［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

返嚟推吓

可能係都唔出奇㗎

好啊好啊！！推爆佢！

推番上去先

前兩日都咁啱有野做停咗兩日，今晚覆文！

「爸爸！我返嚟啦」啊晴回到她祈德尊新邨的住所，就在荃灣廣場的對面

「你係邊個？！點入嚟我屋企？！」啊晴的父親好像不認識她

「爸爸，我係你個女啊晴」啊晴耐性的跟他說

「我個女…？我老婆呢！我個仔呢？」啊晴父親慌張的問

「媽媽佢出咗去做野啊嘛～哥哥跟住媽媽，你同我講嘅」

「出咗去..做野？」啊晴父親軟坐在沙發上

「係啊，嚟～爸爸，食飯先啦，我買咗飯返嚟啦」啊晴將飯盒放到飯桌上

「我要出去搵佢地！」啊晴父親突然想衝出門口

幸好被啊晴攔住了

「爸爸啊！你講過依段時間唔可以比你出門口㗎！！」

「你真係我個女？」啊晴父親半信半疑的問啊晴

「唉～係啊爸爸～乖啦，快啲過嚟食飯啦～」啊晴無奈的嘆一嘆氣，然後牽起父親的手，把他拉向飯桌

「嗯….」最終啊晴父親也乖乖的坐下

「呼…..」啊晴表面上看好像很硬朗樂觀，但其實對於父親現時話情況甚感疲憊

父女二人就在毫無交流的情況下把這頓飯吃完了

啊晴在收拾時，啊晴父親回到房間不知在翻尋什麼東西

「點解冇嘅…..係邊啊」啊晴父親翻箱倒櫃的把東西都翻亂了

「爸爸啊，你想搵咩啊，小心啲啊」啊晴聽到聲響就跑到房前

「我搵緊我地張全家福啊，點解冇嘅…」啊晴父親連床褥也翻起了

「爸爸，我地冇全家福㗎….」啊晴眼神充滿失落

「冇….冇全家福…咁…我點搵返我老婆同個仔啊…

我…我唔記得咗佢地個樣….佢地…我…我老婆叫….叫…佢地叫咩名！點解我咩都唔記得！！佢地叫咩名啊！！我叫咩名啊！我咩都唔記得啊！」啊晴父親說著說著就很激動的捉住啊晴雙臂搖晃她

「爸爸….好痛…你冷靜啲先啦」啊晴用力掙開

「我叫咩名啊！點解我咩都唔記得！！你到底係邊個！！」啊晴爸爸情緒繼續失控，更將雙手向啊晴脖子扼去

「爸…爸….我啊…我係…啊晴啊….」

「我唔識你！！你唔係我個女！！」啊晴父經已完全失控，無法聽進任何事情

啪！！

「嗄….嗄….對唔住啊爸爸」

剛剛啊晴在逼不得已之下，用一記手刀把父親擊暈

之後啊晴吃力的將父親搬到床上，而這時她發現了父親的物品中有一個詭異的惡鬼面罩

「咩嚟㗎…」

………

「段生，你公司嘅格局好奇怪….」莫盡拿著羅庚在段天的公司看風水

「請問點奇怪法呢～？」段天從容的問莫盡

「嗯….好多好細微嘅位都出咗問題，例如：

第一：辦公枱上面正正就係橫梁，橫樑容易比人有無形嘅壓迫感，不單只影響你啲伙記嘅效率，下屬亦都會受到上司嘅責罵同埋比小人中傷，我個人建議啲枱枱櫈櫈前前後後褪下佢，盡量避開啲橫梁

