(不定期live) 西班牙讀書歐遊之旅

我有叫佢搵大使館，但佢話Valencia冇，得馬德里同巴塞有，我google下又真係喎

但我當時諗唔到報警，真係蠢咗

其實嚟個情況，如果唔係因為我趕車，我會揀陪佢去火車站買飛，始終都驚如果佢真係要幫手，我唔幫佢就真係好慘

幾年前我係銅鑼灣皇室堡 對出，有個大陸人同我講話佢唔見咗銀包，第日會有朋友嚟接濟佢，但依家冇錢食飯，想我畀四十蚊佢買m記，我考慮咗一陣，嗰陣條友仲好nice同我吹水，但係當我應承佢，但要同佢一齊去買，佢就突然間話唔使，就走咗去

再耐啲之前，我仲細個陣都遇過一次，當時直接畀咗錢佢，唉唔想提

天下烏鴉一樣黑

冇提WeChat 或 支付寶

如果佢提一提，我就會即刻諗返起佢電話根本一定有錢

除非佢即場過畀你, 唔係唔好信. 之前有個巴打踩單車去西藏, 都試過咁俾人呃錢.

呃人confirmed 巴打唔洗內疚了

咪係 真心想借錢嘅話緊係佢過錢比人先
大家三唔識七點都應該show返啲誠意先啦

多謝你輕鬆曬安心訓覺去

二百幾蚊算幾好
如果兩個人住先百幾蚊

唔使考Ielts 先過到去西班牙exchange ?

¿Que tal amigo?

Me gustaría viajar a España y tomar un curso de español en el año que viene... posiblemente en junio
Visité Sevilla hace 3 años y llevaba 12 semanas allí para estudiar español... los días fueron super fantásticas!!!

去過布拉格姐 依家人在香港

冇預 唔敢計 返到嚟香港就會知

喺好呀，雖然我呢一程自己一個去，但呢個價位都相當唔錯

但應該只係咁啱特別平，我check番同一間酒店其他日子，都貴咗一倍

Salamanca 平均房價冇咁平，如果想嚟呢度，預budget唔好預我呢個價位

早晨，今日繼續去科學藝術城嘅水族館，淨係全歐洲最大型嘅水族館，我就有少少保留嘅水族館正門嘅設計同其他科學藝術館嘅建築比略為失色，但都唔錯嘅



有三樣嘢可以加錢買

audio guide淨係需要一euro，然後就可以scan qrcode佢聽，抵啦

跟住4d電影3 euro，雖然有啲不滿收咗咁貴入場費都仲要加錢睇戲，但4d戲好少睇，算啦照殺你


通常入一個地方，最先經過嘅就係紀念品店，行勻成間店，最得意就係呢一隻嘢，但都係唔及得上ikea嗰一隻

喺紀念品舖隔離就整一個迷你魚缸先，通常得細路先有興趣，呃啲細路去睇魚，然後就同家長嘈住要買公仔真係識做生意







嚟到畀咗三蚊去睇嘅4d電影院，得西班牙文，但唔緊要啦主要都係享受個效果




準備開場 上次睇4d戲好似已經係幾年前自己喺台灣自己過生日嗰日



套戲叫shark，循例都係得閒整啲水嚟嚇下你，本來都有心理準備，但有一下，喺條鯊魚撲上水面咬死一條魚，除咗噴水之外，背脊張座椅都好似啲按摩椅咁打咗我一下，個下真係嚇死，前排有個細路嚇到彈起咗

呢套戲個3d效果唔強，但取而代之嘅係非常高清嘅畫面體驗，我覺得咁樣好過香港嗰啲3d電影。另外，呢套戲過份妖魔化咗鯊魚，其實一年唔係咁多人真係畀鯊魚所傷，係咁樣播啲鯊魚恐怖嘢其實我覺得唔係幾好

海洋公園有咁識做生意就唔使執.

好奇一問，點解疫情未完都去到exchange?

睇完鯊魚戲，梗係順便去埋鯊魚館


同好多有規模嘅水族館一樣，一定有一條管畀你行下海底，睇嚟大家都好清楚呢個係打卡位，全場人逼滿曬呢條管裏面 可能因為太迫，其實畀我嘅感覺唔算特別，啲鯊魚都係咁樣樣，周圍個水箱嘅容量又唔夠大，冇一種真係喺海底嘅感覺









跟住係雀鳥館，好似個穹頂結界咁樣罩住自己，咁就一世，啲魚起碼望唔到海，會以為佢身處嘅地方就係全世界，但啲雀日日望住個天空卻冇得飛出去，其實都幾慘


唔記得係乜嘢雀，但係企到咁樣，搞到我都下意識幫隻腳做咗幾下拉筋


唔知咩雀，見你咁畀面望鏡頭所以post你出嚟啦



諗返起我喺香港自己屋企自己張書枱嘅坐姿日日畀人屌攣弓蝦米

冇架，你堅持要去冇人阻到你
睇下你自己間u行咩政策囉

唔該巴打

趁呢個sem追下GPA先

明白 唔該曬

希望巴打一切順利 繼續支持

繼續 嚟到水母館

唔知點解影到好似啲細胞圖咁樣，好似幾型








跟住嚟到重頭戲，海豚表演，表演場地幾開揚舒服，但見到外圍啲舊樓就扣少少分


首先開場都係正常程序，專業人員喺水邊撚下海豚先



跟住開始叫啲海豚跳上水，轉下圈咁樣，見周圍啲外國人都睇得好開心，但老實講就唔算特別，始終海洋公園都已經睇唔少



開始玩高難度動作，兩隻海豚推住條友去池嘅另一邊



揸住海豚兩條魚鰭，玩跳舞



指揮住海豚不斷左右來回衝落水，水行俠咁



總結，作為重頭戲，其實有少少失望，唔係唔好睇，但只係冇一個好興奮好新奇嘅感覺，可能都係因為香港海洋公園都睇過下，海豚表演又好難表現出啲咩特別花樣