［殭屍/靈幻/鬼怪］《輪迴。道》世界重新輪迴一次之後我都係變咗做現代道士08

咁大個pat ？！

哇
This

閻三要奶野了
收咗隻勁野

佢瀨曬野啊

又有文

每日都盡力打！

「嘩，霍老大真係好犀利」

「係啊，個次有人見到佢捉鬼，幾秒咋嘛 ！就搞掂咗」

「唔怪得個個都叫霍老大做四力之首啦」

「唔係啊，三師兄都好犀利啊！我就支持三師兄啦」

「係囉！三師兄隻手咩鬼都吸到」

「咩啊！唔好唔記得上次四力登位個日，如果唔係霍老大出手，三師兄都搞唔掂隻花妖啦！」

「咦…..又好似係喎」

這些說話都是自從閻三登上四力後經常聽到的說話，這些話對於閻三來說都是擊潰他內在的自信

而自從那次在魂鬥房碰到了那塊妖鏡後，妖鏡的妖氣跟閻三體內的花妖產生了奇妙的連結

這令閻三受到不少折磨，尤其在精神上，不斷的有一把聲音在他的腦海裏迴盪着，分每秒都在誘惑他解開妖鏡的封印，而花妖就勾起他吸取妖鏡內的妖

閻三只能用意志力不斷壓抑着這個慾望

而且事情還禍不單行

上次徐峰得到霍鎮海的點頭讓他帶隊出征後，好快便出發

那一次行動，他獲得了空前成功，在隊員完全沒受傷的情況下把薄扶林村出沒的殭屍全數解決

原來是當地的一個學術之士為其中一戶居民作法，把死去的丈夫放在家中，並把那丈夫的靈魂強行留在屍體中，令屍體不腐

最後卻不幸屍變，咬傷了幾個村民，才導致有殭屍出沒這事

這次行動成功了後，徐峰好快又申請了下一次行動，霍鎮海見徐峰處理得不錯，所以也開了綠燈，讓他再試試

但就是這一試就出事了

徐峰和出發的一眾人都失去了聯絡，失蹤了，縱使四派都派不少人出外搜尋他們，但還是全無音訊

「到底佢地去咗邊啊！」霍鎮海自責又生氣又拍枱，並站起雙手撐著桌子

「你唔好咁嬲啦」葉夜伸手疊在霍鎮海的手上

閻三看到葉夜這動作時，感覺到一點詫異

「我唔係嬲啊….係..係我唔應該咁進取，咁快比峰仔自己帶隊出去」霍鎮海說的時候抬起了頭，淚水在眼眶打轉，他接受不了自己讓人出事了

「你唔好怪自己啦，你都唔知會出事㗎嘛，我地依家最應該嘅係諗辦法去搵佢地」葉夜安慰他，並將重點提出

「係，我地目前要做嘅係搵返峰仔，如果唔係出面嘅人會覺得我地四力冇用」閻三也說出一個問題

「嗯呼…啱，依家係咪四派都冇消息？」霍鎮海深呼吸一下後，盡量壓抑著自責的情緒，理性的問

「係，四派嘅人依幾日都不停派人係峰仔出行動嘅地方附近搵佢地，但完全冇消息」葉夜說

「咩方法都用曬？靈童指路，仙鶴點道？」霍鎮海再問

「四派嘅人都唔係普通人，佢地一定會盡方法，我諗佢地都有咁做」閻三說

「唔好啦，我有多個方法，三啊，我想你同我去一轉，幫我手」霍鎮海看著閻三

「得，依家行得」閻三點頭

「好，咁行啦，夜，你留係到等我地消息」霍海跟葉夜說

「下？！點解我要留係到？我都要去幫手」葉夜不肯

「我唔知會唔會有危險，我需要做一個保障，如果我地有咩事，你都可以通知四派嘅人」

「咁….」葉夜聽到這原因也說不上話

「聽話啦，我地行啦」霍鎮海輕輕一拍葉夜的面頰

靠這動作，閻三大概也猜到怎麼一回事了

路上，閻三沉澱了一下後，決定直接問霍鎮海

「霍老大，我有啲野想問你」

「好啊，你問啊」

「嗯……你同啊夜係咪…」閻三吞吞吐吐的問

「哈….感覺到？我同佢前一兩個星期一齊咗」

竟然再開愛情線
幾時攞便當走人？

依條感情線一定要開唔開就冇之後嘅故事㗎啦

感情線變左心魔 所以出事之後冇再提四力 九叔都因為咁好嬲三

