［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

多謝支持

「哈哈哈！不堪一擊」卓斌十分自豪的笑著

「喂！兄弟！散啦！！」西狗見勢色不對，就想喊停手下撤退

但他並不知，他的手下都接近全數倒下

「唉！成班廢柴！」西狗就決定自己先跑了

卓斌的手下欲追，卻被卓斌攔住了

「唔洗追，由佢走，等依隻狗返去通知主人都好嘅」

「係！」

西狗逃跑後，回到自己的車上

「你老味啊…..今日咩料啊，個老野咁犀利嘅….」西狗手忙腳亂的驅動汽車引擎

轟！！！汽車高速的駛去

「喂！siri ！打比臣爺！！」

「好，依家打比臣爺」

嘟….嘟嘟….

「咩事啊狗」臣爺接電話

「臣爺！！水叔真係未死啊！佢依家幫緊啊烈嘅「天圖」做野！佢啱啱嚟掃我個場啊！」西狗是致電臣爺告狀的

「冚家剷！得啦！收到！我知點做啦，你自己小心」

嘟……

臣爺很快便掛斷了電話，西狗也緊接著撥通第二個電話

「喂！盡哥！大鑊啦！」第二個是通知莫盡

「咩事？」

「今日我嗰五個手下同人打交完全唔夠打，咁我情急之下就叫咗佢地除咗頂帽」

「唉….咁依家打死人？咁佢地依家戴返頂帽未？」莫盡心想，打死人應該已是最壞的情況

「呃…..似係佢地比人打死多啲，我唔知之後點啊，我啲𡃁全部瞓低曬，我仲唔即刻走咩！」

「你咁講，即係佢地除咗帽都唔夠打？！對方咩人！」莫盡聽到這裏也知道事情不簡單

「條友老野嚟咋，都唔知做咩突然咁猛料，五個打一個都輸比佢」

「咪住！你話佢地打輸之後你就走咗，咁佢地有冇戴返頂帽？！」莫盡這才想起問題

「帽？….唔知喎，我一見佢地輸就走咗啦」西狗還理直氣壯的說

「……，比個地址我，我要過去睇睇」

雖然莫盡平時做盡壞事，但他也不會想事情去到一發不可收拾的程度

「咁….咁我洗唔洗都返去？」西狗怯懦的問

「最好啦！嗰啲係你啲𡃁嚟！」莫盡也沒西狗那麼好氣

「唉….好啦，咁我返轉頭啦…地址轉頭比你」

半小時前，象山，九叔的家裏

「喂！老野！西樓嘅華明話係旺角見到嗰個卓斌！」英叔剛剛收到朋友的電話，通知他卓斌的消息

「有冇確實地址？」九叔問

「有，隨時行得！」英叔回答

「啊靈呢？」九叔不見啊靈在屋內

「妹頭接咗單，出咗去做野，我WhatsApp 咗佢㗎啦，佢搞掂完佢嗰邊道會過嚟」

「咁行！」九叔隨手拿起自己的工具袋便出發

英叔在出發途中拿出電話

「洗唔洗通知埋𡃁仔佢地？」

「嗯…通知埋，比佢地實戰多啲都好」九叔點頭示意

「好，咁我打比佢地」

而旺角現場，卓斌早就把西狗的酒吧掃得破爛不堪，客人全都嚇得雞孩狗走的

「同我再打爛啲！我要佢間酒吧醫返都曬藥費！」卓斌拿出香煙坐在一張高椅上吩咐手下

「係！」被他用陰氣控制的手下全都聽命於他

「嘩嘩嘩，咩事咁熱鬧啊」是英叔他們趕到現場

「邊撚個啊！」卓斌還不知是英叔他們，一句就開罵，但他回頭一看便知道不妙了

「係我地啊～」英叔看著驚慌的卓斌笑說道

「呃….」卓斌看著英叔他們的到來嚇呆了

「做咩啊？唔歡迎我地啊？」英叔擺出得戚的樣子

「郁佢地！！」卓斌指示手下出手

「係！！」手下們收到指示立刻蜂擁而上

「開飯！」英叔拿出一疊黃符，九叔就一如既往的沉默應戰

卓斌就想趁機逃去，但他卻被人攔住了去路

「你….你邊個啊」卓斌本就正處怯懦之時，見有人出手攔住自己就更加怕，而且不知對方是何方神聖

推呀！開打啦！

「我？我路過㗎咋」攔路者正是趕來看現場情況的莫盡

「唔好阻住我！」卓斌想出手推開莫盡

卻反被莫盡用手腕上的鐵鏈球撞退兩步

「你到底係咩人？！」本身想逃跑的卓斌被迫出怒火

「喂！小心！佢係雙生靈！」英叔戰鬥中看到莫盡的到來，提醒他卓斌的身分

