［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

張三把自己的視線遮擋後就只能耳朵和心感應女妖的位置

幸好，這些年來他和張九在魂鬥房的訓練也不是說笑的，他一早已習慣在漆黑或能見度極差的環境下戰鬥

「好快….」

「今日之後我覺得自己好廢…」

「依個張三有咩能耐呢」

台下看熱鬧的「觀眾」也在不斷討論著張三

「唔好嘈！！！」張三怒號，因為他們阻礙了張三專注聽聲辨位

「……」台下的人馬上收聲

女妖也趁機在這刻出招！！！

「嚟啦！！」幸好張三感應到！

他轉身扭腰，舉掌就擊向女妖

嘭！！！！！

張三的掌跟女妖的爪碰上

「呵呵呵～你隻手對我好似冇咩用喎靚仔～」女妖得意的笑說

「係咩！」張三將掌收緊，抓著女妖的手

「啊！！！！！」對著女妖嚎叫

「你…你做咩啊！！！啊！！！！」女妖突然感覺不妥

「太上老君！教我殺鬼，與我神方。頭戴華蓋，足躡魁罡，左扶六甲，右衛六丁。」

張三突然唸咒，地上出現一個氣場圈，把他們圈住了，氣場圈內狂風亂掃

「殺鬼咒？！」王柱錯愕的看著張三

「帝兄，你徒弟居然識殺鬼咒？？」莫戰也是同樣反應

張帝回以一個微笑就沒有多說什麼，因為他從來都沒有教過張三用殺鬼咒，即是張三偷偷的看了禁書

「放手啊！！！你唔係中意我咩？！我係葉夜啊！！放開我啊！」女妖感覺到不妥，向張三求饒

但張三完全不受她的影響，心神合一

「神師殺伐，不避豪強，先殺惡鬼，後斬夜光。何神不伏，何鬼敢當！急急，如律，令！」

「啊！！！！！放開我啊！！放開…….」女妖不斷的掙扎，不斷擺動身體，但她的手就好像黏住了張三的手一樣，絲毫不動，慢慢地，從女妖身上飄出綠煙，綠煙全數被地上的氣場圈吸收了

「放開你？好啊」張三邪魅一笑，真的把手放開了

但此時的女妖已是張三的囊中之物，逃不掉的

「呃…..」最後，女妖像被抽乾一樣，變得枯萎，身上更掉下一塊塊花瓣

「原來係花妖～再見啦」張三跳起！一掌拍在女妖的額前

「啊….」女妖已沒有了大叫的能力，好像只能等死一樣

但突然一個反轉！！

原來女妖還留了一手，剛剛從她身上掉下的花瓣變成了一條條的玫瑰藤往張三的身上亂纏，更有一條死死的把張三的脖子勒住了

「？！」張三被殺得一個措手不及！

「哈哈哈哈…大家一齊死啦！」女妖用盡最後的力氣笑說

「冇咁易！」是霍鎮海的聲音，他出現在張三的背後

「你…」張三勉強的向後看

霍鎮海把纏在張三頸上的玫瑰藤扯斷，再將手搭在張三膊頭上

然後把自己的一點靈力傳給張三

「收咗佢！！！」霍鎮海叫道

「嗄！！！！」張三一聲嚎叫

霹靂啪喇！！！

張三右手白光一閃！！

花妖最終都被張三收伏到他的右手裏，而張三也軟在到地上

「Yeah！！！」

「三師兄得咗啦！！！」

「張三！張三！張三！」

台下的各派弟子都為張三歡呼雀躍

「嗄…嗄…唔該曬」張三跟霍鎮海道謝

「唔洗客氣，隻妖係你收嘅，我都冇幫過啲咩，以後我地一齊做好四力個名佢！」霍鎮海向張三伸出手

張三一笑，捉住霍鎮海的手站起來，然後一臉正經的看著台下，高舉右手

「大家！我個名叫，閻三！」

「閻三！閻三！閻三！！！」

葉夜和徐峰都緩緩上到台上

他們四人相視而笑，不過葉夜和閻三之間就有一點尷尬的氣氛

他們四人站成一排 ，手握着手面向台下

鞠躬

「我地係四力，以後請大家多多指教！」

他們四人同心的說出

台下的各派子弟都振奮不已，仰天歡呼

而這時，遠處的四派掌門都感到莫名的感動

「估唔到…我地仲有機會見到四派再次興起」葉紫感慨的說

「長江後浪推前浪，一代新人換舊人～依班後生，潛力無窮」王柱也是恩惠的點頭

「只要多加磨練，必成大器」莫戰蹺起手說

就只有張帝不語，嚴肅的看著閻三

……….