寫落去希望會令你地意想不到

聽日見！

「嗯…」閻三默默點頭

「三啊，我唔係有心瞞你，只係我同啊夜有共識，唔周圍講，始終我地嘅身份比較特別，唔想招人閑言閒語」霍鎮海也深知閻三對葉夜的情感

「得啦，我冇野喎，依家搵峰仔緊要啲」閻三裝作毫不在乎一般

「真係？」霍鎮海當然知道並不是這樣，伍也不好再說什麼

「係啊，唔好咁婆媽啦，我似咁小氣咩？」閻三隨手拍拍霍鎮海的手臂，然後便轉過了面

「你睇下～就係因為你唔夠佢犀利，所以你中意嘅人冇揀到你，揀咗佢啊！」

閻三腦袋內那聲音又出現了

「收聲啊…」閻三生氣又無奈，但也只能極輕聲的說

「嗯？你講咩話？」霍鎮海隱約的聽到閻三說話，但又聽不清楚

「冇啊」閻三搖搖頭，然後從腰間拿出一支幼細的銀針刺到自己大腿上，這是閻三令自己清醒一點的方法

「咁你陪我返去拎啲野先」霍鎮海說

「嗯」閻三點頭

好快，他們便到了徐峰消失的地方——西貢北潭涌郊野公園

「依到咁大，得我地兩個點搵」閻三問

「我有個方法，要極強靈力加持，所以要你幫手」霍鎮海從他等背包裏拿出了一疊黃紙，一札幼竹支，一捆麻繩，一塊摺好的大符布，和一個細八卦

「你啱啱特登返去就係拎依啲？」看著霍鎮海拿出的東西還未知他要做什麼

「係，依家我整好個孔明燈先」

霍鎮海以竹支作為支架然後再將黃紙綁到支架上

「孔明燈？」閻三看著成品說

「係，一陣我會將一半嘅靈力傳到孔明燈上面，佢會幫我搵到峰仔嘅方向，但個陣我會比平時虛弱好多，到時就靠你保護我啦」霍鎮海說到尾時笑了

「哈，有機會保護堂堂神力霍鎮海，我咪好開心？」閻三也笑說

「大家咁話啦，能夠比堂堂閻王保護，我都應該感到榮幸嘅」霍鎮海回以一句

大家相視一笑

「咁我嚟啦」霍鎮海用符點燃了孔明燈的底盤

「傳靈指路，助尋徐峰」霍鎮海咬破手指用血在飄起的孔明燈上寫上徐峰的名字

「去！」霍鎮海一聲發令，孔明燈馬上向著一個方向飄去

「行啦」霍鎮海立即跟著孔明燈走，閻三緊隨其後

「咳..咳咳…」沿途上霍鎮海不時也會乾咳幾聲

「你ok？」閻三見狀就問

「冇問題」霍鎮海點頭示意

接著，孔明燈飄向了行人徑旁的樹林，他們二人便跟了進去

進樹林後，不知從何處飄來一陣「黑霧」，視野瞬間變得朦朧不清

「有燶味，應該有古怪」閻三伸手觸碰「黑霧」

「咁我地應該差唔多到啦」霍鎮海淡定的笑說

「哈，停咗啦」閻三指著頭上的孔明燈

二人看著停下的燈，再環顧四周，卻沒有徐峰的蹤影

「峰仔！」霍鎮海大叫，也沒人回應

「會唔會係盞燈帶錯路？」閻三問

「我查過古書，依個方法應該唔會有錯」霍鎮海也是十分不解

「咁就奇怪…」閻三還在到處張望

「會唔會峰仔一直都係到，只係我地見佢唔到」閻三突然一說

「鬼揞眼？係冇可能，以我地兩個嘅道行，鬼揞眼應該對我地冇用」霍鎮海明白閻三想說什麼，但否定了這個可能

「唔理啦，都當係鬼揞眼咁做啦」閻三蹲下

「四方惡靈，速速退下！撤！」閻三脫下右手的手套，一掌拍在地上

一股氣以閻三作為圓心，向外擴散，雜草亂舞

嗷…..惡鬼的哀號亦隨即響起

但閻三和霍鎮海都發現了一些東西

「啱啱係咪有野反光？」閻三看著霍鎮海問

尼段追憶都好長下，但幾好睇
是否會講到最後四力的衰亡？
係米最後四個都收晒皮？

係比較長因為想寫四力寫得仔細啲，佢地依條線好緊要！！

起碼閻三未收皮啊！！

「嗯」霍鎮海指著前方的草地

他們二人上前查看，在前的雜草裏找到了徐峰的專用彎刀

「峰仔把刀….」閻三拿起了彎刀

