[殭屍/靈幻/鬼怪]《輪迴。道》世界重新輪迴一次之後我都係變咗做現代道士08

1001 回覆
22 Like 0 Dislike
2022-01-31 00:18:10
好故唔怕不停睇支持 加油
2022-01-31 09:53:05
最後四力的結局怎樣?之前有無提過,唔太記得
回憶段會講埋嗎?
2022-01-31 10:00:43
之前冇講㗎嚟緊就會講~
2022-01-31 17:26:53
多謝支持
2022-01-31 23:30:38
今日停聽日見!!
2022-02-01 00:42:33
新年快樂
2022-02-01 14:01:25
新年快樂
2022-02-01 15:31:02
2022-02-01 23:42:48
拜完年打文!
2022-02-02 02:28:14
「下??」

「嘩!!」

「細路係咪行錯路啊?」

台下的莫峰走上台時全場都傳出嘩然的聲音,皆因走上台的是一個十多歲的懵懂少年

「哦~你就係莫峰?」台上的葉童也愣了一下

「係…係啊」莫峰顯得有點緊張

「不如你為大家介紹下自己啊~我諗台下嘅大家都好有興趣認識下你」

「大家好,我…我係南陽派嘅莫峰,師幫我改號:靈力——徐峰,擅長嘅武器係雙彎刀」莫峰靦腆的說

「咁今年幾多歲呢?~」葉童為台下的各位問出想問的問題

「我…今年十四歲」

「嘩…」

「十四?!」

「咪仲細過我個仔?!」

「我知大家對我嘅年紀有好多爭議…但我會用能力話比大家聽,我能夠勝任四力依個位」莫峰向台下的鞠躬

「好啦好啦~我知台下有好多聲音,但等我地請埋最後一位四力成員上嚟先~」

「最後一個~係北門派嘅!!張三!!!」

「張三!張三!張三!!」北門派的弟子為張三吶喊

張三步上台時也向台下的師兄弟揮手

「大家好,我係北門嘅張三,請大家多多指教」

「或者你又同大家講下你有咩強項」

「我嘅強項就係捉鬼」張三平淡的說出

的確,他只是說他認為的事實,但台下的人好像有點意見

「嘩,後生仔咁大口氣」

「我捉咗幾十年鬼,都未夠膽咁講」

「大家稍安毋躁,我並唔係囂張,我只係講出我認爲嘅事實出嚟」張三舉高雙手嘗嘗試安撫台下的反應

「講完又話唔係,唔得喎」

「牙擦擦,依家又怯啦」

「四個都唔知信唔信得過」

「點做四力啊!!」

「既然大家唔止懷疑我嘅能力,我冇得唔出聲,不如咁啦,有邊位真係懷疑我地而又想試下我地能力嘅師兄,不如趁依家即管上台同我地交流下」張三先作主張的作出決定

身為主持人的葉童馬上看向坐得高高的四派掌門

四派掌門交頭接耳談論一番,隨後向葉童點了點頭示意讓事情繼續下去

「佢地坐唔坐得穩就睇佢地自己嘅造化啦~」北門掌門——張帝笑說

「我睇好佢地嘅,長江後浪推前浪,一代新人換舊人」東道掌門——葉紫同樣笑說

「以後就係依幾個後生嘅世界㗎啦」西樓的掌門——王柱說

「我地幾個老野好快就要退落嚟㗎啦」南陽掌門——莫戰慨嘆道

葉童收到各掌門的指示後,對著觀眾說

「好啊~既然大家都好似對新上任嘅四力有少少意見,咁不如我就請幾位上嚟同新四力交流下啦~」
2022-02-02 13:12:15
2022-02-03 16:29:16
新年推推
2022-02-03 18:51:11
又要我強檢三次…..我都係唔離開屋企啦..
2022-02-04 00:04:56
大家,要停多一日聽日見
2022-02-05 00:00:55
「咁我地不如逐個逐個嚟先啦~師姐,你有咩過人之處呢 ?」葉童問身旁的葉夜

