(不定期live) 西班牙讀書歐遊之旅

真

多謝支持
去邊度讀書同去咗邊度呀

我覺得係因為 佢寫得好食先有多啲人睇 賺多啲廣告費

個包嘅裏面



Up多張食物全景圖，有街景襯托住，成件事即刻upgrade咗一個level




繼續做離地中產，call車去到長途巴士站



離開咗市中心，就係啲樓雖然係舊但都算新淨，唔知點解釋，就係舊得嚟唔會令人反感嗰種

呢度嘅紙幣全都又新又靚，應該會特登keep番幾張收藏，真係唔係講笑



唔使買定飛，上到巴士先同司機買就得，一個鐘左右車程，都只係唔駛兩歐



唔好相信網上消息，最新時間表喺呢到



一落車就見到佢，正式嚟到今日主題，我嚟羅馬尼亞之前僅有嘅印象之一，德古拉城堡

沿途有一排市集，可能因為今日平日加落雨，已經收咗一半，少少冷青




學生優惠，港紙大約三十蚊就入得 (正價好似70 hkd左右，唔太記得)





要行一條長斜路上城堡，落住雨行好驚跣低，但行住呢條斜坡上去，一步一步望住嘅越嚟越近，有種儀式感，開始期待了



樓主日常中伏系列：
入到去第一間房，就聞到陣伏味 入面只係一間上咗白油嘅普通房間，再掛上啲相同埋文字，完全冇城堡內本身嘅裝飾可言，同琴日嗰個真係差天共地

繼續，仍然係普通嘅白油房，放住普通嘅展品，太有現代感，就好似一個普通嘅二線展覽館咁樣




件袍雖然幾有意思，但太新淨反而冇年代感



突然見到一個好有古堡風味嘅樓梯，好似啲秘密暗道咁樣，仲要暗到真係要開電筒先行到上去 唔知上面有啲乜嘢呢

上完樓梯，仍然係咁嘅樣 冇乜心情再周圍影啦






行完一啲室內房間，經過一個露天嘅位，景觀相當之唔錯喎

呢個城堡好耐之前係起呢作為brasov嘅門戶，作為擋住外敵嘅最前線，的確呢個景觀，乜嘢想入嚟嘅牛鬼蛇神都睇得一清二楚，唔知幾百年前企喺度站崗嘅人，望住呢個景會有咩諗法呢








城堡內部嘅建築群，建築唔算特別有特色或特別震撼

雖然佢嘅城堡外觀同佢嘅名氣唔成正比，但係依家落緊雨期間，形成嘅一股迷霧纏繞住周圍，都唔錯嘅

睇完景入返去室內，出現咗呢啲廉價cg除咗比膠之外唔知講咩好







其實，最大問題係，呢個布蘭城堡其實同吸血鬼冇任何關係，甚至創作德古拉呢個吸血鬼角色作者都冇親自嚟到呢個城堡，純粹係就咁以呢個城堡作一個虛構設定，所以其實現實中嘅呢個城堡同德古拉、吸血鬼或者其他神怪嘢，冇任何關係

