［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

捉你去異常維度

「異常維度？…」眾人聽到後都呆住了

「嗯，係一個五行幻變嘅異空間」葉夜再說

「夜，依啲野你係邊到聽返嚟？」霍鎮海問

「係師父同我講，佢問我搵峰仔嘅事有冇進展，我將情況同佢講咗，佢就估係關異常維度事」

「咁我地依家要點做？」

「咁就要趁啲黑煙未散去搵入口，啲黑煙應該係嚟自火嘅異常維度」

「火？咁徐峰佢地咪好危險？？」張英聽到後大反應

「依到咁大，要搵都要一段時間」張九皺眉說

「你地唔記得我地東道派最叻嘅本領係「尋」咩？」葉夜邊說邊拿出一塊紅色木板，然後將它像書本般打開

木板上有著一支指針，和標示了四個方位

「依個野咁似羅庚嘅」張英看到這木板覺得新奇

「類似啦，不過係我地東道派嘅獨門工具」然後葉夜再從袋中拿出一條短紅繩，紅繩的末端綁著一塊黑石

「祖師在上，弟子葉夜欲尋道法弟子徐峰，求指迷津」

葉夜揮動手上的紅繩，靠黑石的重量揮動畫圈，黑石在轉動後，葉夜那木板上的指針也跟著不停轉動

當指針轉了一會後，它指著一個方向

「行啦」葉夜跟著指針指著的方向過去，眾人跟在後

透過葉夜的幫忙後，他們好快便找到了異常維度還未完全關閉的入口，就在上次霍鎮海和閻三發現徐峰彎刀附近的一棵大樹下

「琴日孔明燈真係冇帶錯路」霍鎮海像是為自己平反一樣

「咁依家我地可以直接入去？」張英指著大樹的根部

「個入口太細啦，我地入唔到去，要擴大佢」葉夜說

「咁我地依家要點做？」

「要所有人合作啦，我地同時間向個入口出招，用我地嘅力量將個入口炸開」

「咁嚟啦！」

連同葉夜，一行五人同時向大樹運功

「行天，破！！」五人同時發招

嘭！！！！！

沙！！！！！

大樹的葉子落下，樹幹亦打開了一個大洞，黑霧從大洞中不斷冒出

「打開咗啦！」

「咁仲等咩，入去啦！ 」張英心急的想馬上跳進異常維度裏，但卻被葉夜拉住了

「做咩啊？仲唔快啲救人？！」

「個入口隨時都會再閂埋，要有人係出面睇住」葉夜說

「咁點啊？」張英有點不耐煩

「啊英，啊九，你地留係出面等我地，我地三個入去得啦」霍鎮海聽到葉夜的話後說

「咁點得啊？！」張英反對

「嗯，依到交比我地」張九伸手把張英拉後，並欣然接受這「任務」

「好！」霍鎮海向張九點頭

「入去啦」閻三率先跳進入口

隨後是葉夜，最後是霍鎮海

「一場嚟到，淨係可以留係到？！！」張英不忿

「你入面咩環境都唔知，如果入面嘅環境連佢哋三個都應付唔到，你入到去可以幫到啲咩？」張九正經的問張英

「咁….咁我….唉屌！」張英反駁不了，轉身

火——異常維度內

此刻，四力全數人員都身處這個空間，這裏濃煙滾滾，視野極差，到底的花草樹木都在焚燒著

「點解依到同出面….一模一樣嘅」閻三到處張望

「大家小心啲，我地都未入過嚟，唔知依到咩情況」霍鎮海一手運功儲氣，一手保護著葉夜

「峰仔！」

「峰仔！！霍大哥嚟咗啦！」

「峰仔啊，出嚟啦」

踏！踏！踏！踏！突然一陣腳步聲傳來

「小心！」霍鎮海護著葉夜

「啊！！！！」一隻殭屍從一棵樹後衝出

閻三一腳把殭屍踢開，然後再用膝把他壓在地上

「佢著住嘅係南陽嘅道服！！」

Gg

刀係出面 入面變左殭屍 睇黎兇多吉少

