22 Like
0 Dislike
食蕉啦朋友
2022-05-27 01:10:27
日更已經係光速
三碗細牛腩河
2022-05-27 02:20:57
Feel到要奶野了
月牙
2022-05-27 08:06:46
咁月更我又做唔出
隔日更又好似冇咩意義,所以都係日更有效率啲!!
月牙
2022-05-27 08:51:08
或者冇事呢
月牙
2022-05-27 08:52:00
依兩日嘅文會比較講日常多啲
月牙
2022-05-27 19:19:41
王奇一直跟英叔不斷喝,其實他也有點少醉
「喂啊!你飲到咁醉仲走圍走!」夢晞看到王奇那浮浮的步伐馬上開口
「冇事!嚟!啊航!啊航你陪我落去買」王奇突然拉起我
「好好好,冇問題,我陪你落」然後我就像照顧小孩那樣的帶著王奇出發
「喂肥仔!你自己都唔係好飲得㗎咋,唔好扮曬飲得,落到去兩個一齊瞓低啊」洛兒看到我站起扶著王奇便說
「得啊!精神!」我轉向洛兒給她一個單眼,然後就下去了
「嘩….啊航哥,好肉麻啊」啊仁看到我的單眼後抱怨
「我都起曬雞皮….」啊武也難得的和應啊仁
「唉,個死肥仔有啲醉啦,平時佢唔會咁嘅」洛兒無奈說道
「算啦~啲男人開心就由得佢地啦」夢晞就很開明的說
「都啱嘅,以前都未試過見到佢咁開心」洛兒點點頭
「唉,我都好想搵個人同我肉麻下啊」啊仁手踭放在餐桌上,雙手托頭
「啊仁!聽英叔講!好快!好快你就會遇到你嘅愛人㗎啦!」醉了的英叔打開喉嚨喊話
「唉,係咪真㗎,我咁大個仔都未拍過拖啊,好想試下戀愛嘅感覺」啊仁托著頭,眼裏滿是唏噓
「真㗎!英叔話嘅!信我!你好快就會遇到真愛㗎啦」英叔拍著胸口說
「好啊!!我信你啊英叔!」啊仁拍枱說
「好啊!緊係要信我啦!」英叔也拍一下
「九叔….佢兩個係咪傻咗」啊武看著醉酒二人組,哭笑不得的無奈
「冇眼睇」九叔蹺起手閉上眼休息,等待我和王奇買酒回來
三個女生那邊
「其實,你兩個都幾似」葉靈突然在旁托著下巴說
「我地似?」夢晞望向葉靈
「咩似先~」洛兒同樣望向葉靈問
「把聲似,性格都似,唔講真係會以為你兩姐妹」葉靈說
「嗱~咁邊個要做姐姐先」夢晞問洛兒
「唔會係我㗎,我永遠都十八歲~」洛兒笑說
三個女人又開始轉了話題閒聊
而另一邊,我跟王奇正在下樓去樓下士多買啤酒
「啊航,今晚我好開心,好耐都冇試過咁開心啦!飲盡佢好冇」王奇真的有點醉了,但也難怪,妻子懷了孩子就是一件值得高興的事,多喝一點也是正常
「好啊,飲盡佢囉,我地個個都住咁近!唔驚」我搭著王奇,防止他腳步不穩摔倒
「好啊!啊航啊…」王奇突叫我的名字
「係,做咩事」我問他
「其實你同夢晞係咪有啲野」王奇突然一問
「下?!痴線!點會有啊!你唔好亂諗野啦,一陣我比洛兒打死都似啊」我當然馬上澄清
「唔係啊!我當然知做兄弟嘅,你唔會對夢晞有非分之想,但我唔係亂講….
係連夢晞都有同我坦白過,佢對你有一種好熟悉嘅感覺,好似識咗好耐咁,有一種莫名嘅好感,而佢話你對佢都有
「嗯?!」夢晞居然會把這些事都告訴王奇,上次跟夢晞說這事時已是那次在象山剛好救了她的時候
「呃…..我唔係啊….」弄得我有口難辯
「你做我個仔契爺啦」王奇忽然改變了話題
「下?!咁突然」我嚇了一跳但也鬆一口氣
「我知道你同夢晞唔會有啲咩,你地兩個我都信,但我更相信依啲就係緣分,話唔定係唔知幾多世之前,你地兩個真係認識
所以我老婆一有咗就話想葉靈做BB契媽個陣,我已經話要你做BB契爺,夢晞都好贊成」
「咁…..我當然樂意啦」我點頭應承
「咁之後BB出世你要做好契爺嘅本分啦」王奇搭著我說
就這樣,我當起了一個小孩的乾爹,一個突如其來的責任
月牙
2022-05-28 20:09:01
三個月後….
