［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

飲多啲水

做水桶

無事就最好啦！而家日日返工好似係度等幾時中咁
中左都唔出奇呢！

日日搭車都唔知幾時中

大約半小時後我終於趕到太子，啊仁啊武也是差不多時間到，我們順著手機地圖去到啊烈給我的地址

是一間西餐廳

「佢話佢係包廂」我指一指前方

「知唔知裏面咩情況㗎？」啊仁問我

「我都唔知」我搖頭

「下….」啊仁一怔

「冇問題啦，我地三個合作咩都掂啊」啊武在後說

「哈….希望啦」啊仁無奈的說

「咁入去啦」我推門

「人呢？！」我們進去以後發現已人去樓空

「喂，佢係咪玩你㗎」啊仁覺得自己像被人耍了一樣

「唔會嘅，啊烈應該唔係啲咁嘅人」啊武卻不這麼認為

「我打比佢」我拿出電話，撥通他的號碼

鈴….鈴….叮鈴…鈴

鈴聲在包廂中響起，我循著鈴聲在枱底下找到啊烈的手機

「佢部手機….點解會係到」我不解的看著手機

「睇下有冇咩睇」啊仁搶過手機

「喂！佢冇鎖喎」他把手機熒幕解鎖，顯示的是一張相片，明顯是一張偷拍的相片，相片中可看到有人正向啊烈出手，這應該是啊烈在混亂間拍下來給我們的線索

「卓斌！！」我們三人看著相片中的人像，也深感不妙

「點解卓斌會搵啊烈㗎？！」

「你問我，我鬼知咩！」

「依個鐘數…打唔打比九叔好？」其實現在時間也只不過是十一點左右，但對於平時十點左右就睡覺的九叔來說就已經是深夜了

「都要打㗎啦，我地三個邊有可能搞得掂卓斌」啊仁慌張的說

「有計，我打比英叔！」啊武說得對，跟英叔交代這件事，讓英叔去通知九叔，那就算要罵也不是罵我們三人

英叔九叔知道事情後馬上帶同葉靈一起趕來我們這邊，而趁這個空檔，我們主動去找餐廳的侍應

「唔好意思，我想問下你知唔知包廂裏面啲人係邊啊？」

「你話烈哥？佢啱啱同佢啲手下加一個男人一齊走咗啦」那侍應說

「咁佢地走個陣，你有冇發現有咩古怪？例如走得好急咁」

「又冇喎，烈哥成日都係咁㗎啦，佢又忙，成日食食下野就走咗去，加上佢月頭就會比一大筆錢我地餐廳，話係一個月嘅食飯錢，所以多數佢走我地都冇留意」

「哦….好啊，唔該曬你先」

之後我們離開了餐廳，在大街上等九叔他們

「連餐廳啲人都唔知佢地去咗邊，咁我地點搵佢啊？」啊仁問我

「我都唔知啊，或九叔佢地有方法嘅，等佢地嚟到再做決定啦」我也不知怎辦

………….