第二：辦公枱對正條柱，條柱就好似一碌棍咁，對住個頭嚟打，咁樣啲伙記做野好易出錯

總之好多好多細問題，段生，以你嘅人脈搵嘅風水師傅冇理由會犯依一啲錯誤，睇嚟你比人當傻仔玩啦」莫盡約莫講出了段氏集團辦公室的一點問題

「你話邊個傻仔啊？！」段天身旁的羅東聽到莫盡的話後，立即就想上前打莫盡一拳

但卻被段天擋住了

神力個女?😂

係被劏肚嘅媽媽
被紅眼睛嘅人讚好靚，真係好靚，跟住抱走咗

今日老細請食師父誕停一日！聽日見

真係抱走個媽媽咩～唔係抱走個BB？

係個b呀
不過咁多個b
用佢老母有標誌性d
聽落好似辯解咁

抱走個媽媽都比你諗到 新劇情

牛腩想要媽媽

咁你識做啦

「我都係第一次聽到有人咁同Boss講野～」媚娘則只是暗地在笑

「東啊～Boss未出聲你唔好阻住Boss～」習維也沒像羅東一樣大反應

「原來係咁樣～咁依到仲有冇咩大問題呢～」段天平靜的問莫盡

「要再睇下」

莫盡拿起羅庚便繼續在辦公室裏逛著，好快就被莫盡多發現了一個問題

「點解依到咁多鏡？」莫盡站在辦公室的的正中央，環顧四周一看發現這裏到處也是鏡面的設計

「哦～都係上一個玄學顧問同設計師決定嘅」段天回答

「鏡係反射阻擋之物，如果正對大門就會將福氣擋住係門外，財神爺亦都唔敢入嚟，咁財運自然就會受阻

門有門神，鏡自然都有相對嘅神靈看管，如果一塊鏡長期對住門口，門神會走，咁就等於依個地方失去咗守護神，導致陰氣容易聚集

仲有一點，鏡對住鏡嘅話，時間長咗周會製造一股力量，依股力量會吸引周遭嘅孤魂聚集」

「唓，鬼咋嘛，我地驚咩」羅東不屑的說出一句

此話一出，段敢天馬上往後揮手，給羅東掌了一下嘴巴

「嗯？」但就是這句引起了莫盡的注意

「你啱啱話咩話？唔驚？」莫盡問羅東

「東～你唔好出聲，等Boss同媚娘答」習維悄悄的在羅東身旁說

所以羅東聽話的沒有出聲回答

「哎～盡哥仔～你又唔係羅東份人最中意亂講野㗎啦～唔洗理佢㗎」媚娘直接上前伸手蹺住莫盡

「係啊～我地唔洗理佢，咁依家應該點改善依到呢」段天也上前跟莫盡說話

「好簡單，記低以下我講嘅野」莫盡舉起羅庚

「習維～幫我仔細記低佢」段天吩咐習維

「係～Boss」習維從西裝裏拿出一本細細的記事簿

「估唔到依個年代都仲有人用記事簿」莫盡看到習維拿出記事簿時笑說

「係啊～好少人會用，但用咗幾十年～慣咗改唔到」習維隨口說了一句

「幾十年？你點睇都係頂盡三十歲左右姐」莫盡立刻上下打量習維，心中開始有點懷疑這些人的身分

「三十歲都差唔多幾十歲啦～差唔多姐」習維一笑置之

「好，咁你記低，首先啲枱櫈全部要調位….」

莫盡將要改造的地方都告訴了習維

「大概就係咁多啦，跟足我講嘅野去做，我唔敢講一定風生水起，但一定有利無害」莫盡收起羅庚，把袋子收拾了一下

「太好啦～能夠請到你幫手真係我嘅福氣～」段天非常客氣的拍一拍莫盡肩膀

「唔好咁講，受人錢財替人消災，應該嘅」莫盡在段天面前故意裝作得很有風範，覺得這樣才是大師應有的形象

「依到係小小心意～」段天從口袋裏拿出一張支票

「嗯？上次唔係收咗你一張啦咩？」莫盡故意推搪，不直接收下支票以免顯得貪心

「要嘅～你嚟做野都辛苦～何況只係一啲心意」段天執意要將支票給莫盡

「咁…多謝你啦」莫盡「勉為其難」的接過支票

他偷瞄一眼支票的銀碼

又是五十萬！！！

莫盡現時心潮澎湃，心裏像浪潮翻騰的不能平靜

「咳嗯..咁…咁今日都差唔多啦，冇咩嘅我行先」莫盡隨便說一句便想快點離去

「冇問題啊～今日都攰㗎啦～其他分公司辦公室嘅風水我會叫習維同你再約時間～」段天指一指身旁的習維，而習維亦很好謙卑的弱弱鞠躬

「好，冇問題，隨時約我」莫盡揮揮手就離去

「Boss ～你覺得佢會唔會開始懷疑我地呢～」媚娘問段天

「會，一定會，佢嘅道行深藏不露」段天說這句話時盯著羅東，語氣也沒了平常那種陰陽怪氣，轉變成殺氣

「對唔住波士….我唔會再…..」羅東正準備道歉

嘭！！！羅東突然飛撞出去，把辦公室的枱櫈都撞毁

今晚同喺台灣返嚟嘅朋友食飯停一晚

唔好剪啦

「對唔住讀者們….我唔會再唔出文的了…..」樓主正準備道歉

嘭！！！樓主突然飛撞出去，把辦公室的枱櫈都撞毁

樓主血流滿面......

