［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

「你點啊？」葉靈走到英叔旁邊扶著他

「冇事！嗄….邊會有事，嗄…跑幾步咋嘛，當年我啊…嗄….跑足幾個鐘都冇事啊…」英叔死撐著

「係啦係啦英叔，你留啖氣啦」葉靈拍著英叔的背脊

「唔係呢…妹頭…嗄…我真係…」

街道上的另一頭……

「嗄…嗄…我地去邊好啊？」

「我都唔知啊！」

「嗄…我地要搵個地方匿埋」

男女聲不斷交替對答，正是雙生靈附身的水叔，「他」跌跌撞撞的走著　

啪！！在轉彎處跟一路人撞上了

「嘩屌！行路唔撚帶眼㗎？！」被撞到的人大罵

「嗄…」身受重傷的「水叔」倒地

「水叔？！」被撞到的人原來也是皇圖的成員，但職級較低，所以還沒收到水叔已被偷襲致死的消息

那人馬上把「水叔」扶起

「水叔唔好意思啊！係我唔帶眼，撞親你老人家」

「你識我？」雙生靈問他

「識！點會唔識水叔你啊！簡直偶像啦！」嘍羅見有機會立刻施展阿諛奉承的本領

可惜他並不知道，任他說話的本領有多高也沒用，面前的人叫根本不是水叔

「下話」是卓斌的聲音回答

經過協商，雙生靈的說話權暫時交給了卓斌，因水叔是男的，這樣才不會惹人懷疑

洛兒無乜戲份，差D都唔記得左佢
不如俾佢退場或者俾佢一齊學法？

依家冇遲啲就有㗎啦，都幾多下添㗎

「係啊，真㗎水叔！」

雙生靈被我們逼到水叔身體裏，現在是不能輕易脫離，因為兩者間已經產生了一種特別的連結

雙生靈自己也知道這點，所以剛剛一逃跑時就在暗處殺害了一個無辜的路人，奪過他的衣服，畢竟水叔剛剛還在被驗屍，身上是沒有衣服的

深藏在水叔身體內的女鬼頭，現在嘗試取讀水叔的記憶

零碎的片段進入雙生靈的腦中

「哦～你係皇圖嘅人？」卓斌接收到一部分記憶後就馬上裝起來

「係啊！！我叫水貨明啊！同你都有個水字㗎！」這個水貨明一有機會就拉攏關係

「得啦得啦」卓斌心裏極討論這種人，但奈何自己身受重傷，這裏又是大街大巷，不能輕易下手

「係呢水叔，你諗住去邊啊」水貨明問

「我….你識唔識啊烈？啊狗？」連卓斌將零碎記憶中的名字說出

「烈哥？識！我係烈哥條水㗎！佢係我大佬個啊公嚟㗎！」水貨明興奮的說

「咁就啱啦，帶我去見佢」卓斌心想奸計得逞

「但依家烈哥唔係皇圖嘅人啦喎」

「得啦，我想見佢」

「哦！好啊，咁我打個電話比我大佬先」

「好啊～我等你」

……..