「點解我會養你地依班反骨仔」啊烈被自己的手下挾持住，被帶到他自己的車上

「咁又唔關佢地事嘅，佢地都控制唔到自己」卓斌坐在副駕駛座說

「你到底係邊個，想點？」啊烈冷靜的問

「我？我咪水叔囉，最支持你嘅叔父啊」卓斌用水叔的記憶耍弄啊烈

「你真係當我戇鳩咁玩？水叔佢老人家前兩日就死咗」

「哈，我咪生勾勾係你面前囉，烈仔」卓斌打開車窗，讓風在臉上吹打

「唉～我仲以為自己再冇機會咁樣吹風」這句卓斌不是扮作水叔，而是發自內心的說話

「不如你話我知你想點」啊烈開始感到不耐煩

「我想做大佬」卓斌說

「咁你咪用水叔嘅身份返皇圖做大佬，關我咩事」啊烈無奈，感覺像被瘋子纏上

「我係要做龍頭大佬！」卓斌說出這句話時，是有「火」的

當初，他就是為了爭奪龍頭之位而跟對互斬而死

「個天比多一次機會我，我一定會好好珍惜，所以～唔好意思啦烈仔，你嘅天圖依家係我㗎啦」

推

「𡃁仔！咩情況啊」英叔他們終於來到

「你地睇下」我把啊烈手機拍下的那張相片給他們看

「真係佢」九叔瞇起眼看

「九叔咁我地依家應該點做？啊烈比佢捉咗」

「唔洗咁緊張，交比葉靈啦」英叔一下將重任交給了葉靈

葉靈從工具袋中拿東道派專屬的法具，就那塊紅色的摺疊木板，木板上有著一支指針，和標示了四個方位

「咦，依個野咁似英叔個羅庚」啊武指著木板

「嗱！都話啊武仔你似我後生個陣㗎啦，同我當年講嘅野一模一樣！依個呢就叫做尋盤，係東道派不傳外嘅道法之一」英叔用非常欣慰的眼神看著啊武

葉靈再從袋中拿出那條黑石吊咀

「佢叫咩名？」葉靈問

「張一烈」

「祖師在上，弟子葉靈欲尋凡人子弟張一烈，求指迷津」

葉靈揮動手上的紅繩，黑石在轉動後，葉靈木板上的指針亦開始跟著不停轉動

「好耐冇見過依一招啦」英叔跟九叔相視而笑，又像滿臉感慨

「依邊！」葉靈跟著尋盤指示的方向進發

畫面轉到「天圖」堂口內

「依到就係你用埋對抗你老豆「皇圖」嘅地方？」

「得豆潤咁細點夠用啊，又雲又舊咁，等我帶你班手下去我嘅私竇，個到先係天堂」

卓斌不斷在自言自語，對啊烈的地方評頭品足，但其實他的內心卻是十分興奮，這是他第一個屬於「自己」的幫派

「你地成個社團大概有幾多人」卓斌向被自己控制了的啊烈手下問

「大概一千人」那手下回答

「嘖嘖嘖，等一千咁少人…..點搞啊你」卓斌伸手捏住啊烈的下巴

「一千人少係少啲嘅，但攞嚟玩殘你，夠曬啦」被綁在椅子上的啊烈冷笑說道

嘭！卓斌揮出一拳，狠狠打在啊烈的面頰上，啊烈被綁住無法動彈，被打得倒在地上

「得把口硬有撚用咩，你依家比我綁住，我卓斌慢慢同你玩」

卓斌對著倒地的啊烈磨拳擦掌，好像很興奮一樣

「夾起佢！」卓斌命令啊烈的手下

「我都好耐冇郁手打過人啦！」卓斌邪笑道

嘭！！砰！！啪！！

卓斌這一打就打了十多分鐘，把啊烈打得傷痕纍纍、滿面紅腫、口水鮮血都混合在一起流出，但啊烈卻一點聲都沒出過

「哈！有啲料到啊，打你咁耐一粒聲都冇出過」卓斌用啊烈的衣服擦去手上的血

「嗄…..你打人好似蟻咬咁，你想我出咩聲啊」啊烈到這樣也不屈服於卓斌

「唔緊要～我都敬你係一條硬漢，放心啦，我會將你嘅天圖搞得有聲有色嘅」卓斌用掌拍打啊烈的臉

「你地幫我搵曬你地啲兄弟出嚟，等我好好咁「教育」下佢地，好快香港就會得我一個社團！得我卓斌依個龍頭！」

「係！」啊烈手下馬上去執行命令

「卓斌….你係之前爭福和坐館個條友？」啊烈對卓斌這名字有印象

「嗯？你識我？」卓斌疑惑的看向啊烈

「識，點會唔識啊，爭坐館爭到死撚埋，仲唔夠出名啊？」啊烈言語中帶著冷嘲熱諷

卓斌馬上火起，一腳撐在啊烈的肚皮上，啊烈連人帶椅向後翻倒