「啊烈!比多把刀我!」我邊跑邊叫
「接住!」啊烈從背包拔出一把彎給我
我一個飛撲接住,現在左右手各執一把彎刀,然後我在地上打個筋斗翻到色餓鬼的身後
但它也不笨,控制那肥大的舌頭從身下穿過攻擊我
趴在地上的我馬上右手一撐,整個身體往左邊滾去避過了它的舌頭,但已錯過了最佳的攻擊時機
「等我嚟!啊仁!!」啊武戴著英叔給他的特製手套作戰
「收到!」啊仁紮好馬步,將雙掌疊放在大腿上,然啊武跑到啊仁身邊踩著他的手跳起,啊仁則同時雙手向上托起,令啊武能跳得更高,直跳到色餓鬼的上方,然後啊武雙腳向後屈曲,以雙膝對準色餓鬼下墜
色餓鬼當然不會站在原地讓我們攻擊,它後腿一蹬就想跳走
但跳了一步時,後右腿被繩索纏住了,是啊烈,他用捆仙索拖住了色餓鬼,才剛學法的啊烈因為尚未學會控制靈力,所以暫時只能擔當輔助的角色
「同我返埋位!」啊烈用力往後一拉,把色餓鬼拉回了原位
嘭!!!咔!!!時間點剛剛好,色餓鬼剛返回原位,啊武就剛好下墜到它的身上
沉重的一擊讓色餓鬼整個頭部都塌陷變形,鮮綠色的血液四濺
解決了一隻色餓鬼
「呼!今次英叔捉返嚟嘅鬼全部都犀利過之前喎」我看著已解決的色餓鬼鬆了一口氣
「我都覺,平時個啲色餓鬼打幾下就死,依隻動作快好多」啊武扭動脖子鬆鬆筋骨
「依隻野真係比想像中難搞好多」啊烈正在收回剛剛揮出的捆仙索
這次已是啊烈這三個月來第二次進入結界內訓練,九叔突然把訓練安排得十分密集,跟之前的訓練方式有點不同
「即係今次唔係要搵白布帶,原來係純粹嘅生存遊戲?」啊仁說
「好難講,我地入咗嚟咁耐,都淨係遇到依啲小鬼,九叔佢地又冇講今次要做咩….」其實啊烈除了擔當輔助角色之外還是我們的智力計謀擔當
「啊航,個結界入口仲有幾耐先會打開?」剛剛把繩捲好的啊烈問我
我看看手錶
「仲有五十分鐘左右」
「仲有咁多時間,一定有其他野,唔會咁簡單,要小心周圍」啊烈四處張望
「咁我地企係到等到夠鐘?」啊武問
「依到咁開揚,啲鬼仔見到我地都衝曬過嚟,搵個隱蔽啲地方啦」啊烈指著商場內
「好」之後我們就走向商場內
而這時,我們卻不知其實九叔英叔已跟在我們身後
「喂,其實我地做咩要親身落場姐?捉多幾隻勁野同佢地玩咪得囉」英叔用黑布蒙住了面,並全身穿著一套夜行服,即是一套全黑的裝束
「如果佢地需要面對嘅只係普通小鬼甚至係雙生靈咁嘅惡鬼,我都可以安排普通訓練比佢地….
