(不定期live) 西班牙讀書歐遊之旅

以前去過2-3日咁大把，夜晚感覺的確係有啲危

落街買個飯啫，估唔到會搞成咁，一番波折之後終於返到嚟民宿，已經非常肚餓，上菜！






Carbonara pasta，味道普通，但我覺得堂食會好好多，只係呢道菜唔適合外帶




三色椒炒雞胸，外賣嚟講賣相keep得幾好雞胸偏乾，但個幾正嘅番茄辣汁救返，都可以嘅




磨菇湯，呢個好正 啖啖碎菇，温暖人心


埋單75 lei，約135 hkd，係我可以接受嘅價錢呀






食下食下嘢，突然抽離咗一下去睇周圍，然後先發覺我眼前呢一幕，比到我好大感受

我過到嚟exchange之後，一直有啲若有所失嘅感覺，我依加知係咩了，眼前呢一幕就係我缺少咗嘅嘢，一份飯/麵，一份肉加少少菜，加碗湯or野飲，正正就係我喺香港，每日買外賣返屋企會食嘅野，然後係自己房開住動漫/youtube 或 Netflix，平時喺香港好普通嘅事，宜家諗返起，其實可能係我每一日最舒服嘅時光，但依家就好少有機會可以做到


喺西班牙，第一飲食習慣唔同，第二，最重點係貴！好難可以做到買正餐返屋企食


就係呢種感覺了，如果舒適圈叫做comfort zone，我依家就自創一個名叫做comfort time，去形容呢一段時光，唔知有冇係外國生活過嘅巴打明我講乜

唔係話同台灣差唔多物價? 做乜外賣都食到百幾蚊HKD..

我之後會提到，畀台仔blog呃咗 去啲物價網睇過，bucharest嚟講出去食嘢嘅物價只係稍平於香港

同埋嗰陣全部地方閂曬，得佢開，獨市生意係貴啲

睇135 hkd可能都覺得貴，但如果變做歐羅咁諗，9歐有咁多嘢食真係奇蹟嚟

day 2

今日一起身又比房東搞


本來約好咗11點佢上門收錢同搞check out，去到11點半 wts都未覆機

之後佢阿媽嚟執屋，但一句英文都唔識，完全不能溝通，最後都要等房東聽電話先搞得掂，我離開民宿個下，已經係11：55，差唔多成個鐘，咁就成功miss咗一班火車
忙住湊細路就唔好搞民宿啦



衝緊去地鐵個時，經過間雜貨鋪，身在異鄉竟然畀我見到你，係我細個最愛嘅彈彈波呀 可惜冇散紙，唔係我一定會買個，然後周圍彈到唔見咗為止




一入到地鐵站，其實係真係比我想像中更加舊，講緊呢度係最近市中心嗰幾個地鐵站，嘅其中一個入口，仲以為係咪入咗工地 衛星國時期搞出嚟嘅嘢，直到而家都仲未收到尾，唉

入咗閘，行到入地車站路軌個層，周圍的確係明顯畀入口嗰度好咗，其實都算叫做乾淨，但周圍嘅設計同氣氛真係成陣共產時代嘅舊時代產物氣息




去到中央火車站，個入口頹到我以為行錯路




但入到去，其實唔錯 唔係好奢華或者好有藝術氣息，走簡樸風，都幾靚 (唔計又畀人問i need help之外)

