［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

笑死
等睇執返劑

飄

點解速成會出咗簡體，我屌啊，完全冇留意添！！

眼利到

「我想問下，咩叫做「披」？」啊仁一臉困惑

「嗱！啊仁你地後生未聽過，佢地口中嘅「披」就係佢地肉身咁解」英叔主動為啊仁解釋

「真係聽都未聽過…..」

「九叔…..好似有啲唔妥」我看著人群中的某幾人

「我知道」九叔瞇起眼說

「喂！財哥！唔對路喎，我地入唔到依幾副披喎」

有十幾隻鬼魂圍著四個刀手不斷徘徊，但始始也進不到那四人的體內

那四名正正就是經莫盡用遊魂野鬼強化的手下，他們全都低下，有一股不詳的感覺

「九叔….佢地」我默默退後了兩步

「全部退後！」九叔突然一聲

我們所有人都紛紛退後，只剩下那四名強化手下站在原地

「嘻嘻嘻嘻……」

「你地淋熄咗佢地啲火，咁我地就可以正式霸佔佢地嘅身體啦」

「係啊～我地等咗好耐㗎啦」

「佢地本身就有靈體係體內」九叔看著他們說

「但冇理由我地會睇唔出佢地鬼上身㗎」英叔說

「啊！南陽獨門！人鬼合綜術」英叔突然想起

「又係南陽？……」我聽到這個名就知道沒有好事發生

「佢地依班衰人…..」啊武更是咬牙切齒

「咁我地依家點？」啊仁就問

「可以點啊？！郁佢啦！」英叔拿出符紙和銅錢準備對付他們

「不過你地要小心，人鬼合綜術係強行將惡鬼逼入人嘅體內，惡鬼一直係體內被人控制，佢嘅怨念會比本來更深更重，依家佢肉身嘅三把火熄咗，佢地已經徹底咁控制返個肉身，肯定發曬脾氣咁款」