「雙生靈？！」莫盡聽到後也瞪一瞪眼，這是他生平第一次親眼看見這種級別的惡靈

「讓開！！！」卓斌發火，又變回那男女重疊聲，並向莫盡施展攻擊

他從背後長出了紅觸手把莫盡的雙手纏住，莫盡嘗試抽出雙手但並不可行，他馬上提腿，用腿跨過紅觸手，然後用力跺地，把卓斌整個人拉到傾前

等卓斌傾前時，莫盡再瞄準起膝，正中卓斌的眉心，整套動作行雲流水，沒有半點猶豫

卓斌被膝擊得往後倒，紅觸手也因此而鬆開了

觸手一鬆，莫盡就馬上把雙手抽出，繼而揮動雙手上的鐵鏈球，往正向後傾倒得卓斌揮去

嘭！！鐵球狠狠擊到卓斌胸口上，把卓斌半個身都打得陷進了地板

可見莫盡的實力絕對是不容小覷

而英叔和九叔就在這時把手上的黃符都貼在那些被卓試控制的手下額前

「辟陰！破！」英叔跟九叔同時唸咒

「呃….啊…」手下們紛紛倒下，一道道黑氣從他們身上飛出，這些就是控制他們的陰氣

「條友真係有啲料到㗎喎」英叔悄悄跟九叔說，而他說的是莫盡

「佢話曬都係南陽掌門，功力絕對不在我同你之下」九叔說

「啊！！！！！」雙生靈中那女鬼掌控身體主導權

女鬼把鐵球推回莫盡的方向，莫盡擺一擺手把鐵球的衝力給卸掉了

「我莫盡平生見盡天下惡鬼，我今日就要見識下雙生靈係咪傳聞中咁犀利」

「哈，你唔好睇小佢啊，個日我地用五行繩陣都係勉強搞得佢掂咋」

「係你地廢姐，今日有我係到，唔同講法㗎啦」莫盡自滿的說

「點解你會係到？唔好同我講，又係你搞出嚟？」九叔卻把注意力放在為個莫盡會突然出現

「我？我都話我經過囉」莫盡當然不會直接說出是來收拾西狗的爛攤子

「經過？你會有咁好死出手？」英叔質疑莫盡

「你地傾夠未啊！唔好再阻住我啊！！」雙生靈怒吼一聲，氣場把原本已經破爛不堪的酒吧變得更破爛

九叔眾人拿起手擋著襲來的風，雙生靈也趁此機會向前衝，想乘機脫逃

但莫盡早就猜到它的想法，在它向前衝的一刻就揮出了鐵球擋住它的去路，九叔動作也不慢，在莫盡動手的同時也擲出了一疊符紙

雙生靈用手硬接莫盡的鐵球後迅速的從背後長出一大束紅觸手抵擋住九叔的符紙

砰！砰！砰！砰！

符紙觸碰之處都爆出了陣陣火花，紅觸手被炸得焦黑，雙生靈用手刀把觸手斬斷

被斬斷的觸手瞬間又再次重生

「啊！！」雙生靈用觸手把酒吧內的破椅破桌擲向九叔他們

「搞到！好似！細路仔！打交！咁！！」英叔用他的弓把擲來椅桌一張張的打走，令說話也斷開一截截的

而莫盡和九叔就選擇沉默的應付

「哈哈哈哈！！」雙生靈突然一笑，然後從嘴裏噴出了一團黑氣，直飛往九叔三人

「君令如山，天擊！」莫盡運功，雙手向前合十一拍，扣在雙手的鐵鏈球相撞在一起，形成了一股白氣

白氣把雙生靈噴出的黑氣直接給打散了，白氣更打中了雙生靈，把雙生靈擊倒

「嗄…嗄…我地應該點做」卓斌問女鬼

「我地依家係依個老野身體，唔係佢地手腳，要諗辦法走」女鬼回答

在九叔他們眼中，卓斌他們在竊竊私語的不知在交談什麼

「你睇下佢，成個嗰啲痴線佬咁自言自語」英叔指著雙生靈笑說

「如果佢係好似痴線佬咁容易解決就好」九叔也冷笑道

「試下鐵球條老野」女鬼說

「好！」卓斌又再次掌控身體，向莫盡撲去

「嘩！玩突襲咁陰濕！」莫盡果斷退後，不跟雙生靈硬拼，他一個轉身轉到英叔的身後

「嘩你個仆街！佢夠你陰濕？！」英叔被莫盡擺了一道，他立即從袋中拔出木弓，用弓抵住卓斌

英叔真係好搞笑

佢係成套野嘅搞笑擔當亦係嚴肅場合緩和氣氛嘅最佳人選

「搵你擋一擋姐！頂住先啦！」

九叔也拔劍相助，他一劍往雙生靈的腋下揮去，但劍揮到時雙生靈已長出了紅觸手擋住劍擊，九叔馬上改變策略，他把劍從腋下穿過再往上挑，然再穿過他的頸後，用另一隻手捉住桃木劍，這樣把雙生靈箝制住

