［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

加油

11:30出文，差少少

秦王見狀，立即將腰彎到手能碰地，然後腰馬用力一扭，整個人往右轉了三圈

「嗯？！」啊武對秦王躲過了攻擊感到錯愕

「今日玩得差唔多啦」而秦王躲過啊武的踢擊後，站穩就出拳

嘭！！！拳正中啊武的肚皮，把啊武擊飛撞到牆上

「嘩呃！！」啊武撞到牆上慘叫

「武！」啊烈馬上補上啊武的位置

啊烈衝到秦王面前反手拿着虎爪刀，在秦王胸口的位置開始下而上出刀，揮斬到下巴位置

揮斬時，秦王一直後退，啊烈一直追擊，居然成功被啊烈割傷了秦王的下巴，讓秦王流出了「第一滴血」

「呵，唔錯」秦王露出欣慰的笑容

啊烈對秦王的笑容十分不解

「烈！睇住！」九叔在後感到不妥

「表現唔錯，但，火候仲差好遠！」秦王用極快的速度，扭腰儲力出拳

在九叔的提示下，啊烈亦即時舉起雙手護在前方

但就憑啊烈的力量當然是擋不過秦王的一拳

嘭！！！啊烈跟啊武一樣同樣被打飛，而且啊烈更為誇張的從我們上方飛過再掉到地上

「咳….嗄…」倒地後啊烈咳出一口鮮血

「烈哥仔，你點啊？」受傷的英叔忍著痛上前關心啊烈

「嗄….佢一拳…差啲攞命」啊烈搖著頭說

「朕講咗，朕唔係你地嘅目標」

「你好停手啦！」我正想衝前去時，葉靈卻伸手拉住了我

「你唔係佢對手….唔好亂嚟」葉靈看著我說

「但…..」我不忿的想反駁，但葉靈依然把我拉緊

「陳天航，你依家的確唔係我對手」秦王蹺起手說，經過與這麼多人對戰後，還是表現輕鬆

「你識得我？…..」我對他能叫出我的名字感到詫異

「你地所有人朕都認識」秦王笑說

「你到底係咩人…..」九叔走到秦王正前方，像為我們擋著

「朕係咩人真係咁重要？重要嘅，唔應該係你地係咩人？」秦王笑問

「你到底知道啲咩」九叔問

「張九、張英、陳天航、葉靈、李梓武、張一烈、陳鯨，你地都注定係應刧嘅人，無可避免」秦王逐一指著我們在場的人

「至於…你，王奇，係一個新嘅變數」再後才指向王奇，並說出奇怪的話

「到底咩係新變數….」王奇對於秦王指著自己說新變數感到奇怪

「等陣！點解指住我叫我陳鯨？我叫張仁喎，你係咪認錯人啊」啊仁反駁秦王

「陳鯨即係張仁，張仁即係陳鯨」秦王卻玄妙的說

「下….咩啊」啊仁聽完後就更不解

「不過同你地一齊應刧嘅人仲未齊，仲差一個，等你地搵到佢，大刧就將會來臨」秦王沒有再理會啊仁的話，而是再說出一點資訊

「應劫人…..大刧來臨，我地憑咩相信你嘅說話」九叔質問秦王

「今日朕要講嘅係咁多，下次再見」秦王突然跨過欄杆跳回上幾層的樓層上，拾回自己的權杖就消失了

「到底發生咩事…..條友係想點」

「老野，你有冇頭緒」英叔問九叔

「冇….返入去先」九叔說完後就扶著最近自己的啊武回到屋中

「嚟，烈哥仔你行唔行到？」英叔則扶起啊烈

「得…咳…冇問題」啊烈搭著英叔的肩膀一拐一拐的回去

最後便是啊仁扶王奇，我扶葉….

