［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

都仲力打丁有時連丁都冇心機打

樓豬我們到了
你喺邊

我之前都係 太耐唔用驚用唔到

好似成個星期都唔想打

試下咁樣打

打文啦樓豬

其實打緊如果唔係瞓咗啦，但卡住咗…..

前排寫四力嗰段，將啲靈感用曬我個人嚟講，暫時第二季最滿意就係四力嗰段

養肥先睇

頂唔順好眼訓，聽日打長啲補數！

係先好講呀！唔係剪你嫁！

推

兩日後的晚上，身上還帶著傷的啊烈獨自一人大搖大擺的走在旺角街頭

「啊烈你驚唔驚？」我在耳機裏笑問

「驚字點寫㗎？我讀書少，唔係咁識」啊烈也幽默的回答我

「你兩個唔好掛住傾計啦，一陣突然有人撲過嚟都唔知啊」啊武也是同樣在通話中

「喂，會唔會好多人㗎！」當然啊仁也不能少啦

「冇事嘅啊仁，有咩事英叔保住你啦」英叔也在

我們幾個都躲在啊烈的周圍，跟著他尾，等待「皇圖」的人出現

「唔洗驚啊仁，要打交第一個交比我先啦！」啊武豪氣的說，我總覺得啊武連說話方式都好像有點不同了

「哎呀，你地放心啦，今晚有我同老野係到，想打交都難啊」英叔再說

差點忘了說，九叔也在現場，他也算是今天的主角，沒有他啊烈的計劃也行不通

兩日前…..

「九叔，你可以搵到幾多個好似啱啱咁嘅幫手？」啊烈問九叔

「做咩咁問？」九叔瞇起眼看啊烈

「依家個隻雙生靈起碼有千幾個手下，就算我地搵人幫手都係硬碰，倒不如利用想對付我嘅人去對付佢地」啊烈開始說出腦中計劃

「即係利用西狗佢地？」我問

「唔止，係成個「皇圖」嘅人」啊烈嚴肅的說

「嘩….世界大戰啦」啊仁說

「但佢地都冇可能貿貿然幫我地去對付雙生靈㗎」啊武感到疑惑

「所以佢啱啱先至會問我可以搵到幾多鬼幫手」九叔點頭，似乎是猜到了啊烈的計劃

「係，只要用我做魚餌去引「皇圖」嘅人嚟襲擊我，到時九叔你地再用鬼魂控制佢地，先收埋佢地」

然後我再放風出去，話係「天圖」嘅人捉咗佢地，最好就有埋西狗依種揸fit 人，咁「皇圖」嘅人就一定會去對付雙生靈

到時有佢地去幫我地拖延時間，分散雙生靈嘅人力，咁我地對付起雙生靈就簡單好多」

啊烈將計劃完整的說出，我們聽後都點頭同意

「老野，你點睇？」英叔看向九叔

九叔沉思了一會

「嗯，可行」九叔點頭

「好啊！咁我地就咁做啦！一晚鏟起兩個社團，為民除害！型啊」英叔顯得興奮

「好型咩英叔？我淨係覺得好危險」啊仁皺眉頭說

「啊仁啊！你幻想下以我地幾個人嘅力量就可以做到咁大件事！唔型咩！」

英叔一手捉著啊仁的手，另一手向前方伸去，像在說什麼偉論一樣

「呃…..係嘅」啊仁這才不情不願的說

「好！咁我地就跟啊烈嘅計劃做啦！」

………..

