［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

頂。。又瞓著咗

突然有份圖要畫！！聽日出文！今日停一晚！聽日見

毋忘612

加油 我呢排都忙到仆街

毋忘

「嗯….恕老夫多事，佢落凡間插手咗咩事，會令到廣目天王你要下咁重嘅懲罰」

太上老君問廣目天王

「相信天尊你應該都仲記得二十四年前你連同玉帝、佛祖以及上官眾神決定世界重新輪迴一事」

「我當然記得」太上老君點點頭

「佢就係私自下凡去見依件事上嘅其中一人——李梓武，而且仲幫佢打通咗龍脈，現時梓武經已可以自由使用龍氣」廣目將紅龍所犯的事全數告知天尊

「明白」太上老君聽到整件事後，只輕輕再點了一下頭，然後慢慢走到紅龍的面前

「天尊大人….對唔住，我同李梓武本身就有所連結，我見到佢有危險所以….」

「我明白，你起身先」太上老君伸手扶起被押跪在地上的紅龍

「天尊大人…」廣目天王在後看到，想阻止太上老君的「仁慈」

但太上老君往後提一提手，示意別阻礙他

「多謝天尊大人….」紅龍彎腰低頭，對太上老君表示恭敬

「紅龍，你要明白，即使我地位列先班但塵世間嘅事好多都唔輪到我地去做主意，命運自然有佢嘅安排，二十四年前我地天界出手干涉人間嘅事經已係有違天理

人間嘅事就由得佢地自然咁發展落去，唔好再插手」

太上老君苦口婆心的說道

「明白….」紅龍唯唯諾諾的點頭

「我知道你出手相助係出於一番好意，但犯天條始終都係犯天條，處罰係必須嘅」太上老君拍拍紅龍

「廣目天王，你係咪需要老夫嘅煉丹爐？」太上老君回頭問廣目

「冇錯！」廣目天王點頭

「咁老夫為你地帶路」

「有勞天尊」廣目再次向套上老君擺出拱手之禮

太上老君帶領著他們走進了兜率宮內，內裏的空間跟外面看的有點不太一樣，就感覺內裏的空間比外面看更為要大得多，而裏面的基本結構是紅木白牆，接近每一幅牆都是如此，就像個迷宮一般

經過九曲十三彎的路程後，廣目天王他們終都來到了目的地

《煉丹房》

「紅龍，你依家罪犯天條，本天王懲罰你於煉丹爐受三昧真火嘅洗禮七日以淨心魔」

「小人甘願受罰」紅龍接受處罰

「天尊有勞你打開丹爐啦」廣目天目恭敬的說

「好」太上老君走到煉丹爐前，伸出右兩隻手指指著丹爐

「心者君火，亦稱神火，起！」

嘭！！！煉丹爐的爐蓋打開，一股灼熱的蒸汽從內滲出

室內的溫度瞬間提起數十倍以上

「嘩….好熱…」一位天兵一時沒忍住說出了一句

馬上換到了廣目天王的一個怒視

「對唔住….」那天兵立即道歉

「唔緊要，好少事姐，三昧真火嘅溫度的確係好高，因為係我上任之後作出咗些少提升」

「咁…可以直紅龍放入去？」其實廣目天王也感覺到丹爐的溫度不是說笑，所以就問一句，畢竟紅龍只是受罰，不是處死

「唔得！依個溫度絕對唔係一般人可以負擔得到」

話畢後，太上老君對著丹爐運功把火調細了

「依個係煉丹爐原來嘅溫度，相信紅龍可以係裏面渡過七日」

「好，有勞天尊」廣目先跟太上老君請謝

「你地押紅龍過去」然後再命令手下

「唔洗」太上老君阻截天兵的行動，繼而雙指指著紅龍

紅龍被慢慢升起了，並飛往煉丹爐的上方

「關！」太上老君雙指放鬆向下指

紅龍就馬上失重掉到煉丹爐內，而煉丹爐的入口也隨之關閉了

今日終於叫做準時啲出文

射上天？

今日同屋企人出去睇戲聽日見

「今次真係勞煩曬天尊大人你」廣目天王又再次向太上老君請謝

「區區小事，何足掛齒，你太客氣啦廣目」太上老君友善的拍了一拍廣目天王的肩膀

「天尊，咁我七日之後返嚟接走佢，呢七日就麻煩你啦」

「好，咁你地就請回啦」這次太上老君也跟廣目擺出了拱手之禮道別

二人就此道別各自回到崗位上，廣目天王回到南天門鎮守，而太上老君則走回到煉丹爐面前…..

