(不定期live) 西班牙讀書歐遊之旅

見山寨凱旋門呢到咁旺，應該方便call車




一上到車，遇到一個好nice嘅司機，雖然佢英文唔太好，只可以講生字咁溝通，但感受到濃厚嘅善意，佢話鐘意聽到唔同人嘅故事，然後每一個人都開心咁離開佢架車，老實講有啲感動 離開個時大約要比32蚊，佢緊持只收30，然後講咗好多次safe flight

其實，或者只係我對首都有偏見，以高姿態當佢係東歐窮國。我以單單一兩日嘅經歷就判佢死罪，實在喺過於膚淺，一坐城市本來就好難二元對立咁評價話好與唔好。

可能首都係的確多啲對遊客下手嘅人，可能治安可能冇咁好，但我願意相信呢到民風本質係純樸嘅，只係我冇機會發掘首都呢到嘅好。






呢次旅程，遇到好多對我好同對我差嘅人，無論好壞與否，都至少係一個茶餘飯後可以攞出嚟吹下水嘅經歷。我幾鐘意呢個國家，羅馬尼亞，有緣再會。


獨遊羅馬尼亞五天之旅，完！

南法馬賽四日三夜之旅

嗱，今次真係live啦(暫時)


壞人航空



第一個印象，就係個機場真係好舊下，我記得就算之前去塞爾維亞、羅馬尼亞啲機場都靚過佢 小弟第一次去到法國，第一印象就但通咗少少，但機場唔代表啲乜嘢嘅





去到6號 platform，搭巴士出去，嗰部售票機即使揀咗英文，好多字都仍然係法文嚟 一程機場巴士仲要十蚊

好彩，叫學咗少少西班牙文，見到12-25 ans 會平啲，西班牙文嘅年齡係años，所以估都係同一個意思，成功買到學生飛，7歐搞掂

一上到巴士，覺得個巴士司機都幾惡，可能係因為太多客，搞到佢有啲燥底 前面有戶人同我一樣唔識法文，都繼續大大聲同佢講，唔知佢係唔識英文定係點樣



坐坐下車，隔離位突然拍一拍膊頭 無啦啦show咗張圖畀我，張圖係做緊拔罐 我偷偷地影，張圖應該好勉強睇到嘅....




原來佢係摩洛哥人，跟住佢好熱情咁樣係咁show啲圖畀我睇，我影低咗其中兩張，但佢英文都有限，淨係講到部分單字，雞同鴨講咁奇奇怪怪係咁睇佢啲相


摩洛哥特色甜品，2歐就咁大杯嘢



呢個係佢body guard，雖然唔係太睇得明佢講乜，但請得佢都有返下啲料喎



跟住就係show咗畀我睇佢間屋，有游泳池有大花園 跟住就係俾我睇佢屋企嘅種植園，佢話係同朱古力有關，但又唔係可可豆，究竟種緊乜我就真係聽唔明la



始終我而家喺西班牙讀書，而西班牙同摩洛哥都有好深嘅聯繫，所以又多少少計傾 第一次同摩洛哥人傾計，感覺都幾好，真係好對外人好nice咁樣，希望我將來有機會過去睇下，踩入非洲大陸，而家疫情就費事去了

咁樣影人部機人地唔覺得你好怪咩

終於live馬賽去幾多日

摩洛哥狗也不屌

4日，但實際上三日左右

原來一開始有寫miss咗

部售票機都有啲難玩，冇得touch screen，要靠兩個掣中間一個轆，去控制上下

72小時交通pass 10歐，正




中央火車站






雖然都有聽聞，但嚟到之後真係覺得，呢邊治安唔係太好，行行下突然見到爆咗玻璃，跟住有隻警犬(4腳嗰種) 喺度吠緊一個黑人，跟住個黑人即刻掉頭走

搵極都唔知馬賽有咩食好 有冇任何推介

想問下樓主 blablacar 係點用
Book 咗2次都失敗..
一次疑似撞到fake，cancel 咗個booking 但俾條疑似嘅link我去再俾錢
另一個就book完冇反應
係唔係要先問咗司機先再book定係點會順利啲

其實好似有，唔理了

Que coño

四百幾蚊晚，地鐵站三分鐘腳程，都ok呀

原本想趁black friday買平機票，結果都係搵唔到，啲垃圾公司淨係得個噱頭，實際上價錢都冇乜點變 算了，瞓覺去



轉眼就第日朝早，起身做一陣嘢就出發
呢度啲人好鍾意餵雀，但covid都唔驚，禽流感又點會驚呀



地鐵站，算係幾新淨同埋靚，但同倫敦一樣，一落到地鐵就冇訊號



搭到去舊港，沿住海隨便行下咁樣，見到有個市集，成個氛圍有啲似我兩年前去Norway 卑爾根咁樣，諗住同bergen一樣都係一個魚市場，即管入去望下




咁樣都要安檢使唔使呀

Cómo te va?

魚咩市場，完全都唔係嗰回事，純粹係任何喺海邊嘅商店街，都令我有幻想咁解



間間舖頭都係買呢啲嘢，係馬賽嘅著名特色嘢？我唔清楚，但我真係冇乜興趣呀，甚至老實講有少少恐怖










幾分鐘就行完出返去，行番個海港本身，好舒服呀 但如果海港冇咁多船泊係到就更好





行過見到幾靚，Google map就話係市政廳，唔知啦

bien

海邊啲餐廳真係有啲貴，兜咗個圈都搵唔到地方坐低 冇辦法之下打開tripadvisor，隨便揀咗一間排名第一嘅餐廳，Le Bistro Du Panier

開始理解到點解佢排第一



呢間原來係專食Berger，雖然我都鍾意食，但感覺上唔夠法國呀，第一次踩入嚟，想試下啲地道啲嘅法式料理


14歐，雖然有啲貴，但味道都唔錯，份漢堡牛扒做得幾好，七成熟左右，配埋啲磨菇煙肉



薯條都唔錯，見到啲皮就知，佢係真係薯仔榨出嚟，咬落實淨啲，好有薯味

遊客區真係好難搵食, 周圍都貴, 又唔知邊檔無咁伏.

所以橫掂都係伏 我寧願食間平啲嘅
就算最後真係中伏都唔會肉赤

試過西班牙嘅KFC都係伏. 反而麥記正常D.

應該同西班牙無關
香港都有唔少好伏嘅KFC

法國burger 出面㗎
以前香港開過間叫big fernand 都係法國開過嚟