可能係特登掉低㗎呢

今日打唔切聽日見！！

「啊！！！嗷！！！」殭屍不斷掙扎著

「係咪峰仔？！」霍鎮海和葉夜聽到這殭屍是穿上南陽的道服，都心有一悸

閻三戰戰兢兢的將殭屍翻過身來…

「唔係啊….」待閻三看清後，三人才鬆一口氣

「道兄，辛苦你啦」閻三用膝壓著殭屍，脫下手套

「離苦得樂、往生淨土」唸出超渡然後送他一掌，讓他得以超生

嗷…..殭屍化成灰燼

「點解佢會變咗殭屍….」葉夜對失蹤的同伴會變成殭屍感到不解

「可能依到嘅空氣有殭毒」霍鎮海說

「仲有，啱啱佢唔係跳出嚟…係跑」閻三面有難色的說

「跑？佢會唔會唔係殭屍啊？」葉夜不敢相信

「你覺得會唔會呢」閻三也知道問的是反話，但這刻大家都未能接受

「唔好理啦，搵返峰仔先講」霍鎮海沒放下戒備心，一直留意著周圍

三人再次起行，繼續尋找徐峰

「依家開始要小心啲」霍鎮海帶頭走著

閻三走在尾，葉夜則走在中間

啊！！！！！！

「後面！」閻三轉身就是一掌

「離苦得樂、往生淨土」閻三沒有漏說超渡的咒語，因為他變成殭屍前始終也是同伴

「又係跑㗎！」閻三說

「到底發生咩事」霍鎮海對這事還是毫無頭緒

這時，四周的濃煙突然變得更為濃厚，視野變得更差

「控制好呼吸！盡量唔好吸咁多濃煙」

嗚啊！！

啊！！！！

「嚟啦！！備戰！」霍鎮海一聲，示意殭屍大軍來襲

「咁多？！峰仔帶咗咁多人嚟咩？！」閻三看著湧來的屍群有點無奈

「我叫佢帶每派各四個人咋嘛！」霍鎮海雙掌一揮，以靈力把面前的殭屍推開

「後面個啲全部平民嚟㗎！」眼利的葉夜看到後排的殭屍全都是穿著平民裝束

「洗唔洗咁多啊！」閻三不斷揮擊右掌，連唸出超渡咒的時間都沒有

「五天魔鬼，亡身滅形」葉夜雙拳擊在地上

葉夜雙拳的力量打在地面，地面隨即裂開了兩條裂縫，殭屍群的腳都卡到裂縫裏，一時動彈不得

「睇清楚咗有冇峰仔」霍鎮海說

葉夜和閻三馬上張望屍群當中有否徐峰的身影

「冇啊！」

現在就是霍鎮海出招的時候

霍鎮海咬破手指，將血滴到掌心之中，然後兩掌合十

「勒令！破！！」霍鎮海雙掌揮出，一道紅光擊出

面前的屍群全數都被消滅，可見霍鎮海的功力深不見底

嗷啊！！！！

但一波屍群剛剛擊退，又有一波準備來襲

「行！」霍鎮海推二人前進

「我地依家嘅目標係搵返峰仔，唔好硬碰嘥時間」

「夜啊！你仲可唔可以搵到峰仔？」閻三邊跑邊問葉夜

「得，但你地要幫我拖一拖！」葉夜說

「好，交比我地」

霍鎮海跟閻三停下，負責拖延追來的屍群

葉夜再次拿出那紅木板和黑石吊咀

「祖師在上，弟子葉夜欲尋道法弟子徐峰，求指迷津」

葉夜轉動黑石，黑石轉動，木板上的指針也隨即轉動

好快，指針便指著一個方向

「有方向啦！」

霍鎮海閻三運氣推開所有追來的殭屍，跟上葉夜

然後他們輕易得奇怪地在不遠處就找到了徐峰的身影

但….有點特別狀況

徐峰被吊在一棵大樹上，而吊住是原因是因為他的左手被一枝斷枝穿過了手臂

傷口流出了不少血，但看上去都已是乾掉的血跡，他應該已被吊住了一段時間

「峰仔！！！」他們三人見到徐峰傷成這樣都十分心痛

「佢氣息好弱」閻三將徐峰從樹上抬了下來

「回天，補」葉夜將手放到徐峰胸前，一團白氣傳到徐峰體內

這樣徐峰的呼吸才變得順暢一點