而莫盡躲在英叔的身後也不是閒著，他咬破手指，用自己的血在鐵球上畫下符咒

「喂！張老九！你捉實啲啦！」莫盡從英叔身後跳起，鐵球在英叔的頭頂上掠過

「嘩！你條友仔！睇住我先得㗎！」英叔感覺到空氣的流動，立刻蹲下

「你同我定啦！」莫盡擺出自信的表情

嘭！！鐵球精準無誤的擊中雙生靈， 而九叔在擊鐵球打中雙生靈前就計好時機放手，讓雙生靈自己飛開

「呃啊！！！」雙生靈被擊飛，往後撞到一塊本來就已經裂開的大玻璃牆上

兵啷！！！玻璃牆被徹底撞碎，雙生靈比玻璃更早掉到地上，碎裂而又鋒利的玻璃一塊塊的插到雙生靈身上

「嗄….我地…唔可以死係到㗎」雙生靈狼狽的把自己撐起

「雙生靈，都係不外如是姐」莫盡垂下雙手，當作戰鬥已完結

「佢被困係凡人嘅肉身入面經已能力大減，依家連肉身都受重創，佢已經…廢咗」九叔瞇起眼看著雙生靈

「咁就埋佢單啦」英叔拿著木弓並將符貼到弓上，走向雙生靈

「英叔！」葉靈在這刻趕到門外，而我們又剛好趕在葉靈的後面

啊武收到英叔通知後更把找到卓斌一事告訴了啊烈，可能是想啊烈看到卓斌如何被收拾，畢竟卓斌也虐打過啊烈

啊烈知道後就駕車載我們趕來現場

「妹頭？」英叔聽到葉靈的叫喚，回頭一看

「機會！」雙生靈就趁英叔回頭的這個時機，拿起一堆碎玻璃向英叔他們灑去，然後便往葉靈的方向衝去

英叔等人都馬上護住雙眼，慎防雙眼被玻璃割傷

「喂！」英叔感覺到雙生靈在自己身邊跑過，他嘗試伸手去捉，但捉不到

雙生靈跑到門口，剛好跟葉靈碰個正著，這也是它最想的結果，它長出紅觸手纏著葉靈的頸，把葉靈給脅持住

在剛剛灑玻璃碎的一刻，它已經預謀這事

「喂！卓斌你唔好亂嚟！」追在葉靈身後我喝止雙生靈

「哈哈哈！！你覺得我會點亂嚟啊」雙生靈看到我和啊武他們後露出邪魅的笑臉

「佢…..」啊烈近距離看到雙生靈從背後長出了觸手，聽到說話是更是男女重疊聲後，他整個世界觀都被徹底顛覆

這是他第一次親眼看到關於靈幻世界的事情，以後會發生的是他更加猜不到

「佢雖然外貌係你認識嘅水叔，但其實已經比一隻惡鬼控制住」啊武嘗試跟他解釋

「卓斌！你放開佢先！」我看到葉靈被脅持，顯得有點慌亂

「你覺得我會咩～」雙生靈非但沒有放開葉靈，更把觸手勒得更緊

「你好放咗妹頭啦，如果唔係我唔放過你！」一旁的英叔也緊張的說

「佢少一條汗毛我都要你永不超生」九叔冷酷的說出一句

「睇嚟我捉啱人啦～個個都咁緊張依個𡃁妹」雙生靈看著葉靈奸笑，並狂嘴裏伸出又長又嘔心，長滿一點點的舌頭，在葉靈舔了一下，活像一個變態

「你…夠膽…就殺咗我」葉靈掘強的說，同時用手拉扯纏住脖子的觸手

「𡃁妹，你係我嘅籌碼，你覺得我會殺你咩～」雙生靈用觸手把葉靈升起至雙腳離地，並一步步的往後褪，想逃離現場

