(不定期live) 西班牙讀書歐遊之旅

即將飛都柏林，任何建議歡迎留低

仆街，好似真係似維尼多啲
辱華真係人生必經階段

感覺依D價錢食肉都好易中伏

明明Google map同官網都寫五點半最尾一班，一去到纜車站，四點半嘅

好彩我四點到，仲上得切，但就要即刻落返嚟




踏上纜車，周圍全部起曬霧，乜都見唔到，但真係到越嚟越凍，即刻着多件衫先





我冇眼花，係雪呀！！

睇落去似碎冰多啲

興奮完之後再諗一諗，睇呢其實唔係真係落雪，睇我近一兩日嘅相，都見到呢到係咁落雨，其實應該係地下嘅積水凍成雪，而唔係天上落緊雪落嚟，冇雪花睇的



山上訊息極差，Google map都幾乎用唔到。

行行下，望住唔知通去邊到嘅前路，突然感受到危機意識，因為我太遲先上嚟，基本上成個山頭得返我一個，呢度周圍地下又非常跣，其實有少少危險




開始有啲驚如果miss咗等陣尾班車，滯留喺呢個山頭一晚真係死梗，決定再行前少少睇下前面有乜嘢，冇嘅話就回頭先啦，早啲返車站好似穩陣啲

應承自己行多一少陣，點知又比好奇心驅使，越行越前開始見到啲唔同嘅嘢，一個疑似觀景台嘅物體



可能因為呢個城市冇啲靚嘅建築物或者好好嘅城市規劃，高處望落去個城市景觀唔算特別好，但唔緊要，本身都鍾意去高處睇景，呢到勝在夠高，仍然係幾唔錯嘅一個地方



風景

自己一條友，呢啲地方跣親都無人知

都柏林好悶 監獄要早啲book

收到，但冇諗住去
依家好似同疫情有關，差唔多全部 museum都要book咗先

識唔識到女

享受完個靚景，可惜其實心裏面一直記掛住尾班車，企咗一陣，就急急腳準備回程，真係滯留喺度就大鑊了


行行下，又見到成地雪，終於有一種冰天雪地嘅感覺，行每一步都有腳印，感受到嗰種對鞋踩落咗啲嘢嘅感覺 但都係可惜實際上佢冇落雪啦

貪得意擺隻手喺長凳感受下，點知佢下面全部都係污泥 本來預計雙手會染上雪白色，結果黑色就有份 其實積雪真係唔係乜嘢乾淨嘅嘢，雖然我一早就知









係我成世人第一次見野生狐狸，睇睇下雪，突然有兩三隻嘢圍住我，我唔知佢係當我係敵人哋係食物，定係其實等緊我餵佢 其實係幾得意嘅，好想摸






繼續急急腳沖返去纜車站，我好驚訝竟然見到仲有一批人，啱啱喺纜車站咗出嚟，我好心提佢哋，三個字之後就尾班車喇喎，小心啲喎你哋，但佢真係好似唔驚喎，咁就真係祝佢好運了


可能係我太精神緊張，早咗好多就去到纜車站，咁冇嘢做就係纜車隔離個平台望風景，個服務員唔識英文溝通唔到，但好熱情咁指住纜車格離，叫我望下景啦，呢個景好正



我自己一個企咗喺度好耐，的確呢個景絕對唔差得過出面，慢慢挨住個欄桿又唔使揼雨，喺呢片迷霧之下，後面呢個城市有濛濃美，若影若現咁，再望住眼前呼出嘅霧氣，又開始咗思考人生mode，轉過頭來我後面已經全部都係人，包括頭先我好心提佢哋嗰班人，架纜車都準備開了






再見了，雪境

樓主真係好鍾意翻炒伏過既野

搭完纜車返到去山腳，經歷完落雨同雪山嘅洗禮！其實真係幾凍，全身有啲發冷 一出纜車站就見到隔離有間餐廳，環境睇落相當之唔錯，似中檔餐廳水平，唔講咁多直接入去食啲嘢，要保暖呀

羅馬尼亞呢度最大的好處就係，唔使睇餐牌都夠膽行入去







我咁凍嘅情況下，最佳選擇一定就係即刻嗌碗熱湯 繼續揀咗我最鍾意飲嘅蘑菇湯


可能因為同我好凍有關，湯真係非常之好飲非常足料啖啖都係蘑菇，面頭仲有我最鍾意嘅黑松露，而且仲會將黑松露放喺一塊餅嘅上面，令到黑松露唔會放到周圍都係，非常好 慢慢一啖一啖吞落肚，成個身開始溫暖返


