［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

時間來到翌日下午，醫院的探病時間

「你嚟咗啦…」我怯弱的看著趕來的洛兒

「…….」洛兒看著手臂受傷的我，沒有說話

「呃…..我冇事㗎啦！醫生叫我留院觀察下㗎咋～」我對著洛兒當然要裝作若無其事，不然又要捱罵

「嗯，冇事咁我走啦」洛兒轉頭就要走

「喂，唔係….啊嘶！！！！」我想下床追她，但一動就拉扯到手臂的傷口，疼痛萬分

「你點啊….」洛兒聽到我的慘叫後便回過了頭

「痛…..」我按著傷口，五官猙獰

「你坐好先啦」洛兒過來扶我，幫我坐好

「我冇事，真係冇事㗎，醫生都話冇事嘅」我捉著洛兒的手說

「冇事？邊個係武士？」說曹操、曹操就到，醫生剛好在這時間來巡房，而這個醫生很喜歡說爛笑話，「幽默」程度跟英叔有得比

「陳天航，今日點啊，傷口痛唔痛」醫生在我床尾拿起了病歷表在看

「唔痛，我覺得可以出院添啦」

「醫生啊，我想問下佢嘅情況係點啊？」洛兒用手掩著我的嘴，不讓我說話，然後自己問醫生

「佢啊…」醫生把病歷表翻到第一頁

「佢好彩彩，異物刺穿手臂嘅時候啱啱好避開曬重要嘅神經線同血管，而且仲要冇傷到骨骼，已經接近係奇蹟」醫生把病歷表放回床尾

「你好彩」洛兒瞇起眼，帶有殺氣的看著我，然後才把手鬆開

「嗄….嗄…差啲斷氣，醫生！你個病人差啲就係你面前死」我開玩笑的跟醫生說

「下？！我咩都睇唔到喎，好彩你冇事！如果唔係就當我醫療失當㗎啦」醫生先是對我說

「下次等我走咗先，我唔係現場差好遠㗎」然後又再跟洛兒說

「好啊，唔該你啊醫生」洛兒笑著說

「你女朋友笑個陣靚好多，唔好再要佢擔心啦，今晚留多一晚院，聽日出院，定期返嚟洗傷口就得啦」醫生跟我戚一戚眉笑一笑就走了

「收到曬！醫生」很少見醫生會跟病人這樣說話，如果多幾個這種醫生，病人住院也會開心點

「咁即係你冇事啦，冇事我走啦」經過醫生的緩和後，洛兒的聲音也沒剛剛那麼嚴肅，軟化下來了

「咁快走？！」我拖著她的手說

「我趁放Lunch 出嚟㗎，我同段生講咗嚟探你，最多遲少少返去咋」

「下….咁我一個係到好慘㗎喎」我向她撒嬌

「哎啊～依到好多人㗎」洛兒最受不了就是我向她撒嬌

「係啊！依到好多人㗎」是啊仁的聲音，他跟啊武都來了

我聽到他的聲音馬上收起那撒嬌的樣子

「唔洗收啦～我睇到曬啦航哥～做咩扁晒嘴咁啊，唔似平時嘅你喎」啊仁找到機會毫不留情的挖苦我

「啊！救命啊……好柒啊」這刻我覺得很掉面，居然被他們看到我這一面，我用洛兒的手掩著自己的臉，不想跟他們有視線接觸

「唔係啊～我覺得好可愛啊」洛兒握緊我的手笑說

「哎呀！好閃啊，我頂唔順啦」啊仁把頭轉向啊武

「人地受傷啊嘛，你咪由得人囉」連啊武也配合啊仁

「唉～你地頂唔順就好啦，我要返公司啦，佢就交比你地啦」洛兒拍拍我的手然後拿起了手袋就要離開

「好啊，交比我地啦！包保佢肥肥白白」啊仁舉起拇指，露齒笑

「當我豬啊？肥肥白白」我怒盯啊仁

「洛兒，你睇下佢幾精神，即係冇事啦」啊武跟洛兒說

「嗯～咁我行啦，真係遲到啦」洛兒說完後就急急腳的走了

「洛兒真係好好，你個死仔有福啦」啊仁用羨慕、妒忌、恨的眼神看著我

「係啊，你恨唔到㗎啦，我啲野食呢？」我攤大手掌對著他

「係佢到！你問佢拎！」啊仁氣呼呼的坐在我床旁邊的椅子上

「冇理由啊，高我又同你差唔多高，講靚仔我又一定靚仔過你，冇理由我冇女朋友嘅」啊仁在大聲的「自言自語」，聲線足以令我和啊武聽到