文到！！

今日打完第二針，個人好攰，今晚未必出到文但都打緊嘅！盡量出！

「三！你幾時偷入過禁書房！」

張帝拍枱大聲責罵閻三

「師父….我」其實閻三在台上使用殺鬼咒時就知道會被這樣

「我講過幾多次！禁書房裏面嘅所有秘笈學咗都會有損陰德！尤其係殺鬼咒，會令到隻妖永世不能投胎轉世！你做幾多好事，積幾多陰德都冇用！」

張帝激心的說，但也其實他心中又是擔心閻三的未來

「對唔住啊師父….徒弟知錯！我應承你唔會再有下次！」閻三跪下，向張帝叩頭

「三啊…你依家已經係四力，地位理應係與掌門平起平坐，我都唔管得你咁多，以後要生生性性啦」張帝上前扶起閻三

「師父，我會努力做好四力個位，唔會丟你架」閻三眼濕濕的擁抱張帝

咔嘭！！

突然門被撞開了

幾個身影從門外倒進房內

是張英、張九和幾個師弟

「呃….師父，唔關我事啊，我經過㗎咋！係啊九拉住我係到聽」張英將責任一下推給張九然後就逃離現場

「我…我？！」張九反應慢了一拍

「師兄，交比你啦！」另外幾名師弟也快步跑走

「唉…你班死仔」張九嘆氣

「啱啦，九仔你過嚟，我都有野同你講」張帝向張九招手

「係！」張九把門關上

「咩事啊師父」張九走到張帝面前

「三之後都會比較忙，以後就由你同衰仔英負責訓練師弟啦」

「好，冇問題，交比我地」張九點頭

「辛苦你啦，啊九」閻三搭著張九的膊頭

「哈，邊夠你辛苦啊～四力」張九回以一笑

「你兩個係北門嘅未來，你兩個要好好背負起依個責任」張帝用欣慰的微笑看著三、九二人

「我地會！」二人同時回答

時間好快去到一年後…..

四力正聚首相討行動

「霍老大啊，有師兄同我講，西貢天后廟個邊有人發現有殭屍出沒，我想帶人去睇睇」

懵懂的徐峰在跟著他們一年已開如變得成熟，但還是年輕，很多事都會先問霍鎮海

「好，但記得，要控制住自己」霍鎮海是說徐峰的內在性格

而年紀和實力都最為高的霍鎮海就被大家稱為「霍老大」，被推舉為四力的代表

「我會㗎啦，我依家已經慢慢可以同佢溝通到」徐峰猛然點頭

「叻仔」霍鎮海一笑

短少少聽日繼續

飲水

夜啲先有文

Ok
聽朝見

抱緊月牙巴打
幾時有文

文

嚟緊！就有

係唔洗聽朝㗎！

今次唔洗

Cls精益求精到咁

閻三？

剪你㗎

今日都係夜啲

「依家我都叫閻王！我以後要閻羅王都怕咗我，邊個死，邊個傷由我話事」閻三嚴肅的說著

張九在旁也聽得出他的決心

「好，我陪你一齊訓練」張九先行走往魂鬥房

因為以他們二人的功力，普通的修煉經已不能為他們提升什麼，所以他們一定是前往魂鬥房

「今次幾隻」張九正想捲起衣袖

「九，今次我想直接入去，你幫我計時」閻三跟他說

「嗯？好」張九先是一呆，然後點頭

「幾分鐘幾多隻」張九問

「三分鐘，七隻」閻三說出一個誇張的條件

「你認真？」張九生怕自己聽錯，先確定一次

「係」閻三邊說邊脫下手套

「你少入去，記得千祈唔好掂裏面塊鏡，佢會吸引你去掂佢，你一掂，佢就會影響你心神，吸你嘅陽氣」張九交代一下魂鬥房內裏的情況

「就係師父封印個隻妖？」閻三甚少進入魂鬥房，多數也是張九先進去捉鬼，然後再放出來給閻三吸掉

「係，師父千叮萬囑叫我地千祈唔好亂咁掂佢」張九再三強調

「得啦，計時」閻三打開魂鬥房的門，而張九就拉下紅網把門口封住

「開始！」張九閉起眼，開始在心裏數着

閻三進入魂鬥房內，為免到處亂摸觸碰到張九說的那塊妖鏡，他用腳向前「探索」

嗷…..

一聲哀號在閻三耳邊掠過

「想走！」閻三伸出右手一揮！

果真捉住了一隻「半靈妖」

「收！」一陣電光閃過

霹靂啪喇！！

閻三十分輕鬆的便收到一隻半靈妖在掌中，他沒有急於將靈妖完全收到手臂，只停留在掌中，方便一會點數

霹靂啪喇！！

霹靂啪喇！！

…….