之後，葉夜負責背著徐峰，閻三、霍鎮海則負責開路

有驚無險的，終於把徐峰帶離了異常維度

完全唔記得之前停左個排係追到邊

咁咪要重新睇過大概睇到咩劇情啊～

「搵到佢啦？！」守在門口的張英看到有動靜便馬上問

「你接咗佢出去先」葉夜在洞內把徐峰的雙腳伸出洞外

張英張九馬上把徐峰拉出

「嘩…乜佢隻手咁傷啊」張英看著徐峰重創的手臂

「可能…會廢」張九也忍不住出聲

「唔好講咁多啦，送咗佢返去先」霍鎮海他們也從異常維度裏出來了

「咁個入口點啊？」張英問

「個入口隨時都會自己閂埋」葉夜回答

「我啱啱出嚟個陣已經用符封咗個入口，裏面啲野唔會出到嚟」霍鎮海再說

回程路上，大家都沒怎麼說話，大家都在擔心徐峰的傷勢，他的手臂被刺穿了一個大洞，很可能整隻手都會報廢

他們把徐峰帶回到南陽的道觀，一步入大門，眾多子弟都把視投在他們身上

「你地做咩啊？」

「入嚟咩事㗎？」

看來南陽一派都不太喜歡其他派別的人

「你地睇清楚啲咩事先啦！」張英著受傷的徐峰

「師父！！四力班人帶咗啊峰返嚟啊！！」南陽的人見到徐峰才往內叫人

南陽的掌門——莫戰聽到呼喊聲後馬上從內跑了出來

「啊峰！！」莫峰緊張的跑出，看來他也是蠻擔心徐峰的

「莫掌門，佢氣息好弱，快啲帶佢入去先」葉夜跟莫戰說

「好，依邊！」莫戰親自為他們帶路

安頓好徐峰後，莫戰讓他們坐下喝杯茶，休息一會，其實重點也是想知道發生了什麼事

霍鎮海就將異常維度、會跑的殭屍都告訴了莫戰

「居然有人打開咗異常維度…..」莫戰聽到後，面有難色

「莫掌門，點解你咁嘅樣？」張英看到莫戰如此表情後直接問

「因為異常維度唔係一般人可以打開，係需要極強大嘅能量同時集中係一點先有機會打開到，我咁嘅年紀，都只係見過一次」

「莫掌門，你放心，依方面就交比我地去查，你老人家好好照顧峰仔就得啦，我地都唔打搞你啦」霍鎮海跟莫戰比了個拱手之禮便站起，準備要離開

「好，交比你地依班後生，我都放心，之後就靠你地㗎啦」莫戰回以鎮海一個拱手禮

「再見莫掌門」眾人跟莫戰請個禮後也跟著霍鎮海離去

眾人決定先各自回到自己的門派，等徐峰醒來再作下一步的計劃

「三啊，你確定係異常維度裏面見到嘅殭屍係跑唔係跳？」回到北門後，他們也將事情匯報給師父知道

「係，好清楚見到係跑」霍鎮海十分確定的點頭

「師父，係咪有咩唔妥？」張英問

「古書記載，世上只有兩隻殭屍係用行、跑，就係旱魃同將臣，而依兩隻都係四大殭屍始祖其中之二」張帝一臉擔憂的說

「殭屍始祖….但我同嗰班殭屍交過手，我好肯定佢唔會係咁高級嘅殭屍」閻三說

「我最擔心嘅係，旱魃同將臣重現人間，你今日對付嘅就係佢地嘅下代」

「但師父，依幾隻野嘅屍氣咁重，佢地出現，我地四派一定有人感應到」張九冷靜的分析

「有道理嘅..」張帝默默點頭

「唔緊要師父，如果你真係擔心嘅，我聽日通知霍老大佢地，叫佢地三派都多加留意，搵人四周圍巡下」

就這樣，事件暫時告一段落，之後的事就要的徐峰醒來，問清楚當天到底發生了什麼事才可再下定論

有將臣，會唔會有況天佑馬小靈的出現呢？
如果有都會一個超大的conover.....

我寫將臣嗰陣都有諗起佢地！！不過我寫出嚟就變咗抄同二創㗎啦

以下會幫大家回顧一下好前嘅劇情

！！！《前情回顧》！！！



踏….踏….踏….