我和啊武相視，搖頭地笑笑

洛兒從我病房走後，她走到電梯大堂等候電梯

而就在電梯打開時，她剛好跟正想來找我道謝的葉靈遇見了

" 而就在電梯打開時，她剛好跟正想來找我道謝的葉靈遇見了 "
呵呵！強強對話，正印和側宮對正了
無謂講咁多就唻 1 ON 1 先啦

洛兒跟葉靈都站原地看著大家，洛兒上下掃描葉靈，看見她也穿著病人服

「呃….你都受咗傷啊？」洛兒禮貌而又尷尬的問她

「嗯…係啊」葉靈也尷尬的點頭

「你地真係要小心啲啊」洛兒說

「如果佢唔係救我，唔會受傷嘅，今次係我大意，唔好意思」葉靈一向口直心快，所以毫無修飾的說出事實

洛兒聽到我是因爲救葉靈才受傷時，雙眼不禁瞪大了一下，但好快就控制回來

「嗯，唔緊要～佢自己論盡姐」洛兒禮貌的微笑說

叮！！

「有𨋢啦，我趕時間，走先啦～小心身體」洛兒禮貌道別後走進電梯

葉靈也禮貌的點頭回應，之後她就去問姑娘我的病床在哪

好快，她就來到我的病床前，而這時的我正在低頭吃我的午餐，所以我不察覺她的到來，直至啊仁提我

「喂，有人嚟咗搵你」

「仲有邊個會嚟探我啊」我把頭抬起，然後嚇了一跳

「係…係你啊」我馬上放下了飯盒，拿紙巾擦了擦嘴

「你手臂點啊？」葉靈對著我依舊冷酷

我正想說傷勢並無大礙時，一旁的啊仁突然掩著我的口搶先的說

「佢？醫生話有機會傷到筋骨，手尾長啊」

「嗯….」葉靈聽到後信以為真，一時也不知說什麼

「今次啊航都算英勇啦，人生中有一次機會英雄救美」啊武這臭小子居然也配合著啊仁

「咁….」葉靈尷尬的不知所措

我果斷用力咬啊仁的手掌，啊仁吃痛鬆手

「啊！你做咩咬我！」

「鬼叫你亂講野啊！」我再次怒盯著他，而一旁的啊武就在「食花生」地笑

「你唔好聽佢兩個亂噏，我隻手冇事，醫生話好好彩冇傷到神經同筋骨，住多一晚就可以出院啦」我馬上跟葉靈解釋

「點解你地兩個可以咁無聊…..咁都好玩嘅」葉靈分別盯著啊仁和啊武

「嘩，識你咁耐，你第一次同我地講野一句野入面有咁多個字…..」啊仁用驚嘆的眼神看向葉靈

而葉靈就回了他一個白眼，然後她再跟我說

「嗯，冇事就得啦，不過，如果下次我叫你唔洗救我，唔該你就唔好逞英雄，強出頭」

「呃…..我係唔想有人受傷」我呆呆的說

「你唔想有人受傷，但自己又唔夠能力去應付，然後自己受傷….咁成件事有咩意義？」

「呃…..我…」我還沒想到要怎麼答話時，葉靈就先再說

「同埋如果你再整親，我陪唔到個男朋友比人，咁大責任我擔當唔起」說完後葉靈就轉身離開了我的病房

她回到自己的病房後，坐在病床上氣喘呼呼的

「啊…..葉靈啊，你啱啱係到做咩啊，人地明明救咗你，你又明明係去多謝人㗎嘛…..點解你會咁蠢㗎….」葉靈抱著枕頭，把臉悶在枕頭上

而在自己病房的我

「呃…..」聽到葉靈剛剛的話，我呆了好一會，然後就把怒火燒向啊仁

「最衰都係你，做咩亂講野！」我用沒受傷的那隻手拍向啊仁

「咁緊張做咩姐，佢又唔係你女朋友，人地都唔領你情！」啊仁說得又不無道理，葉靈又不是我的誰，我那麼緊張做什麼

「哦～定係你個衰仔中意咗人啊」啊仁用猥瑣的表情看著我，並搭著我的肩膀

「嘩！你係到亂講好啦！你唔好係洛兒面前亂講啊！」

「得啦～我醒目㗎嘛」啊仁戚戚眉說

「唔覺」我目無表情的看著他搖頭

啊仁用誠懇的眼神看向啊武，但卻換來一句

「唔好望我啊，我都唔覺㗎」

「唔緊要啊～你地唔覺，我自己覺！做人最緊要識得欣賞自己！」啊仁還滿臉自豪的說著

有時，我也不得不佩服啊仁的樂觀…..

