［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

今日停一日先

看來大家因為明天的公眾假期都提前休息一天
祝大家好好休息一日吧！在家就最安全，唔好去灣仔呀！













打風呀！

啊仁決定去買馬路旁的那家泰國雙餸飯，款式多、味道也不錯

但就一定大排長龍

「點解次次都咁多人㗎….」啊仁看到那「人龍」都經已不想排隊，但奈何英叔他們又很喜歡吃這一家的飯盒

「唉….」啊仁無奈搖頭，然後面對現實的去隊尾站著

「喂！你做咩打尖啊？」突然一個婆婆的聲音在整個路德圍迴盪

啊仁探頭向前方探視

發現是一個婆婆正在跟一個中年男人爭執

「你講咩啊！啊婆！咩打尖啊！我一早排你前面㗎啦！老花就唔好出街啦」那中年反罵婆婆，然後繼續站在婆婆前面

「喂！你打啊婆尖啊！」那婆婆不屈不撓的繼續拉著那男人的衣袖

「屌！你好煩啊！行開啦八婆！」中年男人將手一揈，想擺脫婆婆，但卻意外把婆婆推倒在地

「係咪呢，叫咗你老就唔好出街㗎啦，依家跌親邊個可憐你」中年男居然還口出惡言

前後在排隊的人居然沒有一人為婆婆發聲

而啊仁雖然平時是有一點怕死，但看到這些事情時還是會出手的

「喂！」啊仁出聲時，還多了一把女聲

啊仁轉頭一看，是一個跟自己差不多年紀的女生

那女生有著長而濃密的睫毛，高挑的鼻樑，有點包包的臉頰，留著一頭烏黑的長髮，前方是平平的劉海

最重要是那「空靈」的雙眼，那清澈如水的瞳孔，把啊仁的魂魄都勾走了

「你點可以咁樣對婆婆㗎！」那女孩從「人龍」的後方走到去婆婆旁邊把她扶起

「關我撚事啊，佢唔係到出現咪唔會有事囉」中年男人強詞奪理的說著

「你咁樣好過分喎！快啲同婆婆道啊！我係後面明明睇住你無啦啦行過嚟打尖！」女孩不怕男人的橫行霸道，堅持幫婆婆出頭

「喂！你地啲女人好撚煩喎！行開啦！」男人又想出手推開女孩時，啊仁及時走到上前捉住了男人的手

「喂，先生，你唔好咁過份喎」啊仁跟那男人說

「你又邊位啊！行撚開啦英雄！」男人的手發力想推開啊仁

「嗱，係你出手㗎咋」啊仁順著男人的力給他來了一個過肩摔

砰！！！

「嘩啊！」那男人躺在地上慘叫

「無好野！！睇路啊𡃁仔！」在地上輾轉兩下後，男人便識趣的自己離開了

「行你就行啦！」啊仁在男人的屁股再踢一腳

「好野！！！」剛剛還沒有人為婆婆發聲，到現在啊仁解決了，大家卻在拍掌歡呼

「啊….啱啱又冇人出聲」啊仁無奈的看著人眾

「先生！好彩有你出手咋，唔該曬啊」那「空靈女孩」跟啊仁道謝

「呃…哈哈..好小事咋嘛～唔緊要」

「後生仔，唔該曬你啊」婆婆也捉著啊仁的手道謝

「好小事咋～婆婆，嚟，你排返隊先，我都返過去後面排隊啦」啊仁本打算帥氣的轉身往隊尾走去

但「人龍」的長度又增加了不少，在啊仁站著的角度已看不到隊尾

「嘩…..多咗咁多人嘅…」啊仁擦拭自己的眼睛，不敢相信面前的景象

「係囉….明明啱啱都冇咁多人㗎」那女孩跟啊仁同樣反應的看著「人龍」

「哎～後生仔後生女啊，不如婆婆讓你地企我個位啊」婆婆向啊仁他們招手

「呃….但係咁我地…」

「咪好似打尖咁….」

他們二人一人一句的說，而視線就看向了婆婆後方在排隊的人

「唔緊要啦～你地排啦」

「你地啱啱咁英勇，排先都冇所謂啦」

「係囉～都係兩個人姐，好快姐」

但後方在排隊的人都踴躍表示願意讓啊仁他們先排隊

「咁…咁好啦！多謝大家！」啊仁也不再推讓，直接站在了婆婆的後面

「好啦～咁我都唔客氣啦～」女孩也是同樣

「真係估唔到幫人都可以打尖～嘻～」女孩輕輕的跟啊仁說

「我都冇諗過～純粹係睇唔過眼先出手㗎咋」啊仁也偷偷回說

「好型啊，我爸爸話會見義勇為嘅男仔一定係好男仔」女孩那清澈的雙眼看著啊仁說

「呃…哈…一般啦一般啦」啊仁害羞得耳面通紅