英叔為我們解釋

「你唔好出手」九叔卻突然阻止英叔出手

「下？！做咩啊….」英叔不解的回頭看著九叔

突然！那四人都發瘋大叫，開始向我們出手

「啊！！！」他們第一時間向我和啊仁衝來

「九叔？！」我和啊仁都先用捆仙索擋住四人，自然就是我和啊仁各對待兩個，他們皮膚觸碰到捆仙索的地方都會感到疼痛冒出黑煙，所以他們暫時都還未敢硬衝

「喂英叔？！搞咩啊？！」啊仁錯愕的問英叔

「唔關我事喎」英叔將視線移向九叔

「你地三個試下自己處理」九叔冷酷的說句

「下？！」啊仁帶點急躁

「你死開！」我不多說一句，直接把面前的一個先給踢開，再用捆仙索纏著另一人的脖子，然後再一腳

把他踢的退後，再用力拉緊捆仙索，本來已失重心的他，被突然再轉向的力拉得倒

但原本倒下的二人好快又再次站起來

「物理傷害冇乜用喎」我說

「等我試下」啊仁拉緊捆仙索，把面前二人推開，然後學九叔他們那樣咬破自己的手指，將血塗在捆仙索上

「呃…唔知咩咩天尊，借法」啊仁胡亂唸出一句「咒語」

但居然捆仙索又真的散發出一陣紅光

「喂！！我得咗！」啊仁興奮的揮舞繩索

他收短繩子拿着當繩鞭用

啪！繩子鞭中了一人

「啊嘶！！」那人被鞭中的地方馬上皮開肉裂，傷口更是呈綠色

「有用喎！」啊仁看著我

知道是奏效的我也馬上跟著照做，咬破手指塗上血液

但…我捆仙索發出的紅光遠遠不及啊仁的

不管了！也照用吧！！

「啊仁唸咗啲咩出嚟…嗯…..我諗比佢地自己試下都啱嘅」英叔尷尬的看著啊仁

「佢地唔可以成世都靠我地，同埋你啱啱都見到啊武嗰一拳，絕對唔尋常」

九叔一直盯著我們看，尤其是啊武，剛剛的一拳已吸引到九叔的注意

「啊武….啊武….只要你集中精神出拳，就可以對付佢地」

此時，啊武腦海中突然響起這句話，啊武想了一想才想起應該是紅龍給他的提示

「啊航啊仁！捉實佢地！」啊武向我們呼叫

「嗯？！好！」我聽到後馬上揮動捆仙索

「啊航！接住！」啊仁跑到四名手下的身後，然把他的一邊繩頭拋了給我，我也立刻拋了一邊給他

我們二人接好大家的繩就打了個結，把繩索索緊

滋！！繩索套緊後四人被綁住的位置都不斷冒煙

「啊！！你地想點！！」

「我地都係被逼入佢地身體㗎咋！」

「放過我地啦！！」

手下們體內的四鬼突然不斷求饒

「啊武你諗住點？」我問

「我都唔知，但我腦海裏面有把聲話比我知，我應該咁做！」啊武走到四鬼面前

他呆站在前，有點猶豫不決

「喂！啊武，搞咩啊？！仲唔郁手！」啊仁質問啊武

「我都唔夠力啦！」我也忍不住出聲，因為被綁住的手下們不斷掙扎，我們要用力拉緊捆仙索，手都拉紅了

「如果我做錯咗….你地要原諒我！」啊武看著四鬼，默默說著

「啊！」啊武集中精神，轉腰儲力揮出一拳

吼！！！一聲龍哮從啊武體內發出，讓我們都看得目瞪口呆

而且這次不再是隱約的氣，而是一條由氣形成清晰的龍形盤纏在啊武的手臂上

龍氣衝擊到四名手下的身上，「龍」不斷在他們身體穿梭

嗚……怨靈哀號

好快，就有四道黑煙從手下的體內竄出，然後在半空中消散掉了

「呼…..」手下停下了掙扎，我和啊仁這才鬆了一口氣

「老野，我…冇眼花啊嘛」英叔不敢相信的問九叔

「嗯….冇」九叔也不知怎反應

「喂！搵幾個兄弟嗱嗱臨上咗佢地身先啦，佢地三把火熄曬㗎，一陣比其他鬼上咗佢地身又有排搞㗎啦」鬼僕—啊財吩咐兄弟快點辦正事

「武仔，你…點到」英叔主動走到啊武面前

「啊武，你有冇野隱瞞我地？係咪暗地裏做過啲咩」九叔更是直接拿出桃木劍指著啊武，他的反應有點過大

「喂！老野你放鬆啦，放低劍先講」英叔嘗試把九叔的手按下

「當年就係太放鬆，先會出咗一個閻三，今日我唔想重蹈覆轍」但九叔不妥協的堅持舉劍指著啊武，原來是怕會發生像閻三一樣的事情

「冇啊九叔，我冇刻意隱瞞啲咩㗎，我都係前兩日先發現依件事…..不如等我地收埋曬佢地先再詳細講」啊武面前九叔的桃木劍舉起了雙手，示意自己並無不妥

「最好唔好有咩古怪」九叔拋下一句就轉身去跟啊財交接了

「呃…..九…九叔」啊武被嚇了一跳

「嚟啦，返去先講」英叔拍拍啊武

就這樣，我們帶著西狗一行人找了總會幫忙，叫他們找了一個地方給我們把西狗他們藏起來，然後啊烈再對外說是「天圖」把他們捉了

把他們都藏好後，今天的新重頭戲來了，回到象山後，九叔嚴肅的坐在啊武面前，像是準備審問一般

「老野，你放鬆啲，聽下武仔點講先啦」英叔勸九叔放鬆一點

「你講」九叔看著啊武

「呃….其實我都唔知發生咩事…..