「呼～你放心～今次我唔洗爭，我直接做坐館」卓斌拋下啊烈便離開了堂口

他，要去擴大「自己」社團的版圖

「嗄….嗄….啊….」確認卓斌真的不在後，啊烈才放低姿態，不斷喘著粗氣

他做人的宗旨就是不可以在敵人面前示弱，無論如何也要撐到最後一刻，秉着；士可殺不可辱的精神

而就在這刻，我們趕到了，但錯過了跟卓斌碰面的機會

推呀！推呀！

啊！！聽日見！

推推推

推

「啊烈！」啊武一看到啊烈受了傷便馬上衝前為他解綁

「嗄…你地…嗄…真係搵到我？」啊烈仍然喘著粗氣

「卓斌呢？」葉靈毫無關心啊烈的意思

「佢….啱啱走咗」啊烈說

「九叔，咁我地追？」葉靈拿起桃木劍就想追

九叔看一眼啊烈，再看一眼門口，考量兩秒後

「佢傷得幾重，幫佢療傷先」九叔指著啊烈說

「咁卓斌？」葉靈看似不太認同九叔的決定

「佢走唔甩，幫佢先」

「嗯….」九叔再次確認指令後，葉靈也只好服從

「你地讓開先」葉靈走近啊烈

「你…做咩」啊烈不知葉靈的意圖，潛意識的後退

「唔好郁！」葉靈雙掌放在啊烈胸前

「回天，補」然後唸出咒語

一股氣往啊烈身體流去，啊烈頓感精神多了，傷勢雖不是完全康復，但明顯可見的癒合了一點

「嗄….嗄….點解…」啊烈覺得整件事太不可思議

「呼….嗄….」葉靈施完法後也顯得有點氣喘

「咦！依招咁好用，咁每次打怪個陣都靠葉靈不停幫我地復原咪得囉！」啊仁也像發現新大陸一般

「冇可能，用依一招會消耗我嘅體力，唔可能一直用」葉靈直接一盤冷水撥向了啊仁

「九叔，我地係咪追卓斌啦？」葉靈急不及待的想馬上追擊卓斌

「等陣，啊烈，佢有冇講過佢想點？」九叔問啊烈

「佢想奪控我成個社團，我成班手下都已經變曬節」啊烈不憤的說

「睇嚟佢嘅大佬夢連死咗之後都冇放棄到」我說

「咁條友仔一定會控制更多人」英叔雙手叉腰

「佢最終目標係成個香港得返佢一個社團」啊烈再說

「痴人說夢」九叔說

「條友都真係大想頭㗎喎」英叔也不禁嘲笑一下卓斌的想法

葉靈等不及九叔的下一個指令，自己先站到一邊，尋找卓斌的去向

「「祖師在上，弟子葉靈欲尋惡靈卓斌，求指迷津」

葉靈揮轉黑石，正常來說她應該很輕鬆就能找到卓斌的方位，但她卻緊皺眉頭

「咩事啊妹頭？」英叔也察覺葉靈的表情

「我…我搵唔到卓斌」葉靈這才說出皺眉的原因

「搵唔到？咩意思？」九叔也問

「唔知….尋盤嘅針不停指向唔同嘅方位，根本定唔到位」葉靈十分懊惱，因為從未試過發生這樣的事情

「啊烈，你啱啱係咪話你有幾個手下變咗節？」九叔突然問啊烈

「呃..係啊，做咩？」

「個幾個手下平時同你關係如何？」

「佢地好忠心，同我出生入死好多次、全部都係我嘅心腹」

「嗯，咁佢地都冇理由突然變節，應該係卓斌將自己嘅陰氣分咗去你嘅手下身上」

「哦～咁唔怪得妹頭個尋盤搵唔到佢啦，佢啲陰氣四散開去，尋盤根本都搞唔清邊個先係正體」

「激氣！」葉靈氣得用力跺地

「妹頭你冷靜啲先～佢走唔甩嘅，佢咁大想頭一定搞到滿城風雨，你慌到時搵佢唔到咩」英叔安慰葉靈

「明明差少少就可以捉到佢….」葉靈深感不憤

「照舊啦，我地報上公會叫其他人小心留意，妹頭！你實有機會捉到佢㗎」英叔跟葉靈說

葉靈從小就對捉妖降魔有一份執著，讓她知道有妖，就算是天涯海角她都一定會追

有時候甚至不管那妖魔鬼怪是好是壞、有沒有苦衷，一律殺無赦

這個問題九叔英叔也跟她說過了很多次，但葉靈偏偏就是聽不進耳，認為妖魔鬼怪就一定要殺

讓九叔英叔頭痛非常，在他們眼中妖魔鬼怪也有分好壞，妖可以修道成仙，孤魂野鬼也可能只是有執念還未放下而已

之後，我們把受傷的啊烈送回家中，九叔他們也先回象山休息

等再有卓斌的消息才再作行動

兩日後….

