(不定期live) 西班牙讀書歐遊之旅

嚟到下一個景點，聖斯德望修道院 Convento de San Esteban

學生入場費好似只要3歐，我都略略知道呢度係Salamanca 一個好重要嘅地方，但當下心情已經暫時唔想行教堂，有種好心煩嘅感覺，唔鍾意不斷一早有目的咁去一個地方，唔鍾意同啲旅客迫埋一齊，所以咁就無謂迫自己，門口打張卡就算啦




繼續周圍逛下呢座城市，不斷跑景點始終唔係我style 自己一個嘅最大好處就係臨時改變決定都冇後果

我發覺我嘅崇日傾向都幾嚴重，喺街邊見到呢啲日本嘅文化符號，我竟然會跟住自豪我係日本人呀hi

另外 yoda 又意外地同壽司老師傅個形象幾夾喎有少少想買返件

樓主咁有錢做廢青半年

可能係西班牙賣屎忽我地唔知

之前係貝殼之間圖書館睇嘅嗰本書，提到Salamanca一樣知名嘅傳統食物，叫hornazo，仲要咁啱係要喺星期一食(我臨走嗰日就係星期一)

周圍行下嘅時候畀我撞到呢味菜，雖然4.5歐少貴，但都試下啦 間鋪門面都好似好勁咁樣

哇屌，你唔洗瞓？

Lm

今次記住帶鎖匙，唔好夜麻麻流浪街頭

多謝支持

要 想盡快打埋佢
今日仲要八點半堂

今日最後一日係巴塞，之後去德國佢 d tapas你問佢係有得揀，個次又嗌飯，又嗌蛋餅盛，計返條數一定平過街外其他野（唔計美資三巨頭m記，kfc同burger king,我覺得呢度出街食呢三家最平，大城市更加明顯，其他歐洲國家無咁誇）

你本身對西文有興趣?

Lm

唔識西班牙文好難問佢有冇得轉呀

多謝你呀，咁耐以前都仲記得我 令我以前寫嘅遊記可以留番低一啲意義，有一種無形嘅意義


其實我諗過開新ac寫呢篇遊記算，始終驚自爆，但最尾用返呢個ac其實就係想睇下，搵唔搵得番以前有睇我遊記嘅人一齊吹下水

sorry呀我好似唔記得你，你係改咗名定係你當時冇乜留言？

呢啲7事就粉筆字抹咗佢 希望唔會再出事啦

多謝

我一直想學，但主要都係因為前途，想自己競爭力大啲，真係講興趣嘅話其實冇乜

我都知我咁樣唔掂，諗住遲啲開紙房子嚟睇下之後再研究下其他西班牙文化嘢，試下培育到興趣

lm支持

唔好意思搞到篇遊記斷下斷下咁樣琴晚又瞓著咗 未講曬全部

差唔多要離開了，我走咗去 Roman bridge of Salamanca 橋底食住hornazo，hea多一陣就係時候上車走，顧名思義，呢個橋就係羅馬人喺Salamanca留低最重要嘅遺產之一




件hornazo 一句講曬唔太好食，我之前上網睇hornazo嘅圖片，同威靈頓牛扒有幾分相似，搞到我有啲期待

結果放入口，咬幾啖就開始口乾，佢完全冇任何有肉汁嘅嘢，上下嗰兩塊餅又係乾曬嗰種，不了




喺條羅馬橋上睇落去，下面條河畔因為有好多雜草，所以其實唔算靚


只不過，只要取巧啲搵啱角度，其實都可以影到啲過得去嘅相 無數旅行blog就係咁樣呃人㗎，我就誠實啲，其實呢條河真係唔算靚




食完hornazo (其實食咗半個就頂唔順) ，準備搭車走，跟住就出事了 睇我寫嘅遊記，突然出事係家常便飯，你哋要有心理準備


我本來預約咗blablacar走 (如果唔知咩嚟，我之前解釋咗，可以去望下)，但係去到約定地點，搵極都搵唔到個司機，我打畀佢，但佢英文太差又溝通唔到，我本身想叫佢whatsapp 我google map定位，但好死唔死咁啱撞正wts ig fb 全球大死機 豬克伯格！！！


跟住溝通唔到，佢勉強講咗幾句英文，大致上係話佢趕住開工，唔得閒等我，然後就開車走了

正常嘅巴士同長途火車嗰晚已經完咗，跟住我只好臨急臨忙睇下blablacar 有冇即時開嘅車，好彩俾我搵到一架車仲有位肯車埋我，如果唔係又要臨時book多晚酒店，甚至又瞓街

嗰陣真係好徬徨，但呢種徬徨嘅感覺，又只限於獨遊嘅時候先會體會到

終於上咗車，返到去了，沿途經過一啲好荒蕪嘅高速公路，望下個天竟然滿天星，個下全部煩惱都暫時消失咗，其實少少苦難有咩所謂呢



Salamanca 兩日一夜之旅，完！

多謝你

多謝你我會記住