「你唔好走啊！」英叔踏前一步

「你再行前一步！個𡃁妹就即刻死！」卓斌把觸手再次勒緊

「呃….嗄…」葉靈已經說不出話，雙眼佈滿紅絲

「嘶…你個仆街….喂，老野諗下辦法啦」英叔先罵一句，再對九叔說

九叔沒說話，他的眼神沒有離開個葉靈，相信在這情況九叔也一籌莫展

「哈哈哈哈！！你冇人郁～咁我走㗎啦」雙生靈轉身就想離開

「咪住！你要籌碼姐！我同佢換！你放咗佢」

是我叫停了雙生靈，在我叫停它的一剎那，眾人到把視線移到我身上

「航！唔好衝動」九叔阻止我

「你？點解我要換～」雙生靈覺得有趣的看著我

「你都係想有個籌碼走姐，我係佢兩個嘅徒弟，我後面嗰兩個係我好兄弟，咁我應該夠曬資格做籌碼啦，總之你唔好傷害佢」我邊說邊往卓斌走近了一步

「你唔好郁住先～你亂嚟嘅話，佢隨時都會死㗎」雙生靈用觸手把葉靈移到它面前，然後雙手搭著葉靈的肩膀

「你….唔洗…咁…」葉靈已被勒得面頰通紅，嘴唇發紫，看見她這樣我更為焦躁

「卓斌！我講多次！我換佢！我冇陰謀，你放咗佢就得啦」我說話時更拿高了自己的外套和衣服，讓它清楚我並沒有武器在身上

「哦～想英雄救美，好啊！年輕人係中意就係依啲戲碼，我成全你」雙生靈把葉靈遞向我

「𡃁仔！唔好！」英叔再次喝止我

九叔的反應卻跟英叔不同，他用手拍了英叔一下，示意不用阻止我

「佢…..唉」英叔回頭看一看九叔，然後一聲嘆氣

「你依家放佢，我過嚟」我舉起雙手，慢慢步近雙生靈

「喂..啊航….」啊仁伸手搭我肩膀

「你地幫我睇住葉靈，當幫輕下九叔佢地」我說

「好….我地會」啊武把啊仁拿開

「咁我數一二三就一換一啦」我跟雙生靈說

「唔洗咁麻煩啦！」雙生靈多長出了一束觸手，直接纏在我的頸上

而雙生靈也算守承諾，把我捉住後就放了葉靈，葉靈頸上的觸手解開後，就馬上向前傾倒

她已缺氧多時，接近昏迷邊緣

「呃…..」雙生靈的觸手一纏住我就勒得極緊

「嗱！你走還走！唔好傷害佢」英叔用弓指著卓斌

「你唔好嚇我啊～我一驚就控制唔到自己㗎啦～」雙生靈的觸手再度勒緊

「啊！！！！呃…..」我不斷掙扎，雙腳亂踢，雙手亂抓

「喂！！你好停手啦下！」英叔向前踏步

「嗱！你再行前一步，你地徒弟個肚就開窿㗎啦～」雙生靈提高一隻手放到我的肚皮旁邊，並從手臂長出觸手螺旋形的把前臂包住，形成一個尖柱

「呃….」英叔一看到這情況就停步了

「哈哈哈哈！！有情義嘅人就係咁戇鳩～」雙生靈恥笑我們

「唔好意思，佢地有顧忌，我冇㗎！」莫盡從九叔身後突然衝出

「嗯？！」雙生靈被突然衝出的莫盡嚇一跳，他帶同我往後逃跑

「走？！」莫盡追上，並揮出鐵球

嘭！！鐵球擊中雙生靈的後背，雙生靈往前趴倒，那被脅持住的我當然也一同跌倒

