游下游下,一時興起,不如就游埋過去前面無人島到睇下
,男船員幫手帶我同絲打一齊上岸,都係呢句,冇手機喺身好可惜,唯有上網搵下示意圖
遊緊上去嘅途中,雙眼所見嘅第一視角,就好似啲災難片,沉船之後啲人好努力游返上岸嗰個畫面
,電影畫面同我嘅視覺重疊咗
(示意圖)
上到岸,個男船員同我哋介紹,島土全部都係砂岩,其實同海床構造一樣,只係佢未畀水覆蓋,全世界嘅沙就係喺呢度出嚟,突發上地理堂
之後赤腳喺無人島到周圍爬嚟爬去,係有少少危險,但種感覺真係好正,係一種征服同埋回歸大自然嘅感覺
行到一個高位,大嗌叫仲喺遠處船上嘅女船主幫我哋影張相,結果佢竟然就咁影,完全冇諗過要放大,搞笑咩
(應該要喺幅圖度搵一陣先會見到我哋
)
我、絲打同男船員,呢張真係遮都唔使遮,直線自爆