沉重的腳步聲在病房響起

「你係咩人嚟㗎？依到係女性病房，你唔可以隨便入嚟㗎」一護士上前查問那腳步聲的主人

那個身卡其色長大褸，留著辮子，帶著黑色惡鬼口罩的男子

「噓….你好嘈，靜啲」男子先將食指放在口罩前

然後用指尖輕輕點了護士額前一下，護士就雙眼反白，昏迷在地

其他護士看到這情況都上前攔截住男子，但但最後的結果都是被男子輕點額前而昏迷過去

他解決完面前的護士群後，眼利的他看到有一護士躲起來想按下警報系統

他一個瞬移去護士面前

「No,No,No」他舉起手指，左右擺

那護士當然也逃不過昏迷的結果

男子走進一特別病房

「終於見到你啦」男子走到病床前，雙手撐著床架

他面前的就是那鮮紅眼睛的嬰兒和那具開膛破肚的母親屍體

他看著鮮紅的雙眼，笑了

「好靚，真係好靚」男子抱起嬰兒，離開了醫院

都估到應該有關聯，應該就係疆屍王的再生吧？
唔通之前俾4力KO左，家下再生？
( 繼續9估中.....)

咁都估到有關聯接近冇線索

「我地呢….應該」閻三像卡機一樣

「我講下姐，如果對手係連峰仔對住佢都完全冇還手之力嘅人，對手一定唔係普通人，我地係需要從長計議」

「啊夜講得啱啊，依件事都真係唔係講笑」

「我地返去再傾」

兩個月後，東道派的人終於發現了紅眼人的蹤跡

這次霍鎮海決定親自「帶兵」出戰，各派出兵十五人，東道由葉夜作指揮，主責帶路和為受傷的人療傷，

西樓當然由霍鎮海親自指揮，主責遠程攻擊，用靈力控制武器在旁找準時機攻擊，

而南陽和北門就由閻三一人指揮，徐峰做副手，兩派則主責近身戰，使用人海戰術把那紅眼男包圍進攻

這次各派都嚴陣以待，派裏的精英都接近全數出戰

事關，經過四大掌門的討論後，他們都確定紅眼人就是旱魃或將臣其中之一，以他們這樣級別的殭屍絕不能掉以輕心

「夜啊，你地確定紅眼人仲係郊野公園？」霍鎮海問葉夜

「嗯，唔會有錯，我地集合咗東道所有師姐妹一齊發功去定點，係依到附近㗎啦」葉夜堅信定點位置沒錯

「好！咁各位！備戰！」霍鎮海舉起手，一聲令下，各派的人都打醒了十二分精神，全面準備戰鬥

「莫盡莫逆，今日一戰事關重大，千其唔好出咩把戲啊」張九在後跟南陽的莫盡莫逆並排

他們都是派中的一等一高手，莫盡更是南陽的候任掌門

「我地？我地不嬲都唔會玩咩花樣㗎喎」莫逆邪笑說

「你同我定啦張啊九，今日咁齊人我地目標都係得一個姐，如果依隻真係旱魃，我地南陽自己都未必可以對付到，今次真係唔會玩花樣嘅」莫盡比起平時也算是認真

「嗯」張九點頭

「總之你地一陣有咩依郁，我張英就一箭射爆你地個頭」張英在張九旁邊說

「哈，睇下點」莫盡淡淡一笑

「大家！到啦，定點顯示紅眼人就係依到附近」葉夜舉起手讓大家都留意她

啪！啪！啪！一陣掌聲從樹林裏傳出，而這刻，不知從何處飄出了一陣濃霧，令視野程度大幅減少

「何方神聖，無謂鬼鬼祟祟，出嚟見人」霍鎮海看著樹林

踏…踏….踏…..迷霧中有一身影從樹林裏走出，低頭面對著眾人

「呃…..」徐峰看到這身影後，手都在發抖

「峰仔做咩啊？」葉夜察覺到徐峰的動靜

「係…係佢….」徐峰驚慌發抖的說

「備戰！」霍鎮海擺出作戰功架

「係！！」眾弟子也馬上備戰，用武器的拿出武器，近戰的也擺好功架

「No,No,No～我已經食飽，對你地冇興趣，所以我勸你地趁我未改變主意之前好離開啦～」那人以輕挑的態度說出

「廢話！你害人，我就一定要收你」霍鎮海橫手一揮，一股風橫掃迷霧，現在勉強能看清那人的輪廓

「哼哈～咁我唔介意食多餐」那人張開眼，是滲人的血紅色

「攻！！！」霍鎮海一聲令下！全部人都衝前應戰

「哈哈哈哈！！！」

……….

這一戰慘敗收場，死傷慘重….六十人出戰，只剩下十數人能全身而回，其他人都變成了殭屍，被他們消滅了

原本各派的師兄弟姐妹都等待著他們凱旋歸來…..但等到的卻是如此慘烈的戰役

而且這次還要是四力都親身上陣….