所以，便有了現在這情景

「啊烈！後面！」啊武在耳機裏突然一聲

說是遲，那時快！

就已經有人從四方八面衝向了啊烈，當中就包括了西狗和剩下四名的強化手下

「航！你地出去幫手！」九叔下指令

「收到！」我收到指示馬上行動，啊武就一早衝了出去

「唉….死就死啦！」啊仁就不情不願的行動了

「烈哥！上次走得甩！今次我再帶多啲人，冇咁易㗎啦」帶頭的西狗舉著刀跟啊烈說，他對自己那四名強化手下似乎充滿著信心

「大佬！你睇下佢傷到隻狗咁，我地一隻手都捽死佢啦」其中一名強化手下笑說

啊烈看著在場的刀手冷冷一笑

「喂！你地要搞佢，問過我未啊？」啊武跑到刀手們的後方

「仲有我啊」我也跟在啊武後到

「唉，仲有我啊！」啊仁慢慢來到

「又係你地三條友做架兩啊嘛，今日就收埋你地皮！郁佢！」

「啊烈，你有傷！行埋一邊先！」

「想走？問過我未？！」西狗想衝去啊烈

「咁你問過我未？！」啊武一手拉著正想跑走的西狗，然後送上一拳

「啊嗚…..」西狗應拳跪下

而啊烈也自知有傷在身，勉強應戰只會拖累大家，所以他識趣的離遠「戰場」

「喂，老野，我地幾時出手？」英叔問身旁的九叔

「等啊航佢地將啲人逼埋啲先」九叔一直觀察著現場情況

在事前九叔就告訴我們，要我們行動時盡量把那些逼到聚在一起，這樣他就更易施法控制他們

「啊武！你盡量推佢地，我同啊仁係後面封住佢地」我說

「好！」啊武出手

「仁！我地兜去後面！」我拉著啊仁裝作跑遠，其實兜個圈就跑到刀手的後方，將刀手兩面包抄

而啊武他是沒拿武器的，他堅持要徒手跟刀手們搏鬥

開始劈友

呀武堅係癲
無論上世定今世都係徒手打柒目標

反而最中意上世幾段
靈姐死兩次
夢晞比人掉落樓
同埋夢姐老公喺墓等死
今世寫到50%未？

寫到呀仁好縮骨，係咪有咩原因

或者咁講佢唔係縮骨，只係怕死

40%左右？之前進度慢嘅，依家會盡量快返啲

我自己都好中意夢晞墜樓個段，男主一個人捉住兩個女人，一個係中學女神，一個係現任愛人，背脊仲要比人攻擊緊，兩邊都唔想放手，但偏偏就只救到一個

啊武係拳頭交嘅天才

佢上世都係咁架？

佢上世出場係陳鯨，同今世完全唔同上世陳鯨型到仆街

係咁啪野
唔知點解有種睇緊遊戲王感覺

其實今世都有講啊仁嘅表面潛力比男主大，就好似學用靈力升起把劍都係啊仁快啲

比差佬追個陣都係啊仁用靈力控制啲木板去阻住啲差佬

他一個箭步衝前剎停，身體順著力向前傾，雙拳揮出，擊中最前方等兩人，一個是才剛起來的西狗，一個是其中一名強化手下

「又嚟？！」西狗有點生不如死的感覺

另外三名強化手下就補上向啊武撲去，啊武一個側閃在三人之間穿過，啊武再使出一腳虎尾腳，把一個踢倒，然後再轉身捉著口一人的衣領把他拉回人群中

兩名所謂經過強化的刀手在現時的啊武眼中就像小孩一樣，不堪一擊

「嘩～武仔依家身手好咗咁多嘅」英叔在不遠處全程觀望著

「啊～咁又係，我教㗎嘛，所以都係我叻，嗯，一定係咁」英叔自說自話，說得自我陶醉

在後聽著的九叔白眼都快反出宇宙

啊武看著最後一名強化刀手，等待他出擊，刀手一聲叫喊就向啊武上而下揮刀

啊武轉腰儲力，在刀快斬到自己時一下爆發

嘭！！！又是這樣了，啊武出拳時手臂間隱約有一股像龍的氣在盤繞

「老野…..你睇唔睇到？」英叔驚訝的回頭問九叔

「嗯….」九叔也看得雙眼發直

英叔和九叔也同樣看到我說的「氣」

重拳擊中刀手的胸口，把他打飛到人群之中

他飛到人群中，其他刀手包括西狗都被衝擊力撞得往後傾倒，把中間的刀手都逼到往後，然後我和啊仁就拿著兩條捆仙索站在後方攔截住他們

「啊仁！圍圈！」我先跟啊仁說

「收到！」啊仁回答

「九叔！可以做野啦！」然後我再跟九叔說

我和啊仁拉著繩索圍著刀手們跑了個圈，把為數十多二十人的刀手扎在一起，刀手嘗試砍斷捆仙索，但捆仙索比爬山繩索還要堅韌，不是那麼容易都砍斷的

「老野！郁手」英叔率先衝來

九叔沒多說話跟在英叔身後，他從腰間拿出一個竹筒，應該說我們每人身上都有一個這樣的竹筒

「喂！大家！」英叔跑到西狗他們面前

「啊叔你乜料啊？」西狗不屑的問英叔

「冇，想同你地講聲唔好意思姐，想請你地飲啲野」英叔暗暗偷笑，然後手也向腰間移去

「開餐！」英叔說

聽到英叔的指令，我、啊仁、啊武和後到的九叔都馬上把腰間的竹筒打開，然後將竹筒裏的東西潑出

「嘩屌！！咩嚟㗎！」

「咁臭嘅？！」

「屎嚟㗎？！」

「痴撚線」

「死老野！你地玩咩啊！！」西狗解手把臉上的的液體撥開

「好唔好飲啊？和味呢」英叔竊笑道

竹筒裏的是「黑雞血」，顧名思義就是黑雞的血，九叔說被黑雞血潑中會令人的三把火都暫時熄滅，這樣鬼魂就非常容易霸佔人的肉身

「啊財！」九叔叫喚

「收到！兄弟上！！」鬼僕啊財不知從何處突然飘出

身後還帶領著一大班鬼兄弟，當然街上的人不會看到啊財他們，不然這群鬼魂像遊行般出現肯定會惹起市民恐慌

而啊烈也是看不到他們的，上次他能看到啊財，是因為啊財自己選擇了現身

「兄弟上身啦！」

「做返齣好戲啦」

「九叔！記得搞掂之後燒多啲金銀衣紙比我地啊！」

咻！咻！咻！咻！

……..

一眾鬼魂都紛紛進入到刀手的體內，但事情沒九叔他們想得簡單…..

「九叔！好過癮啊，好耐冇試過依個感覺啦」人群中的「西狗」撫摸自己的身體

「你…..係….」我們疑惑的看著「西狗」

「我係啊財啊，我死咗幾十年啦，好耐都冇試過有副披嘅感覺啦」啊財顯得興奮

「兄弟！爽唔爽啊！」啊財轉身問身後的其他人

「爽啊！我要去沖個涼！揼個骨啊！」

「嘩，副披又幾大隻喎」

眾鬼上身後都你一言我一語的，像極街市裏嘈雜聲