［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

好多好正好爽呀
Give me more

盡力盡力

今日打完針，有啲攰，盡力出，出唔到聽日盡補

文呢btw休息要緊

「咁九叔佢地呢」夢晞口裏說不聽，但都聽進心裏

「九叔佢地唔同，佢地係以義務形式去幫公會做野，公會有分兩類任務：一類係好似我咁，算係公會嘅員工，每日都幫公會出勤驅魔；第二類就好似九叔佢地咁，聽到公會嘅重要公告先出手或者係知道有事發生就通報公會，等公會再同我地講」

「咁你啊爸啊媽呢？佢地知唔知依件事？」

「嗯…..我啊爸都係西樓派嘅人，就係因為佢我先會學道術」

「嗄….犀利啊王奇…咁大件事你都可以瞞我咁耐，我真係蠢」夢晞想站起身

「老婆啊…唔好嬲啦，我當初唔講係因為驚你接受唔到…..」王奇馬上把夢晞拉住

「咁你覺得依家比我知，我又會接受到咩？」夢晞擺開王奇的手離開了病房

「唉….呢劑大鑊啦…」餘下垂頭喪氣的王奇

夢晞離開時經過我的身邊，我捉住了她

「你就咁走咗去啊？唔理佢？唔好嬲佢啦」

「你仲好意思幫人求情？我有講過我唔嬲你咩？」夢晞同樣揈開我的手，然後真的離去了

「……」

「嘩，啊航哥，依下有少少柒」啊仁這時還在我旁補多一刀

「收皮啦你」我推開他，走進王奇的病房，八掛的啊仁當然也跟著在後

「你點啊？」我站到王奇床前

「冇咩事嘅，休息一晚，聽日應該可以出院」王奇看一看手臂的傷

「咁夢晞….」我尷尬的問出

「唉，出咗院先算啦，我老婆份人我好清楚嘅，佢一係唔嬲，一嬲就點氹都冇用，要等佢啖氣落咗先」王奇無奈搖頭的說

「咁就真係幫唔到你啦」我也不禁搖頭

「估唔到呂醫生平時份人嘻嘻哈哈咁，原來都會發脾氣」啊仁突然搭一句

「哈…佢啲脾氣，你估都估唔到啊」看著王奇的表情就知道他的無奈

「嗯，果然我選擇單身係啱」啊仁蹺起雙手，自己在點頭

「你慳啲啦，你唔係選擇單身，你係被單身姐」我譏諷他說

王奇在旁聽到我們的對話偷偷的笑了

「你睇下你，係到講啲咁嘅大話，搞到人地都笑啦」啊仁死撐著

「哈，你地平時都係咁相處㗎？」王奇問我們

「係啊，玩下玩下又一日」啊仁回答

「嗯…真係好」王奇默默點頭

「做咩啊？突然咁問」我問他

到啦睇住先

慢慢啦 休息最重要

飲水

見字飲水

打緊文

「冇….我由細到大都冇乜同啲同年齡嘅人相處過，所以未試過好似你地咁同朋友相處」

「下？咁大個人都冇朋友？」啊仁衝口而出

「喂，仁」我喝也喝不住

「sorry 啊，嘻….口快快」啊仁尷尬的道歉

「唔緊要，係啊 ，我由細到大都冇朋友，我老管得我好嚴，細細個就開始訓練我，話我要承繼佢後生嘅意志，斬妖除魔….所以我中學都未讀完就已經全職幫公會做野」

「…..咁即係變相抺殺咗你嘅人生」我說

「我都有咁諗過，但當我見到我老豆咁樣之後，我就覺得我應該要咁做」王奇說這句話時，神情明顯是沉重