「一分鐘」時間好快便剩下三份一

咔嘎！！

閻三退後時不小心撞到一東西，他感覺那東西快要掉下，他伸手一抓

抓住了那快掉的東西

「咩嚟㗎」由於魂鬥房內是伸手不見五指，所以閻三也不知道自己扶住的是什麼東西

他拿出一張符紙，用食指和中指把符夾住，手腕一轉，符紙便燃起來

閻三借著符紙的火光終於看到了自己扶住的是什麼了

就是最不該觸碰的妖鏡！

「頂！」閻三知道是妖鏡後，快快手把它安放好後便馬上縮手

加上，他給自己的三分鐘也快要到了，他還差兩隻半靈妖才夠七隻

閻三合十雙手

「天地靈，三分起！」

嘭！！！！

他將雙掌拍在地上，從他的雙掌傳出一道白氣，魂鬥房內的半靈妖都暫時被定住了動作

而這時，房外傳來張九的提示

「三十秒！」

閻三橫眼一掃，看準了最近自己的兩隻半靈妖，縱身一躍，一個筋斗翻到半靈妖的旁邊

「收！」

……….

「三！二！」張九在外作最後倒數

踏…..踏…..踏…..

「開網啦」是閻三的聲音

「啱啱好」張九冷笑一下

「我喎，輕鬆啦」閻三笑說

「睇埋啱唔啱數先」

閻三攤開手掌，一顆顆像人頭的東西在上面

「一、二…..七」張九數著數量

「啱啱好七隻」張九說

「呼，搞掂～」閻三扼實拳頭，把那些半靈妖真正收到手中

聽日見！

另一面…..

霍鎮海跟徐峰多聊一會才離開

「霍大哥，其實你覺得我有冇能力帶隊出去？」徐峰弱弱的問霍鎮海

「峰仔，你要相信你自己，以你身上嘅靈力、控制武器嘅能力，比起任何一派嘅人都要高」霍鎮海真誠的跟徐峰說，想給予他自信

「但係好多人都話我係一個計時炸彈」徐峰是說心裏的另一個自己

「我明你擔心啲咩，咁係因為佢地冇人睇到你嘅可能性」

「可能性….」徐峰低頭消化對話

霍鎮海留意到徐峰的動靜

「峰仔，你信唔信我？」他問

「信！」徐峰肯定的點頭

「咁你聽我講，你就係你，無論你身體入面存在幾多個唔同嘅你，佢地都係得一個目標，就係生存，佢唔會想你死，佢感應到自己個身體有危險就自然會出手，唔好打算壓制住佢，佢係你身體嘅一部分嚟，你壓制佢嘅同時，你自己都會削弱，倒不如你學識點同佢分配用個身體」

「要學識點分配…好！霍大哥咁我返去先啦！」徐峰突然像想通一些事的便衝走了

「小心啲啊」霍鎮海笑笑搖頭

然後他也起程回自己的門派

沿途上，霍鎮海在想著如何能夠憑四派之力清除更多的惡鬼，達至淨世的程度

這是他一生的夢想，他認為上天給予他這麼大的能力，他就要負上多大的責任

「元朗屯門清空，港島四區零零星星仲有惡鬼作祟，其他就有排搞…..」

「仲有個離島…完全係未知領域」

霍鎮海一邊自言自語的走著，走著走著去到了都爺利街石階

一轉落樓梯便看到一個身影正坐在樓梯處

他悄悄的走到那人身旁，坐下

「自己一個走咗去，原來坐係到」

「咁都比你跟蹤到」那人就是葉夜

「跟…跟蹤？！我啱啱同峰仔傾咗好耐計先走㗎喎」霍鎮海馬上解釋自己不是跟蹤

「聰明嘅都唔會跟蹤完即刻出現啦」葉夜則繼續耍著霍鎮海

「唔緊要啦～你話跟蹤我就跟蹤啦」霍鎮海又突然順著葉夜的說

「認就得啦，身為四力之首做啲咁變態嘅野，你話你抵唔抵打！」話都還未說完，葉夜就一巴掌打在霍鎮海的背上

啪！！這一掌極為響亮

「嘩！！….嘶」霍鎮海的身前傾，腰左右擺

「咩啊，唔係咁打得，一下都頂唔住啊嘛」葉夜冷笑

「你又唔係唔知自己幾大力！」霍鎮海反手想按自己背脊，但怎樣也夠不著

「唉～我幫你啦」葉夜伸手幫他揉按

「咁真係唔該你喎…」霍鎮海帶點挖苦的說

「其實…四力之首都係外間比我嘅虛名嚟，我一直認為我地四力唔應該有高低之分」霍鎮海突然認真起來

「我又唔係咁諗，之前四派一直處於低迷氣氛，總要有一個人帶起一股士氣，而目前嚟計，你做依個角色都做得幾好啊」葉夜說跟霍鎮海的想法不太一樣

「其實我最希望嘅，就係係我有生之年，清空人間所有惡鬼」霍鎮海說出自己的宏願

「你都幾大想頭㗎喎」葉夜笑說

「我係認真㗎，得我一個或者唔得，但如果我地四派能夠同心協力，就一定得」霍鎮海非常有決心的說

「咁你首先要處理好北門同南陽之間嘅不和先」