(不定期live) 西班牙讀書歐遊之旅

補充返一啲唔知邊度講好嘅小細節

第一件： 去完嗰個貝利韋爾城堡，準備離開嗰陣，突然間有幾個華人樣走嚟問我係咪中國人

我話我係香港啦，佢哋都冇惡意嘅，仲問可唔可以一齊行

聽佢哋講返，頭先有條友想同佢哋唱錢，佢地一攞大紙出嚟換，就比條友就搶咗，追咗幾條街先攞得返

我自己就冇遇過啲乜嘢，但睇嚟即使嚟到呢度，都要小心啲治安


第二件：深刻體會到，palma部份車路係真係可以好窄


有次坐巴士返酒店嗰陣，去到一個大轉彎位，嗰條路有得兩條線之餘仲要好窄，親耳聽住我坐緊架巴士同對面線嘅巴士擦身而過，仲擦出咗啲毛骨悚然嘅聲音 仲以為會炒車，或者兩架巴士停低之後司機對鬧

坐隔離個阿叔見我咁震驚 但又語言不通 就伸咗個手指公畀我

睇嚟呢件咁痴線嘅線係好常見 以為香港都已經算迫


無聊嘢講完，palma mallorca之旅，完！

今日又係我最尾一日喺羅馬尼亞，最尾我都係live唔到 返西班牙後將會盡速出街

羅馬尼亞五日四夜之旅


前言 (9 up)


講起羅馬尼亞，我呢啲井底蛙其實真係冇乜了解，細個一直以為佢為羅馬嘅台灣譯名，某一日碌Google map先發現原來佢係另一個國家


去之前嘅我，基本上得幾個印象，第一就係最公廁嘅德古拉古堡啦，第二就係衛星國解體，羅馬尼亞1989 革命，第三就更加無聊，係呢個.....



布加勒斯特 bucuresti，羅馬尼亞首都，其實我一直覺得佢好似鋼煉嘅地圖，係咪排緊搞國土練成陣

又見面了，壞人航空，今次皇恩浩蕩，佢編咗窗口位比我，隔離位仲要冇人







即使近排開始常搭飛機，窗外嘅景仍然都係震撼到我，幾萬尺高上之上嘅景色，人類原來隨便交低幾百蚊就可以見到


有時我都興幸我仲保留返，細個第一次見到飛機景色既震撼，一望無際，望住最遠嗰個地平線，甚至開始可以想像到，地球原來真係可以喺一個球體，好神奇呀






大約飛到估計巴塞對出片海左右，海面有好多白色一粒粒嘅嘢，佢唔係窗外既塵，喺真係片佈整片海，有冇高手知道係咩嚟





開始埋頭做嘢，轉眼間就準備到埗了，比大家一張，夜晚嘅布加勒斯特

出發前搵唔到lei去換定，即係羅馬尼亞貨幣 (冇錯，Romania唔係歐元區)，一路少少驚驚地，點知仲未出境，連行李輸送帶都未到嗰陣，就已經有找換店，雖然預咗比佢食匯率，但都唱少少傍身