「我自己行得啦」原來扶著葉靈的我被葉靈推開

「唉…..成世人都咁掘」我無奈搖頭

這一戰….除了我和啊仁之外全員受傷，要點時間休養身體

而秦王消失後，其實只是站到天台上繼續觀察我們

「睇嚟，朕要再諗辦法再推你地一把」

睇黎樓豬都需要人推一把

點推先

等牛腩幫你

牛腩係推你㗎唔係推我

重要事就顧咗先
我地好閒架姐

無常讀者表示 月更已經係正常速度

無文先係正常
有文我們應當歡呼
感謝b賜文

咪再推
我兩個都推 ！

你得唔得啊

定我地兩個推你啊

放心！冇事文照出！！

邊個恥笑我
試下我有幾勁 ！

月更，但更得多唔多先？可能月更！一次更好多呢

一篇

幫唔到佢兜添

但我自問我每篇都係偏短，得一千字左右

放心，望b仲短

季更，但短到連文都稱唔上
因此我起咗個名比佢：亠

嗯…..好啦，佢贏

係因為「望」剪淨？

笑佢太短
佢本人同篇文

係:丶

「你地點啊？」我問受了傷的他們

「放心～死唔去」英叔已稍稍回氣

「一招分勝負…..」啊烈還在記掛剛剛的一拳

「算啦啊烈，你已經係唯一一個令佢流血嘅人嚟㗎啦」啊仁安慰啊烈

「佢對我地刻意留咗手」九叔卻在這時說

「我都覺得係….」啊武點頭同意

「唔係啊嘛….佢勁得咁誇張都已經留咗手？….」啊仁一副難以置信的表情

「其實都啱…佢跳過嚟嘅第一拳，速度快到我睇都睇唔到…如果條友有心對付我地，我地應該過唔到今晚」英叔聽到九叔他們的說法後也想起最開初的第一招

「咁到底佢係咩人嚟㗎…..突然間出現，又好似知我地好多野咁，但又唔講清楚…..講啲唔講啲」啊仁埋怨道

「佢講過話唔可以講太多」王奇說

「我覺得佢講嘅野係刻意比我地聽，上一世見過我地、應刧人、大刧、差一個人、新變數」葉靈回想秦王剛才說過的重點

「而且好肯定佢保留咗上世記憶」啊烈說

「喂大佬，好難明，依家我地知啲唔知啲咁，用腦真係會頭痛」啊仁雙手按著腦袋

抬起頭時才發現我們所有人都看著他

「做….做咩啊你地」啊仁被嚇呆了

「你….有用腦咩？」我問他

「已經用咗？」啊烈接著我再問

「喂！咩意思啊你地！我幫手諗緊啊！！」啊仁總算明白我們的意思

「哈哈哈」聽到這裏，在場的人都忍不住笑了

「啊哈哈，啊仁啊佢地同你講笑姐，唔好怪佢地」英叔邊笑邊說

「英叔…..你笑得最大聲喎，最冇說服力係你」啊仁盯著英叔說

「哈哈，唔好意思唔好意思…..咳咳」突然英叔咳出了一口鮮血

「英叔！！」我們嚇了一跳

「冇事冇事….應該係啱啱笑到內傷姐」英叔還想用那麼「不可思議」的理由安慰我們

「咳咳….今晚大家都傷得唔輕，嚟緊依幾日就係到好好休息，唔洗訓練」九叔輕按著胸口說

「啊仁，我同你冇傷，咁我地輪流照顧九叔佢地嘅起居飲食啦」我望向啊仁

「得！冇問題啊」啊仁用力點頭

於是，這幾天除了王奇外，我們都留在了九叔家

「 武仔啊，你成日都唔係屋企，你個妹唔會擔心你㗎咩？」英叔問啊武

「佢慣咗㗎啦，係佢好細個嗰陣我父母就走咗，我成日要出去打工，所以佢習慣咗好自立」啊武不說也不知道，原來他跟我一樣從小就是孤兒

「原來….」我想說時

「所以我好明白你」啊武就已經搭著我的肩膀

「喂，男人老狗！你地唔好無啦啦搞到好感觸咁喎」英叔在旁說

「係呢，啊仁，都好少聽你講起你屋企嘅事」英叔轉向問啊仁

「下？我？我冇咩特別嗰，細個唔中意讀書，同老豆老母嘈咗一次勁嘅之後我就自己搬咗出嚟住啦」啊仁不以為然的說出自己過去

「咁之後一直都冇見？」英叔再問他

「哎～呵～」啊仁假裝打呵欠站了起來

「你地大家都應該肚餓㗎啦！等我去買野食返嚟」啊仁說完後就起行了

「喂，啊仁啊，我….」英叔還想再追問下去

「英叔啊，啊仁擺明係唔想講啦，你唔好問啦」啊烈像教兒子般的跟英叔

「唓～大家一家人咁，有咩所謂姐～」英叔卻覺得沒所謂

「烈啊，唔洗同佢講道理，佢唔會聽」而一旁的九叔這幾天都在不停鑽研那本地王三世書

而葉靈就負責在旁核對普通三世書與地王三世書的分別並記錄下來

「老野，你唔好係啲細嘅面前抵毁我喎！」英叔拍枱說

「放心英叔，我明白你只係想關心啊仁」啊武說

「都係武仔你乖！」

鏡頭讓我們轉到去啊仁那邊

啊仁坐小巴去到荃灣後走到去路德圍那邊，那邊是荃灣的食物集中地，最多選擇