前兩日我去救啊烈個陣……」

啊武將兩日前的事情經過都和盤托出

「南天門守護神龍….？！」英叔聽後也覺得不可思議，而九叔則沒有說話

「係啊，佢仲話佢嘅龍氣一直我嘅體內，又話一早就見過我，但我真係完全冇印象」啊武認真的訴說著

「多數啲武俠片都有啲咁嘅奇遇，咁啲主角就可以學成絕世武功，啊武可能就係咁」啊仁說

我也不知啊仁說這句話是想緩和氣氛還是什麼，但明顯不是時候

這時，九叔突然站起，直接走到啊武面前

「喂老野，你想點啊」

今日出咗去食飯停一日，聽日見

英叔擋在啊武面前，生怕九叔會亂來

咔…..九叔家門打開了，是剛完成一單委托回來的葉靈

「…..咩事啊」葉靈一進門就感覺到氣氛的不對勁

「你行開，我唔會亂嚟」九叔推開了英叔

「做咩事啊英叔」葉靈上前扶著英叔

「伸隻手出嚟」九叔看著啊武說

「呃…好」啊武聽話的把右手伸出

九叔伸出二指，在啊武的手臂上遊走，然後改為伸出拇指和尾拍，開合開合的往上量度啊武的手臂

最後閉上眼將手掌放在啊武的頭頂上

「你搞咩啊老野」英叔緊張又疑惑不解的看著九叔

一會後，九叔終於睜開眼

「你身上嘅係正氣嘅能量，嗰個紅龍應該冇呃你」九叔說出的一句後便走到一旁的古書櫃不知在找什麼

而剛剛的一句就讓我們眾人都放下心頭大石，

尤其是英叔，更是如釋重負一樣，可見他多緊張啊武這個徒弟

「呼….冇問題就得啦，咁大家都放心啦」英叔說

「但，九叔啊，點解啊武會咁嘅？」啊仁問

「我懷疑係前世嘅事」九叔還在低頭尋找著東西

「老野你搵咩啊」剛跟葉靈交代完事情的英叔問九叔

「搵到」九叔在書櫃拿出一本厚厚的書

九叔拍拍書本，再往書吹了一口氣，把塵埃都吹走

「咳咳咳….嘩..咳咳…你搵本咩出嚟啊」走近的英叔剛好把塵都吸了

九叔把書的封面給英叔看

「三世書？！你懷疑係關武仔上世嘅事？」

「嗯」九叔點頭

「武，你生日係幾時？」九叔問啊武

「呃….1997年10月21號」

九叔打開三世書開始翻查

「丁丑年 庚戌月 丙申日 ….」

九叔一頁頁的翻閱三世書，但好快便停在了頁

「搵到啦？點啊？」英叔見九叔停下了動作便問

「唔係…」九叔瞇起眼搖頭

「咩啊？即係點啊？哎！拎嚟啦！！」英叔搶過三世書自己查閱

「依到…..之後…..」英叔不斷翻查

「點解….冇嘅」英叔再翻查幾次後也停了下來

「英叔，到底做咩啊」我們忍不住問

「三世書上面冇啊武仔嘅前世來生…..」從英叔臉看得到滿是困惑和不解

「冇前世同來生？！即係咩意思？」啊武聽到這裏也顯得緊張

「我都唔知，但絕對唔會係一件好事」英叔坐下來說

「依本野點睇㗎英叔，點睇我都睇唔明喎」啊仁拿過三世書在看

「要睇你嘅時晨八字…但一個正常人冇可能冇前世來生㗎」英叔先是回答啊仁，然後就開始自言自語

「等我睇下」葉靈主動走過來，把三世書搶過

「你依家睇邊個？」我問她

「自己」她說

「1998年7月10號…戊寅年 戊午月 戊午日」葉靈也根據自己的八字開始翻查

但不出一會便得到了一個不可思議的結果

「下…..？」葉靈疑惑的看著書

「點啊？」啊仁問

「睇個樣，就知唔係好事」隊未發聲的啊烈終於說話

「依到寫佢都冇前世來生……」葉靈呆著的說

「下？！係咪本書有問題啊？！」我問

「冇可能，依本三世書係由我師祖傳落嚟，直至師父傳比我，唔會有問題」

九叔直接否定我的說法

「咁…..靈啊，你試下睇埋我地」我再提議

「你幾時生日」葉靈問我

「1997年7月10號」我說

「7月10？」葉靈看著我

「係啊…」我這才發現，原來我跟葉靈是同月同日生日，剛好大她一年

「好…1997…即係丁丑年 丁未月 癸丑日」葉靈又是一輪翻查

「都冇…..」葉靈看著我，神情有點慌張

在旁的九叔和英叔你眼看我眼，像是在想什麼