一出到境，原來周街都係銀聯atm，真係唔駛驚撳唔到錢




機場入面竟然都有家樂福，一見到價錢真係好感動，呢隻雞脾5 lei左右， hkd to lei係1.8，即係隻雞脾 9 hkd左右 連香港都搵唔到咁嘅價錢呀




扮健康買咗支維他水，都係5 let左右，我係歐元區太耐，差啲唔記得咗應有嘅物價應該係點樣，呢度係咪天堂
之前睇台仔網誌，話物價同台灣差唔多，唔通竟然真係咁！

民宿屋主建議我call的士去，機場出市區10歐內




呢舊黃色野，就係幫你call的士用，操作好簡單，幾下就自動幫你call咗，印比你張飛會寫住車牌，然後一兩分鐘後就有架的士等你，非常好


到埗民宿，的士56 lei，佢收咗我60 lei之後就笑笑口講bye，借啲意唔找錢，dc9

但周圍夜闌人靜，費事同佢起爭拗，只好唔同佢計啦




行到所顯示既地址，出面已經有個咁型嘅logo，一行入去，眼前出現好似好氣派咁嘅大宅，唔通....我竟然住係到？！


咁就當然係我諗多咗啦，冷靜D照下鏡, 望下自己個樣，入口係隔離條巷仔裏邊呀

港紙大約300，行10-15分鐘到中心位，周圍環境都唔差，出面有個細公園仔景，廚具廁所等等都俱全，硬件係唔錯


但，房東本人比咗我一個唔太好既體驗



大家都知香港人冇乜用暖氣嘅習慣，所以我都唔係好清楚部暖氣機係邊，就wts房東問下，佢講得一舊舊，一時話左一時話右，問題係佢冇講面向咩方向嘅左右，咁點分呀


跟住，佢突然直接打比我，本來以為佢係諗住親自講清楚，仲諗住幾nice，點知佢開口第一句就係 「are you making fun of me ？」

我呆咗，唔識比反應，然後佢重覆咗幾次，我先講得出個no....字，我都係第一次住民宿比人屌，唉，個下即刻灰曬，禮貌咁問你間屋嘅設施點用，唔過份啫？


但其實，我電話背景聽到bb喊聲，我知道照顧bb係辛苦，但難聽講句，與我無關

到埗民宿安頓好(同比人屌完)之後，已經係夜晚10點左右，可惜我lunch都未食，依加即刻出去中心區覓食


我住嘅周圍應該係中產區，治安明明應該係ok，但總係有種不安感揮之不去。雖然平時9下9下，但一個人獨遊嗰時，成個感觀會敏銳咗，果然我冇預錯，第一晚就真係有事發生


是咁的，簡單講就係比乞衣跟蹤，好彩最後冇事，我都知未必有人想睇咁大段嘢

一離開中產住宅區，去到空無一人嘅大街，見有兩個途人係到大聲吹水，然後其中一個上車走咗。剩低一個，見到我之後就即刻跑過嚟，話咩can you speak english？ I need help！之後就聽唔明了，好似背定稿咁，冇啲誠意 臨時演員都係演員，比啲感情好冇



咁都算，最嬲係佢明明同個有私家車既friend大大聲吹完水，跟住仲走嚟揾我乞錢，你個friend呢？你地吹水大聲到街尾都聽到，你當我耳殘定眼殘？呢下真係嬲


於是我就有啲嬲咁拒絕，然後直接轉身走啦，但好快發現，條友係到吊住我尾，唔通我激嬲咗佢？

連登仔本性出曬嚟，又要嬲又唔敢當面講，即使當面表達完情緒又會即刻淆底，當初霸氣蕩然無存



一邊扮影相，一邊偷望嗰條友，呢個情況下算影得幾唔錯啦



第一次，喺旅行期間手震住咁上Google search 「romina police number」(喺，我連國家名都串錯)，但冷靜少少諗返，除咗機場，我一路上係冇見過警察同警車 跟住我好快就打消咗呢個念頭，唯有靠自己了


周圍真係一個途人都冇，大撚獲，影相之後第二招，踎低扮绑鞋帶，條友真係明顯放慢咗腳步，今次真係仆街了


呢個時候，我突發奇想，用咗一個有啲好笑嘅方法脱險
我踎低嗰陣，見到對面行人路泊咗一架共享嘅 scooter(滑版車)，個牌子仲要我有用過，跟住我用自己身體遮住，扮無乜嘢，實際上開apps解鎖，然後9秒9衝過去開車，成功脱險 仲不忙回頭望咗佢一眼

一翻波折之後，成功抵達舊城區，雖然我唔消楚，但我諗呢到應該係最旺嘅中心區之一，但實際情況卻係有啲冷青，最大問題就係好侷促，冇一啲好開闊嘅空間

Google map啲營業時間又完全唔準，實際上全部店鋪閂曬，唉，搵啲嘢食都咁難






難得搵到一間有開，終於有嘢食了，雖然我唔想到步第一餐食意大利嘢，但唔理咁多了，依家肚餓！！


外賣自取返去食，回程我行咗另一條路返民宿，特登兜咗一大個圈 沿途又有兩個人問我攞錢，都係i need help連對白都一樣，其中一個仲揸住打開咗個飯盒，裡面裝住一啲白色漿糊狀嘅嘢，極度可疑

今次直接冇理佢行走，係work的





貓仔好彩有你治療一下我，可惜我冇咩可以比到你

乜羅馬尼亞咁唔友善嘅估唔到喎

東歐乞衣咁狼
萬事小心

東歐夜晚出街，尤其一個人真係要小心
其實之前都成日見你夜晚周圍走，覺得你好勇

最緊要人無事

你真係好大膽，獨遊都唔驚出夜街，有無練返幾招自衞術傍身?

樓主個外表應該幾易恰

依家入境洗唔洗驗野？

易唔易恰唔知
但係約到絲打 個樣肯定溝死女

去程唔駛，回程要，睇去邊到，煩到喊

倫敦都唔敢夜晚周圍走

你好似成日都遇到d咁嘅事[sosad

見過樓主真人 表示同意

好彩走得快

我平時都係鐘意自己夜晚行街，鐘意個感覺，習慣咗

多謝關心
之後會小心啲，如果再有啲不安嘅預感會即刻走，唔會再拖

人無事人無事