「我….天生力大無窮,所以師父為我取號——怪力」葉夜第一個說

「大力?會唔會係比我地同門嘅師姐師妹大力啊~對付其他派別嘅男子漢,有冇信心先」

「可以試下」葉夜邊就邊轉動自己的手腕,揮動手臂

最後,除了東道派之外的三派都分別有一人上台挑戰葉夜

西樓,派出了一位極為高大的門生上台,他身高起碼一米九以上,滿身肌肉,看上去就像巨人一樣

南陽派則同樣派出了一個壯漢,同樣是一米九以上的身高,同樣是肌肉發達的「怪物」

最後便是北門派,他們派出的人並不是像另外兩派一樣,不是高大壯漢,這人就是….張英

「好啦~依次係我地四派嘅交流喎~大家記得點到為止啊」葉童站在他們的中間

「靚女~我會就住你㗎」南陽壯漢看著葉夜擺出猥瑣的表情

「我都唔會留手,四力唔係講玩」西樓則在啪響手指指骨

而張英沒跟他們倆一樣囂張

「做人唔係得口嘅~試過就知龍與鳳啦」張英的這句話貌似是在跟葉夜說,但其實是在暗暗諷刺西樓南陽的代表

葉夜也聽得明白,偷偷一笑

「好啦~師姐~準備好未同面前嘅大隻佬比試未呢?」

「隨時奉陪~反正好快就玩完」葉夜側一側頭

「靚女,咁大口氣?!」兩個壯漢相視一眼

「既然你咁犀利,咁我地一齊上啦」

這時在旁的霍鎮海聽不下去了,他站出來,走到葉夜身前

「兩個男人一齊蝦一個女人,羞唔羞恥?」

「關你咩事啊,我地依家又唔係挑戰你!」

「唔緊要啦,同佢地玩下姐」葉夜拍一拍霍鎮海的後背,點點頭微笑

「好」霍鎮海見此也回以一個微笑,讓開

台上的其他人都紛紛退後讓位

「咁我地就唔客氣,一齊上㗎啦」南陽壯漢奸笑道

「都係個句~隨便你地」葉夜這時已做好戰鬥的準備

「你呢老兄」西樓壯漢問張英

「我?唔啦~你地啦,我仲想做人,做狗唔啱我」張英笑說

「你…」西樓壯漢雖然生氣,但也無言以對

「好,既然雙方都準備好,咁史上第一次四力交流大賽,正式開始!」

「一齊上!」南陽壯漢一聲衝前,西樓壯漢

葉夜跳起從二人之間穿過,然後拉著西樓壯漢的頭髮,把正在衝前的他整個人拉起了

她單手就把西樓壯漢像玩具一樣玩弄,左擺右擺,可見她力氣之大

「喂!幫拖啦!!」西樓壯漢向南陽壯漢求救

「嚟緊啦!」南陽壯漢跑前,拉著西樓壯漢的腿

葉夜見此馬上鬆手,西樓壯漢因此頭部撞落地上

砰!!

「嗚!!痛!」西樓壯漢用手揉著頭部

「咁大隻,怕痛?」葉夜挖苦他

「哈哈哈」台下也傳來嘲笑聲

「嗚啊!!」二人惱羞大叫,又再同步衝前

「唉~原來肌肉發達,頭腦簡單係真」在旁觀戰的張英笑說

而亦在觀戰的霍鎮海視線一直沒離開過葉夜,像被定格一樣

砰!!!砰!!!!

台上發出兩聲巨響

兩名壯漢已躺在地上,頭部旁邊的地面都有兩個拳頭的凹痕,二人驚呆的一動不動,而站著的葉夜則在拍走拳上的塵土

「我…..我認輸啦」

「我….都係….」

兩名壯漢都不敢再打下去

結果很明顯,是葉夜以一打二的情況下輕鬆勝出這場「交流」
2022-02-05 12:43:46
英叔
2022-02-06 00:35:52
英叔要試身手
2022-02-06 00:36:15
夜少少有~啱啱去完朋友屋企拜年
2022-02-06 01:46:35
而場上看著葉夜目不轉睛的並不止霍鎮海一人,還有場上的張三

他們二人都同時被葉夜的光芒吸引住

「好啦好啦~大家都睇到啦!!我師姐好輕鬆就搞掂咗兩個大隻佬啦!!之後呢….」

「咪住,係咪唔記得咗我」張英舉起前臂

「原來你仲想挑戰㗎?!我以為睇完我師姐啱啱嘅表現,你會放棄添~」葉童笑說

「唔試過唔知啊嘛~交流下姐」

「師姐你無問題?」葉童問葉夜

「無問題,隨時奉陪~」葉夜欣然點頭

「咁就太好啦~」張英微微笑道

說後,張英把衣袖拉高,擺出一個吊馬步,右手握拳放在腰側間,左手擺成掌的放在面前

「嗯?!依個同啱啱嗰兩個好唔同」霍鎮海看向張英

「唔同?我唔識分啊」莫峰入世未深,不像霍鎮海般懂得看穿人

「你仲細,慢慢嚟」霍鎮海拍一拍莫峰的肩膀

「準備好未?」張英問葉夜

「嚟啦」葉夜回答,然後她徑直的走到張英面前,擺出跟他一樣的動作,左手碰著左手,一動不動的,你眼看我眼

「點解佢地會咁擺架,一直都唔郁?」莫峰懵懂的問霍鎮海

「高手過招就會咁做,佢地將手貼住放,咁就可以感受到大家身體嘅節奏,其中一邊稍有分心就會分勝負」霍鎮海為莫峰解釋

「原來仲有咁樣㗎」霍鎮海就像為莫峰打開新世界大門一樣

扑卜….扑卜

張英和葉夜還在盯著對方,彷彿連對方的心跳都聽到一樣

此時,一滴汗從張英的額前流到他的眼睛,他眼睛眨一眨,分心了!!