「係呢～你叫咩名啊？我叫啊晴」女孩伸出手想跟啊仁握手

「呃…我….我叫…啊仁啊」啊仁緊張得口齒不清，手也慢動作的伸向女孩

女孩卻主動的握住了啊仁的手

「啊仁～你好」

這一刻啊仁墜入愛河了

大家聽日唔好周圍行啦～係街好危險㗎

返工又比人屌

發生咩事

聽日係咪要返工

放假

放假有咩做

「你…..你好啊…哈」啊仁快僵硬得像石像一樣

「你做咩出曬汗咁啊？好熱咩？」啊晴留意到啊仁突然滿頭大汗

「呃..冇事冇事！係呢，你住附近㗎？成日嚟買飯？」啊仁終回過神來，但因為沒有太多跟女生說話的經驗，太過進取，一次過問了很多問題

「係啊，我住荃灣廣場嗰邊嘅～我爸爸中意食依到附近嘅野食，所以我成日都會嚟買野㗎～」幸好啊晴不會覺得啊仁太進取，而且還是笑著回答啊仁

「哦～乜咁啱嘅，我都成日嚟買野食㗎，真係有緣」啊仁說的話就像九十年代電影中那些老土對白一樣

「真係咩？之前都唔見你嘅～」啊晴聽著啊仁笨拙的聊天方式也忍不住笑了

「咁即係今日開始有緣囉～」啊仁還不知自己老土的說話方式是…是多麼的老土

之後他們二人也買完了飯盒

「我返去啦～」

「好…我都要返去啦」啊仁不捨的說

「拜拜～」啊晴轉身離去

「呃….等陣啊」啊仁叫住了她

「嗯？做咩啊～」啊晴回眸看著啊仁

「可唔可以比你電話我啊？」啊仁鼓起勇氣向啊晴問取電話號碼

「如果我地真係咁有緣嘅～下次見面就比你啦～」然後啊晴就一跳一跳的走了，活像一個小孩一樣

「呃…..咁即係點啊…..」啊仁呆了的站在原地

「咁咪即係比機會你囉後生仔！咁都唔明」是剛剛那個婆婆

「比機會我？但佢冇比電話我喎婆婆….」啊仁苦惱的說

「乜你咁蠢嘅後生仔！人地咪話下次見面比你囉，即係佢唔介意同你有下一次見面！」婆婆差點就用她的拐杖打在蠢笨的啊仁身上

「哦！！！原來係咁啊！多謝你啊婆婆！」啊仁興奮的在街上亂跳，直至去到排隊坐小巴時還是站不定

導致前後的人都以為啊仁是瘋子

「九叔英叔～食飯啦～」

回來之後，啊仁仍然保持著那興奮的心情，不知所以我們便問他

「喂死仔！你啱啱發生咗啲咩事嚟！咁開心嘅」我撲上前搭着他的肩膀

「冇啊～邊有姐」啊仁春風得意的樣子出賣了他

「嗯，啊仁依家個樣似我以前見到嗰啲道友啪咗野個樣啊，笑淫淫咁」連平時認真的啊烈也加入挖苦啊仁的行列

「九叔！！啊仁啪野啊！！」我們跑向九叔那邊

「喂！你班死仔！」啊追著我們

「咩事咁嘈」九叔被我們的吵鬧聲「召喚」了出來

「佢地話我吸毒」啊仁一臉無辜的指著我們

「佢！」我指著啊武

「佢！」啊武再指啊烈

「佢….呃….」啊烈想有樣學樣的指其他人，他正想指向葉靈時，就換來了葉靈的一個充滿殺氣的眼神

「係啊，我啊」啊烈只好指回自己

「唉」九叔看著我們反了個白眼，然後就走到飯枱前

「呵～係咪食飯啦～」英叔打著呵欠的從房間內走出

「係啊英叔～食飯啦，係你中意食嘅泰國雙餸飯啊」啊仁還是用著那雀躍的心情說話

我、啊武和啊烈三人圍成一個圈圈搭著大家的肩膀

「依條友買完飯返嚟就咁嘅樣，一定有古怪」我說

「老土啲都係咁講㗎啦，男人唔為女人就為碎銀」啊烈說出他不知從何處聽來的句子

「頂，碎銀，好笑」我忍不住笑了一下

「咁我地要點先知佢係為邊樣啊？」啊武問

「好簡單姐～睇下佢銀包同搜下身睇下有冇多咗錢咪得」啊烈視線掃向啊仁後褲袋，而啊仁錢包就在那裏

「Action ！」

「Move！Move！」

我們三個一起向啊仁衝去，啊仁聽到動靜後轉身看著我們

「喂！喂！喂！你地做咩啊！！！啊！！」

好正
好鳩又勁無義氣

係咪話啊仁

依到就係泰國雙餸飯嘅實景

樓豬食過黎？

其實冇成日行過，前排冇堂食個陣真係好多人排隊

文呢

今日要畫圖應該出唔切文！聽日見！

好耐冇見過剪啦

我要文呀 唔係要泰國飯呀

算快

好多野做