地之前有見過面咩？」啊武又擺出了疑惑的表情

「嗯，只不過係你唔記得」老伯點頭

「下….」啊武抓頭

「咁老伯你叫咩名？」啊武問

「我叫紅龍，依家係天庭南天門嘅守護神龍」老伯的自我介紹更令啊武一頭霧水

「天庭…？南天門…？神龍….？」啊武聽得開始有點懷疑人生

「嗯，你依家唔信唔緊要，你好快會記得」

「我應該有啲咩要記起？不如你直接令我記起啦」

「咁就恕老夫無能，我唔可以直接影響你地嘅現狀，咁係有天意」老伯慨嘆搖頭

「下…..」啊武感覺自己好像在被耍一樣

「但我可以隨量咁幫下你嘅」老伯又突然露出了一個奸狡的笑

「你真係可以幫到我？」

「嗯，其實你我已是一體，我嘅龍氣一直都係你體內」老伯看著啊武

「我…我身體入裏有龍氣？」啊武不敢相信的看著自己身體

「冇錯，只係依家嘅你唔識運用」老伯搭著啊武的肩膀

「做..做咩啊？」啊武不知所措

「噓….」老伯閉上眼，聚精會神的

「哦….」啊武乖乖閉上嘴，安靜的等待老伯指示

一會後，老伯終於睜眼

「搞掂啦？」啊武問

「依家我可以幫到你嘅就係咁多啦，你地要盡快記起所有野」老伯說完後，突然化為龍形鑽到啊武的體裏

「喂！老伯搞咩啊！」啊武嘗試拉著化成龍形的老伯，但雙手根本觸碰不到他

老伯完全鑽進啊武身體後，啊武感受到一股前所未有的力量在身上遊走

當他正高興時卻突然感到頭暈目眩，整個人向後傾倒，身體快要著地時，啊武就從現實中醒回來

「啊武！！」他還是保持著跪下的動作，準確來說他閉上眼的時間也不過一秒

「依到….我…」啊武懵懵的看著我

「你冇野啊嘛？」我問他

「冇！」啊武一個轉身蹬腳，使出了一記重拳

準備偷擊啊武的刀手被啊武打得飛開五、六米外，隱約間我看到啊武的手臂上好像纏繞著一道氣，一道形狀不知是蛇是龍的氣

「啱啱係真嘅？……」啊武自己也覺得不可思議

「嘩，啊武你依拳…」在旁的我看得目瞪口呆

「唔好講咁多啦！出咗去先」啊武再次幫我扶起啊烈，一起跑往停車場出口

途中還是有不少刀手襲來，但啊武都行動迅速的把刀手解決了，根本沒有我出手的餘地

啊武被砸中腦袋後就整個人像脫胎換骨了一樣，動作比起以前更加利落，力度更是誇張的改變

就快有得釣蝦

上次我釣得四隻！！

第一次4隻算勁

下次釣夠14隻

今日有啲夜，打唔切聽日見

推

紅龍升咗呢