「呃….唔緊要嘅，我…我地再試下查埋啊仁啊烈，冇可能個個都冇嘅」我故作鎮定的說著，但其實內心還是有在慌的

之後啊仁和啊烈都分別把出生日期告訴了葉靈，讓她試試

但…..結果是，我們在場的所有人在三世書上都沒有寫著前世和來生

九叔英叔也是如此

早文！

呃…唔知咩咩天尊，借法
仁仔會否太掂

如果我係九叔真係冇眼睇

借到個下先正

其實係佢地嘅血有靈力所以先會有效同佢個句野完全冇關係

咁即係是但講句：雙層牛肉，巨無霸
芝士生菜夾青瓜 都得？DDD

如果普通用血根本唔需要唸咒係啊仁傻仔，男主都冇唸咒㗎～

咩黎 已經有一排冇睇

好傷心喎你棄故？！

養肥先

「老野啊，會唔會其實我地已經全部都死曬啦？」英叔突然問

「發神經….」九叔無奈的回答

「咁冇理由我地全部人都冇前世來生㗎喎」英叔反駁道

「我都唔知點解，但..總之我地未死，就算死咗嘅人都會有前世來生」九叔好像也有點猶豫了

「大家，不如我地試下睇下其他人」啊烈突然提議

「啱喎！試下洛兒啊，1997年12月22號」我立刻說出洛兒的出生日期

葉靈也馬上翻查

「有啊…佢有前世來生啊」葉靈說

「其他人就有，淨係我地冇…..」英叔默默說道

然後大家都陷入了沉默，良久，九叔才說出一句

「我諗….係命運嘅安排」

「老野你講咩啊？」英叔不解的問

「你唔覺得一切都好似早有安排？」九叔說

「我同你睇住啊靈同啊生大，到後來我就遇到啊航同啊仁，咁啱撞正三破日我收佢地為徒，咁啱啊航就係啊靈夢中人….」

九叔不自覺的說出了不該說的話

「九叔….」葉靈馬上瞪大眼看著九叔再看向我

在場的人也是，先是看一看葉靈再看向我

「我….？」我懵懂的問

「……」九叔無視我們，繼續說下去

「然後佢地又識咗啊武，你又收埋啊武做徒弟，到最後係啊烈，佢地朋友嘅細佬，而佢都同我地一樣冇前世來生…一切都太巧合，太順理成章」

「你咁講又好似係喎…..」英叔回想這一切

「咁即係….我地係被選中嘅細路？」啊仁說出一句令大家都會反白眼的說話，但事情真的如九叔所說的話，那啊仁就的確沒有說錯，我們就是被選中的人

但現在要怎樣求證也是一個問題

突然！

叮叮….鈴…..鈴

啊烈的電話響起了

「我老豆」啊烈拿起電話

「一切照計劃進行」九叔點頭說道

「喂，點啊？」啊烈接聽電話

「仆街仔！你到底想玩到幾時啊？」臣爺一來就破口大罵

「玩？你依家落江湖追殺令追殺自己個仔啊！邊個同你玩啊臣爺！」啊烈已對這個父親失望透頂

「講！你捉咗啊狗佢地去邊！」

「你好叻㗎嘛臣爺！一派之主，你實查到嘅，再見」

啊烈掛斷電話，然後撥通西狗的電話，再把電話遞給了九叔

「啊財，做野」九叔簡單直接的下命令

「收到九叔」啊財收到命令後馬上帶上手足行動

「喂手足！出發啦喂！」

「好！」

啊財帶著一班手足前往卓斌的大本營，這樣就能引更多臣爺的人前往搗亂

「依家唔好理咩前世來生住啦，出發搞掂隻仆街雙生靈先啦」英叔想重整士氣，但換來卻你眼看我眼

「唔好理咁多，出發先」直至九叔發聲

「好！」我們幾人才出聲回應

「啊….你班衰仔，當英叔冇到啊」英叔學九叔瞇起眼怒視我們

「唔好咁小氣啦英叔！」

「我地玩下咋嘛！」

「乖啦英叔」

我們幾人都笑笑地望向英叔

「行啦！你班死仔！」英叔也重回笑臉，走過來拍拍我們腦袋就出發了

「到底你地男人個腦係諗緊乜」葉靈在後看著我們，眼珠都快反到後腦去了

大約一小時後，啊財已帶著一眾兄弟來到了卓斌的大本營外，不出意外的話，臣爺的人亦很快會趕到現場

這時，啊財拿出西狗的電話致電給我們

「九叔啊，我同啲手足到咗出面啦」

「唔好行太近，等我地到」

「收到，冇問題」

「我地半個鐘內到」

「但如果你地講個班人嚟到我地點辦？」啊財是在說臣爺的一幫人