「唔怕啦！以後有我地啊嘛！同我地做朋友就好好玩㗎啦」啊仁拍一拍自己胸口

「呃…好啊」王奇愣了一下才緩緩點頭

「係啊，既然你冇乜野，我地返去幫九叔手先，我地聽日先一齊嚟接你出院」

原本我還想再八卦一下王奇父親是什麼情況，但被啊仁一句拉遠了話題，我就不好意思再問下去

「好，你地行先」

就這樣，我們回到殮房，幫九叔收拾冷藏室的殘局，亦跟他交代了王奇的情況

當天晚上

「嘩～係咪咁誇張㗎？」洛兒質疑我說的話

「真係㗎～打到飛天，九叔佢地幾個人都唔夠隻野打啊」

我將今天的事都告訴了洛兒，而我跟九叔學法的事也一早告之，反正也瞞不了，與其要不斷想藉口隱瞞真相，倒不如一早說清楚

之不過，洛兒到現在也不是盡我說的話，總覺得我是把話說得誇張

「都唔知係唔係嘅～成日都講到咁誇張」

「你又唔信我啦」我裝作可憐的語氣

「得啦得啦～信你啦傻佬」

「你係信先好啊，唔好到時又話我成日講大話啊～」

「知啦～不過呢，肥仔啊」

洛兒這一句不過，把我嚇得不輕，多數也是吵架的開場白

「做咩啊？」我問她

「你覺唔覺得自己變咗好多啊？」洛兒語氣變得認真

「下….我…我變咗咩啊？」我口窒窒的問

「跟九叔做野之後，個人變得…成熟咗～有擔帶咗～唔似以前咁嘻皮笑臉」洛兒由沉重的語氣突然轉成輕盈

「原來係咁咋嘛～你想嚇死我咩….」

「你覺唔覺得自己變咗好多啊？」洛兒語氣變得認真

「下….我…我變咗咩啊？」樓豬口窒窒的問

「冇得堂食之後，出文…少咗～又短咗～唔似以前咁有30cm」洛兒由沉重的語氣突然轉成輕盈

係久違嘅改文

30cm
仲有久違嘅吊癮

「咩原來係咁咋？！！陳天航！你知唔知我等咗幾耐先等到你變啊！」洛兒大反應的說

「邊有咁誇張啊？我以前好差咩！」我反駁

「唔差嘅～不過可以再好啲囉～」洛兒用調皮的語氣

「你講咩話衰妹，我比機會你講多次」我嚇她說

「冇～我咩都冇講過～你最好添～」

「算你啦」

「不過肥仔啊….」洛兒突然又轉了態度說話

「下？又嚟？！做咩啊？！」我一臉疑惑

「其實….你有冇諗過轉工？就算轉咗工都可以跟九叔學野㗎嘛」洛兒吞吞吐吐的說出

「你啊爸叫你講㗎？」一說到這些話題，氣氛就變的嚴肅

「呃…唔係啊，唔關佢事㗎～係我自己想問你咋」洛兒口窒窒的說，心虛了

「嗯～以你咁嘅反應，即係我估中咗啦～」

「唔係啊～佢係關心我地第日如果結咗婚生活會困難咋….你唔好嬲啦」

「我唔係嬲啊…..只係…唉唔緊要啦」我也無力說什麼

「你不如真係考慮下，嚟我公司做野？」洛兒試探的說出

「你又嚟啦….上次咪講咗，我唔中意你公司啊嘛」我有點不耐煩

「唔係啊….其實爸爸都講得啱㗎，為咗我地未來，係咪應該要計劃一下？」洛兒認真的說

「嗯….我會考慮」我說

「好啦，你真係唔好嬲啊」洛兒還在怕我生氣

「我唔會，我攰啦，我地早啲瞓啦」這刻我只想一人靜靜

「咁好啦，早抖肥仔」

「早抖」

這夜，注定又是失眠的一夜….