所以，要特登加啲神怪嘢上去其實都幾難為佢哋唔明同史實上嘅城堡冇咩關係，又因為名氣太大，點都要加啲相關元素上去

但即使係咁，你啲cg都係太廢了





呢度展示咗咁多年嚟，以德古拉為原型嘅電影改編，最早好似係一九二幾年，真係體會到德古拉呢個虛構人物嘅影響力有幾咁大

望住佢播住嘅一套一套電影，吸血鬼由一開始由一啲愚蠢嘅野蠻動物，變為一個作惡但有風度嘅紳士，呢一個劃時代嘅轉變，就係發生喺呢座城堡

羅馬尼亞呢個castle都好靚

隨便周圍影下城堡







設計呢個機關條友幾有諗頭，偷偷地伸支炮或者箭出去，然後即刻閂返埋，咁無賴邊個夠你玩




普普通通兜咗一個圈，本身準備走，但估唔到佢近出口嘅地方原來有另一個館，要另外收費，10 lei = 18hkd，又唔貴順便入去望下



刑具博物館，寫明18歲以下唔建議入，但我仲走去問佢有冇學生價，畀人笑返轉頭

鐵處女，一早已經喺無數影視作品應該唔少，估唔到無意間可以畀我見到佢




入面嘅刺同我想像中唔同，比影視作品中少好多，當然其實呢個數量已經足以殺死人





呢件咁痴線嘅刑具，大有來頭






以前某一個羅馬尼亞嘅君主，弗拉德三世，外號「穿刺者」，點解呢？就係因為佢最鍾意大規模用呢個刑具殺人

嗰時同鄂圖曼打緊仗，弗拉德三世將萬幾個戰俘全部用依個刑具處刑，再放喺城堡周圍，嚇到鄂圖曼唔敢再搞呢條癲佬

而呢個弗拉德三世，就係德古拉嘅原型。但布蘭城堡呢到都己經多次強調過，弗拉德三世嘅城堡並唔係布蘭城堡而係一早已經爛咗


點解作者要設定德古拉住係布蘭城堡，純粹係因為布蘭城堡同弗拉德三世座城堡係同一區

貞操帶，用嚟講笑就講得多，實物就真係第一次見，見到實物之後就其實唔好笑，其實真係一件好嚴肅同好慘嘅事


佢隔離嗰個描述話，唔係淨係得男人迫女人戴住，有時女性去遠行或者戰爭，為咗自己安全都可能會自願帶上去







雙手掛住重物，再爆菊花而死....
橫掂都要殺，點解唔可以留返啲尊嚴咁殺咗佢呢

貞操帶，用嚟講笑就講得多，實物就真係第一次見，見到實物之後就其實唔好笑，其實真係一件好嚴肅同好慘嘅事


佢隔離嗰個描述話，唔係淨係得男人迫女人戴住，有時女性去遠行或者戰爭，為咗自己安全都可能會自願帶上去







雙手掛住重物，再爆菊花而死....
橫掂都要殺，點解唔可以留返啲尊嚴咁殺咗佢呢

連登自動幫我send咗兩次，請無視

你係咪撳咗一次F5

冇呀，但因為喺火車裏面訊號唔好，可能因為咁出咗啲問題

睇完，臨走前去個廁所，另一個無聊嘅驚訝位就係，個廁所出乎意料地乾淨係高科技，通常呢啲公廁地方，個廁所真係變咗公廁㗎嘛，但佢做得真係幾唔錯






臨走前，遠景影多你一次啦布蘭城堡，雖然你名過其實，但都未至於完全一文不值，有空餘時間都可以過嚟睇下

始終，呢個地方咁出名，即使有心理準備係伏，都要踩下㗎






雖然我冇特登就住巴士時間表走，但就係啱啱好就miss咗班車 下一班係一個鐘後，喺時候周圍逛下布蘭鄉呢個小鎮，雖然呢到認真真係乜都冇，但咁啱因為落咗成日雨，啲霧氣積聚咗喺度，形成眼前呢個咁靚嘅景