「盡量匿埋，唔好亂嚟」

「好啊」

交帶完畢，現在只希望在我們到達之前，臣爺他們還未趕到

二十分鐘後，我們趕到了現場，但跟事情的發展遠遠偏離我們的想像

現場環境令我們眾人都感到不安和震驚，皆因卓斌的大本營滿地屍骸，血肉橫飛，器官、殘肢佈滿整個大貨佑，血腥攻鼻而來

這….絕對稱得上是一場大屠殺

「啊財！」九叔喚喊鬼僕啊財，但卻沒人回應

「唔通佢地未入嚟？」英叔說

「可能係，我打比佢」啊烈拿出電話致電啊財

叮叮…..鈴….叮

鈴聲卻在他們附近響起

「搵下係邊啦！」英叔急忙的說

但九叔淡定的走向一個方向，是一堆屍體的方向

九叔走到屍堆前，一掌把屍堆推散，被壓在最底的便是西狗的屍體

「呼…佢死咗」九叔長吸一口氣後說出

「咁啊財呢…..」啊武弱弱一問

九叔淡淡搖了一下頭，以作回應

「啊財！你係唔係到啊！」啊仁大叫

「啊財！你出嚟啦！」我也跟著大叫

「𡃁仔啊….冇用㗎，如果啊財嘅宿主係比惡鬼所殺，佢….好大機會會連同宿主一齊灰飛煙滅」英叔黯然的叫停我們

「噓！！」突然，九叔噓的一聲叫我們都閉嘴

「九…..叔」

九叔隱約聽到啊財虛弱的呼叫聲，馬上跑往他的方向，就是在貨倉的一角落，我們跟在九叔身後

九叔跑到角落蹲下

啊財亦在這刻現形了，不過這時的他已像油盡的燈，快要「熄滅」了

「九….叔…我…」

「唔好出聲」九叔提起右手舉起食指和尾放在額前

「九叔….冇用㗎」啊財勉強伸手去捉住九叔
的手

「你收聲」九叔還想繼續施法

「九叔..停手啦，我做鬼咁耐….就聽你吩咐咁耐，今次，你聽我講返一次啦」啊財虛弱的笑說

「好….」九叔默默點頭

「財啊，到底發生咩事啊？係咪個隻雙生靈做㗎？」英叔在後問

「頭先…..

就在約莫二十分鐘前

「喂！仆街仔出嚟！唔好再搞咁多野啦」臣爺身為社團龍頭，這次居然親自帶隊出馬

「出嚟啊！！」

「快啲啦！」

臣爺的手下情緒高昂

「做咩係到嘈喧巴閉啊臣爺」卓斌從自己的手下中走出

「你條反骨水！扮死過檔！依條數我都仲未同你計！啊狗係邊，交返佢出嚟！仲有！交埋啊烈個仆街仔出嚟！」臣爺舉刀指向卓斌，亦即是他眼中的水叔

「西狗？我唔知你講咩喎臣爺」卓斌其實真的是摸不著頭腦，但臣爺眼裏卻是裝模作樣的挑釁

「仆街！仲同我玩野啊嘛！同我斬死佢！」臣爺下令

「係！！」臣爺手下聽令一湧而上

臣爺的手下跟卓斌的手下開始交戰

前者個個都拿著大刀，後者雖然有卓斌的陰氣附身沒有意識沒有痛感體力大升，但面對鋒利的大刀總會有傷害

而且臣爺這次帶的手下都是他手下的精兵，所以情況未至於一面倒

「唉，本來都未諗住收你地皮住留返慢慢玩，但既然臣爺你親自送上門嘅，我都冇理由拒絕嘅！」卓斌的聲音又再次變成男女同聲，並從背部長出了紅觸手

「你地退後」雙生靈命令自己的手下後退，以免誤傷自己人

「水….玩咩啊你，痴撚咗線咩」見慣風雨的臣爺看著面前這景況也不禁打了個震，被嚇到了

「嘩！！鬼啊！！」

「怪物啊！！」

「痴撚線㗎！走啦！！！」

而原本戰意正高昂的手下們看到此情此景當然也變得慌亂的開始逃亡，往出口處奔去

「臣爺！走啦！」

「臣爺再唔走就死梗㗎啦」

手下都紛紛護著臣爺離去，但雙生靈又豈會輕易的放過他們

「臣爺！你同我返嚟！」雙生靈伸出多條幼細的觸手束成一條巨大的觸手往在場的人刺去

咻———！！觸手在空中揮舞！亂刺橫揮

滋！！嘭！！滋！！滋！！嘭

「啊！！」

「救我啊臣爺！」

「啊！！咩嚟㗎！」

在場不少手下都已被雙生靈貫穿了身體，更有不少人是被觸手拍了在牆上，變得血肉模糊

臣爺是一個愛惜自己手下的人，他也實在不忍心再看著這情況繼續下去，於是便停下了腳步

轉回看著雙生靈

「我地…有冇得傾下」

咁看來烈爸都去左領便當了.....