「係，要通報出去，估計雙生靈會係葵涌至荃灣活躍」九叔一回到殮房就馬上通知雙生靈的事

「明白，佢有冇特別嘅外表特徵？」總會的人問

「我地將佢封咗係一個叫水叔嘅江湖人士身上，佢受咗重傷，應該短時間內出唔到嚟」九叔詳細交代雙生靈的情況

「好，我依家會即刻幫你將消息傳開去，級別係鬼龍以上」

「好，唔該」

「點啊？」英叔一直靠著九叔偷聽，但什麼都聽不到

「公會會傳消息出去，附近嘅人應該會留意」九叔說

「唉～搞一大輪都係捉佢唔到」英叔嘆息搖頭

「英叔啊！係咪你封佢入條屍個陣有甩漏啊」葉靈突然一說

「我都係咁諗」九叔居然也附和

「痴線！冇可能！咁簡單嘅野！邊有可能錯！」英叔大反應的反駁

「如果唔係佢點會走到啊！」葉靈裝作疑惑的看著英叔

「我點知啊！或者佢衝破咗封印囉！總之唔關我事！」英叔氣得像小朋友一樣跺地

「咁，都唔係冇可能，雙生靈始係鬼龍級起跳嘅級數」九叔終於說出一句為英叔平反

「嗱！今次你就講人話啦！」英叔一下拍到九叔的膊頭

九叔盯英叔一眼

「哎哎哎，我錯」英叔輕力掃掃九叔膊頭

「不過話時話…啱啱聽到隻女鬼講，閻三困住佢三十年….閻三真係返咗嚟」英叔一說到閻三，表情都凝重起來

「嗯，上次我已經講過，頭先隻男鬼就係三破日比閻三收咗嗰隻」九叔說

「閻三唔會貿貿然放咗依兩隻鬼，佢應該係出咗啲事」英叔推測

「佢出咩事都唔關我地事」九叔搬出他那冷漠的態度

「咁佢話曬都係北門嘅人」英叔又說

「佢一早就唔係北門嘅人！」九叔怒視英叔

「係係係！佢唔係佢唔係」英叔見九叔的態度強硬，便先妥協

就這樣，靜了十數秒

「我最怕…係佢今次返嚟係為咗掌門個位咋….」英叔方才說出心底話

「我唔會….」

「嘩嘩嘩！！！搞咩啊？？打仗嚟啊？」是肥主管，他現在才發現有事故發生

「通風槽跌咗落嚟」九叔指一指身後掉下的通風槽

「下？！無啦啦跌落嚟？！」肥主管半信半疑的

「哎啊，日久失修啊嘛，正常嘅正常嘅」英叔突然走上前搭著肥主管的肩膀，像是熟人一樣

「都啱嘅，都好耐冇整啦」肥主管點頭說是

「係呢！」

今日長文啊

Live咗～好好睇啊～

肥主管下一句應該: 阿叔你係邊個，尼到唔被普通入來嗰喎.....
英叔一掌將佢打"雲"

多謝支持中意睇就好啦

我唔會比你估中嘅！！

睇咗幾次先留言

睇咗幾次？！

第一季都睇咗三四次一直都唔想live

三、四次？！嘩！真係咁捧場！！

等緊你出文

打緊

「呃…唔係喎，你係邊個啊？」肥主管跟英叔聊上幾句才發覺問題所在

「我喎！我你都唔識？！」英叔以誇張的語調說話

把平時冷酷的葉靈也逗笑了，九叔則在一旁無奈的笑著

「下？…..你…？」肥主管一臉困惑的看著英叔

「唉算啦，你連我都唔識，妹頭啊，我地走啦」英叔向葉靈招手，想借機離開現場

「你…我識咩…又好似好熟口面…」肥主管陷入了苦思

「九叔，你一個人得唔得啊？」葉靈想離去但又擔心九叔一人處理不了現場的亂況

「嗯，一陣啊航啊仁會返嚟」

「嚟，妹頭，走啦走啦」英叔再招手

「咁我走先啦九叔」

「嗯」九叔淡然點頭

「哦！我記得你啦！你係咪…」肥主管突然大叫

「係啊係啊！你話係就係啦」英叔連忙拖著葉靈跑走了

「奇奇怪怪咁….」肥主管一臉呆滯

「依到我會搞掂，通風槽你報上去搵人嚟整」九叔跟肥主管說

「哦，好啊，咁你執好啲野喎」肥主管又離開現場

「嗯」

畫面轉到醫院內….

我和啊仁剛把王奇送到醫院姑娘把王奇推了進去，一醫生走過向我們

「佢隻手係點整親㗎？」醫生問我們

「呃….比狗咬到㗎」我隨便回答

一段時間後，為王奇診斷的醫生終於出來

「醫生，佢點啊？」我問醫生

「佢隻手表皮無咗，肌肉局部組織撕裂，咁我地會幫佢打針，預防破傷風同狂犬病，以佢嘅情況無辦法為佢傷口縫針，但可以等佢自然癒合」

「咁…佢今晚要留院？」我問

「要啊，因為你地送佢嚟個陣佢暈過，最好就留院一晚，觀察下情況先，驚佢會有感染風險」

「好啊，唔該你啊醫生」

「唔洗客氣，你地去幫佢登記住院啦」

醫生離去，我們站在原地

「去登記啦」啊仁拉著我行

「等陣…」我叫停啊仁

「做咩啊？」啊仁不解

「我地…點同夢晞交代？」

「係喎….」啊仁沒想到這問題

叮叮叮鈴叮～叮叮叮

這時，我的電話響起

「係夢晞….」我無奈看著電話

「有冇咁邪啊？！一講就打嚟…」啊仁同樣無奈

「唉….」我嘆息一下，然後接通電話

「喂，做咩啊」我扮作無事般

「陳天航！！！」但換來的卻是一聲大叫

「做…做咩啊」我被嚇到了，看來身外化身的事已穿幫了…..

