［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

依幾日都好攰冇打到文不過今晚會盡量出

就這樣，莫盡坐在沙發上呆了一個多小時

直至他的電話響起一則通知，是習維傳信息給他

習維：你好莫先生～Boss想約你聽日下午3:00，去中環辦公室睇一睇，請問你方唔方便？

「呼….你咁問我，唔通我話唔可以咩…..」莫盡看著熒幕感無奈

莫盡：可以

習維：好～聽日見，晚安～

莫盡：好

「沖個靚涼先」莫盡拍一拍自己大腿，然後就往浴室走去

而就在他洗澡時，讓莫盡想到一個方法，可以改善南陽門生的生活

他洗完澡後馬上致電給莫逆

「喂啊逆，你即刻搵人去捉一大班鬼返嚟，活捉，唔好殺」

「下？！活捉咁多鬼做咩啊？」莫逆聽得一頭霧水

「我要我地南陽派接管段氏集團嘅所有嘅保安工作」莫盡說出他心中的大計

「咁出位？！」莫逆聽到後也嚇一跳

莫盡的計劃是，先讓南陽的門生捉一大群孤魂放到段氏集團的大廈和各公司裏

讓公司傳滿鬧鬼傳聞，那段天一定會叫他處理，在這時候就可以向段天建議讓門生名正言順的來幫忙捉鬼

最後莫盡便會向段天提出讓南陽門生接手集團的保安工作

南陽門生個個都身手不凡又會道術，既能保安又能驅鬼

段天自然也沒推搪的理由

莫盡想是想得美好，但實際行動又不知會否像想像中美好

翌日，段天早早就在公司樓下的大堂等著莫盡的到來

而莫盡其實也一早已在附近，而他現在正聯繫莫逆

「盡哥，聽你話琴晚我已經叫佢地將啲鬼放曬入去」

「放咗幾多入去？」莫盡問

「十幾隻啦，全部都係普通孤魂嚟，冇乜殺傷力，你一定輕鬆搞得掂」

「嗯！咁就得啦」

「不過….佢地打比我同我講搞掂之後，我就搵佢地班友仔唔到，唔知佢地去咗邊」莫逆說出昨晚的狀況

「你叫咗邊幾個做野？」莫盡問他

「濤、海、消、洋」

「佢地四兄弟嘅能力應該可以處理到突發事件，冇事嘅」莫盡卻覺得沒什麼大事

所以莫盡就掛掉電話，直走到段天公司

「早晨啊～莫大師～」段天和身後的媚娘幾人同時向莫盡輕輕鞠躬

「哎，大家唔洗咁客氣㗎，叫返我莫先生或者盡叔都得㗎啦」莫盡也被叫得有點不好意思

「咁你真係大師嚟嘛～一啲都唔係客氣說話嚟㗎～」段天笑說

「段生真係識講笑，咁我地今日開始啦」莫盡準備拿出他的羅庚

「好啊～麻煩你～」段天讓莫盡開始

莫盡自信滿滿的拿著羅庚，在他的預計中拿出羅庚時，羅庚上的指針會受到莫逆他們放的孤魂影響不斷的亂擺

但事情卻沒有跟莫盡的計劃進行

「嗯…..」莫盡呆住的看著羅庚，看著那絲毫未動的指針，一時間給予不了反應

「嗯？大師～依到係咪有咩問題？」段天微笑的問莫盡

「係喎大師，你硬曬軚咁？哈，冇事啊嘛」羅東也帶著笑意的問

「呃….冇事，暫時嚟睇，地下大堂冇問題，一切都好好」莫盡回過神來，才回答他們

「咁我地上去啦」段天禮貌的請莫盡到電梯大堂

今日幫屋企人搬屋企忙咗一日，聽日見！！

食哂啦mola mola

未知嘅～

而事實是，昨晚莫濤兄弟四人的確是有把孤魂放到今天莫盡會到來的大廈

他們四人以矯健的身手從旁邊的大廈用繩滑到段氏大樓的天台

「啊哥，依家掌門就係幫係橦大廈嘅老闆做野啊？」弟弟莫洋正準備打開黃布袋把孤魂放出

「喂！死仔唔好係到放！」二哥莫海看到莫洋打算在天台就放鬼，馬上喝止他

「唔係潛入嚟放鬼咩？」莫洋不解的看著二哥

「天台放有咩用啊？落去主要啲嘅樓層放啦」大哥莫濤在腰間掏出一支萬用匙

對著天台的鐵門就是一頓操作

咔…嗒..

