［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

長左

長咗成倍㗎啦

正啊，有文睇之餘字數仲多左

「嗱，一陣我一比指示你地，你地就集中精神！將自己嘅靈力傳去條繩到」

「好，我會盡力」我說

「我都會」啊仁跟著說

「一陣我會叫啊九同啊奇合作，佢地兩個，加我同妹頭，同你兩個，分開五個角企，然後再將其中一邊繩頭拋比對方，劃成一粒星嘅形狀，將雙生靈捉住，明唔明白？」

英叔說出他的計劃

「明白！」我和啊仁點頭

「嗯」葉靈簡單回應

「咁入去啦！」英叔面向冷藏室的門

「結印，解」英叔做了跟王奇一樣的動作

門打開，我們首次正式加入戰場！！

「嗄…捨得到？」九叔一看到英叔就嫌他來得慢

「咪嚟咗囉！」英叔回答

葉靈一踏入冷藏室便拿出桃木劍拋給了九叔，九叔伸手接過木劍，然後直接將原本手上破爛的金錢劍弄散，分成一個個銅錢貼到桃木劍上，桃木劍馬上閃出紅光

「成班臭道士！！啊！！！！」女聲咆哮

這時我才看到，卓斌竟長出了多一個頭顱，一個女性的頭，女聲就是從那女頭發出的，已不是像十多分鐘前真的是由卓斌的嘴裏發出

「嚟幾多都冇用㗎！！哈哈哈哈！！！我地已經無敵㗎啦！」這次是卓斌的聲音

這時的卓斌已是面目全非，衣服全無，皮膚變得鮮紅，最可怕的是他更長出了多一半的身體，一半女性的身體，但都是扭曲的

體形變得龐大，以四肢著地，身上更長出了數百條幼得像紅絲的觸手，在左搖右擺，真是頗為嘔心

「一個魂體….」我呆望著「卓斌」

「兩隻怨靈….」啊仁接著下句

「你兩個入嚟做咩？！」九叔問我們

王奇沒有因為我們進來而分心，他手執紅線，撐牆跳起，整個人騎到了卓斌的身上，用紅線纏住卓斌的脖子，拉緊！

「五行不滅，火不滅，焚！」

勒住卓斌的紅線瞬間燃起了烈火

「啊！！」卓斌發出凄厲的叫聲，頸上燒出一個黑印

卓斌不斷攞動身體，想將王奇撞到牆上，但王奇總能敏捷的躲著，此時女聲的頭顱一百八十度轉向後望向王奇，王奇也是楞了一秒，就是這一秒，女鬼已咬住了王奇的前臂

最緊要睇得開心

興奮刺激啊

我自己寫嗰陣，都感覺到興奮！因為終於都有鬼怪嘅情節出現！！！

無啦無啦隻手仔

做咩呢排又準時又量多
遇到咩事黎

回春

突然有靈感

咁要加油

睇定啲先啦

唔好燈

可能今日即刻冇文出今晚開夜～盡力出

一定無

一定有！

「嗯……」王奇沒有叫喊，只是皺一皺了眉

女鬼頭的牙已刺穿他手臂的皮膚

「奇！」英叔拿起弓箭，瞄準！

咻！黃符箭徑直射向雙生靈，但女鬼輕鬆的接住了英叔的箭，還把箭拋回英叔方向，九叔用桃木劍把箭格開

王奇收起勒在卓斌頸上的紅線，然後用腿撐著卓斌的頭，防止同樣的事再發生，他依舊捉著繩頭，不斷在空中打圈，直至紅線完全纏到手指上

「天收！」王奇喊出咒語，繼而一團氣瞬速凝聚到他的拳上

嘭！！！王奇的拳狠狠的擊在女鬼頭的臉上，雙生靈應擊飛開，終於跟王奇分開了，但女鬼頭中拳也死活不放口，導致王奇的前臂被撕下一大片肉

「靈！上！」九叔接住掉下的王奇

葉靈舉劍就上

此時，英叔也趁現在跟九叔說出他的計劃

「用五行繩陣封住佢動作，然後將佢打入求其一條屍入面，封印住佢！得唔得？」

「五行繩陣，四個人」在九叔心中，我和啊仁還是稱不上是戰鬥力的一員

英叔看著我們

「佢地未得！」九叔知道英叔的意思後果斷的否決

「你有其他方法咩？！妹頭唔頂得好耐㗎咋」英叔給予九叔壓力

「九叔，你咪比佢地試下」受傷的王奇也附和英叔

「…….」九叔沉默

「就咁話啦！」英叔乘機而說

「你地自己有冇信心？」九叔突然問我們

「有！」我們齊聲而答

沙！！！

「嘶…..」葉靈突然以「超級英雄著陸」的動作向後滑向我們

「妹頭！有冇事？」英叔扶住葉靈

「冇事…明明只係兩隻鬼將級合埋一齊，點解可以差咁遠…..」葉靈不敢相信雙生靈的威力

「我講過㗎啦，嚟！我地準備五行繩陣啦」英叔把葉靈扶起

雙生靈見我們六人聚集，不敢輕舉妄動，「他」像蜘蛛一樣在牆上爬行

關節還不時發出「咔咔」的聲響

「咁我地一陣確實要點做？」我問

「聽我指示」九叔說

現在我們每人手上都有一條捆仙索，而我和啊仁的主要任務就是輔助九叔他們完成那個叫做「五行繩陣」的陣法

「奇！靈！左右！」九叔一聲令下！行動開始

我仲未收工㗎不過出住先啦！

今日都係夜啲出

嚟緊㗎！打緊～