呢種一冷一熱嘅感覺，就好似你喺屋企將冷氣開到最大，然後再搵張最厚嘅被嚟訓，享受著這個人慢慢變溫暖嘅感覺





飲住湯抖一陣之後，原來個天已經黑咗，影多一張呢間餐廳嘅名，有興趣就自己search下，入夜之後呢間舖嘅外觀睇落仲靚咗

下一站，嚟到黑敎堂，Brasov 最地標性嘅景點一，係因為一場大火燒黑咗佢嘅外牆，因此獲得呢個名號




又頭先飲湯hea得耐咗，結果搞到黑教堂差唔多閂門先入到去 有啲唔好意思搞到，我一個人阻住佢哋收工，但其中一個職員仲決定親自帶住我一對一遊覽，好似private tour咁樣你真係非常之好人呀



當年起呢座教堂嗰陣權力最大嘅人，佢哋嘅墳墓同雕像都放曬喺度




敎堂內部基本上就係咁，大火燒完之後教堂內部基本上冇咩淨，淨係得番外牆，所以內部經過大規模重修之後，好明顯係新淨靚咗好多

之後職員用咗好多時間，同我講圖二 正前方嗰啲壁畫，可惜我冇乜心情聽，真係對你唔住

下一站，嚟到黑敎堂，Brasov 最地標性嘅景點一，係因為一場大火燒黑咗佢嘅外牆，因此獲得呢個名號

之後職員用咗好多時間，同我講圖二 正前方嗰啲壁畫，可惜我冇乜心情聽，真係對你唔住

如果本身無信仰, 又對個歷史唔熟, 興趣又唔大, 佢講一大堆人名地名故事出黎, 真係會聽到瞓著.

真係呀，仲要成地雪水，一跣咗落山真係等執我屍

冇乜

呢一個係洗禮儀式用嘅杯，佢係極少數係大火後幸存嘅杯，令到佢更加珍貴，時至今日，好多想洗禮嘅當地人都係仍然用佢進行儀式


雖然佢好隆重咁樣圍住佢，令到個杯更添神聖感，但用一個更加有歷史嘅儀器，一個更貼近耶穌時代嘅物品，其實有冇啲乜嘢實際意義呢







呢度又係大火之後少數幸存落嚟嘅嘢，原本呢度先至係大火前嘅教堂真正嘅入口


佢中間呢個耶穌像嘅設計 祂嘅雙臂延伸到門嘅側邊，每一個行入去嘅人都會經過佢嘅雙臂下，象徵著舊時每一個入去嘅人，都會受到耶穌嘅擁抱同埋祝福，令我感受到當時的人，究竟將宗教當成幾強大同唯一嘅寄託，先至可以諗到啲咁嘅嘢出嚟

雖然我唔同意將宗教作為寄託，但係感受到呢個咁強大嘅信念，都係令人尊敬







又係大火之後少數幸存落嚟嘅嘢(應該真係全部了)，兩個迷之雕像，比人燒燶咗之後認唔到

行得七七八八，同導賞員吹左陣水，原來佢喺韓國讀過幾年書，識韓文同埋都識少少普通話，所以都唔怪得佢英文都好好，係一個好國際化同好nice嘅人，喺羅馬尼亞嚟講絕對係人才，佢值得做比導賞員好好多嘅工作 可惜唔記得咗同我影張相，非常後悔

跟住佢問我鍾唔鍾意 Jackson wong，我load咗一陣，原來喺 chinaman，不了 但係講真，有一個新世代嘅香港藉藝人，可以畀羅馬尼亞人嗌得出名，都應該叫值得開心嘅


黑教堂配黑夜

又係時候覓食，今次係TripAdvisor搵咗一間唔太多人評分，但評分好高嘅餐廳，佢雖然都係喺舊城區中心，但係收埋喺一條巷仔裏面，揾咗幾次先搵到佢

餐廳名：Ograda






今次嗌咗個燒鴨胸，平時好似冇乜食過鴨胸嘅正式料理，今次一於就試下 賣相就滿分啦，個生熟程度都唔錯，唔係熟曬好難咬咁樣，又重鴨味，再加埋燒香咗嗰塊皮，同舊肉一齊放落口 但係，當食到第二舊嘅時候，就開始有啲單調，一大一大啖鴨肉有啲dry咁樣，但整體都唔錯嘅



特別之處係伴碟，你以為係薯蓉？ 佢係蘋果蓉 好似冇食過啲咁嘅嘢，感覺極之奇怪，唔係話唔好食，但真係難以評價




隨便再影下周圍環境，成個環境都好靚




唔記得咗放大佢影，佢分男女廁所個標誌好得意

點解會揀羅馬尼亞

人地係畀你一啖鴨一啖蘋果蓉咁食

唔想下下去啲好多人去過嘅公廁地方 同埋想去下啲冇咁大路嘅前蘇聯衛星國

一齊食同分開食我都試過，真係好奇怪呀

只要佢有可取之處，我就會覺得純粹我唔好彩，揀得唔好

詭修女城堡