卓斌生前的秘密基地中，他站在一個高位

「大家！我係你地嘅坐館！卓斌！！」卓斌決定用回卓斌這身份來擔大旗

「水叔！水叔！」低下的站滿了啊烈那一千多名手下以及卓斌生前的手下，為數總共三千多人

卓斌生前也是一個很有實力的大哥，手下二千人，在一個社團中已屬極之誇張

「今日開始，你地就係天圖嘅一份子！幫我打江山！」卓斌再用激昂的語氣說

「好！」低下的手下們看似十分服從卓斌，但其實也只不過是卓斌的把戲

他在全部人身上都灌入了自己的陰氣，所以他們都會對卓斌言聽計從

「我地嘅第一步！就係對冧福和！」

「好！！」

「福和」便是卓斌生前效力的社團，現在掌管「福和」的是卓斌的死對頭，就是他把卓斌給砍死了，所以卓斌的第一個目標一定是他

「記住出到去，要同人講，係「天圖」啊烈叫你地出手嘅！出發！」卓斌想將所有罪名都推到啊烈身上

卓斌命令三千名手下同時在「福和」各區的地盤大肆破壞見人就打，見東西就拆

「天圖」這新社團冒起這件好快便傳遍整個江湖，無人不知，但大部分人都認為「天圖」的真正掌權人是啊烈，包括啊烈的父親——臣爺

「仆街仔！」啪！！一聲如雷響的拍枱聲

「真係起個字頭同老豆作對！」臣爺知道啊烈的「天圖」成立後暴跳如雷

「臣爺，一早同你講咗你個仔反骨㗎啦～咪當生少個囉」冬叔一如既往的對啊烈落井下石

「……..」臣爺不語

「哎～臣爺，你又唔洗咁嬲～啊烈哥都未郁我地，佢主要針對隔離「福和」姐，我地都可能趁依個機會擴充一下業務啊～」西狗裝作幫啊烈說好話，但實情只是想擴大自己的地盤

「你都啱，啊狗，咁你同我𥄫緊個仆街仔有咩行動，有機會就搶返幾個地盤返嚟」臣爺就這樣正中了西狗的下懷

「好啊～」西狗暗暗偷笑

西狗跟臣爺他們開完會後回到自己的大本營

「你地全部同我聽住！以後係我地自己嘅地頭一見到「天圖」嘅人就同我，打！大大力咁打！我要啊烈條撚樣衰多鑊！」

「收到大佬！！」西狗的手下們回應

然後西狗將視線看向那五名被莫盡「強化」了體魄的手下

「喂，你地有冇聽我講夜晚出街戴帽啊？」西狗還記得莫盡的叮囑

「有啊狗哥，我地晚晚出嚟蒲都戴住帽㗎」

「嗯，咁就啱啦」西狗欣然點頭

「但係狗哥啊，我地都想知點解我地要戴帽嘅？」

「你地唔好理咁多，總之有你地著數啦，你地自己唔覺自己依排fit咗好多咩」

「覺啊！我條女話頂我唔順啊」

「依排我去操野，個教練都唔夠我抽啊」

手下你一言我一語的說著自己身體的改變

「得啦得啦！知你地勁啦，總之你地同我聽聽話話就一定有好野益你地啦」西狗聽到手下的說法後也確認了莫盡的確沒在騙自己

「今晚你地同我好好睇住啲場，啊烈個仆街唔知會唔會隨時打到嚟，總之一見到佢啲人就打！」西狗下指令

「係！收到」

而就在這晚，兩批人真的碰上了

「喂，今晚生意點啊？」西狗帶同一班手下到了旺角的酒吧地盤探察一下生意情況，當然那五名特別手下也在其之中

「狗哥！生意好好啊，隔離「福和」啲場比啊烈掃爛曬，有排都未開得鋪，啲客過曬嚟我地到啦！做到停唔到手啊！」駐吧手下笑說

「不撚得了啊！我地依啲就叫漁人得利啦，咩都唔洗做」西狗還以爲自己很聰明，下一秒就後悔了