「咁佢一定係依到附近出事」霍鎮海看著彎刀

「孔明燈停係到，峰仔把彎刀又係到，咁峰仔一定係到㗎喎….」閻三快要想爆頭，但也想不到徐峰去向

這晚，二人也是以失敗告終

回去後，他們跟葉夜交代了情況就各自回去再想辦法

「到底邊到出現咗問題….」霍鎮海怎想也想不到為什麼連孔明燈也找不到徐峰

而閻三也一臉沮喪的回到北門

「三，點啊？都係未搵到啊？」閻三剛步入北門的大門就看到張英、張九在等待他

「嗯」閻三無奈點頭

「連你兩個都搵唔到，到底去咗邊」

「霍老大用孔明燈帶路，但淨係搵到峰仔把彎刀」閻三拿出撿到的彎刀

「的確係徐峰用嘅彎刀…..」張九拿起彎刀，眼神像是在欣賞藝術品

「咁啦，不如聽日我同啊九跟埋你地去多次現場，多個人多對眼」張英提意

「嗯，都好，我聽日同霍老大講聲」閻三點頭

「咁今晚大家早啲休息」張九拍拍閻三

「好」

翌日，凌晨時分

霍鎮海、閻三、張九和張英一起出發，回到昨晚發現彎刀的地方

「兩大高手再加埋我地兩個！今次應該搵到佢㗎啦！」張英說

「望係咁望啦，已經四日，再搵唔到佢，我好難說服自己佢冇出事」閻三沉重的說

好快，他們便回到發現彎刀的地方

「依到除咗草同樹咩都冇喎」張英一停步就說

「睇野睇清楚先」張九攤開手掌，一團藍色的火球從掌中冒出，火光把一定範圍照亮了

「啊九講得啱，我地周圍睇清楚，睇下仲有咩線索」霍鎮海認同張九的說法

四人分散開去，每人負責一個方向的尋找線索，但這時，昨晚的「黑霧」再次出現，依然是不知從飄來的

「又係依陣黑霧」霍鎮海疑惑的看著「黑霧」，皺起眉頭

「啲霧咁大陣燶味嘅」張英用手捂著嘴鼻

「我就係覺得啲霧有古怪」閻三說

「你地過嚟睇！」張九站在不遠處的大石面前

他們聽到馬上跑往張九的方向

「發現到啲咩啊？」霍鎮海率先跑到

「依個黑印似唔似人影？」張九指著大石

「真係人影嚟….」張英、閻三也跑到，但張英好快又走開了

「到底依到發生咩事啊….」閻三困惑的看著黑影

「依到都有一個啊！」張英在旁邊的地上也發現一個黑影

「睇嚟依啲係峰仔佢地留低」霍鎮海說

「搵唔到峰仔呢」突然葉夜的聲音從他們身後傳來

四人同步轉身

「你做咩跟埋嚟嘅？咪叫咗你係道觀等我地囉」霍鎮海看到葉夜先是一笑，再是皺眉

「依到唔知會有咩危險㗎」閻三也是同樣表情

大概，現時世界上最擔心葉夜的就是面前這兩個男人

「你地知峰仔去咗邊咩？」葉夜蹺起手，得戚的看著二人

「仲搵緊，你咁講，你已經知道佢係邊？」霍鎮海看見葉夜的表情，猜測葉夜已知道徐峰去向

「佢應該係一個叫異常維度嘅異空間」

我估大家有機會唔記得咩係異常維度，幫下大家！







原來天花上有一個正在滴水的黑印，像是一個人的影子

「依個….」英叔口窒

「啊靈留低」九叔說

「你仲話搵清楚，靠你就死」九叔搖頭反白眼

「唏！唔好講依啲住，睇下妹頭去咗邊先啦！」英叔轉移九叔的話題

「依個黑印….你覺得似啲咩？」九叔一臉嚴肅的看著天花的黑印

「黑印…有啲似當年…」英叔努力的在腦海中尋找過去的記憶

「異常維度！！」他們二人同時說出

「妹頭入咗異常維度？！冇可能！邊個有咁大本事打開到異常維度啊！」英叔震驚

「但睇嚟…就係，仲要係水嘅異常維度」九叔找了東西墊腳，站高了，他伸手摸了那黑印，仍是濕的，而且中間有一個東西突了出來

「水？！咁快啲搵第二個入口啦！佢捱唔到㗎！」英叔緊張得想奪門而出

唔好扮長文

我已經特登隔開幾行㗎啦