霍鎮海也受了不輕的傷，把葉夜抱回道觀後自己也昏迷了

閻三也被屍氣入體暈了過去，全靠張英張九把他托回去

而紅眼人自此就再沒有出現過，即使東道派仍有不斷的派人手到香港不同地方搜尋紅眼人的蹤跡，但依然是徒勞無功

時間久了，大家亦慢慢放下了這件事

放下 …
代入返其實親身經歷先唔會忘記

劇情暫時係咁講姐又有邊個真係放下到

時間飛快，五年時間好快便過去了

這五年裏並沒有什麼大事發生，大家的生活過都相對過得很安穩，只是五年前那事，徐峰廢了一隻左手，令他的性格逐漸變得孤僻，連他最信任的霍鎮海也沒法開導他

而閻三在上次一戰被屍氣入體之後，體內那花妖變得更強勢，不得能直控制閻三的行為動作，有一次差點就把魂鬥房內那鏡妖給放了

還好閻三及時拿回身體控制權，才沒有鑄成大錯

而霍鎮海和葉夜就在兩年前結了婚，並在今年宣佈懷有了一胎

「恭喜曬啦霍大哥」徐峰知道消息後給予霍鎮海一個擁抱

「多謝你，我從此就係一個老襯啦」霍鎮海雖然口裏這樣說，但表情卻是笑得見牙不見眼

「啊！講到好似好難為你咁喎」葉夜在旁雙手叉腰

「唔敢唔敢～唔好嬲啊，小心個B啊」

「扮咩啊，兩年前就做咗老襯㗎啦你」閻三笑說

「都係都係～」霍鎮海依然笑得開心

「咁你呢啊三，諗住幾時搵返個伴啊」霍鎮海問

閻三眼神飛快的掃向葉夜，但好快便看向別處

「我？玩多幾年先啦，我咁吸引，驚冇女人吼我咩」閻三帶玩味的說出一句

「冇嚟正經～」葉夜搖頭說

「正經就留返比啲就嚟做老豆㗎啦～」閻三搭著霍鎮海的肩膀笑說

好快，葉夜便為霍鎮海生下第一個孩子，一個男孩子

一年後，又再為霍鎮海多生了一個女兒

「喂，你咁樣生法，想生多幾多個先？」閻三說

「夠啦夠啦，一仔一女湊夠一個好字就知足啦～」霍鎮海揉揉鼻子，擺出了幸福的笑臉

「你睇下你個樣，嗱！我唔理咁多，我就做硬你兩個化骨龍契爺㗎啦」閻三蹺起手說

「咁緊係啦，你唔係諗住你走得甩啊嘛！」霍鎮海笑著拍閻三的膊頭

就是這一拍，他感覺到閻三的身體有不妥，但他沒有出聲，而是偷偷觀察

「咁我呢」今年剛好二十歲的徐峰開聲說，現時的他比現以往多了點成熟，少了點衝勁，主要也是受到那次大戰的影響

那次大戰後，就再沒有人看見過徐峰戰鬥過

「峰仔，你做契爺就怪咗啲，佢地大個，我教佢地叫你做大哥！」霍鎮海笑說

「好啊」徐峰點點頭

這日後，霍鎮海經常會偷偷的跟蹤閻三，看看他到底發生了什麼，身體怎會怪怪的

這一跟蹤就讓霍鎮海發現了一件令人毛骨悚然的事，閻三居然用他的右手吸取生人的魂魄，而且還要是自己的同門師弟

霍鎮海果斷衝出

「喂！！你做咩啊！」霍鎮海喝止閻三

「你….」閻三呆住看著衝出的霍鎮海，把捉住師弟的手鬆開

霍鎮海馬上上前檢查那師弟的情況，但他已是回天乏術

「三！你知唔知你係做緊咩啊…..你吸緊自己師弟嘅魂魄啊！」霍鎮海又無奈又憤怒

「唔關你事，你當睇唔到」閻三眼神逃避霍鎮海

「冇可能，你跟我返去見張老掌門」霍鎮海伸手想捉住閻三

閻三推手格擋，再一掌把霍鎮海推開

「海，我再問多你一次，你可唔可以當今日嘅事冇發生過？」閻三嚴肅的問

「三，我都講多次，跟我返去！」霍鎮海堅決的說

「咁冇辦法啦」閻三眉頭一皺，果斷出掌

