(不定期live) 西班牙讀書歐遊之旅

LM

多謝支持

我係exchange咋，take咗一個西文beginner course咁解，唔係咩語言學校

唔知點解全部都貴

繼續gent根特之旅

(Sorry其實已經係四日前嘅事，依排太忙，盡快補返


結果呢日訓得3-4個鐘，今日大部分景點都會走馬看花式帶過，冇咩精神呀真係，之後要反省下旅行嘅模式


第一座知名敎堂景點，雖然免入場費，但唔知點解係門口就拉條帶唔比我入，望幾眼就走咗，但真係幾靚，可惜





第二站，根特鐘樓，有4層，頂層放住一個巨大嘅音響設備，同音樂盒類似，大大聲係到播，我係樓下嗰時就已經聽到




塔頂景色還不錯，可以值回票價，但不夠好，可能因為天氣唔夠好，另外地面嘅樓遠睇落去比較一式一樣，我都係鐘意Salamanca嗰個塔多啲




成個塔頂無論觀景台同上落都係咁鬼窄，真係只可以一個人行，求神拜佛冇人反方向行過嚟

我見你紅字咋.... 連登冇真絲

第三站，另一個知名敎堂，免費之餘仲有得行下，但我太攰，坐咗係主座堂嗰到閉目養神一陣，幾好訓 請原諒我不敬




嚟到另一個打卡位，聖米歇爾橋，有咩駛使你食琴晚個taco 當lunch？係窮呀！







坐喺河兩旁嘅石壆位，特登起到可以比人坐，非常之好，坐喺度慢慢望住眼前行人同船徐徐行過，間中又有唔驚人嘅鴨仔走過嚟扮得意乞食物，好不快活


一開始都係啲遊客船，之後開始見到人划獨木舟，再之後...
眾目睽睽之下如果翻船就真係7出國際

即將出發去 palma mallorca 帕爾馬，主權屬於西班牙嘅一個地中海島仔，有任何建議或推介歡迎賜教




(上一次比利時都未打完，就又要開始新嘅旅程)

繼續周圍散步，souvenir 店就見得多，但呢到就有一啲特別，有一啲好靚用嚟掛起嘅布，一見到就唔知點解諗起，一啲旅遊達人自己屋企房間嘅裝飾，或者係週遊列國嘅店主返嚟香港開舖，間舖嘅裝飾品

但一見到價錢，係咁先啦




突發！！！
無意中喺souvenir 店尋找到人生終極意義
“revolutionary finding”
“all you need to know”




.
.
.
.
.
.
.
.
.
.
.
.
.
.
.
.

我當年係蘇黎世(aka我覺得最靚嘅地方)見到一模一樣嘅景象，嗰種一大堆細路喺度好純真咁玩嘅感覺，泡泡又賞心悅目，即刻覺得成個氛圍溫馨咗好多





又無意中經過一個市集，我幾鍾意呢啲人唔太多，重視人與人之間關係嘅臨時舖位，周圍都好多手作嘢，同其中一兩間傾下計，應該唔係尋找錶鄉的故事嗰種業餘技師整嘅





嚟到琴晚見過嘅伯爵城堡，要半個鐘後先入得，因為 covid而有人流限制，同香港一樣限50%滿，但可以唔駛同人迫住，我絕對歡迎

又係伯爵城堡對面隨便一間買咗個waffle，比利時真係隨便買舊都咁好食

伯爵城堡，曾經用作好多唔同用途，依加裏面變咗做刑求博物館(即係酷刑)，我呢日訓太少，冇乜精神聽audio guide隨便行下算






可能驚嚇親細路，大部份位都只係用一幅圖嚟表示行刑慘況，冇乜實物睇

其中一幕比較深刻，即刻成個人醒曬，有個類似棄屍井，幅畫雖然加咗隻兔仔，但顯然冇令佢冇咁恐怖


甚至唔理條友死透未，直接將個人拋入去，視人命如草芥，一條條人命受到如此對待，好似畜牲咁，如果仲有知覺，喺井下面望上嚟會係咩感覺呢

其實人類係某啲時間，真係可以低賤如畜牲，即使你有思想、有名字，有七情六慾，但腐敗嘅當權者依然可以忽略曬呢啲嘢，只當人係一件冇靈魂嘅肉塊，同動物一樣，依種輕現人性嘅行為令人作嘔，但可惜即使去到依加，仍會有呢種情況發生

而更令人嘔心嘅係，現實竟然偏偏有人就係可以，有權力亦有能力去踐踏其他人嘅價值，隨便令人被消失，隨便將人棄屍落海，將嗰個人嘅靈魂同思想當作從來冇存在過

push

樓主仲未講到布魯塞爾

拖延症末期

上到去伯爵城堡嘅塔頂，都係唔錯嘅，但衰在有塊板隔住，應該係因為安全理由，但因為咁就遮住咗一啲景色。整體塔頂嘅景色都係唔錯嘅，但始終未去到令我覺得驚艷

另外，之前睇遊記話呢度其中一個賣點係有斷頭台，但依家搵唔到 可惜了








又係時候差唔多離開gent，咁啱行過順便去埋一個應該叫係景點嘅地方，一條塗鴉之路，非常之密集，仲會不斷蓋過舊圖，形成一個更特別嘅一片畫作








轉眼間，搭車嚟到咗布魯塞爾，孭住個大背囊，冇咩心情第一時間衝入去民宿，但即使係咁，一到埗就有個衝動想搵個waffle食，睇嚟我已經染上咗呢個惡習 都係味道幾唔錯嘅

今晚約咗一個喺布魯塞爾讀master既巴打相認 佢推介呢間餐廳一齊去食

Le Bistro - Porte de Hal (Google 圖片)



我自己最鍾意就係食牛又係時候鋸扒了Grilled Rib steak 24.9 歐

味道都唔錯，生熟程度做得幾好，好有肉味，咬落唔韌，但可能因為部位問題，我嫌佢唔夠肥，肉汁就差少少，但整體都幾唔錯




布魯塞爾巴打就嗌咗最經典嘅青口薯條，有提供唔同煮法，但我哋揀咗最普通嘅清蒸，驚會蓋過咗佢原味，結果食落都算新鮮，又可以點下啲醬嚟食

講到明有1 kg，咁大桶都係22€



Rabbit stew in kriek beer 啤酒燉兔肉 19.9€，我本身好似只係食過幾次兔肉，唔記得咗咩味，食兔肉係有啲慘但又未去到抗拒，我見佢menu寫住佢係咩traditional dishes，即管就試下佢

食落似雞胸肉，仲有一陣特別嘅騷味，但未去到羊肉咁樣，都幾有趣，但未必會食第二次

多人住呀，我落去食早餐嗰陣全場full曬咁濟


我諗依家全個歐洲都唔理㗎啦旅遊都差唔多變返正常，所以我諗應該多人房會滿曬，真係有啲風險

個本sex after…真係賢者時間寫出黎嘅

帶住口罩訓教

啲嘢食相好吸引好想食

waffle好似好好食

人生都畀佢睇透咗，本來無一物

基本上我特登講嗰啲，都唔錯

本身唔鍾意食甜品嘅我都愛上咗