翌日，我跟啊仁故事請了上午假去接王奇出院

但我們倆去到時，已經有一人比我們早到了

「我仲以為你唔會嚟添，搞到我地請咗半日假」我對著那人說，那人當然就是夢晞

「你地嚟咗咪好，幫手抽野」夢晞輕挑的笑說

「你唔係嬲咗佢…地㗎咩」啊仁先指著我，但被我盯了一眼後馬上轉指王奇

「我嬲人好少會嬲過夜嘅～同埋嬲還嬲，佢受咗傷唔通我唔理佢咩～」夢晞說著說著，真的把他們的東西都塞了給我

又短左

我知因為個腦實咗，會長返㗎啦

「我幾時都話老婆最好㗎啦」王奇上前想抱住夢晞

「慳啲啦你」夢晞把他推開

「咁就唔該你地啦」王奇看向我們說

然後頭也不回的拖著夢晞離開病房

「啊！條友仔就咁行咗去喎！」啊仁看著我手上的東西說

「算啦，人地兩公婆和好，你咪當幫下兄弟囉」我把手上的兩袋東西，其中一袋遞給了他

「唉～無計啦～鬼叫我仁哥好人咩，做好人就係要蝕底啲㗎啦」他接過我手上的袋

「行啦！仁哥！」我一巴掌推在他的頭上

把王奇送回家後我和啊仁就差不多時間要回殮房，剛好還有點時間吃個午餐

「其實呢，我想問好耐㗎啦，你同呂醫生係咪有啲野姐～？」啊仁突然問我

「咳！…..」驚我一跳的問題，害我差點把口裏的飯都噴出來

「緊係冇野啦！你亂講啲咩啊」我調整好呼吸後馬上回答他的問題

「唔係呢，你地成日眉來眼去咁，好似關係非淺喎，依到得我地兩個，唔怕講喎～」啊仁用猥瑣的表情看著我，還要一直在戚眉

簡單一說，就是一副欠打的表情

「痴線啦，真係冇野啊….只係咁啱同佢啱傾，好投契姐，況且佢有老公，我又有女朋友」我馬上釐清關係，不要讓人誤會

「傻嘅！佢有老公！你有女朋友！咁咪打和囉！」啊仁興奮的說

「戇鳩….食飯啦！比洛兒聽到我就打柒你！」我反他白眼

「唔係呢….」他還想繼續說

「你再講我就一刀插死你」我拿起餐具盤裏的餐刀

「食飯囉～食飯啦～」啊仁擺著頭的吃飯，真的非常欠打

食完飯後我們回到殮房工作

「啊奇情況點？」九叔問我們

「佢冇乜啦，精精神神，仲識點我地幫佢拎野」我說

「嗯，仲有，你地英叔叫你地聽晚上嚟食飯，你地叫埋啊武」九叔輕輕點了頭後，隔幾秒後又說

「好啊！反正我一定得閒嘅！」啊仁聽到馬上答好

「我都可以啊，同啊武講聲，佢應該都冇問題」我也點頭

「如果女朋友得閒，帶埋佢」九叔居然主動提起洛兒

「係喎！九叔未見過洛兒㗎喎，咁帶埋佢嚟啦！」啊仁在旁搭嘴

「點解你講到你好似見過洛兒咁」我不解的看著啊仁

繼而再跟九叔說

「好啊，我會同佢講聲」

…….

「下？？帶埋我去？咁突然嘅」

然後這晚我就去接洛兒下班，洛兒聽到九叔主動叫我帶她出席晚餐後也嚇了一跳

「係啊，我都覺得好突然，不過唔緊要啦～橫掂我都想帶你去見下佢地」

「咁啊～好啦，我考慮下去啦」洛兒抬高頭，一臉傲嬌的說

這樣，我決定使出我的絕招！

就是抓她癢！！

「喂啊！哈哈！唔好擳我啊！！」洛兒「落慌而逃」

但我拉著了她的手

「你走唔甩㗎啦～」我一手捉著她一手抓她癢

砰！！我們顧著玩，太忘形，不小心撞到人

「唔好意思啊」洛兒還沒看到自己撞到什麼人就已經先道歉

「唔緊要～洛兒」是一把討厭的聲音

洛兒的老闆——段天

當然，他身後的跟尾狗羅東、管家習維、秘書媚娘依然是不變的跟在他身後

「段生！原來係你啊，唔好意思啊」洛兒知道是自己老闆，馬上再次道歉

「都話唔緊要啦～好彩你係撞到我咋～撞到其他人就唔係咁客氣㗎啦～」段天依舊是那陰陽怪氣的語調

「超…扮曬野」我自言自語的說

站在我身旁的洛兒是聽到的，所以輕輕用手踭撞一撞我

「哦～陳先生～一排冇見到，成個人唔同咗喎～」段天走近我，站到我與洛兒之間

當他靠近我時，我肯定的看到他鼻子動了一下，像動物嗅聞東西一樣

「嗯～的確係唔同咗好多～」段天露出詭異的笑容

「Boss！依條友係學….」羅東正想說話

「收聲！」段天舉起前臂，示意羅東閉嘴

「睇嚟～遊戲變得有趣啦～」

長文啊！！！

唔夠30cm

一早長過啦

段天溝埋洛兒
然後王奇今世又早死
呂醫生同主角再起埋一齊

咁仲有個妹頭喎！點計先？
唔通又死多次？

我都正想講仲有葉靈！！