不過與其說是佩服，倒不如說是羨慕吧，羨慕他可以不理別人說的話，看得開放得下

我就剛剛相反，光是剛剛葉靈說的話，就足以我的內心煩亂一整天

冇咁激

係羅，無開拖……
最小都會講我條仔真係無鬼用……等宣示下主權麻

如果咁樣洛兒就會變咗八婆咁款㗎啦！我唔想破壞佢形象，佢係女神嚟

而那晚「水叔」代表啊烈的「天圖」狂掃「皇圖」的酒吧一事，瞬速傳遍整個江湖

但他們都不知道「天圖」實情已被「水叔」所控制，一切與啊烈無關

「仆街仔！到底我點撚樣教咗個反骨仔出嚟」臣爺怒不可遏，不斷的拍打枱面

「哎啊臣爺，咁嬲做咩姐，仔咋嘛㗎當生少個囉」冬叔拿著個煙斗，表面上是安慰臣爺，暗地裏是在幸災樂禍

「咪係囉，我地社團咁多𡃁，求其揀幾個順眼嘅，聽話嘅，返嚟做契仔好過啦」西狗也加把嘴

「……..」臣爺不作聲

「諗咩啊臣爺，打仗啦，如果唔係人地以為我地「皇圖」收皮㗎啦」

「我就認同冬叔啦，之前佢專打「福和」就冇野姐，依家打到嚟埋，冇理由唔還手喎」

冬叔、西狗你一言我一句的，就是要把啊烈和臣爺的關係正式撕破

但社團中還是有兩、三個叔父是站在啊烈的那邊的

「臣爺，不如你同烈仔兩父子坐低認真傾下，未必冇彎轉嘅」

「咪係囉，兩父子冇隔夜仇嘅」

「我地由細睇到烈仔大，佢係唔係啲咁反骨嘅人，我地大家心照啦」

臣爺閉眼思量，夾著雪茄的手指不斷敲打枱面，煙灰跌灑枱面上

思量一會後，他張開眼

「我會約佢傾，但係喺我同佢傾好之前，佢有咩風吹草動，再敢搞我地啲場嘅，唔洗比面我，一個字！打」

「好」眾叔父點頭

冬叔和西狗對看一眼，露出了充滿詭計的笑容，一看就知道他們準備要挑起事端

「今日要講嘅係咁多，散會」臣爺把雪茄直插在煙灰缸裏弄熄滅，然後就起身離去

他回到自己的座駕上，司機負責開車，他打開車窗，讓風吹到自己的臉龐上，主要是想讓自己先冷靜一下

冷靜下來後，臣爺直接致電給自己的兒子——啊烈

另一邊，啊烈的電話響起，他看看屏幕，來電顯示：老野

他猶豫了一下才接聽電話

「點？」啊烈先說

「你覺得，我地兩父子係咪應該坐低食餐飯」

「你會搵我食飯都係為咗「天圖」嘅事姐」啊烈冷淡的說

「當係兩仔爺食餐飯，聚下啦」臣爺這次也算是放下脾氣

「好，幾時」啊烈也明白自己的父親是什麼脾氣的人，所以他知道父親已作出讓步，也不好拒絕

「今晚八點，你得唔得啊」臣爺說

「得，咁老地方見」

兩父子的對話就是如此的冷冰冰

不過這已經是他們兩個之間較為良好的對話了，尤其是在焯哥死後，他們的關係就變得更疏遠

就像是一對掛名父子一樣