「你唔應該咁多事….去插手一啲你唔應該插手嘅事」

……….

回到現實世界

「靈，啊武佢點啊？」在房間外等候的我問

「情況有啲奇怪…」葉靈從房間內出來，滿面大汗，連衣服都濕透了

「奇怪？即係點？」啊烈追問

「唔好賣關子啦」啊仁也發聲

「佢發緊高燒」葉靈怒視了啊仁一眼

「咁有咩咁奇怪啊？」我再問

「佢高燒嘅程度係將自己身體嘅水份不斷蒸發…..依家九叔同英叔仲諗緊辦法」

「咁…咁啊武佢咪有生命危險？！」我果斷想衝入房間，葉靈也不加阻止

誰不知我手剛放到門把上時

滋！！！！

我的手就被高溫燙傷了

「嘩！！咩事啊！」我馬上縮開手

「依家嘅佢就好似一個火源咁，溫度…高到可以令周圍嘅空氣都跟住沸騰….」葉靈現在才說

「咁…九叔佢地係入面….」就站在門前的我說

「佢地有功力護體，唔會有事住」葉靈回答

「咁即係我地依家咩都做唔到…」啊烈無奈又無助的說

「又會無啦啦咁都有..」啊仁亦是同樣無奈

我看著葉靈，她滿頭大汗、眉頭緊皺，好像沒人想到她剛剛出來時…

我伸手拉起她剛剛出來時開門那隻手

「喂…你做咩？」葉靈愕然的看著我

果然，手心都被門把燙得脫皮了

「你過嚟」我捉著葉靈的手臂把她拉著走

「你地等啊武消息先」然後我跟啊烈他們說下一句

「好」啊烈簡單回答

「依個時候佢拖佢去邊啊？」啊仁還傻傻的問

「小朋友唔好咁八掛，專心等九叔佢地出嚟」啊烈用把啊仁我面轉回望向房間方向

而我把葉靈拖到飯廳並叫她坐下

「喂！你到底想點啊？！」葉靈揈開我的手

我沒理會她問我的問題，直接走到廚房裏拿出醫藥箱，蹲在她的面前

「拎隻手嚟」我用鉗拿出沾了生理鹽水的棉球，開始為她抹拭掌心的傷口

「喂…我問你..做咩啊」

「成日話我冇用受傷，自己受傷就唔理？」我向上望她一眼，然後換個棉球繼續清理傷口

「……」這次她沒回話

「搞掂」一會後，我便為葉靈包紮好傷口，不過就包紮得有點…..有點不太好看

「嗯….會唔會包得有少少…」葉靈提起手仔細看我的「傑作」

「呃…外表嘅野唔緊要嘅！最緊要係實用」我當然也知道實在是包得很醜，但也總不能這樣認醜吧

「下次唔好咁多事」葉靈傲嬌的說一句，但暗地卻笑了

「航！英叔佢地出嚟啦！」啊烈的聲音傳來

「過去啦」我連忙起身過去

其實都想問下大家


大家對於天庭同地獄嘅劇情突然間出現會唔會覺得有啲愕然？即係出現得太突然

無事 ！
繼續落去啦
紅龍已變生蒸紅龍

想原條上定切件蒜蓉蒸？

小小, 但應該會對劇情有點影響吧？
否則都唔會無端端出，但希望可以盡快透露唔好賣關子....... :d

兩種都要

闖地府條友同太上老君有冇關係？

你地咁快想我劇透？

開始入戲肉㗎啦

捉你出黎做真人講故佬

又想同月巴屌蝦