葉夜看準機會出手!!
2022-02-06 01:46:59
有啲短,聽日再補啲
2022-02-06 02:43:39
2022-02-06 22:52:20
葉夜先沉肘,後標手,手擺成刁手前刺,張英也意識到自己露出了破綻,馬上後退一步並側身躲開,但衣服也是被葉夜劃破

張英避退後,也回以一腳高踢,葉夜舉起手去擋,張英趁機提掌揮向葉夜的腹部

葉夜聰明,她起膝格住了張英的掌,然後反送張英一掌,正中胸膛

嘭!!!十分響亮的擊打聲,張英中掌後整個人凌空飛出十數米外,差點站不住腳,用一手扶著地面

「睇嚟交流完啦~」葉夜收掌,站立

「哈…係啊,的確夠曬資格」張英嘴角流出淡淡血絲

「多謝指教,你同佢地好唔同」葉夜禮貌的拱手鞠躬

「係唔同啲㗎…咳咳..你睇下你膊頭」張英雖被打傷,但他說著說著還是得意的笑了

葉夜這時一看,才發現自己的肩膀上被貼上了一貼極細的爆破符,不認真看都不會發現,而符咒已被畫花,所以並不會爆炸

「噢….」葉夜看呆了

「我輸咗~」張英說畢便自己跳下了台,回到北門派的弟子之中

張英走到張九身旁

「啊…..好撚痛啊….係台上面又唔可以叫出嚟咁冇面喎」張英不斷揉搓自己的胸口

「抵死,自己衝上台」張九不多看張英一眼,只專注台上

霍鎮海偷偷為葉夜撕走了爆破符

「當冇事發生,特登整張咁細嘅就係想比落台階你」他在葉夜的身後輕聲的說

「嗯…」葉夜知道剛剛那一場短暫的戰鬥是有點技不如人了

「好啦~師姐已經成功擊退三派嘅挑戰者啦~咁我地就請下一位四力接受挑戰啦」

下一個要接受挑戰的是霍鎮海

「你師父為你取號神力,咁你覺得自己係咪真係咁叻呢?~」葉童居然這樣直接的問

「我從來自己唔覺得自己叻,只係比一般人專注」霍鎮海答了又好像沒回答

「呃…」這樣令口才不俗的葉童也搭不上嘴

「咳咳」四大掌門的方向傳來兩聲乾咳聲

眾弟子都紛紛把頭轉過去,出聲的正是霍鎮海的師父,西樓派掌門——王柱

「只要!有任何人認為自己能夠擊敗霍鎮海嘅都可以上台,幾多人同時上都得」

王柱此話一出,台上已經湧上一大幫人,為數起碼過百

葉夜等人只好直接退到台下,不然一定會波及無辜

「佢師父咁樣跣佢?」張英在台下笑說看戲

「成百人,點打」張九也認為霍鎮海無力招架

「百幾人,一人一啖口水都浸死你啦」

「一人一拳都散曬啦!!」

「圍攻佢!!」

但霍鎮海一點緊張的情緒都沒有,他還氣定神閒的站在原地

「咁淡定?!郁佢!」

霍鎮海低身躲過一個迎面撲來的人

正當我們以為大混戰要正式開始的時候….

霍鎮海吸入一口大氣,運氣提掌

砰!!他一掌擊在地上

一股淡白色的氣橫掃整個台面….一秒間,台面上的人全數倒下,只是一掌…

「呃……」台下的張英看到呆了

「有…少少誇張」張九也震驚口窒了

「真係…少少咩?」張英問

台下當然也是一片嘩然

「嘩…」

「真係好勁….」

高處的四派掌門也在討論

「柱兄….你依個徒弟,不可多得啊」張帝不敢相信

「你點教出嚟….」莫戰同樣驚嘆不已

「你地過獎啦,其實我都冇教過佢啲咩,係佢天生聰敏,悟性極高」王柱用手順著自己的鬍子說

「佢同葉夜都相當匹配~」葉紫點頭說道

「紫兒,你有興趣撮合佢地?」王柱笑道

「唔需要我地推波助瀾~佢地要一齊,自然會一齊」葉紫搖頭

說回台面上,被打倒的人都試趣的自行下台,相信他們心裏都寫已著一個服字

「各位,唔好意思!」霍鎮海向眾人致歉

「霍鎮海!霍鎮海!!」

台下的人由質疑,到現在轉變成支持,霍鎮海只用了一秒的時間
2022-02-06 23:13:58
2022-02-06 23:19:50
Thx!!!
2022-02-07 00:29:43
個個都咁勁
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