咔咔…

「大佬你得唔得㗎」三弟莫消笑問

噠！！

「搞掂啦衰仔！行啦！」莫濤一巴掌拍在莫消的後腦勺上

「頂你啊！咁大力」莫消回頭盯著莫濤

「再唔行我一腳伸你落去添啊！」莫濤輕輕提起腳，作狀真的要踢他下去

「咪行緊囉！催咩姐！！」莫消見此馬上加快腳步

「喂！你兩個細聲啲啦！比人發現就麻煩㗎啦」莫海為人處事較為認真，經常在兄弟中擔任起提醒大家的崗位

「唔好玩啦，依個鐘數點會仲有人啊？」莫洋就不認同這時間點還會有人在公司

「安全為上，可以？」莫海反白眼後再盯著莫洋

「得..得…安全安全，我細聲啲」莫洋怕了二哥的認真，所以只好聽話乖乖閉嘴

「其實有冇人知段天間辦公室係幾樓？」莫消下樓梯時問

「就係六十六樓」莫海指著樓層中標示著的樓字

「落一層咁簡單？」莫消輕佻的笑問

「難嘅就唔會帶你兩個嚟啦」莫濤就揶揄莫消笑說

「…..」莫消和莫洋定住的看著大哥

「嗱嗱臨搞掂返去瞓教啦！望！」莫濤搖著頭說，然後使推開了樓梯的防煙門，正式走進了六十六樓層

「係囉～幾個哥哥仔咁夜乖乖地係屋企瞓咪好囉～係都要走嚟同我玩嘅」

倏然，幽暗的辦公室中傳來一把妖媚的女聲，不用多猜也知道是媚娘

叩！叩！叩！高跟鞋的聲音響遍整個辦公室

好快，婀娜多姿的媚娘便步入他們的眼簾

「喂啊哥，我係咪發緊夢啊？」莫消眼睛瞪得大一大的看著媚娘，口水都快要流出來

「呃….我想唔係啊」大哥莫濤同樣是看得目不轉睛

「逆大哥對我地真係好…..嘩…..正到…」莫洋直情連口水都已流了出來

「咦～你地眼甘甘咁望住人～」

「你靚我地咪望你，靚女，今日唔返屋企留係到做咩啊」

四兄弟除了莫海之外都用色眯眯的眼神在看媚娘

「咁幾位靚仔～你地今日嚟係咪同我玩㗎～」媚娘向兄弟四人拋電眼

「好～你想玩咩啊」三人已被情慾所迷

「醒下啦，你地唔覺得怪㗎咩？」最為清醒的莫海盯著媚娘看

「媚娘～乖啦，佢地唔係嚟同你玩㗎！係嚟比我玩㗎，哈哈哈！！」這對媚娘先是溫柔後變粗獷的聲音就很明顯便是羅東

莫氏兄弟馬上進入戒備狀態

「走！」莫海正想拉著兄弟們先跑為妙時

砰！防煙門突然被關上了，門前更出現一個健碩的黑影擋住他們去路

「東啊～唔好玩太癲啊，聽日Boss仲要係到見客，執唔切㗎」剩下這個自然就是習維了

「你地到底係咩人？唔好鬼鬼鼠鼠！出嚟！」莫氏兄弟知道自己已中計無處可逃，所以打算拼出一條生路

「哈哈～真係想比我玩喎」羅東摩拳擦掌的走近四兄弟

其高大凶狠的外型把四兄弟震懾住了

「唉唉唉～都係Boss有先見之明～估到莫大師會有所計謀～一早叫我地係到等候各位～我都好耐冇做過運動啦」習維慢慢解開領呔和袖口

「唓！係你依家扮曬斯文人姐！明明以前仲癲過我」羅東不屑的說

有冇人睇重煉 今晚9點線上讀者會

又有文

推一推！但我要多D文羅

有諗過追，但冇時間

你要出文

放心！運緊功寫文㗎啦 ！！

啱啊連打文都唔夠時間，邊有時間睇人啲文

建議打少d丁

就嚟攰到打丁都冇力啦

