［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

第一季結局大戰有講～紅龍族世世代代位列仙班～


「但紅龍....你...你會點㗎」

「我地龍族，世世代代守護住人間，油盡燈枯之後就會返上天庭位列仙班，唔需要為我擔心，而我畢生嘅龍氣將會全數灌輸入你體內，以後我嘅龍氣就係屬於你，要好好咁運用，唔好令我失望，我係上面睇到㗎」紅龍笑著指一指天，然後就轉身離去了

「多謝你啊紅龍！！」啊武大叫著

但係只係守門口

咁多龍族邊有咁多位做大官～唔通個個都做海龍王咩～

可能因為守門口先得閒下來幫阿武手傳功俾佢！
唔知男主何時升LEVEL呢？
搞完尼鑊，烈哥都應該歸順了吧！？

男主仲差少少，未到佢

嗚！！！！警車的警笛在外面傳來

「都唔知係陳一定有人報警」我們仨還在努力的跑往出口

「唔理啦，出到去就安全啦」啊武說

「但佢地…應該會拉埋你地返去」啊烈帶點愧意的說

「人冇事最緊要啦，我地走得甩算大命啦」啊武笑說，這時我們已跑到停車場入口的收費亭

滋！！！突然一輛的士在收費亭外的路邊急剎

「喂！上車啊！差佬到啦陳一嚟緊！」是啊仁，幸好他還算聰明，一聽到附近有警笛聲就馬上來接我們

「喂！大佬啊！你有冇搞撚錯啊，要停車你咪出聲囉！你掹我頭髮做乜春啊」在停車場內也聽到的士司機在大罵

身後又突然傳來聲響

「啊！」是西狗的聲音，原來他一早便走到出口處準備伏擊我們

「跑！」啊武把啊烈全交給我，自己轉身應付西狗

「唔信斬你唔撚死！」西狗拿著刀刺啊武的肚皮

啊武看準時機輕輕格手一擋就把西狗的手撞得瘀黑，手上的刀也隨之脫手了

西狗一臉錯愕的看著啊武，啊武當然不會放過面前的西狗

砰的一聲，西狗已被啊武打了一拳上勾拳，整個人在空中打了個翻，而啊武在西狗打翻時，一手按著他的胸口，用力壓下

嘭！！西狗凌空的被按到地面，整個背脊受力撞擊，把他撻得一個「痴肺」

把西狗解決完後就馬上跑往我們

「嘩….咳咳咳！！你老味！咳咳！唔怪得你地對佢唔冧啦….手足！散啦！下次再玩過！」吃了虧的西狗也知道警察快要到了便馬上吩咐手下散去

「上車上車！」啊仁幫啊武開門

「醒目啊！識嚟接我地」我拍拍坐在副駕駛座的啊仁

「緊係啦！不嬲都咁醒」啊仁得戚的說

「喂大佬！你地成身血咁款，整污糟曬我架車，唉！我唔做你地生意啊！落車落車！」的士司機一臉嫌棄和鄙視的看着我們

啊烈默默的在袋中拿出了一大疊千元大鈔

「識做嘅….依啲你嘅」啊烈看都沒有看司機一眼，然後一手把紙幣一下灑到司機座位

「嘩！！得得得！！識做識做！」司機大哥見錢開眼，雙眼像發光一樣

「你唔好講咁多野啦！差佬到啦開車啦！」啊仁從旁拍他的頭一下

「得得得！咁多位老細坐穩啊！」的士司機突然車神上身，將油門踩到最盡

「咁多位老細，你地依家要去邊啊？」

「佢咁樣，係咪應該要去醫院？」啊仁在倒後鏡看著滿身傷痕的啊烈

「唔得，依家去醫院佢會好危險，西狗隨時會搵人去醫院搞啊烈，又或者西狗未到陳一就拉咗啊烈」我嘗試分析目前情況

「直接去九叔到啦」我說

「師傅，直接去象山邨，唔該」啊武有禮貌的跟司機說

「得！收到！」司機繼續踩盡油門，在馬路上飛馳

「有錢真係好」看到司機態度一百八十轉變的啊仁不禁在「葡萄」啊烈的財力

我們沒有答話，車內就頓時安靜了下來，之後我致電給了英叔，告訴他大概的事情，讓他們先準備一些包紮療傷用的用品

而有了金錢的力量下，司機不用二十分鐘就把我們送回了象山

「嘩，又真係幾快喎」啊仁說

「係啊係啊，如果唔係有快相可以再快啲㗎」的士司機「烚熟狗頭」的點頭笑說

「依到，再醒你嘅」啊烈再拿出了幾張千元大鈔給司機

「嘩！多謝咁多位老細」司機笑得見形不見眼的在收拾鈔票

「𡃁仔！」英叔走到我們的車旁

「咦！你咪捉鬼大師！」的士司機在窗口處看到英叔的樣子

「係你啊司機大佬，我地真係有緣啊」英叔靠著副駕駛座的車窗看進車內

司機大佬都出過場？死火，唔太記得佢添......

