(不定期live) 西班牙讀書歐遊之旅

去啲低物價地方真係好鬼爽

恐怖片不了
但羅馬尼亞真係有好多好靚嘅古堡

絕對係

關鍵唔係慳咗幾錢，係你知道我有能力去購買任何產品同埋服務

好似去食咗放題咁樣，即使你食唔曬全部嘢，但你知道全場嘅嘢食你都可以去揀

樓主鍾意飲黑啤既話，可以去Guinness 酒廠，上次我喺度玩左幾粒鐘

除咗入面有得睇點釀 etc 仲有個試飲佢唔同類型既黑啤section,
跟住仲有得俾你斟一大杯黑啤
最頂層係酒吧黎 睇到Dublin個景 都幾開心
好多鬼妹

另外去左

係得咁大，入場費都幾貴
聽聞可以問下啲學生 睇下可唔可以帶你入去，唔知免費定平啲入場費
不過剩係佢間U, 都可以行下hea下既


我都係留過喺Dublin 2日咋 就係主要hea 遊左呢兩個地方

愛爾蘭, 英國嘅青口好好食
大大隻, 價錢又唔係太貴
唔嫌辛苦可以join day tour去睇哈利波特懸崖, 或者北上去睇巨人之路, 兩個最出名的愛爾蘭景點

啲海鮮好食

多謝你呀，我已經去完，返咗嚟西班牙上堂，但呢兩個地方我都去咗，我覺得真係都柏林最值得去咗兩個地方

本來有諗過，但就係嫌辛苦 已經好攰，唔想chur了

太好啦 你有去！
下次有機會留耐啲既話，我都想join tour 去GOT 果個景度玩

始終one day tour唔係太啱我呢啲懶人，如果下次有時間嚟耐啲，可能會揀喺galway住一兩晚，然後去嗰邊

唉，好短暫，其實計計下都差唔多要返香港了

我都想去Galway
會唔會樓主結果返香港先繼續

都柏林呢程應該就返香港先差落咁多條數之後一次過還，隔離嗰陣搞掂晒佢

完咗羅馬尼亞就盡量想變返live

巴定絲呀

你香港出發？返嚟最少隔離14日喎 咁玩得

好快會去法國馬賽，求任何建議提醒


(今次應該live到)

長期檢查，銀包 護照 電話係身

我有個小袋仔，收埋係外套入面，專放銀包護照

真係要
唔好信酒店啲夾萬

食完鴨胸大餐，繼續周圍亂咁行下







入去市中心嘅士多視察物價，大可樂加中薯片，10 hkd左右



差唔多時間，行返入公園條路返酒店了，呢條路真係好正
返到去，係時候開始溫書，轉眼過嚟已經係三點幾，早抖

羅馬尼亞day 5



終於要離開呢間酒店，臨走前櫃檯又沖咗杯咖啡比我 飲住慢慢行去櫃檯推介嘅一間餐廳




餐廳外觀略為低調，但好似有種隱世嘅感覺

牛肉湯，正常發揮，冇上次德古拉城堡附近咁好，但都ok的



蕃茄蘑菇雞扒，舊雞扒本身比較一般，好鞋，雖然有啲汁同埋蘑菇打救返，勉強合格



home make 羅馬尼亞腸，呢個唔錯，我信佢真係自製嘅條腸本身幼身，所以好容易整到好脆口，但入面又唔會因為整得耐而乾曬，good




似乎呢度繁忙時間係會有live show，氣氛好似會唔錯



影多張全家福，再加杯蘋果汁，埋單好似15歐左右，都唔平...

食完飯，call車去火車站返去首都

趕到火車站，我似乎入錯車廂，去咗first class2明明周圍橫睇掂睇都唔似second class，但火車即將開，一時間搵唔到，就決定坐低先


緊張咗一陣，果然之後票務員查飛，嘟咗我張飛之後，就表示有啲問題 好彩，雖然大家溝通唔到，但佢用肢體語言表示善意，基本上就係畀我留喺度嘅意思，真係好人呀






諗返起，好似係我成世人第一次自己坐包廂，只可以話，有錢嘅感覺真好 有一個屬於自己嘅空間，啲行李點放，點坐都冇人理，唔使再同陌生人一齊坐 用一個最舒服嘅姿勢坐喺度望風景，由冰天雪地，去到陽光明媚，羅馬尼亞一年四季景色盡收眼底之下


抖咗一陣，開始溫書，嗰段時光差唔多係近一兩星期效率最好嘅一段時間 好嘅環境($)真係好重要

返到首都 布加勒斯特 其實我兩個鐘之後就要起飛返西班牙 之前提過，因為我臨時決定改行程，由於首都印象唔好(參考我第一晚經歷)，改到最遲嗰日先返首都，搞成咁我冇任何機會去遊覽


雖然兩個鐘後飛機就起飛啦，但我唔甘心！決定執起一架滑板車，向住機場方向踩，踩到咁上下再call車去機場， 叫做遊覽下呢一個城市


但由於我急得滯，差啲喺行人路炒咗一炒，雖然好彩反應快，如果係行斜路咁樣搞佢就出事，真係有教訓了
趕時間好踩滑板車，唔係遲早出事




去到首都第一個，亦係最尾一個景點，凱旋門

你冇睇錯我冇講錯，佢就係巴黎嘅山寨版，睇網上遊記講，唔知咩原因，布加勒斯特有小巴黎之稱，所以有呢一個山寨門，又咁啱我未去過巴黎，睇住先都唔錯嘅


極膚淺咁望咗幾眼，影咗幾幅相，就繼續踩住滑板車去機場沖去










講起，嗰陣我想搵途人幫我同山寨凱旋門合照，但好似係成世仔第一次，連續問四個途人都唔肯，嚴重打擊我自信，對唔住我係大kam撚

認真講，睇途人嘅反應，我估計係兩個原因，第一就係同呢個門合照，喺唔禮貌唔尊敬嘅行為(好似去北韓同金正恩像影相咁樣)，第二，佢地驚係騙案。似乎，第二個可能大好多，咁就反映咗首都呢度，治安的確係有問題


最後，揾咗一個明顯係遊客幫手，終於影到相

係,唔洗就住就住去其他地方有時見到間餐廳高評分但望一望價錢都係算數