但自從閻三再次出現之後…以我嘅能力我唔擔保可以保護到佢地」九叔原來是擔心閻三的再次出現是帶著什麼陰謀
「所以你就想親身訓練佢地」英叔這才恍然大悟
「嗯,如果佢地對住我地都應付唔到,對住閻三必死無疑….」九叔凝重的說
「咁唔得啦,我要落力啲教佢地啦」英叔也認同九叔說的話,他從背後拉出木弓,並打開背後的箭筒,但裏面放著的全都是木箭,殺傷力比一般的箭低得多
食蕉啦朋友
2022-05-29 00:13:31
雪榚糯米糍
2022-05-29 20:41:33
月牙
2022-05-30 19:02:10
英叔跟九叔決定分開行動,一左一右的接近我們,分開前九叔給英叔分了一個木製笛子,笛子上還綁著一個繩圈,是讓他們套在項上的
「嘩,咁耐冇吹,唔知仲識唔識吹喎」英叔接過木笛
「唔好咁多廢話,分工」話畢,九叔就先行往左邊走去了
「成世人都咁心急」英叔將剛拿到的木笛戴到頸上
然就往右邊走去
二人分別躲到商場的兩個天井旁邊,那裏剛剛好可以看透我們的動靜
「唔知英叔佢地有冇捉啲咩新野入嚟呢?」啊仁邊走邊說
「捉咩都好啦,千其唔好又有上次兩母子個種就得啦,又有幻術個細路又跑得快,處理起上嚟好麻煩」
我想起第一次進結界時遇到的那對母子鬼,令我和啊武都陷入到幻象之中
「仲有啲咁樣嘅鬼?….」啊烈聽到我說後顯得有點錯愕
「依個世界真係乜鬼都有㗎」啊武說笑的說
當我們經過商場裏的士多時,啊烈突然提出一個問題
「其實,結界入面嘅野飲,飲唔飲得」啊烈打開士多的雪櫃
「係喎,我又真係完全冇諗過呢個問題喎」聽啊烈提起這問題,我馬上對答案充滿好奇
啊烈拿出一瓶道地蜂蜜綠茶,並把瓶蓋擰開
「試下咪知」啊烈對著我們一笑,然後將瓶口對準嘴巴一倒
結果綠茶一滴也沒有流下來,它就像變成了固體一樣,絲毫不動
「唓…」試驗完畢後,啊烈一臉嫌棄的將綠茶拋開
「都啱嘅,如果結界裏面嘅野可以食得飲得,咁英叔就一定唔會用錢出去用錢買野,佢咁孤寒」啊仁以為英叔不在就聽不到自己說他的壞話,但他卻不知道英叔就躲在我們的附近
「你個死仔啊!咁樣講我啊嘛」英叔從箭筒拿出一支木箭並瞄準啊仁的方向
九叔看到英叔正瞄準啊仁,馬上把木笛含到口中
「呼~嗚以~」九叔吹響木笛
(喂!你做咩!)
「嗚呼嗶~」英叔也吹響木笛回應九叔
(你放心啦)
英叔拿起弓再次瞄準啊仁的方向
「你地聽唔聽到啊?」我聽到九叔他們的笛聲,但卻不知是什麼聲音
「我聽到」啊武和啊仁都聽到
「我都聽到,似係笛聲」啊烈點頭,同樣聽到那些笛聲
「笛聲?鬼應該唔會吹到笛掛」啊仁說
「你個死仔,講我壞話啊嗱,嚇死你」英叔喃喃自語的說道
咻!!木箭發出
「小心!」啊武感應到木箭的殺氣一手拉開了啊仁
啪!!木箭就剛好落在啊仁的腳前
「果然係我徒弟,動作夠曬快」英叔看到啊武的危險意識和動作都足夠快後,感到欣慰
「嘩!!差啲穿個窿」啊仁看著木箭驚魂未定
「軟木箭嚟,殺傷力唔高」啊烈拿起木箭觀察
「應該係啱啱吹笛嘅人攻擊我地,退!搵掩護!」啊武拉著啊仁後退
「木箭…唔通係..?」我也跟著退後
「好明顯係九叔英叔,木箭就一定係英叔嘅傑作」啊烈說
我們一路退到祺威粉麵邊那邊那些像九宮格的鋪位之間躲藏起來
「啊~啊烈哥仔又真係幾醒」英叔笑說,並再次拿出一支木箭瞄準我們方向
「嗷呼嗚~」九叔吹響木笛通知英叔,他有所行動
(我過去)
「嗶~嗚」英叔回應
(收到)
九叔跨過天井的欄杆,一躍而下
噠…九叔用內功控制著落的力度,所以聲響極小
他以潛步接近我們
「烈,我地下一步應該點做」啊武問
「下一步應該會係九叔出招」啊烈不愧是團隊中的大腦,完全把九叔他們的行動都猜到了
九叔這時已潛伏到我們的上方,他就蹲在鋪位的上面,我們的視線剛好看不見他
他拿出捆仙索把啊武的頸套住,然後往上拉
咻!!勒!!
綠至居
2022-05-30 23:50:47
忙咗幾日 終於得閒睇
順便過嚟推下
食蕉啦朋友
2022-05-31 01:19:23
眼訓
三碗細牛腩河
2022-05-31 04:45:33
幾正
師徒開副本打
月牙
2022-05-31 07:45:35
推推推
忙緊咩啊
月牙
2022-05-31 07:45:48
咁夜都唔瞓
月牙
2022-05-31 07:46:07
打怪要升呢
綠至居
2022-05-31 11:08:11
又要placement又要趕deadline
月牙
2022-05-31 22:52:21
今晚要停一晚
幫緊人畫圖!趕唔切打文!