你掹我頭髮做乜春啊
笑死
仁仔當自己騎馬仔咁

英叔同葉靈趕去殮房對付雙生靈個次

張仁（陳鯨）今季代替咗上一季啊武搞笑嘅角色

推

夜多少少有文

原來這司機碰巧就是英叔跟葉靈一起趕往殮房對付雙生靈那次的司機

「英叔，你地識㗎？」啊武正在扶啊烈下車

「哈，唔知算唔算識呢，你地過去先，葉靈係前少少等緊你地」英叔笑說

「識～捉鬼大師！原來你啲朋友咁富貴嘅！下次再要車，記得搵我啊」司機馬上拉關係

「啊！啊武你咪揸咗車去㗎囉！點解我地啱啱唔揸車走？！」我這才突然想起啊武有車

「我記得啊，但啱啱情況咁亂，就算我地上到車，都未必走得甩」啊武原來在心中已有考慮

「唔好講咁多啦，送佢上去先」英叔拍拍我們說

「捉鬼大師！」司機突然叫住英叔，所以我們先帶啊烈去找葉靈，行前數步後，我們就看到葉靈站在一間名為祺威粉麵的店鋪前得我們

「佢點？」葉靈問我

「佢背脊同腳都比人斬咗刀，啱啱流咗好多血，不過我暫時同佢止咗血」

「咁應該死唔去」葉靈一臉冷漠的說

「啊靈，你可唔可以幫佢回一回先？唔該你」啊武誠懇的看著葉靈

「咁我又冇話唔幫，我企係到都係貪依個位冇閉路電視姐」其實葉靈這個人就是口硬心軟，我都已看穿她

「唔該曬你」啊武露出開心的笑容

「嗯」葉靈輕輕點了個頭

老實說，現時的葉靈已比剛認識的葉靈軟化了很多，就像剛剛那一下點頭回應，以前的她根本不會做

「點啊司機大佬」英叔再次彎下腰靠著車窗

「冇～我唔記得上次有冇比卡片你，依家比張你先」之後司機就向英叔遞上一張卡片

「哦～咁樣，好啊」英叔接過卡片

「喂！好！就咁啦！今日多謝曬啊！下次記得有咩事打比我啊，幾遠都飛過嚟」司機開心的把車駛走了

英叔目送司機離開後，來到我們旁邊

「啊烈哥仔，補一補精神咗好多啦，不過我八卦想問下呢，你啱啱比咗幾多錢個司機？佢笑到成隻狗咁喎」英叔主動問啊烈

「唔係好多，萬一、二到啦」啊烈輕輕說過

「萬一、二？！」英叔聽完後瞪大了雙眼

在旁的我們也是同樣震驚

「啊烈哥…搭的士姐，唔洗比成皮野㗎喎」啊仁口都在震

「唔緊啦，少少錢，佢又得開快啲」啊烈卻像毫不在意的搖搖手

「嘩…犀利」英叔舉起拇指上下擺

「英叔，唔好講咁多啦，同佢地上去先啦」葉靈打斷英叔的話題

「啱啱啱，𡃁仔武仔啊，你地都攰㗎啦，你地抖下慢慢行啦，仁啊，我同你扶佢上去啦」說罷，英叔和啊仁就接手了我和啊武的工作，把啊烈先扶上去

「你點？」英叔他們加快步速後，葉靈主動過來問我

「我….我冇事啊，我打咗幾….」

「嗯，冇事就得」我話都還未說完，葉靈就已經打斷了我，然後自己走了

「呃…」我呆站在原地，無奈笑了一下

「點解佢唔問我有冇事嘅」啊武楚楚可憐可憐的看著我

「呃….或者…佢..」我腦袋一時運轉不了

「我講笑咋！」啊武笑著拍拍我

「死仔！行啦！」

不知為何，我總感覺啊武在停車場擊中頭後就變得有些不同，但你若問是什麼不同了我又回答不上，就是不同了

叮….叮….鈴…..