到了晚上八時，二人都準時赴約，剛好在餐廳門口碰上，啊烈是獨身一人前往，而貴為龍頭的臣爺就是隨身跟著十數個手下保護著他前來

「咁準時啊」臣爺主動說

「我份人不嬲都好準時，係某人食飯次次都遲到姐」啊烈冷嘲說

「入去啦」臣也不知回答什麼

打開餐廳大門，侍應看見啊烈馬上上前招呼

「烈哥，包廂已經準備好啦，可以入去」那侍應恭恭敬敬的說

「臣爺！好耐冇見啦」餐廳老闆見到臣爺後也都立刻過來說話

「嘩，老鬼，你仲做緊啊？仲唔退休？」臣爺看到那餐廳老闆後就像看到了老朋友一樣

「少爺仔平時都會嚟食飯，我都算睇住佢大嘅，我做到幾耐咪做幾耐囉」老闆口中的少爺仔便是啊烈

啊烈和臣爺口中的臣老地方就是啊烈平常會來包廂的那間高級餐廳，亦原來是臣爺從小就會帶啊烈來食飯的餐廳，那看來啊烈的內心其實也是很緊張他們之間的關係和回憶

我撐靈姐架

食蕉兄開緊工？

個個都撐靈姐喎

放假

我都係

推post

臣爺跟餐廳老闆聚舊一會後終於來到包廂中

二人坐下，由點餐到吃餐的過程都沒說過一句話，說是父子相聚更像是陌生人搭枱吃飯的感覺

待二人都吃完面前的東西時，他們才說出第一句話

「啲野咁多年都冇變過味，仲係咁好食」又是臣爺主動打開話題

「嗯，咁多年都係咁，係你次次同啊哥食飯都唔嚟姐」啊烈不看臣爺一眼，自顧用餐巾刷嘴

「咁我係龍頭，有好多野做㗎嘛」臣爺拿龍頭來做擋箭牌

但一聽到這句，啊烈就來火了

「龍頭多野做？有邊次食飯你唔係出咗飲酒玩女人？啊哥死之前係咁，死後又係咁，好啦」啊烈的怒火一下爆發

「我做龍頭唔洗出去應酬啊？！個社團變出嚟㗎？！啲柒頭左爭右爭，我唔洗理㗎？！」臣爺反駁道

「應酬….咁點解你唔當同我地食飯係應酬啊！你當應酬下我地都好啊！」

「……」臣爺答不上話

「好啦，我唔同你講大佬，啊媽呢！啊媽死之前你仲係灣仔揸fit 人咋！冇咁忙啦嘛，咁啊媽死嗰陣，你有冇去醫院啊？冇啊，你仲係出面玩緊女人啊！」

「嗱！你講還講！唔好攞你啊媽出嚟講」臣爺拍枱，怒指著啊烈

啊烈冷笑一下，把酒杯中的酒喝掉

「呼…..」臣爺深呼吸一下，讓自己冷靜下來

「好，我地唔好講依啲」臣爺閉起眼說

「好啊，你想講咩，今晚講清楚佢」啊烈放下酒杯

「你點解要搞西狗間酒吧」臣爺單刀直入

「唔係我做」啊烈回答

「係人都知水叔條仆扮死過咗去幫你起「天圖」啦！咁水叔帶隊搞，會唔係你叫佢做？」

「我話唔係我」啊烈再次否認自己下令搗亂西狗的酒吧

「啊烈，你咁樣我地好難傾落下」臣爺盯著啊烈看

「依家唔係我唔想傾，係你唔信我」啊烈也盯著臣爺

叩！叩！叩！包廂的門被打開了

「食完飯，食杯雪糕先啦」是老闆拿著兩杯雪糕進來了