綠至居
2022-06-01 20:03:19
Dead到冇得再dead
月牙
2022-06-01 20:23:03
放心,我都係
月牙
2022-06-01 20:42:42
「呃…..啊!」啊武整個人被拉起,吊在半空中
「武!」我馬上揮出彎刀,想把繩索斬斷
但九叔像一早洞悉到我的行動一樣,腰馬發力把啊武盪起來,令我斬了個空
但就是這樣被啊武找到機會反擊,啊武雙手向上一抓再拉,成功借力令自己可以向後翻騰
他伸出一腳向蒙面的九叔踢去,九叔舉行手去擋,並用力格開
然後九叔飛快的放鬆繩索,令啊武以急速墜向地面
嘭!!啊武撞落鋪位內的擺設
「啊武你點?」我保持望著上方,以免再受突襲
「我冇事,睇動作似係九叔」啊武根據剛剛過手的那兩招分析到現在面對的是九叔
「咁啊武你同我應付係到九叔,英叔應該會繼續用箭襲擊我地,啊航啊仁你地做掩護」理性的啊烈作出調配
暫時近戰較強的英叔選擇了遠攻,所以我們有時間讓我們當中近戰較強的啊烈和啊武趁現在主攻九叔
「好!」啊武收到指令就跟啊烈一起上
「啊仁,我地盡快搵到英叔嘅位置」我跟啊仁說
「收到!」啊仁跑回士多那方向並躲到一條柱後
「武,你去後面」站在啊武旁的啊烈悄悄的說
「嗯」啊武低沉一聲
啊烈拿起店鋪內的東西擲向九叔,九叔用腿把東西踢走,而啊武就趁九叔專注面前的事時跑到了鋪位的後方準備伏擊九叔
在鋪位上的九叔其實一早猜透啊烈的心思,但就裝作不知的繼續面向啊烈
「九叔!我知係你啦!唔洗蒙面啦」啊烈繼續分散九叔的注意,用捆仙索當作鞭子抽向九叔,而啊武就已在九叔身後靜待時機
「武!」啊烈指示啊武出手
「九叔!捉到你啦!」啊武就從後把九叔抱住,箝制住九叔的雙臂
「九叔!唔好意思啊!失敬啦」啊烈也爬到鋪位的上方,想用捆仙索把九叔綁住
但他們忘記了九叔還有一招
身外化身
嘭!啊武原本抱住的九叔突然化成一陣煙,消失了
「嗯?!」啊武和啊烈同時錯愕的看著大家
「喂!後面!!」啊武想提醒啊烈注意後方
但當啊烈想轉身已太遲,九叔不知從何處用捆仙索套住天花的一條消防水管,盪過來,一腳飛踢到啊烈的後背上,啊烈被踢中向啊武飛撞過去
二人雙雙從鋪位上方掉下
砰!砰!兩聲,二人倒臥在地面
「呃嘶…..」啊武摸一摸後腦
「嗄…..咁都中招,蠢啊」啊烈則雙手撐起自己,不忿中計
身穿全黑並蒙著面的九叔站鋪位上方看著倒下的二人,然後瀟灑的收回繩索,活像一個死神一樣
「面對九叔好大壓力喎…..」啊武苦惱的仰望著上方的九叔
「都冇計㗎啦,唔出盡力嘅話一陣唔知會比人罰咩㗎啦,起身啦」啊烈和啊武互相攙扶,再次站起面對九叔
九叔見二人站起後便把捆仙索套在自己身上,然後拿出兩把木劍,跟木箭一樣是低殺傷力武器
「你話佢唔係九叔我都唔信」啊烈看著九叔手上的雙劍苦笑說道
「哈…我諗都好難啦」啊武跟啊烈一樣苦笑
說說我和啊仁這一邊
剛剛和啊烈他們分開之後,啊仁先躲到一條柱後,然後我決定不躲避,直接到處走動,引英叔主動出招,那就可以讓啊仁幫我看看箭發出的方向,那就能猜出英叔的大概位置
「死仔,引我啊嘛!就射你!」英叔又居然真的會中計
他瞄準正在走動的我
咻!!
月牙
2022-06-02 23:39:40
今晚都係幫人畫圖
要停一晚
月牙
2022-06-03 20:59:43
大家唔好意思
要再停多晚啦!仲努力緊畫圖