(不定期live) 西班牙讀書歐遊之旅

一邊行旅行一邊溫書始終唔係好掂

近幾日要準備mid term 還債 暫時更新 閉關一兩日先

另外預告一下，今個週末會去Bilbao 畢爾包 搵當地一位巴打，下個週末會毒遊羅馬尼亞

一樣，歡迎留低任何建議


聽日開始慢速補返palma 行程

bilbao，睇你去唔去埋龍脊島Gaztelugatxe
周末去要睇清楚某d巴士/shuttle唔開。

lm 中伏

收到

喺皇宮對住河畔嗰個方向，有一條長廊，冇特登整街燈破壞氣氛，而係裝喺地下，非常好


喺呢個地方靜靜地行咗好耐，你可以話係冷清，但我覺得有種一個人嘅浪漫


左有一座標誌性歷史感建築，右有連綿不絕嘅一排暖色街燈射向河嘅倒影，望上天，有為數不少若影若現嘅星。我望建築又得、望開闊海景又得、望下天又得，全部嘢都係咁觸手可及，好撚舒服同自由呀！！！我愛獨遊！！

唔用射燈照住個建築真係幾少見.

我發覺Palma Mallorca呢度係一間連鎖超市都冇 西班牙本土任何一間超市都搵唔到，搵咗好耐先搵到一間小型超市

見到咁樣處理魚嘅方式，唔通就係地中海風情？
(其實我對所謂地中海風情冇乜概念，但本身想嚟感受下，但感受唔到)




唔知咩浸住嘅煙三文魚，我係超鐘意食煙三文魚嘅，見到新嘅處理方式就覺得興奮，唔理三七二十一，買少少式下佢




買返酒店，繼續喺露台到hea，份煙三文魚都係伏伏地，浸住啲唔知咩油好奇怪下

早晨！又出去露台吹下風，睇下海，望住一隻隻帆船係眼下走過，就會係到諗，每隻船有咩故事呢，駕駛者練咗幾耐呢，為咗咩目的出海呢？逃避、挑戰定係尋找平靜呢

一大朝早起身無耐就進入咗浪漫化狀態都係因為呢個衰鬼露台，個景真係無得頂，我差唔多係到扎個營架啦，裏面張床只係擺設





乖乖地温咗一陣書半個鐘咁大把，然後繼續出發，嚟到貝利韋爾城堡


由馬略卡王國所建造，我又係本身想搵下一啲所謂地中海風情，但諗諗下先發現，馬略卡王國同本土班人都係同一班人嚟嘅

就好似你想係國民黨嘅文化遺產搵台灣原住民嘅文化氣息，人唔笑狗都吠

入場費：4歐
學生 ：2歐
好平


現在，城堡裏面變成咗歷史館，但冇乜藏品，水牌多

我呢幾日狀態都唔太好，見到密密麻麻一堆英文字就會想訓 所以基本上冇認真睇過


城堡內嘅建築

上到塔頂，即刻大風咗好多，呢但景觀真係超出我想像，個城堡唔算高，但個地勢本身就非常高，當初行咗十幾分鐘先上到嚟

我身處嘅呢到，目光所及之處冇建築物可以同我視線平排，即係呢一刻我就係身處於最高點


當然因為呢啲度假小島，唔會起高樓，感覺真係唔錯，我已經係呢一個區域內，睇到最遠嘅境，最長嘅海岸線，最多嘅橙白色屋頂


當年冷兵器時代，搵到制高點非常重要，企係呢到一眼關七，敵軍喺邊到上岸都逃唔出你法眼，真係已經贏咗一半







冇帶航拍過嚟歐洲，google借住一張先

因為本身遲出門口，行完城堡，其實已經四五點，景點已經差唔多閂曬 冇乜嘢做，決再次撘巴士去市中心9行


順便一提，呢到巴士都真係貴，市內巴士一程2歐，去機場5歐，最衰仲要冇比遊客買嘅day pass，好似有啲包部份景點同交通嘅旅遊pass，但四十幾歐日 唯有每程都硬食 每一程巴士都夠入大西北了


等緊車去市中心嗰陣，見到有檔雪糕0.95一球，平到，即管試下佢，味道就普普通通，呢個價位我收貨嘅

但唔知點解，店員筆到咁樣畀我 你教我點樣食啦

去到市中心，都唔知有咩做好 呢個時候通常都係一個選擇，行去海邊

事實證明，呢個決定係非常正確 真係成世一行過對住海嘅最舒服嘅海旁之一，咁舒服唔得架，差一架單車就完美了








眼前呢一幕，真係無話可說，我記到依一刻



睇到唔記得咗時間，眼前景象好似好自然咁慢慢變成咁，好似係叫做火燒雲？點都好，真係好靚

無目的hea完，準備去食夜晚，今次準備同一位同樣西班牙讀書嘅絲打相認，之後幾日一齊玩


佢喺出發前幾日知道我去，就即刻買機票過嚟後join 好鬼即興，咁都正嘅


去到酒店附近嘅一間餐廳，見到價錢都唔錯就入去啦



呢條魚喺廚師聲稱自己釣上嚟我就唔信嘅，但味道又真係唔錯，可能係因為人地既野食永遠係好食啲



我自己嗌嘅豬扒，又係大伏 點解要落咁多汁，多到見唔到塊扒，大家就知咩事 又霉又韌，肉味就少少咁多，用啲汁點薯條食仲好食



西班牙式布甸，正常發揮啦



返到酒店，繼續以露台景色作結，本身想返嚟繼續做嘢㗎 但唔知唔覺又搞到咁夜，本身諗住今日hea住過，會多啲時間做嘢

今日行程結束

你塊豬扒係咪乾到食緊紙巾咁?

終於係約絲打

識叫一定叫雞/魚，伏極有限

不要再說了

你有汁都算係咁. 我食過無汁嘅, 自己落鹽+胡椒
好似西班牙嘅豬扒好多都煮到又乾又鞋...

呢個真，之前真係會醒水

明明佢啲黑毛豬咁好食

你有邊日唔中伏
btw筆雪糕條友高手嚟

景靚到仆街

有咩鍾意呀