「嗯？！」霍鎮海瞪大眼睛，不敢相信曾經一起出生入死的好兄弟，如今竟要淪到生死相搏的地步

今日唔舒服，工都冇返停更一天，聽日繼續

「係你逼我」閻三也不想出手，但他實在不想讓師父知道自己墜入魔道，辜負了他一番期望

「三！你仲有得返轉頭㗎」霍鎮海捉著閻三的掌

「冇得返轉頭啦！！」閻三仰天大叫，但聲線中隱約聽到有一把刺耳的女聲

「上次隻花妖….」霍鎮海這才恍然大悟

「點解你有問題唔一早講，等我可以幫你」霍鎮海無奈的說

「幫？！點解我閻三永遠都要你幫！！憑咩啊！」閻三說話時還是夾雜著那刺耳的聲音

「你講咩啊，我地兩兄弟拍住上，邊有分邊個幫邊個」霍鎮海不明白閻三為何這樣想

「明明大家都係四力！點解永遠都係霍大哥前霍老大後！咁我閻三爺呢！永遠都冇人講」閻三這麼多年，一直把這些話收在心裏

今天終於一次過爆發了

「依啲虛名嚟姐，唔重要㗎，我地自己知道自己嘅價值咪得囉」霍鎮海不是在說風涼話，他真的認為這些都只是虛名，對他根本不重要

「你唔好係到假惺惺！咁啊夜呢！你係四力登位大會就知我中意佢㗎啦！點解你仲要同佢一齊！點解你咩都要同我搶！」閻三愈說精神便愈崩潰，聲線亦在被刺耳聲替代

「三，我真係冇，我唔知你係咁諗，如果我一早知你咁在意嘅話，我就唔會同啊夜一齊，對唔住，你冷靜啲先」霍鎮海也留下來到閻三的情緒愈失控花妖便愈能控制閻三，所以他想嘗試穩住閻三的情緒

「廢話！啊夜會揀你都係因為你咩都叻過我！我今日就要證明！我閻三都可以叻過你！！」

閻三突然出招！向霍鎮海的方向擊出一掌，一股黑氣隨著掌揮出，周遭瞬間狂風亂掃

霍鎮海向左一撲避開黑氣，但那師弟的的屍體就沒那麼幸運，黑氣侵蝕屍體，瞬間只剩下一副白骨

「妖氣….」霍鎮海緩緩說出

閻三擊出的都是妖氣，證實他已體內的妖已成功侵蝕了閻三的魂魄，已很難回頭了

「三，放低執著，如果唔係冇人幫到你」霍鎮海還是不想出手

「冇人要你幫啊！！」閻三發狂，再次攻擊

閻三衝步向前，掌向霍鎮海的頭頂攻去，霍鎮海舉踭擋住，再用擒拿鎖住閻三的手，把閻三箝制住

「哎！！」閻三一個後腳撐在霍鎮海胸口，霍鎮海感痛放手，後退兩步

閻三果斷追擊，自己往霍鎮海的正前方攻擊，然後從右手裏放出了兩隻孤魂向霍鎮海施襲

「？！」霍鎮海也感到詫異

之前的閻三是不能把收到手中的孤魂怨靈隨意放出來利用

霍鎮海雙掌合十，口裏不斷唸著咒語，雙手向外一揮，一道金氣從霍鎮海體內發出，兩隻孤魂一觸碰到金氣馬上灰飛煙滅，而閻三也感到頭暈目眩，雙腳軟一軟

可見他們二人的實力還是有一段距離，只是霍鎮海不出手

「啊！！！」閻三吸氣再上

「三！停手啦」霍鎮海再次勸阻閻三

閻三無視霍鎮海，一拳揮出！

砰！這一拳正中霍鎮海的面頰，但霍鎮海依然不還手

砰！再一拳！

「你還手啊！！」閻三憤怒吶喊

砰！砰！砰！砰！………

閻三見霍鎮海不肯還手，便不斷的揮拳

「還手啊！！！」閻三提掌，一擊打在霍鎮海的胸口上

「嗚啊！！！」霍鎮海噴出一口鮮血，整個人向後飛開

「點解你唔還手！！你係咪睇小我啊！！」閻三走近霍鎮海，一手揪著他的衣領把他揪起

「我….唔會…還手…三啊你可以返轉頭㗎」霍鎮海笑說

一輪攻勢後，霍鎮海被打得口腫面腫的，口腔裏滴出口水和血絲

「嗄…..嗄…..點解！！」閻三仰天大叫