「啊嘶…..仆街！」再次被擊倒的雙生靈惱羞成怒，將目光投向我

「一齊陪葬啦！！」它把勒住我的觸手放開，然後將手臂那尖銳的觸手向我的肚皮刺來

「啊！！！！」我的慘叫劃破長空，但雙生靈刺中的不是我的肚皮而是我的手臂

皆因在雙生靈刺向我的時候，莫盡趕到用鐵鏈纏住我的腳，把我往後拉，但還是刺中了我手臂，不過…這也算是不幸中的大幸，如果刺中肚皮，後果我也不敢想像

雙生靈在襲擊完我後就馬上逃離現場，而莫盡就立即追了上去

「你地仲唔拉佢走？！」莫盡追捕時還回頭說

「武仔！帶𡃁仔同妹頭去醫院先！」英叔九叔也跟上莫盡，一同追捕雙生靈

「咁….咁我地，啊航佢…」啊仁消化不及，所有事情都實在來得太快

「我地即刻帶佢地去醫院啦！你抱葉靈啦！啊航重啲，我孭，啊烈！你去拎車！」啊武說完後就過來把我扛在背上，過程中他也盡量避免碰到我的傷口

「得」啊烈點頭就奔往取車

「葉靈…..」我迷糊中問啊武

「佢冇事，應該係暈咗咋，放心我地依家送你地去醫院」

「嗯….啊….」我什麼也說不出就暈了過去

葉靈成功上女一了！我撐靈姐呀！

有冇人撐下洛兒先！仲有夢晞呢！！男主好多選擇

「嗄…..嗄…..我地去邊好？！」女鬼問卓斌

「嗄…我地要去多人啲嘅地方」卓斌回話

嘟嘟嘟！！砰啪！！嘟嘟！

WOW～

這時他們身旁剛好響起了強勁節拍的音樂以及歡呼聲，是從一間CLUB 傳出

雙生靈看著那間CLUB邪魅的笑了一下，再回頭看一看正往自己跑來的莫盡，跟他對視一眼後，就跑進了那間CLUB內

「喂！」莫盡嘗試喝停它，那當然雙生靈不會聽他

「佢入咗去」莫盡回頭等待九叔英叔，並指著那間CLUB，讓後方的九叔英叔知道地點

「裏面咁熱鬧，點搞啊？」英叔抓頭，對付雙生靈讓他頭也快爆掉

「一陣可能仲熱鬧」九叔無奈一笑

「入去啦」莫盡也跟著笑了

進內後，看到有一大班人在舞池上熱舞，有一些就圍在枱面在喝酒玩骰仔，喝采聲此起彼落，整個場面熱鬧非常

而九叔這些有點年紀而且本來就比較嚴肅的長輩當然是不喜歡這種場合，相反本來就較為開通的英叔就頗為喜歡這氣氛，更不為然的跟著節奏輕微搖擺了身體

莫盡就更加不用說，他本來就將南陽當作半個黑社會幫派，早就有跟一些幫派合作派南陽門生到這種場合「看守秩序」，所以他並不討厭這氣氛

「估唔到隻野都幾醒目！識入嚟依啲咁多人嘅地方！！」這裏的音樂極嘈，莫盡要用叫的方式來說話

「如果佢唔醒目啊！上次都唔會係我地手上走得甩啦！！」英叔也是如此，要大聲的說話

「咁可能係你地無能姐」莫盡笑說

「你講咩話？！」英叔不是裝聽不到，而是真的聽不到

「冇野啊！」莫盡當然不會再說一次

嗞！！！！