「嘩，你兩父子傾咩傾到塊面都紅曬啊，依度好熱咩？啱啦！食杯雪糕涼涼佢先啦」

其實老闆剛剛在門外都聽到他們的對話，他現在只是幫他們緩和氣氛

「好啊，唔該你啊老鬼」臣爺接過雪糕

「唔該老闆」啊烈也接過雪糕

「好，你地慢慢食，兩父子慢慢傾」老闆說完後就幫他們關上門，出去了

而不笨的他們也明白老闆叫他們慢慢聊的意思是，外面都聽到了他們的對話

二人都將話題停下，先拿起雪糕品嚐

「你老鬼幾醒目，識得用雪糕做藉口入嚟」臣爺拿起雪糕笑說

「佢做咗幾十年生意，隨時醒目過我同你加埋」啊烈也姑且放下成見，拿起了雪糕

「嗯，真係雪糕浸味都冇變」臣爺好快便把雪糕吃個清光

「雪糕可以點變，嚟嚟去去都係咁」啊烈也把雪糕吃完了

「啊烈…其實依餐飯我食得好開心，我地兩父子真係好耐冇咁樣坐低過」臣爺突然轉變態度

「可惜依餐飯太遲」啊烈的意思是如果焯哥也有份吃才有意義

「佢會明嘅」臣爺也懂他意思

「烈…我認真，唔好再搞「皇圖」，啲叔父已經有說話，我做龍頭嘅唔可以咩都唔做」

「……我唔知點同你講，我講出嚟你都唔會信我」

「你即管講嚟聽下」

「嗯…..你地見到嘅水叔，唔係水叔….」啊烈也知說出來沒有說服力

「你係咩意思…」臣爺聽得一臉困惑

「水叔已經死咗，依家我地見到嘅水叔係比鬼上咗身，而「天圖」亦已經比佢控制住，我所有手下都比佢控制住，所以水叔做啲咩真係唔關我事」

啊烈認真的希望說出事情，希望可以擺脫罪名

「屌你老味！」但臣爺的反應卻不是啊烈想見到的

臣爺橫手一掃，把面前的餐盤餐具都掃到地上

「你真係當你老豆我戇鳩㗎？！咁撚樣嘅野都講撚得出嘅！咁即係唔洗傾啦」臣爺怒視啊烈

「都話你永遠唔會信我㗎啦，我地永遠都冇野好講」啊烈對這個父親實在是心灰意冷

「你老味！既然係咁，你都唔好怪我出手」臣爺拍枱站起

「…….」啊烈毫無表情的看著面前的這個父親

「你中意點就點啦臣爺，我地永遠都冇野講」啊烈站起，在西裝拿出雪茄，但身邊已沒手下為自己剪雪茄頭和點火，所有事都要自己來

他點燃雪茄後拋下一句

「依餐我比咗㗎啦，慢慢坐，應該都冇下餐㗎啦」

之後啊烈就離開了

「喂！同我落江湖追殺令！以後見到任何「天圖」嘅人唔洗留手！打殘打死都冇所謂！包括張一烈！」臣爺直接致電給他的師爺，下令封殺「天圖」

江湖大戰，一觸即發

我就係要呢啲

要邊啲先

血流成河？

打打打！！

大家！要聽日見！

斬呀！斬呀！
斬到佢出文！

斬啊！！

成個故事終於成功進入主線！！！

主角群當中會有一個人，率先得到突破大家估吓係邊個，應該會係兩三日後個篇文開估