我看到來電顯示時呆了一下

「做咩？邊個打嚟？」啊武察覺我的表情

我把電話轉給啊武看，是陳一的來電

「喂，陳sir」我還是接通了電話

「你班打靶仔！又搞咁大單野出嚟啊嘛！」

「陳sir ，我唔係好明你講咩喎」

「原來係特登引我過去幫你地執手尾，你唔好比我係閉路電視搵到證據，搵到嘅話你地唔會有好日子過」

糟糕…我們完全忘了閉路電視這回事

「陳sir，你又恐嚇我地啦，同埋我真係唔太明你講緊咩啊，再見！」我故裝鎮定的掛斷電話

「點啊？」啊武看著我

「仆街啦，我地唔記得有閉路電視！我地咁樣毆鬥法，一定瀨野，要叫九叔幫手」我收起電話後就奔往九叔家

到了九叔家後，我馬上跟九叔說了閉路電視一事

「…….」九叔一臉嚴肅的看著我和啊武，沉默著

「九叔….對唔住，係我地衝動，同插手黑社會嘅事，但…啊烈…」我立刻低頭道歉

「九叔，係我打比啊航叫佢幫手，唔關佢事，如果要罰就罰我」啊武在一邊把責任全擔起

「你地做咩姐？佢都冇話要鬧你地」英叔在旁蹺起手靠著牆竊笑

「你地…做得幾好」九叔說出我們都猜不到他會說的一句話

「你地當咗啊烈哥仔係同伴，所以奮不顧身咁去救佢，依個係一個好好嘅情操嚟」英叔為九叔說下去

「保持落去」九叔說

「挑…又唔見讚埋我，我夠有份幫手咯」啊仁不滿九叔英叔只讚許我和啊武，在旁邊暗暗不爽

「九叔，咁我地依家應該點做？啲閉路電視….」

「我會處理」九叔舉起手說

「啊財！」九叔合十雙手，然後舉起雙指

不出一會，從屋中的角落飄出了一個淡綠色的身影

「…..呃」啊烈看到這情景時瞪眼深呼吸

「咩事啊九叔」這「人」就是九叔的鬼僕—啊財

「你幫我搵幾個兄弟去差館整壞曬啲閉路電視佢，一條不留」九叔下命令

「收到」啊財收了命令後就消失了

「睇嚟…我要啲時間適應依個新嘅世界觀」啊烈嚥下口水

九叔為我們處理好緊急的事後就為我們仔細檢查傷口

「佢地兩個冇咩傷，最重要係你傷得比較重，尤其你背脊個一刀，入多兩分都見骨」九叔嚴肅的為啊烈包紮傷口

「嗯…」啊烈感痛，發出低沉鳴聲

「咁佢會唔會有事？」啊武問

「哦～武仔咁你就放心啦，佢有我地睇住唔會有事嘅」英叔整隻手被搭在啊武的肩膊上

「嗯！」啊武誠懇的點頭

「不過話說，啊烈哥仔，你都幾忍得痛㗎喎，個背脊咁樣都可以唔出聲，比著其他人一早係地滾泥沙咁款」英叔跟啊烈說

「嗯….我七歲就跟我老豆四圍去，十二第一次打交，十四歲第一次劈友，我今年廿四…十年….咩傷未試過，一早慣曬啦」啊烈說這話時充滿了唏噓

「估唔到依個年代都仲有依啲事，」英叔也少有的正經地說

「上樑不…」九叔準備說出這句話時

「九叔啊！咁佢就交比你地啦」我馬上阻止九叔說下去

「嗯」九叔大概猜到我的用意，沒再說下去

「點解唔送佢去醫院？」葉靈問

我為葉靈解釋一番後，大家都決定啊烈可以留下休養，但還有一件緊急的事大家需要處理

就是雙生靈

啊烈之所以會落得今時今日這田地，不多不少也是雙生靈害的

「到底個隻係咩嚟」啊烈對靈幻世界還是全不了解

「嗱，有啲複雜嘅，就係兩隻鬼合咗體，但係呢一加一就大於二，所以佢能力爆升，不過～佢依家比我地封咗係條友嘅肉體入面，能力已經大減㗎啦」英叔用最簡單明瞭的句子解釋了雙生靈的問題

「咁算唔算鬼上身？」啊烈問

「咁又唔算喎，鬼上身係隻鬼自願咁進入人嘅身體，依家佢係比我地強制封咗入去」

「明白，我有冇啲咩可以幫到你地？」啊烈再問

「你依家最幫到我地嘅就係好好療傷，依家西狗啲人實四圍搵緊你，其他野交比我地得啦」啊武讓啊烈好好休息

「……嗯」啊烈思量了幾秒後點頭

「九叔啊，咁我地依家應該點做啊？狙擊卓斌？」我問

「如果聽你地講，佢依家擁有以千起跳嘅手下，唔係我地幾個可以解決到」九叔用雙指夾著下巴思量著

「搵總會幫手？」英叔提議

「都可以」九叔點頭

「我，有一個建議」啊烈主動發聲，我們所有人都望向他

「九叔，你可以搵到幾多個好似啱啱咁嘅幫手？」

推

推

今日停一日

推呀！推呀！

呢排好多野做

攰
暫停一下先

打個丁去訓 聽日又返工

丁都唔想打 …
來自生活嘅疲倦