突然CLUB內的音樂全部變成了刺耳的雜訊

「嘩！！咩料啊！」英叔舉起雙手掩著耳朵

「一定係佢搞鬼㗎啦」莫盡同樣也是用手掩著耳

「喂！後面！」九叔卻突然向著莫盡一聲大叫

原來是一個原本在舞池跳舞的男生突然向莫盡撲去，莫盡聽到九叔的提醒聞聲蹲下，避過了撲擊

但結果又是英叔遭了殃，那人撲了個空後剛好撲中了英叔

「你個仆街！又陰我？！」英叔被撲倒後咒罵莫盡，然後一腳把撲來的人踢開，再把那人按住

「唔關我事㗎，我避開咋，你要嘈就嘈張老九唔提埋你」莫盡一臉不在乎的說

「佢應該係比雙生靈控制住」九叔看著那人說

「你陰我！」英叔拿起木弓想往那人揮去

「停手！佢係普通人嚟」九叔喝止英叔

「嗯…你啱」英叔深呼吸一下，然後把一張符貼到那被控制的人額上，幫助他脫離控制

「卓斌！你出嚟啦，你遲早都要死㗎啦，不如痛快啲」英叔站起身高聲的說

「哈哈哈哈！！你覺得你地搵到我咩！你地依家周身都唔得閒啦，你地睇下周圍！哈哈哈」是卓斌的聲音從音響裏傳出

瞬間周遭的燈光全變成了詭異的綠色，而且整間CLUB的人都用詭異而又無神的眼神看著九叔他們

「喂，唔對路喎，我唔可以死係到㗎」莫盡不自然的靠近了英叔九叔一步

「哈，估唔到南陽派掌門原來咁怕死」英叔嘲笑退步的莫盡

「你中意點講就點講，總之我唔可以死係到」莫盡眼神一秒變得銳利

「唔好嘈，佢地嚟啦」

CLUB內的人都被雙生靈的陰氣控制住，並且看似準備向九叔他們施襲，所以九叔又從袋中拿出一大疊黃符

人地老公未死

冇事嘅

洛兒今鋪收皮啦
根本唔同世界
遲早分硬
唔洗撚啦就係靈姐

Say個hi話比樓豬知仲有人睇緊架！！

好啊！！繼續追啊！

可能有轉數呢

「唉…貼符都貼到手軟」英叔也跟著九叔的行動，拿出了符紙

「你地仲逐個逐個貼啊？！直接打殘佢地就走啦！」莫盡看到九叔他們的行為感到很迷惑和不解

「唔通睇住佢地啲無辜嘅人比佢控制住都唔出手啊？！」英叔反駁

「佢地嘅事，點解要搞到自己咁辛苦」莫盡實在不解為何要為了別人的事將自己陷進危機之中

「我終於明點解南陽會墜落到咁」英叔又似是玩笑又似是認真的說

「我地南陽係點，應該唔到你嚟管掛」莫盡盯著英叔來看

啊！！！！場上被控制的人同時怒吼，那震撼程有如喪屍大片中的場景一般

「嚟啦！」英叔一手持著木弓，一手拿夾著符紙主動應戰

他的作戰方案好簡單，就是用木弓把湧來的人潮抵住，再逐一為他們貼上符紙，盡可能也不想傷害無辜，那當然如果身處險境的話，出手也是無可厚非

九叔就更不用說了，擅長用劍的他收起了一劍，剩下一手拿劍，一手拿符，用劍尖把人抵著再順勢貼上符

還有一直未出手的莫盡，他站在一旁只把湧來的人踢走，並慢慢褪到出口，過程中沒有出手為他們貼上符紙

