(不定期live) 西班牙讀書歐遊之旅

勉強唔嚟嘅

太少用tg

準備考試癲癲地 chur爆，依加繼續馬賽


突發睇完黨鐵，之後繼續去其他展館，呢到係講歐洲各大城市嘅繁華同衰落，我唔係冇興趣，但就係冇乜心情，草草帶過




可能突然見到黨鐵，觸景傷情，本身前一晚温書都温到好夜，越行越頹，果斷決定放棄，出去行下抖下氣，好彩冇比7歐睇額外展館姐

佢個外牆幾有特色，雖然美觀，但依加得2 3度嘅寒風都得以吹入嚟，擋風雨能力為零





繼續向上行，去到文明館頂層，原來有條橋可以直達對面舊城區，正！

喺條橋中間再周圍影下




睇Google map，對面好似就係馬賽最豪華嘅酒店之一，唔知咩國事訪問之類，都會揀呢到招呼來賓




海平面好多帆船，令到眼前成個景更加靚點綴咗原來略嫌單調嘅海平面







行過對岸後，坐低抖下欣賞下周圍，呢個時候最啱食少少嘢




開咗係百年老店揀嘅另一種餅，茴香味由奇，好似類似八角嘅香料，我以前冇試過呢隻味道，直到我係馬德里一個小鎮，飲過一次茴香酒，因為好易入口，完全唔覺30幾度，搞到嗰陣飲大咗小小(將來有機會會補返)

點都好，今次係我成世人第二次試呢隻味，一放入口，第一反應就係，塊曲奇係味落咗酒精？睇嚟我大腦已經成功將呢隻味道等同咗喺酒精味

繼續亂行，去到一座塔，勒內塔(唔記得影)，明顯都係呢個舊城牆嘅一部分，同一個style，見唔駛錢就上去hea下


有驚喜！雖然座塔唔係好高，但佢咁樣突然既好矮嘅舊城區高咗出嚟，令你脱離咗地面嘅限制，見到360度風景，前面嘅海景，同後面既城市景，一覽無遺

塔頂係一個平台，四面都係景色，隨便望一邊都得


東南西北都影下先






全景嚟多張

好多西方人都好熱情,係個到生活得耐真係會受感染
以前去過歐洲做野半年,去之前從來唔會同陌生人傾計
去完之後依家係公司見到隔黎team啲新同事都會撩下佢地吹水

喺度道歉先 近排心情唔太好，又有考試同好多其他嘢，近幾日會update埋法國馬賽，其實我之後去咗英國，依家返咗西班牙考試，但可能會遲啲先補返啦


都差唔多爆post，可能出埋法國之後開新post

雖然近排更新得好慢，但應承大家絕不棄post

倒數兩個禮拜返香港

慢慢黎啦，唔好爛尾就無問題，學業緊要d

同意
都唔爭在返嚟隔離先寫

連登有愛

自push
近日將重啟更新兼開新post

樓主準備好21日隔離未？

其實有啲期待

真係乜嘢都唔使做唔使諗，我過到嚟之後就再冇睇過書，終於可以hea下，日日攤喺度睇下書做下其他嘢

不能想像

你覺得係好定唔好？

希望你隔離間房唔駛床尾當櫈用

睇呢絲打有啲隔離經驗，係咪經驗之談

唔係我，朋友仔試過啫（我都想有得飛）
佢間房真係細到床尾貼住張枱，好彩佢細細粒夠位玩吓switch

好彩我應該會大少少
隔離21日，如果間房太劣真係地獄嚟

洗萬幾蚊隔離仲貴過旅行嗰陣嘅洗費

係.....

但其實好多人仲慘過我，因為港共突然間改曬隔離日子，好多地方14日變21日，但完本book咗嘅隔離酒店突然間冇咁多位畀你，所以要重新book過新嘅酒店，而家咁遲先book，講緊可能要三四萬以上

好似有啲人成個exchange都只係洗三四萬
咁巴打都幾好彩 只係貴咗少少