(不定期live) 西班牙讀書歐遊之旅

中過伏點解仲要再去，俾我求其揀間都唔會再去

最尾係咪影到絲打

魚咬腳係呃錢 感覺好唔舒服

嗰位系女船主
保護絲打個人私隱，冇圖

第二次好彩唔算伏
都唔知，嗰陣潛唔到水心情差，唔想用腦諗嘢依加諗返係有啲奇怪

游下游下，一時興起，不如就游埋過去前面無人島到睇下，男船員幫手帶我同絲打一齊上岸，都係呢句，冇手機喺身好可惜，唯有上網搵下示意圖

遊緊上去嘅途中，雙眼所見嘅第一視角，就好似啲災難片，沉船之後啲人好努力游返上岸嗰個畫面，電影畫面同我嘅視覺重疊咗


(示意圖)



上到岸，個男船員同我哋介紹，島土全部都係砂岩，其實同海床構造一樣，只係佢未畀水覆蓋，全世界嘅沙就係喺呢度出嚟，突發上地理堂


之後赤腳喺無人島到周圍爬嚟爬去，係有少少危險，但種感覺真係好正，係一種征服同埋回歸大自然嘅感覺



行到一個高位，大嗌叫仲喺遠處船上嘅女船主幫我哋影張相，結果佢竟然就咁影，完全冇諗過要放大，搞笑咩 (應該要喺幅圖度搵一陣先會見到我哋)

我、絲打同男船員，呢張真係遮都唔使遮，直線自爆

sor 絲打，依家週街都係紅字巴打，好難確認呀


的確係，有時聽佢哋講英文都有好多搞笑嘢，雖然自己英文都唔係好

archi workshop係咩嚟㗎，唔太清楚但有咁多機會去唔同嘅西班牙語國家，一定係好正

細個玩過一次，覺得幾得意喎
可能依家大個睇返，唔係咁諗啦

人類總係要犯同樣嘅錯.

喺邊度跌低 就喺邊度再跌低

但結果第二次味道都可以啦

個海好藍好靚

我嗰陣英文都係表達得麻麻地，大家求其講啲英文就當討論咗

Architecture workshop, 手快快無打哂成個字
我都無諗過會咁好彩，可惜去bcn嗰次無時間周圍睇，淨係去咗sagrada famalia同埋barcelona pavilion打個卡就要走
如果將來可以去哂西班牙語國家就好啦

追到live lm

真係我享受過最靚嘅海之一

本身早午餐都未食，落咗船之後開始肚餓了，喺落船個港口一行出去，咁啱絲打講起想食海鮮，就見到一間海鮮餐廳，睇個格局好似唔錯，冇諗多咗就入去了


名： Restaurante las Sirenas

(以下三張圖來自google map，因為我冇影到餐廳格局，我就係坐圖2嘅室外位)






行緊入去嗰陣，見到個海鮮櫃，龍蝦仲生勾勾，好似好正咁樣

因為佢真係開喺港口隔離㗎，我又不知覺幻想，呢啲海鮮一定係啱啱喺出面捉返嚟
即使唔係都好，畀我幻想下都好呀

橄欖油浸炒蝦，不過不失




炒蜆，我個人就冇乜興趣，skip



炸魷魚圈，我不嬲好鍾意食，但我係鍾意食但唔識食我係分唔出佢係雪藏貨定係新鮮魷魚整成，但總之味道可以啦




全日主菜，兩隻出面海鮮櫃見到嘅大龍蝦 燒得好鬼好食，但最重要係就隻龍蝦好新鮮同埋多肉，第一下勾到一大嚿肉出嚟，然後成舊擺落口，視覺同味覺嘅雙重震撼
直情想執返殼返去煲湯








食完仲未飽，嗌多咗一份海鮮飯，但呢份有少少伏，唔知係咪師傅出錯，整得勁鹹，好似返咗去頭先出海嗰陣，唔小心飲到嘅幾啖海水咁樣 基本上覆蓋曬其他味





又到面對現實嘅時候，呢餐蟬聯我歐洲之旅暫時最貴嘅一餐 冇喇冇喇，返到去要食麵包過活



埋緊單嗰陣，見到窗外有彩虹，可能上天都為正離開緊銀包嘅歐元現金而感到心痛

真係好多謝你 一個咁嘅comment已經夠我寫落去

我有睇字㗎

153歐，見到肉都痛埋…

我都覺我自己太過份
好彩暫時呢筆已經係我最大消費

碟龍蝦要65eur雖然睇落好正

雖然最尾嘅海鮮飯有啲伏，但都算係為palma Mallorca之旅一個好嘅收尾，係時候返去上堂趕進度了


離上機仲有少少時間，隨便行咗去一個沙灘嗰度坐一陣hea下，放空下，沉澱下，去諗返起呢一程旅程嘅點滴同埋得著，palma Mallorca呢一程所講所寫嘅嘢，基本上都係呢到諗出嚟





臨走嘅時候，循例要買番個磁石貼收藏，跟住隨便入咗幾間souvenir望下，呢間店，你喺uno隔離放啲咁嘅嘢，你係真係諗住當佢係一至六嘅骰仔咁樣買，咁樣真係好咩



去到機場，絲打諗住買支可樂飲，點知竟然跌咗兩支出嚟成功有免費可樂飲飲，算係為呢個旅程好收尾



再見了，palma Mallorca

雖然我上次先屌完壞人航空罰我行李錢，但始終最平都係你，成功做咗又要屌又要用嗰啲人啦

153 歐唔算好貴啦，食海鮮仲要唔係一個人食
諗起瑞士lunch行過路邊一間餐廳，叫左碟意粉，差唔多30歐

瑞士呢啲地獄物價就唔好計啦