兵！！酒吧的一塊玻璃被打碎

大家我地聽日見

輕輕一推～

再推一推先

「咩事？！」西狗聽到玻璃碎裂的聲音也已知不妙

「西狗！你以為你平時做咁多衰野，唔洗還啊！」

兵！！！又是一聲玻璃碎裂的聲音

來者是卓斌，這晚他親自下場，因為他現時有了水叔的完整記憶，他得知「皇圖」內有一個「西人」，今晚是專誠來會一會這個西狗的

「乜料啊水叔，我都聽聞你老人家未死㗎啦，之前仲放曬風話你條去埋殮房添，原來係匿匿埋埋幫烈哥招兵買馬」

在西狗他們眼中，水叔的死已變成了謠言，也難怪，卓斌經常到處外出，不少人也認為水叔只是裝死

「咁又唔好咁講，我老人家前個排比人伏擊都受咗重傷，咁休息一排都好合理啊」卓斌說這句時，故意盯著西狗看

西狗也自知理虧，怯了一下

「唉～咁啱我差唔多好返個陣，啊烈又係依個時候有個鴻圖大計，我冇理唔幫下佢嘅～」

「呃….你唔洗咁多野講啦！今日你嚟得拆我場，就預咗開打㗎啦！郁佢！！」西狗舉起手一揮，他的手下馬上衝出開戰

西狗手下為數二十人左右，但卓斌的手下為數只有十人左右，淨看排面，卓斌的勝算極微，但卓斌卻不慌不亂的笑著

「你地五個！同我招呼水叔！」西狗下令要那五名手下主攻水叔

五名手下圍住水叔，表情極為囂張

「啊狗，你真係要咁樣對我老人家？」

「水叔，你依家先嚟求我放過你，太遲啦」西狗天真的以為卓斌在求饒

「咁….我都唔客氣啦」卓斌暗暗一笑，跟那五名手下玩一玩

手下拿著木棍湧上，卓斌橫手一揮，硬生生把木棍打斷了，西狗看到這情景也驚呆了

「條老野識神打㗎….」

手下換位再上，亂棍打到卓斌身上，但這些木棍又如何傷到卓斌

卓斌果斷伸手扼著一人的脖子，把他直接給提起了

「呃…..狗…狗哥」那手下向西狗求助

但以西狗這份人又怎會讓自己冒險去救手下

「喂！你地幫下佢啦！又話自己勁咗好多！」西狗轉向讓其他手下上營救

「死老野！」手下們紛紛再衝前，把卓斌包圍

有的扼著卓斌的頸，有的想拉開卓斌的手，但幾人合作都無辦法把卓斌處理

「你老味….條老野咩料啊，佢地五個都搞唔掂」西狗在旁自言自語

「啊！你地除帽啊！！」西狗突然想到莫盡說過，如果他們頭頂直接照到月光，那他們體內的鬼就會變強，甚至能控制回他們肉體，但現在他也不管那麼多，只要能把面前的「水叔」搞定就可以了

手下們聽到西狗的指令都馬上把帽脫下，月光直照到他們的頭頂，瞬間他們體內的孤魂注射了無窮力量一樣，眼睛都冒出綠光

「嗯？！」卓斌也一時反應不了，不知是何事

「兄弟！！郁佢！！」五名手下立即反撲，把卓斌反撲到地上

「哦～哈哈哈哈！我知咩事啦」被倒地上的卓斌已看出了端倪

「笑笑笑，笑你啊媽咩」其中一名手下往卓斌面上揮了一拳

「哈哈哈哈！！」卓斌偏偏就要笑，而且這次還笑出了女聲

「依個老野到底咩事啊….」西狗看著卓斌倍感無奈

「你地依幾隻垃圾！同我彈開！」卓斌仰天一叫，一道黑氣從他身上釋出

「啊！！！」五名手下名副其實的被黑煙「彈開」了

雖說那五名手下體內的孤魂已是莫盡精心挑選的孤魂，但面前像卓斌這樣高級的雙生靈，簡直是不堪一擊

thx