旅費點籌備

成功真係miss咗班火車去sinaia
無計，等下一班期間就周圍逛下

入去m記視察下價錢，所謂Big mac index，睇當地Big mac賣幾錢，就可以反映到當地出去食嘅物價水平

23 x 1.8= 41.4 hkd一個巨無霸餐，我好耐冇入過去，就唔係記得好清楚，應該都係40頭，反映咗我頭先嘅結論，首都嚟講，出去食同香港差唔多價錢





始終人生路不熟，驚離開火車站會miss咗班車，所以隨便喺火車站揀咗間快餐，雖然係快餐，但賣相睇落都唔錯㗎





除咗this this this 係廚窗揀咗啲嘢食，指住上面個招牌揀多咗碗湯，又係賣相只供參考嘅例子

應該就係東歐同俄佬嘅羅宋湯，有啲似我當年喺香港食黃店東歐餐廳嗰碗湯嘅退化版

標準快餐格局



我喺廚窗睇嗰陣，以為係燴飯 仲要攞上手都仲未發覺，放落口第一下先驚為天人，菜嚟嘅


正皮： 第一眼又真係有啲似飯
負皮：樓主on9，一睇就知係菜


腸同埋雞胸都相當之唔錯，全部加埋 五十幾hkd

冇架啦三條路

第一，標準官方口吻，就係努力讀書，有好多for exchange嘅獎學金

一係就係打工儲錢 一係職業兒子

上車了，自己一個hea下望下景，舒服



但好快就被打破咗，對面條仔着住動漫T嘅都有靚女攪住 係咁放閃



到sinaia火車站，周圍有種好原始好自然嘅感覺，傳說中嘅小鎮feel

望到個路牌我就絕望了，要喺度慢慢踩上去



踩完樓梯，原來只係開始，睇返google map先知，原來要行上山近半個鐘先去到 我已經孭住我個大背囊，仲因為遲咗班車要急住去，急步行到抖唔到氣咁濟

睇圖就知真係斜㗎




好彩又見到疑似流浪貓，治療下



我幾滿意呢張相 捕捉到好溫馨嘅一幕

行到身水身汗，終於到達重要景點
Peleș Castle ，好靚好靚


佢1615收，我1605先去到買飛，職員免為其難放咗我入去





入口已經震驚到我




真係我參觀過最靚嘅城堡，沒有之一 我唔係太鍾意嗰啲太重宗教意味嘅藝術裝飾品，又唔太鍾意太耀富嘅成間屋金銀色，呢啲實木色最端莊最有古典氣息，正到 我睇佢啲簡介，呢度用嘅木材全部大有來頭，全部都係歐洲唔同地方特登搵過嚟







呢間房就係當年嘅最高領導人喺度開會，並呢度決定喺一戰做中立國





其實仲有好多好靚嘅嘢，但冇得畀大家睇了，我影相影到一半，先有職員同我講話唔畀影相，除非你畀40 lei影相費 如果你話因為影相會影響到個展品，我當然會即刻收埋相機，但原來純粹係想賺你一筆，不了


另外，正如我頭先提到，我閉門前十分鐘先入場，結果我慢慢變咗最後一個客人，慢慢我見到越嚟越多職員喺後面跟住我，心諗使唔使咁多人捉我影相呀 再留意多一陣，先發覺原來我係阻住全世界收工嗰個


同其他大型建築物一樣，佢有好多間房，每間房就一個職員看住，然後因為我係最後一個，每當我行完一間房，嗰間房嘅職員就會同我離開之後熄燈，然後跟住喺我後面


如是者重複咗十幾次之後，十幾條友一邊跟住我一邊望住個熄燈掣，畀我極大心理壓力

即刻冇曬興致，急急腳行返出去算。其實諗返起個場面真係幾好笑

城堡外面周圍逛下，好可惜我冇多啲時間入去參觀，真係好靚，非常值得有多啲時間入去體會，融合咗多種建築風格





正門係某國王嘅雕像




見到城堡面前有個池仔，就扮下大攝影師影創意倒影相



再見了

沿住條路行落去，見到有個市集，雖然我去到已經收緊檔，但仍然可以feel到，應該係一個氣氛幾好嘅地方







又係時候買磁石貼，估唔到連磁石貼都有歷史人物，一定係好有影響嘅人，突登上wiki睇返，呢個人就係羅馬尼亞前總統，衛星國時期嘅獨裁者，尼古拉·壽西斯古








唔知係咩嚟，但見8 hkd一袋，就即管遲啲試下

跟住我問下老闆娘，點樣落返火車站會快啲，話曬咁鬼遠，佢同我講之後有一個分叉路，記得要行右邊，因為左邊有bear problem 佢見我咁大反應，就知係我聽錯，然後老闆娘好風趣咁，做一個小鳥飛嘅姿勢，原來係Bird problem呀