連登仔標準一日三次

三日一次得唔得啊都係嗰兩個數字姐

Weak

新讀者 紙言一次過追晒

多謝支持啊！！

不過紙言嘅進度慢過依邊好多

嗰邊我會儲埋一大堆一次過po

「噓…過咗去嘅野～就唔好再提」習維將手指放到唇邊

「頂！啊哥佢地咁多廢話，都唔方有料到啦！郁佢！」莫洋和莫消二人同時出招

「喂！唔好輕舉妄動！」莫海想阻止但也於事無補

莫洋莫消經已拿出他們的武器——鐵環

二人都從腰間拿出了一大堆的鐵環分別往羅東和習維擲去

「嘩～東啊，你啲玩具發脾氣喎～」習維輕鬆的側身避開鐵環，而且還有空閒跟羅東說笑

「就係咁先似玩具㗎嘛，哈哈！！」羅東拿起一張辦公椅飛擲回去

嘭！辦公椅擲正兄弟四人的中間

「哥，佢地好似….」莫洋開始顯得有點膽怯

「佢地唔似一般人….」莫海也開始猜到一點

「靚仔～我地點會唔係一般人啊～我好一般㗎咋～只係你地可以餵飽我～我做咩都得㗎」媚娘的高跟鞋聲響起，開始向兄弟們走去

「啱啱覺得佢好正…..依家望住佢覺得好心寒好核突….」莫消望住媚娘皺著眉說

「咦～你咁講人地會嬲㗎」原本蹺著手抱胸的媚娘垂下了一手並發力令指甲伸長出來

「收嗲啦八婆！妖怪！」莫濤看到媚娘的變長的指甲後便破口大罵一句

「嗚….」媚娘被罵後低下了頭

「噢～東啊，可能唔洗我地出手啦～」習維用看熱鬧的心情看著媚娘和兄弟四人

「又冇玩具玩囉」羅東擺出失望的表情

「不過媚娘開心就得啦～」但好快羅東又補上一句

「喂，條八婆做咩啊」莫洋居然大膽的嘗試走近媚娘

「喂！唔好去撩佢！」莫海一手拉著莫洋

「啊！！！」而同時間，媚娘一聲怒吼繼而揮爪

待莫海把莫洋拉回來時，莫洋已是一具沒有了頭顱的屍體

「細佬！！」莫濤激動的上前抱住莫洋的屍體

「我屌你老母！！」莫消情緒失控的想直接衝過去跟媚娘拼命

「喂！你冷靜啲啊！！」幸好這次莫海及時拉住了莫消，否則悲劇可能再次重演

「依家細佬死撚咗啊！！你叫我點撚樣冷靜啊！」

由於莫消的情緒持續失控，莫濤不得不也出手一起扯著莫消

「點解永遠去到生離死別嘅時候～人類都係中意上演一段感情起碼～嘔心至極」媚娘由剛剛的憤怒轉變成恥笑

「你條八婆！！」莫消繼續往媚娘衝去

啪！！突然莫海給了莫消一巴掌

「wow～兄弟相殘，好睇好睇」在旁看戲的習維鼓掌

「你冷靜未」莫海放開扯住莫消的手

「…….」莫消沒說話，只默默的點了點頭

「你地到底係咩人？」身為大哥的莫濤問羅東他們

「你…覺得…我地係人？！哈哈哈哈！！」羅東故意放慢說話速度來耍玩莫氏兄弟

「出合環技」莫海依然保持著冷靜的說

「但…..冇咗細佬….三個人得唔得㗎」莫消問

「信自己」莫海簡單堅定的回答

「好！」莫消、莫濤、莫海三人同時拿出了一個金環

跟剛剛莫消莫洋擲的鐵環有所不同

「嗯～出新招喎」習維看著現況笑說

「媚娘啊～洗唔洗幫手啊」羅東關心媚娘

「躝開！」媚娘對著羅東就是特別態度差

「呃…..」羅東沒趣的低下頭

媚娘