「啊奇啱啱煮飯，我唔小心潑咗啲熱水去佢到，佢就變咗張人形公仔紙！我打極電話佢都唔聽！你一定知咩事！」

果然啊….

真係好好睇

睇得開心最緊要

好正，好想快啲睇主角點交代

多謝支持先！就有得睇㗎啦

看來是瞞不住了

「呃….佢…」

「快啲講！！」夢晞像是快要把我殺了一樣

「你依家過嚟瑪嘉烈醫院啦….佢係依到」我還是不得不說出

「醫院？！咩事啊！！」夢晞一聽到醫院這兩個就變得更緊張

「你嚟到再講啦」

「我依家即刻過嚟！！」

咔！電話掛斷….

「點啊？」在旁的啊仁問我

「佢依家過緊嚟」我說

「死啦…王奇醒返實鬧死我地啦」啊仁擔心的跟我所想的一樣

「都冇計啦，係王奇自己嘅身外化身穿咗幫，夢晞先發現」我也是無奈

大概半小時後，夢晞就趕到了醫院，王奇亦都在差不多時候醒了過來

「我老公呢？！」夢晞緊張的問我

「佢係入面，啱啱醒返」我逃避夢晞的眼神

「點解佢會係入面㗎！佢唔係同我返咗屋企㗎咩！！佢無啦啦變咗張紙啊！」夢晞激動的捶打我胸口

「噓…..」我把夢晞拉到一旁，因為光是她剛剛那句話就足以令附近的人都看著我們

「你唔好咁大聲啦，你想嚇死其他人咩」

「陳天航！你仲好意田鬧我？！你係咪一早就知我老公啲野？！」夢晞換作用手指戳我我胸口

「係….我係知道…」我怯弱的說

「點解你要幫佢呃我！」夢晞又使出新招，這次變成扭我的耳朵

「咁佢唔話你知一定有佢嘅原因㗎嘛，我冇理由多事㗎！痛痛痛痛….」

「你都識痛嘅咩？！佢依家點啊！」

佢依家冇事，但應該留院一晚，定期返嚟洗傷口就得㗎啦….而佢自己嘅事，我覺得應該由你自己同佢講返會比較好啲」我放開捉住她的手

「嗯…」她總算冷靜下來

進到病房，她四處張望，尋找王奇的床位

「佢係最尾，拉咗簾」我指著病房最尾位置

夢晞靜靜的走到王奇的床前

「嗯？！點解你…..唉..個死仔..」王奇認為是我出賣了他

「唔關佢事」夢晞從袋中拿出那張身外化身的人形符紙

「呃….唉….天意」王奇認命的搖頭

「你係咪，應該有啲野要同我講呢？」夢晞看著王奇

「你過嚟坐低，我慢慢同你講」王奇拍一拍他床邊的位置

夢晞鼓起臉，故意別過面不看向王奇

「嚟～乖啦，唔好嬲住，聽我講先」王奇變得出奇的溫柔，跟平時的他完全不同

「哼！你咪講囉，我考慮下聽唔聽」夢晞還是把面擰則

「好啦好啦…

我係一個道士…係一個名為西樓派門下嘅弟子，我嘅職業就係全職驅魔，我隸屬一個叫公會嘅組織，佢每日都會委派一啲任務比我，佢每個月就會比一定嘅賞金我」

第二季
人物設定


陳天航。24歲。身高183。

前生：上官羽

父母雙亡，由啊姨照料長大，有一個由中學便一起的女朋友——歐陽洛兒

天生擁有極高潛在靈力，原因未明

上世擊敗段天後，世界奇怪地重新輪迴一次，記憶也因此消失，今世原是一名辦公室文員，後投身殮房工作，機緣巧合下再次跟隨九叔學法


李梓武。24歲。身高185。

前生：龍一

父母雙亡，有一個感情極好的細妹——李沁妍

體格異常強健，是天生的運動健將，善長徒手格鬥，但頭腦卻十分簡單

上世最終大戰中被段天殺死，今世成為一個泰拳教練，性格也變得成熟，戰鬥力比上世更要高上一層


張一烈。24歲。身高179

前生：司徒一賢

是「三劍客」中的大腦，頭腦最為清晰，計謀最多

是社團「皇圖」的二太子，父親是「皇圖」的坐館，但從來不靠父親的幫助，現在的地盤都是靠自已一手一腳打回來的

上世最終大戰前被變成殭屍，假裝叛變投誠段天，及時出手合力解決了強敵羅東，但最後還是死於段天手下

寫住三個主角嘅人物設定先遲啲再出埋其他人