「太危險，走先」當莫盡走到出口時，他頭也不回的就走了

「喂老野！莫盡條仆街真係走咗喎！」英叔也不敢相信堂堂一派之首居然如然怯懦

「唔洗理，顧好自己先！」九叔看英叔方向一眼後，踏步揮劍，把正擲向英叔的酒杯打碎

「你都有！」英叔把木弓飛出，擊中了九叔身後的一人，他手上正拿著一支玻璃瓶想襲擊九叔的後腦

CLUB外

「呼….依兩條白痴，慢慢貼啦，我走先啦」莫盡逃離現場後，在門外鬆一口氣

他走了幾步，拿出了電話致電給西狗

「盡哥！點啊點啊？」西狗一聽到電話就緊張的問

「我唔係叫你返嚟㗎咩，人呢？」莫盡問他

「呃….我…我依邊塞車啊，過唔到嚟住」西狗支吾以對的說出藉口

「……」莫盡聽到這爛得不再爛的藉口後，沉默了一會

「你到底係點上位做到大佬…..」

「嘻嘻，盡哥你又唔好咁講～」西狗還嘻皮笑臉的回答

「唉，我唔理你咁，搞你酒吧條友呢我就幫你趕走咗㗎啦，好撚難搞，你係咁咦過筆數嚟比我當行政費啦」莫盡致電給西狗原來是乘機索取金錢

「呃….好啊，三萬夠唔夠？」西狗聽到要付錢後面有難色

「六萬啦，條友搞到我成身傷」莫盡雖這樣說，但其實他身上的傷連輕傷也說不上，他這樣說只是純粹想在西狗身上索取更多金錢

「咁我個五個手下呢？」西狗這時才想起自己的手下

「嗯，我依家搵緊佢地，淨係搞事條友都搞咗我一大輪」其實莫盡差點忘了自己來的初衷是處理那五名手下

「唉，好啦盡哥，我依家過數比你」西狗也不得不從，只好轉錢給莫盡

「好，咁我繼續搵你啲手下，等你轉錢」莫盡先掛斷電話

「唉，仲有五件，依啲錢真係難賺，抖下先～」莫盡坐到一旁休息，等待西狗轉錢

而另一邊，掛斷電話後西狗把手機怒摔在副駕駛座上

「臭閪！咁又屈鳩我六皮野，唔係見你幫撚副我，睇下我斬唔斬撚死你條仆街」西狗不敢當面罵莫盡，只能在背地裏怒罵

西狗把車停到一邊，把在副駕駛座的電話拿起，撥通給自己的師爺

「師爺金！同我過六皮野比莫盡條撚樣」

「狗哥，又過？！」師爺金聽到也不禁出聲

「有撚計啊！佢又真係幫到我手，如果你地班撚樣爭氣啲我咪唔洗咁撚煩囉！」西狗的怒火無處發洩，所以就將怒火發洩到手下身上

「係…狗哥，我依家過」師爺金無奈受氣，也不好再說什麼

「係咁啦！廢柴！」這次輪到西狗掛斷別人電話

叮！！

數分鐘後，莫盡的手機收到通知，銀行戶口收到六萬元的進帳

「好！有錢到，開工！」

單以話題和可發展來睇靈姐有好多野講
前世的情, 大家又係玩道術，男主又好似同佢有D野
洛兒無乜野講，傳說中靚女，一日未去打殭屍，一日佢出來都無乜野做
人妻就算啦！人地老婆唔好搞呀！男主唔可以做奸夫NTR的....

洛兒之後都會有條線講嘅葉靈就唔洗講啦，佢係第一女主！