而這刻在貨倉外

「喂財哥，入面好大鑊喎」

「我知道….但九叔又未到」啊財心裏也是焦急

「入面嗰個臣爺係咪九叔身邊其中一個𡃁仔嘅老豆？」

「係啊….」啊財無奈點頭

啊財思量數秒，終於下了一個決定

「兄弟！我地入去幫手！」啊財率先奔往貨倉

「一齊幫拖啦！！」

於是啊財就在沒有通知九叔的情況下進去了貨倉

「老友！你好停手啦！」啊財跑到臣爺身後

背後一行二十人多個兄弟也緊隨其後

「啊狗？！」臣爺錯愕的看著啊財

「老友，做人做事唔好去到咁盡喎」啊財無視臣爺，直接跟雙生靈說話

「哈哈哈！！區區一隻小鬼，夠膽咁樣同我講野？！」雙生靈一眼就看穿啊財的身份

「雙生靈？！」啊財身後一位做鬼年資較長的前輩驚嘆了一下

「喂，旺哥，你識佢？」啊財問

「唔係啊，我係好多年前都見過一次雙生靈，係惡鬼中嘅極品，冇返咁上下道行嘅人都收佢唔到」鬼老前輩說

「老野！！你識啲野啊！哈哈！！一陣就殺得你痛快啲！中

「老友，唔係惡鬼就大曬嘅，你做咗鬼幾耐啊」啊財開始拉開話題，目標就是拖延時間，等九叔他們趕來

「唔好講埋啲廢話，總之你地今日入得嚟就冇人可以出得返去！」但很明顯雙生靈並不吃這一套，觸手再次亂舞，場上再次亂成一團

「臣爺你快啲走，你個仔嚟緊㗎啦！佢地嚟到我地就有救㗎啦」啊財想護著臣爺離開

「你唔係啊狗，你到底係邊個」臣爺在急亂中問

「唉，老兄我唔知點同你解釋，總之我用緊佢副身體啦」啊財一時三刻也不知該怎解釋

「唔好走啊你！」雙生靈瞄準啊財的後背

滋！！！

「啊呃…..你快啲…走」紅觸手把啊財的身體狠狠刺穿了，啊財馬上推開了臣爺，讓他快點逃跑

突然！轟！！！！

嘭！！！！

但他們怎也想不到，突然一輛大貨車從外面直撞了進來，把臣爺輾過了…..

一代社團龍頭臣爺連最後的一句說話也說不上就死了

「臣爺！！」啊財被目前的一幕震驚

原來是雙生靈的一名手下在剛剛一開始時就已經在外面靜待時機了

「哈哈哈！！你睇下你地，做鬼都做到咁撚冇用，你同我都係喺人嘅身體入面，但等級就差咁遠」雙生靈控制觸手把啊財升起

「兄弟們….佢講得啱㗎！匿係副披到冇用㗎啦！出嚟同佢玩過啦！！！！」啊財用盡西狗身體的最後一口氣呼喊，然後西狗便無辜的死去

聽到呼喊的眾鬼都離開了肉身，用鬼魂的形態來纏住雙生靈以及他的手下們

鬼魂們用各自的的方式把雙生靈的手下除去，有的就幾個夾手把人升起摔下、有的不斷把人撞向牆，手法層出不窮

而啊財亦從西狗的身體裏出來了

但事情卻遠遠超出了啊財的想像範圍

他離開了西狗的肉體後理應是安然無恙的，但他的魂魄居然也出現了肉身上同樣的傷口，而且傷口是呈綠色的

「咩事啊…..」啊財錯愕的看著傷口，然後魂魄頓時像失去了力量一樣，顏色變得極淡

「佢嘅怨氣比你魂魄可以承受嘅，超出太多，冇得救」突然一把聲音出現在啊財身後

「你係…邊個」啊財看向後方

「在下閻三」原來是閻三突然出現

「閻….三」啊財隱約中好像有印象聽九叔提起過這名字

「老友，你咁樣半生不死只會愈嚟愈痛苦，不如等我幫你解脫啦」閻三脫下白手套，想接近啊財

「我記得….你係邊個啦！！」啊財想起閻三的身分，知道他想吸取了自己的魂魄，所以他馬上用最後的力氣化成虛體，想要暫時逃離現場

Sosad
為救個仆街老豆，死哂成村人

啊財有義氣同埋佢又唔知烈老豆係仆街