夜幕降臨，城堡打咗燈之後又有另一番風味


肚餓了，喺城堡附近周圍僅有嘅幾間餐廳，揀咗一間google map評分最高嘅，睇佢嘅格局同埋位置，正常嘅我喺可能會敢入去，而家我可以隨便人一間餐廳嘅感覺真係太好了

名： Carol Gastro Bierhaus

(google圖片)



真係cls，大家feel唔feel到呀，呢間中檔餐廳個feel真係無敵，黑暗中一張枱，有幾盞燈照住，成個氣氛我只能用完美來形容，我成日講一個人嘅浪漫，眼前就係極致

German pumpkin soup with ginger，我睇Google map評論最多人讚嘅嘢，的確係唔錯，我本身唔算鍾意南瓜都覺得好好飲





Spare ribs with French fries and sauce，店員話係呢度嘅招牌傳統菜，咁就聽佢講啦，佢賣相係令人食指大動，但食落就喺正常水平啦，同埋我硬係覺得有種好美式嘅感覺 雖然飲食文化呢家嘢成日都會互相交融，唔深究啦




亂咁嗌多咗一杯手工啤





埋單好似12.5歐左右，飲飽食醉之後，真係唔想好似上嚟嗰陣咁行得咁辛苦，加上而家冇乜街燈，夜晚真係有啲危險，所以決定叫店員幫我call車

點知架的士兩分鐘後就嚟咗，正餐就食完，但本身諗住hea住飲埋啲手工啤先，但費事司機等，唯有攞住支啤上車啦，小小美中不足的地方，最尾要趕住走



有種離地中產嘅感覺，唔錯

的士埋單都係三十幾hkd，平到喊，我之前做乜咁辛苦，行半個鐘捱上山呢....

孭住d家檔上山睇城堡仲要last minute搞到全部職員吊你尾畀壓力你. 成件事好
反而個餐睇落去唔錯

係冇街燈嘅黑夜中坐住的士穿梭呢座城市，有種好安穩嘅感覺，就好此狂風暴雨嘅時候，你坐喺自己屋企望住街外嘅感覺 低物價嘅感覺真係太正，為所欲為呀





飲住頭先支手工啤，慢慢等架火車，月台標誌好難明，擾攘咗一陣先搵到



上到車，對面阿伯仲係呢個時代嘅電話



到達另一座城市，brasov 布拉索夫


火車站內部

今次唔叫的士，試下call車apps，真係驚為天人，15 hkd就由火車站送到我去酒店門口 香港起標價都唔止啦

發現面具巴成日夜媽媽飲酒 小心啲啦
雖然我酒量唔算差 但人在異地完全唔夠膽喺街飲酒
硬係形住會死咗都唔知咩事
可能因為我冇j

我酒量都係普通，但飲一兩杯唔會有咩反應我會適可而止，多謝關心

其實我唔係啲好愛酒嘅人，只係純粹嚟到歐洲之後，買酒平好多所以先嗌

入到去有好大驚喜，係我住過之中最好嘅酒店之一，咁都只係 311 hkd 一晚，抵到爛

開名表揚： casa moritz
任何人將來有機會去Brasov，都絕對推薦你揀呢度



張床好鬼舒服








仲有一個高科技又方便嘅溫度調節器，只要你較咗一個理想溫度，佢就會自己幫你開暖氣或者冷氣



出面仲有一個勁大嘅露台，望住樓下個大公園，超市買咗支100%純蘋果汁(聲稱)，再扮下嘢倒入紅酒杯度，坐喺出面呢度hea下，呢啲先係屬於人生





試下頭先喺sinaia市集買嘅零食，冇咩特別，入面構造似仿製金莎