(不定期live) 西班牙讀書歐遊之旅

酒店裏面就頹頹地，本身諗住佢三星級有少少期望



但唔緊要，出面露台個景已經靚番曬

day 2起身落去這個酒店早餐，比我想像中豐盛，我想食嘅基本上都有

但有一點估唔到，係佢防疫措施比想像中嚴，要戴口罩就都正常，佢仲要每次都要換即棄手套先可以出去夾嘢食，所以你見枱頭有堆膠手套







仲有部裝有咖啡豆嘅咖啡機，我唔識飲咖啡，但應該係好嘢嚟嘅


book酒店嗰陣加早餐嘅話，每人每日都係三十幾蚊港紙，抵啦

個早餐30幾蚊港紙抵到爛

聽朝又落去開餐喇

平過大家樂大快活

唔好為咗post, 浪費咗個周圍行嘅時間. 你返學嘅平日補返咪算.

真

我會攞個平衡，多謝你

留名，支持樓主繼續更新

以前喺西班牙會一丁友去食tapas, 成日俾staff 同隔離枱老人家r水吹 雖然係雞同鴨講，但都不失為一種樂趣

多謝支持
近一兩日極忙，好快開始補返

個酒店露台正
對住個海啪啪啪

繼續補返，食完早餐之後，係時候返去做嘢，mid term來了(有人好奇所以我講埋做嘢時間) 興幸嘅喺做到攰，就可以出去望下露台海景抖一抖，效率都好咗


一轉眼就去到傍晚五點幾 時間唔多，所以隨便出發去市中心行下咁樣

運河，普普通通咁，係條河嘅建築比較古老，有啲睇頭。如果講水質，大約類似屯門市中心條河咁樣，但其實可能呢條河嘅水質先喺正常水平係我之前去嘅比利時同瑞士條河靚得太誇張




去住海嘅方向行，行到去一個唔知咩地方，呢度將舊嘅城牆加入咗現代建築元素，但唔係好夾
但點都好，行上去望下周圍個境，第一次見到市中心嘅全景

原來頭先行到上去嘅嗰個地方，係一個藝術館，本身諗住入去望下，但佢門口擺咗個箱，話入場費自由定價，好似香油錢咁 唔知放幾錢好，最尾都係算了


繼續亂咁行，行到去一個市集，我愛呢啲手作嘢好似拉近人與人之間嘅關係




之前都提過，我鍾意每個地方買磁石貼，但又真係未買過手作嘅，企咗喺度幾分鐘，最尾都係算了，應該唔擺得耐，可惜



玩黑膠唱片就聽得多，咁樣玩法真係第一次見，又真係幾靚呀



行到一間聲稱係純天然嘅蜂蜜舖，我有啲喉嚨唔舒服都會想食下，但可惜上唔到機



啲糖好似係唔錯嘅選擇，下圖嗰啲珍寶珠同埋一包糖都係一歐 買咗一包試下，味道幾唔錯，真係有實質嘅蜂蜜味

行到市集嘅最尾，又見到一啲類似台灣夜市大排檔嘅嘢，見到個爐好似好大陣仗咁，枱頭又放曬一大堆章魚同唔知咩肉









一時鬼迷心竅，中咗最傳統嘅遊客生意伏嗌咗一個mix barbeque，眼前咁多嘢己經要31歐

有雞胸肉、豬排骨，同埋兩款西班牙腸，基本上都只係一般般，其中有啲仲凍凍地，除咗環境有啲feel之外，基本上冇任何好處

剛上完西班牙文堂就睇到呢個post，睇完樓主d相好想去西班牙
樓主加油

行行下比一個石像吸引咗興趣，成個孔子像咁樣 查返先知，佢係出生於呢個島嘅一個西班牙神學家同數學家




行到去市中心其中一個最重要嘅地標，阿爾穆戴納王宮，而家咁夜當然就閂咗，喺地下行咗個圈

多謝

總有機會嘅

樓主簡餐廳品味有待改善

今次真係失策

有錢就是任性

咁樣31歐

無所謂啦, 旅行係要中下伏嘅