有時候簡簡單單，純粹就咁行下一個陌生嘅地方，已經好足夠

hea下hea下，比我經過見到一家餐廳，睇個外觀已經知有feel，有一種羅馬尼亞家常菜小餐館嘅感覺

名：Restaurant Bran Parc


其實呢間嘢都只不過係布蘭城堡5至10分鐘腳程，但明顯冇咗喺正城堡下面嗰堆餐廳，嗰陣遊客生意伏味，如果嚟到，推薦行遠少少過嚟呢度




入邊啲裝修靚到，仲要得我一個食客，真係舒服到






由於我半個鐘後就要上巴士，唔可以嗌啲乜，只可以問佢上一啲可以即刻上菜嘅嘢食 但其實我見佢menu好多嘢食，同埋都唔貴，大家有機會可以試下


蘋果批，應該都算足料，但我其實本身對佢冇乜興趣，所以唔識分佢係好食定唔好食





牛肉湯，呢個正呀 好足料羅宋湯，在加一啲好夾嘅香料，再加香濃嘅牛肉味，大約3.5歐左右，但真係好飲，都抵嘅


飲到底，原來有好多牛肉粒，怪唔得牛肉味咁重

一個鐘車程，轉眼間返到嚟brasov，又係時候繼續覓食


嚟到著名餐廳 Sergiana ，睇佢評分人數同埋遊記，呢間應該就係全個brasov最熱門嘅餐廳啦



睇返啲相先知7咗，hea得滯竟然招牌都冇影到





間餐廳開喺地庫，要行樓梯落一層，一入到去就有西裝友好禮貌咁帶位，樓主窮撚平時好少去呢種餐廳，難得呢邊物價低可以去體驗下，原來係咁爽㗎







首先循例都會上麵包啦，免費嚟講質素都唔差 咬落好鬆軟，唔係放咗好耐嗰種，用嚟點湯就啱曬

同麵包一齊上枱就附送嘅，炸肥豬肉每一粒都有9成係肥膏，cls前菜，如果有人清曬佢，佢上主菜嗰陣唔會想食任何肉

係多肉汁同埋吊胃口，夾住麵包食仲可以中和番個油膩感，但都係食幾粒算啦




最尾深色嗰度先係肉，其他就.... ，食曬成碟真係表演即場爆血管，不了





Tripe sour soup with sour cream 牛肚忌廉湯，呢個好正喎真係估唔到 連我呢啲本身唔食內臟嘅人都好鍾意，呢個真係必嗌！






hea住準備開餐

主菜，因為好想食肉，就嗌咗個grilled mixed



但老實講，主菜有啲伏 嗰幾舊扒全部都好韌，煎得好老，雖然肉味都係有，但都係唔掂，特別舊豬，真係食唔落
里


唯獨條腸冇呢個問題。如果香腸都好韌就冇得救




另外嗌咗份炒菇，我本身就鐘意食，而呢份真係炒得好好，啲調味世界級 蒜頭整得幾碎、香料幾多，煎到幾香口，全部都做得好好

有啲想唔食碟肉，嗌多碟炒菇 明明坐底之前係諗住做食肉獸



埋單嗰陣waiter問我啲嘢食點樣，但其實雙方英文都唔夠好，我又唔太好意思講，咁就唯有hea答 good就算

頭先餐食，除咗主菜之外都幾好，算啦，放鬆心情周圍逛下，我真係越嚟越鍾意呢個城市

Brașov City Hall



歌劇院，即刻心血來潮想睇返場，即時聽唔明，感受到個氣氛就得，希望傳達的情感可以跨越語言界限

但係，實際上係唔得的，聽日得一場，夜晚九點幾先開始，我仲要返酒店做嘢，可惜了



舊城區大街

行返去到主廣場，落住雨嘅呢座城市依然咁靚，甚至仲有額外效果，反光嘅地面令整個空間有種淒美嘅氛圍，好正






差唔多，夠鐘數返酒店了，呢間酒店嘅位置真係非常之好 離開舊城區之後只要穿過一個公園仔就到 再次向大家推薦呢間酒店

途中，我比個千秋所吸引住，自從香港政府將越嚟越多千秋整成尿片型，就真係好耐冇玩過，之前嘅我點都估唔到，我下一次玩韆鞦竟然係喺羅馬尼亞



諗住玩返當年招牌招數飛千秋，點知落地之後企唔穩，跣低咗，老了老了

我冇乜嘢，但成件衫都係落完雨嘅泥 唔多講，要返去乖乖地洗衫了


公園行上酒店條路，係咪好正先