往死裡打

12點前出文！

改文！！

但唔好打我啦

是段天突然出腳，把羅東踢飛

「我講過好多次，係Boss，唔係波士」段天一邊整理衣服一邊平淡的說，像什麼都沒發生一樣

「呃….對…唔住Boss」羅東在雜物堆中站起，衣服都被勾破，面部被踢中的位置都有著明顯的凹陷，但同時亦已肉眼可見的速度復原

「東～下次冇Boss嘅批准就唔好再亂講野啦～」習維對著羅東搖頭笑說

「呃…..嗯….」羅東心裏有火，但不敢發聲

「不過唔緊要～佢暫時都仲係一個可以用錢收賣嘅人～佢唔會有咩行動住嘅，佢第一時間應該係去銀行～」段天又回復那陰陽怪氣的語調，而且還把莫盡這個人看得通透

莫盡的確是拿著支票就馬上去銀行兌現，然後才回到南陽的集中地

「盡哥你咁講，即係覺得段氏嗰班人有古怪？」莫逆問

「嗯…唔知點講，成班人都陰陽怪氣咁」莫盡皺著眉說

「咁我地仲幫唔幫佢地做野？」莫逆為莫盡遞上茶

「你自己睇下」莫盡將自己的存摺遞給莫逆看

「又比多五十萬？！！」莫逆看到銀碼時，眼都快瞪得掉下來

「咁我地有咩理由唔同人合作？怪怪地姐，佢地都仲未有啲咩嘅，而且一有啲咩唔妥我唔會留手」莫盡收回存摺，並擺出一臉自信的表情

「都係嘅，正常嚟講都冇咩人可以係你手腳」莫逆輕笑一說

「嗱，拎住」莫盡突然從口袋裏掏出一疊現金

「嘩？！做咩啊盡哥？！」莫逆被莫盡突然的慷慨嚇了一跳

「比你拎去睇下隻眼㗎，咁耐都未好」莫盡看似一臉不在意，但其實十分緊張莫逆

「唉，睇乜鬼啊，冇用」一說到眼睛的傷，莫逆就馬上頹喪起來

「覆診個陣醫生點講」莫盡問

「佢話眼球爆裂，視線永久受損」

「嗯….轉過第二個好啲嘅醫生，依到你拎住先，我會再賺多啲返嚟，好好睇住班細嘅，好好教佢地，好快我地會風生水起」話畢，莫盡把錢塞給了莫逆然後拍一拍他肩膀便離開了

雖說莫盡怎說也一定是一個壞人，但不得不說他對自己門生和莫逆卻的確是有情有義

他離開南陽集中地後獨自吃了個飯便回到家中，他一進到屋內就軟坐在沙發上

「呼！！」莫盡滿腦都是怎麼多賺一點錢

原本操控拳賽的生意被我們搞砸了，現在南陽的門生大多都是靠出外接公會的任務來賺錢過生活

貴為掌門的莫盡必須想方法令門生過得好一點

這時，莫盡的電話響起

「凱祺？！做咩事啊？」原來是凱祺致電給莫盡

「你做咩冇啦啦過多五萬蚊比我」凱祺用質問的態度問莫盡

「冇啊～老豆依排賺到錢咪過多啲比你袋住先囉，慢慢用啊」莫盡滿心歡喜的跟凱祺說

原來凱祺是莫盡的女兒，而不是情人

「哎！你唔好亂講，你唔係我老豆」但莫盡說完後卻被凱祺嚴詞拒絕

「呃….唔…唔緊要啦，總之依五萬你就慢慢洗啦，唔好咁大洗啊」

「嗯，係咁」

電話被掛斷了

「……….」

「唉……」莫盡拋下電話，雙手掛在沙發的靠背上，仰望天花